翔壽司 (已結業)

今日同朋友去到尖沙咀一間立食壽司店，餐廳空間唔大，大約有10個座位，全部都係吧枱。壽司店入面用咗好多木材，壽司吧後面有一塊塊木牌介紹唔同嘅魚生，整個店舖嘅設計都非常有日本嘅風味。我同朋友叫咗一個炙燒壽司盛盒，一個三色手卷盛，最後仲要咗個精選刺身(二人前)。精選刺身包括三文魚、油甘魚、甜蝦、帶子同埋池魚。首先食咗味道比較清嘅池魚，池魚上面有碎葱同埋薑，先來嘅有薑同埋葱嘅味道，然後池魚既鮮甜就慢慢咁湧出黎。之後食咗油甘魚，油甘魚肉身甘甜，油滑幼細，餘韻籠罩着整個口腔。另外帶子亦都好新鮮，肉身爽，味道清甜。甜蝦好大隻，十分新鮮，蝦肉爽，而且非常甜，蝦膏更加係好正，回甘無比！最後三文魚好肥美，唔會有筋，而且切得好厚，作為刺身拼盤既結尾十分完美！炙燒壽司盛盒入面有5舊壽司，分別係炙燒呑拿魚腩，炙燒三文魚腩，炙燒左口魚邊，炙燒金線鯛同埋炙燒帶子。炙燒呑拿魚腩壽司好肥美，唔會有筋，入口即溶，先有炙燒既焦香，然後呑拿魚既油香就慢慢散發出黎。炙燒三文魚腩同樣肥美，壽司上面放左少少洋蔥粒，突顯左壽司既鮮味，更豐富左口感同埋味道嘅層次。炙燒左口魚邊一直都係我既最愛，熱力活化左左口魚邊既脂質，一入口就已經感受

尖沙咀係行街集中地, 好多時候餐廳都係好多三五成群入去食。 獨樂樂行街既朋友入去一啲高談闊論嘅餐廳，的而且確係有啲奇怪。 今次我自己去尖沙咀行街之際， 畀我搵到一間一人入去食嘢絕對唔會尷尬嘅餐廳， 而且餐廳位於尖沙咀嘅厚福街絕對地點方便。入到去嗌咗一個十件壽司餐同埋手捲set， 十件壽司係可以自選， 有魚生有火炙有熟嘅壽司。我嗌咗帶子刺身壽司，三文魚腩壽司，火炙左口魚裙邊，飛魚子軍艦，甜蝦壽司，深海池與壽司... 每件壽司都係即手扼出嚟嘅壽司， 所以刺身飯嘅溫度，同埋飯嘅軟硬度都啱啱好嘅。我自己最鍾意食三文魚腩， 因為食落非常甘香無論火隻定唔嗰隻都咁好食。我覺得手捲都好抵食88蚊有三件，分別有鰻魚手捲，拖羅蓉手捲，同三文魚手捲。唯一就係行街行到有啲攰嘅時候真係想坐下， 呢度係立食風格嘅， 想快啲食完把握時間shopping嘅人就啱曬

精選刺身（二人前） 💲138炙燒壽司盛合 💲118三色手卷盛 💲88✅ 由壽司師傅響你面前即叫即製 食材盡收眼廉 用料絕不欺場🚫✅ 特別推介炙燒吞拿魚腩🤤 油香豐富 保留到吞拿魚腩既精粹💎👅Taste：3.5/5💰CP值：3.5/5🙋🏻‍♀️Service：3.5/5👁‍🗨Stylishness：3.5/5

因為夜吃晚飯，也不想吃太多，見到這間立食壽司-翔壽司，反正未試過便決定試試。除了散點外，也有不少盛合供選擇。更有廚師發辦，價錢也不算貴。特上壽司盛盒 $250共有10件壽司，分別是三文魚籽、海膽、牡丹蝦、帶子、油甘魚、炙燒金線鯛、真鯛、深海池魚、池魚和拖羅。三文魚籽味道鮮中帶甜；海膽片片分明夠creamy；牡丹蝦和帶子也很鮮味；炙燒金線鯛燒到面剛熟又夠香；金目鯛新鮮口夠爽脆，三色手卷盛 $88分別是蔥拖羅手卷、鰻魚手卷和辣味三文魚手卷。蔥拖羅手卷加了芝麻和蔥，入口特別香，而吞拿魚蓉更是一直吃到底也有，亦夠新鮮。鰻魚燒得很香，口感鬆軟，醬汁不會蓋過鰻魚的原味。辣味三文魚手卷是三款手卷中我最喜歡的，除了因爲我愛吃辣，也因為調味真的調得很好，很香且辣度恰到好處，而三文魚亦切得大小剛好。餐牌上還有很多未試，下次想吃立食壽司又多一個選擇。

