翔壽司 (已結業)

放工去尖沙咀買野，咁岩又想食壽司，就去左厚福街搵食。呢間翔壽司細細間，好似幾有feel，就決定揀佢！所有座位都係面向壽司師傅，咁就可以直接由師傅serve你。店舖唔算大，但正正因為佢細細地，有種幾warm既感覺。.野食方面，我地自選十件壽司，都係$158，每款最多揀兩件。自選壽司既選擇都多，十件輕鬆揀，如果肚餓可以嗌12件，都係$188。另外仲嗌左一份精選刺身，兩人份量，$138，有5款魚生。.呢到既壽司同刺身性價比高，好新鮮。同下刺身，每款都係厚切，仲好鮮甜。鐘意食帶子既我完全係停唔到口，粒帶子超大粒，又好甜！另外甜蝦又係好肥美。佢既三文子刺身厚到有啲嚇親我，食完刺身已經好滿足。.壽司方面，佢啲壽司入面有wasabi，店員都會預先同你講聲，唔ok wasabi既可以同佢地講。wasabi份量適中，絕對唔係獎門人既辣辣壽司。每件魚生壽司都好鮮甜，魚既壽司一啲都唔腥！最surprise到我既係火灸壽司，啲魚燒一燒魚油出哂黎，入口即溶。食完成口魚油，有種依依不捨既感覺。

午食火炙set 加饅魚手卷喜歡米飯 緊密但保有每粒形狀. 饅魚手卷分量適中 肉質柔軟 口感有醬汁 不會太乾 . 壽司嚐起來是溫柔的味道 就像散步的感覺.炙燒隨呼吸於腔間縈繞 呷嚐一口週末裡的休閒 🪐🪐～個人認為茶水方面可以考慮一下 濃香味多一點的茶葉

今日經過尖沙咀呢一條食街，諗住食返啲日本嘢上網見到呢一間餐廳經常俾人推介。所以我哋就諗住入去試吓。 我哋入到去就揀咗$158 10件壽司呢一個套餐。因為佢有好多唔同款嘅壽司任你揀，但係每一款壽司最多淨係可以揀兩件。但係我食嘅時候都已經唔清楚自己嗌嗰種係邊一隻😂😂。因為我係一個淨係食貝殼類壽司嘅人，所以要揀10件壽司嘅時候真係完全唔知道點算好😂。所以我就本着一個嘗試嘅心態交晒比我朋友由佢發板。但係最後款款都好好食🤩🤩🤩 但係我想講有一個我覺得特別好食嘅就係赤蝦帶子同埋左邊魚。我想講左邊魚食入口真係入口即溶！我食嗰陣係心諗痴線！點解我好似feel唔到自己食緊一舊魚嘅感覺，而且佢真係入口即溶勁好食。而且我覺得佢赤蝦、甜蝦和帶子好鮮甜我超級鍾意😍😍 同埋建議大家去食午餐會比較好😂因為佢午餐會附送沙律和麵豉湯。同埋我哋嗰日去到都大約一點間餐廳都唔算好多人。但係過咗1:30之後就開始有好多人等位，所以建議大家如果要去嘅話可能大約一點左右就要去到拎位。

Sushi Time🍣•迷你三文魚三色丼•三文魚生菜包•芥末八爪魚丸卷•牛油果沙津手卷食物質素還好 三文魚生菜包好特別 喜歡迷你三文魚三色丼 有帶子 海膽 三文魚籽 細細碗 可以食好多款🍣

限聚令下，只可以6點前堂食。某星期六，就約朋友試下呢間小店，畢竟疫情下，唔想浪費風險去食低質迴轉壽司！呢間小店只有12個位左右，只限walk in, 排咗半個鐘先入得。嗌咗個特上壽司，一份二人前精選刺身同一個特選138元壽司餐。坐位有d迫，午市套餐包沙律同麵豉湯，沙律新鮮，而麵豉湯係有濃濃的三文魚味！唔