因為上回同朋友食左間難食所謂ｆｕｓｈｉｏｎ 菜，我地要立即轉場去食其他野洗洗個口，所以揀左呢間立食壽司。其實我都係第一次食立食壽司，感覺企係度食野唔係幾舒服，唔會想食好多。唔知大家係咪都會咁呢？🤣🙌🏻呢間餐廳環境好細，極度細，叫嘢食睇睇如何先！1）三文魚刺身（＄２４／２片），細細片，好彩唔算薄切。我要２片一齊食先夠喉。仲要有魚鱗送😮，唔知想點。2）北海道帶子刺身（＄５０／２片），帶子唔知點解一開２😮，就當自己係２片😧，所以我都係２片一齊食先夠喉。3）海膽壽司🤤😋🤤😋（＄３０／件），好濃郁，好有海洋既感覺，唔臭唔腥，食左＝賺左！4）蟹肉蟹膏軍艦🦀（＄３０／件），唔差，🦀但食完海膽壽司再食呢個，覺得冇咩味。5）鰻魚卷（＄４５），一客有３件，覺得幾抵，😋鰻魚肥美。6）火炙鰻魚壽司（＄３０／件），好肥美😻，夠厚肉😋，好正！7）火炙三文魚壽司（＄１８／件），豐富脂香油香，😅但略微過熟，亦無火炙應有的焦香。8）芥辣八爪魚手卷🐙（＄１５／個），😅平價塞飽自己首選，冇乜特別，就係芥辣八爪魚。9）枝豆（$？），枝豆啱啱整出嚟好熱，鹽巴喺外面，內在冇乜味。唔知係咪正常，以前食開嘅冇咁熱。總括而言，間野唔差

位於尖沙咀嘅翔壽司係香港少有嘅立食壽司店, 印象中立食一定有佢嘅過人之處, 否則又點能夠吸引到食客願意企喺度享用😛果然冇令人失望, 試過之後絕對係返尋味😋同朋友揀咗精選刺身二人前同特上壽司盛合, 餐廳仲有廚師發板, 三百幾蚊一位, 價格相宜, 但第一次食小試牛刀刺身係十級新鮮!! 係十級! 感覺就好似身處日本咁😋特別係油甘魚! 好肥美😍連平日唔係特別好刺身魚嘅我都覺得好正😋壽司盛合更加係冇得彈! 件件肥美新鮮! 個人最愛當然係海膽同牡丹蝦😍海膽好大件, 好肥美, 仲要有兩層! 非常大方! ♥️

好中意食日本料理，特別係壽司，連減肥果時都冇戒過壽司魚生🤤香港的立吞壽司越開越多，其實都幾貴，三四十蚊先得一舊，食左九件壽司要二百六十幾蚊，又唔覺得特別驚喜特別好要。呢間件赤貝夠新鮮就好食囉，其餘不過不失，海膽第一件好食，再叫一件試真啲好似唔夠新鮮，火炙左口魚唔夠厚身。勝在唔洗等位，立食食完即刻閃人。

廚師發辦 $380含：金目鯛、北海道牡丹蝦、平貝、火炙銀鱈魚、北海道海膽、火炙左口魚邊、生鯖魚、沙甸魚、腦天、大拖羅、葱吞拿魚腩手卷、麵豉湯。用料新鮮，使用時令海鮮，所以可能和餐牌上註明的有點出入。個別壽司如火炙銀鱈魚、生鯖魚和腦天都是比較罕見的。整體味道不錯，魚生鮮美可口。麵豉湯加入蝦頭，層次感豐富。對比起其他壽司店的廚師發辦，$380可以食到這個質素的壽司，算是化算。但因為立食，而且節奏較快，變相較難慢慢享受。P.s 海膽軍艦份量十足(見到太興奮，一啖食左唔記得影相🙈)。特上壽司盛合 $250含：海膽、三文魚籽、牡丹蝦、帶子、炙燒金線鯛、拖羅、深海池魚、池魚、油甘魚、真鯛。雖壽司的價位沒有廚師發辦的高，用料亦給得相對較少。但因為食材新鮮、賣相佳、魚生都大大件，食用後滿足感頗高😋總的來說，翔壽司的壽司種類多，而且用料新鮮，性價比頗高👍🏼

同男友未食過立食壽司🍣見呢間都係喎就入去無位坐既 所以都無點太多野食驚企得累🦶🏻其實叫既野一眼睇晒👀⭐️火炙三文魚腩壽司💲2️⃣0️⃣一件Menu寫得唔清唔楚😅以為1即係1碟$20一件既三文魚以為好好味啦🍣食落其實連鎖壽司店元X仲好少少😅⭐️三文魚腩壽司💲2️⃣0️⃣一件燒唔燒都係$20 一樣無咩咁特別🤔⭐️生蠔普普通通 唔係特別新鮮其實野食係過得去不過比錢時一眼睇晒既野食都💲1️⃣6️⃣0️⃣仲要坐都無得坐 企足成餐飯🤦🏻‍♀️唔係特別平同好食黎講出面仲有好多選擇🤔

早前在尖沙咀厚福街吃午餐，發現有新開張的鮨店，立即心動想試。這間立食鮨店平日食客不少，所以今天特地提前吃晚餐避開人潮。店子雖然唔太大，但裝潢簡潔企理，而站立的位置也頗為寬敞，沒有肩並肩的問題。今天點選了大路的赤蝦、深海池魚、三文魚、秋刀魚，亦有比較特別的吞拿魚腦天、筋子，還有火炙三文魚腩、火炙左口魚邊、蟹肉蟹膏和牛油果沙律。赤蝦$15赤蝦十分新鮮，蝦肉晶瑩，味道鮮甜，幾抵食。深海池魚$25深海池魚肉質爽彈，味道甜美，沒有太多的油份，口感清爽。三文魚$9三文魚色澤鮮眀，脂肪紋分佈均勻，頗為肥美。平日最怕吃秋刀魚，估唔到今次的秋刀魚壽司配上蔥花，不但沒有腥味，而且肉質纖細而柔軟。看到吞拿魚腦天，猜不透是什麼部位，原來是吞拿魚魚頭頂的肉，一條得兩片，不得不試一下。這吞拿魚腦天（$58）色澤紅潤，充滿油花，口感油潤而魚味特濃，而且完全無筋，正！是大拖羅以外的另一選擇。筋子大大粒，晶瑩亮澤，一放入口，甘香魚油在口中爆發，好吃。火炙三文魚腩$20三文魚腩經微微燒過，魚肉變得更firm，而且燒過的魚脂格外甘香。火炙左口魚邊$25左口魚邊在火炙後逼出油份，帶微微焦香，魚脂進一步融化口中，口感油潤，好吃

經常流連厚福街搵食，餐廳選擇豐富，而且久不久更會有新面孔。最近發現這裡多了一家立食壽司。小小店子一眼睇晒，有一張圍住師傅的枱，下單後望住師傅默默地製作。立食壽司也有很多不同款式選擇，而且價錢大眾化，也可以選擇一些套餐。魴鮄 $20真鯛 $20油甘魚 $20火炙左口魚邊 $25火炙金線鯛 $20火炙三文魚腩 $20辣味三文魚軍艦 $9鰻魚 $30芥辣八爪魚 $12軍艦壽司不吝嗇，辣味三文魚和芥辣八爪魚也是滿滿的。火炙金線鯛，左口魚邊也充滿魚油香。鰻魚壽司啖啖肉。其他的壽司水準也不錯。以生菜包住壽司飯和三文魚，融合泰式的元素，有新鮮感，口感清新。

近年香港都非常流行立食壽司，我個人很喜歡這種飲食文化，首先價錢比較親民，第二就算一個人去都不會覺得尷尬。今日我就去咗尖沙咀的翔壽司，聽聞師傅曾在米芝蓮餐廳工作過，食物有一定的品質保證。我點了一個精選刺身和鮪壽司拼盤。精選刺身包括三文魚、帶子、油金魚、池魚等等。刺身非常新鮮，帶子很鮮甜，池魚味道清甜，肉質爽彈！怪不得連日本人也很喜歡。鮪壽司拼盤：鍾意食吞拿魚嘅人一定要點呢一款壽司拼盤，因為裏面有大拖羅，中拖羅，赤身，燒吞拿魚面頰以及吞拿魚手卷。吞拿魚油脂豐富！入口即溶，口感難以用文字形容。燒吞拿魚面頰不是有很多餐廳有得食，非常特別！食過後絕對會令人念念不忘。

今個星期五，可以補鐘放五點，一個人無聊在尖沙咀The One行街行了二個鐘後，見開始肚餓，但同時撞岩食飯時間，到到都好多人。突然見到一間立食壽司，叫翔壽司，鋪頭細細，仲有一個企位，所以毫不猶豫入左去食壽司。雖然鋪頭細細，但餐牌亦都有很多壽司去選擇。經過一連串研究餐牌後，自己點了刺身同鮪壽司併盤，包括一盒刺身，吞拿魚壽司，手卷食刺身包括有三文魚，油甘魚，池魚，甜蝦和帶子。刺身是新鮮的,色水光澤。味道無腥，無霉味。翔壽司的帶子有驚喜，很鮮甜，值得一試再試。油甘魚都算厚身，好有咬感。主菜當然是鮪壽司，包括有大拖羅，中拖羅，赤身，面脥肉同腦天都是吞拿魚不同的部位。吞拿魚肉質軟身，有口感。如果大家有食開香港一般吞拿魚，都會知道會有腥味。而翔壽司的吞拿魚壽司，完全沒有腥味。新鮮！是我第一次在香港食吞拿魚沒有腥味的壽司店！最後，由一個蔥吞拿魚手卷作最後結束。以一個人的分量都說，會很飽，很充足！下次一定要試下師傅發辦！！

厚福街都有幾多餐廳呢條街原來又新開左一間立食壽司店相隔另一條街又有兩間睇黎立食文化都幾岩香港人呀可以隨時隨地食立食壽司，又唔會要等好耐立食壽司店多數唔會有好多位，大概十幾個企位左右大多數係L字形既擺位，望到壽司師傅仲可以同佢交流Tim呢間店仲有omakase 即廚師發辨不過我地今次無試試左另一張餐紙上既幾款壽司朋友同我都係海膽控叫左呢杯拖羅海膽杯係一個迷利丼, 滿足到我視覺享受有種滿到就快瀉既感覺呀上面鋪滿飽滿既三文魚子同海膽海膽色澤金黃，在海膽下面既係蔥吞拿魚蓉同醋飯先講海膽味道，食落入口即溶，鮮甜味美三文魚子脹卜卜，一點都唔腥嫁👍🏻炙燒壽司組合左起炙燒吞拿魚腩、炙燒三文魚腩、炙燒左口魚邊、炙燒金線鲷同炙燒帶子醋飯既酸度剛剛好，壽司也不鬆散炙燒金線鯛，把鲷魚微微燒熟及加上小量蔥更帶出魚既香炙燒三文魚腩豐富魚脂，仲張啲魚油迫哂出黎呀，魚香味仲停留係我口腔入面最後以三色手卷盛作結尾不過手卷真係要快點吃不然紫菜就會軟掉啦左起辣味三文魚卷/蔥拖羅卷/鰻魚手卷當中我最喜歡鰻魚卷，有點點炭火帶出既鰻魚香味

第一次食到這麼新鮮的壽司，真的要Share 給大家！這店位於很多餐廳的尖沙咀厚福街，店鋪細細，但是質素一點都不比大餐廳的差。而且這店是吃omakase，即廚師發板，由廚師揀當日最新鮮的材料讓客人品嚐。和朋友最後點了一份刺身和壽司。看看這刺身是多厚身，而且全部都很新鮮，很鮮味～油甘魚的油份都很平均，而大蝦的肉質都是很鮮的，欣賞！壽司最喜歡的是海膽壽司，超級鮮甜，一點都不苦，很好吃！而且壽司是很正宗的，刺身下已包了芥末。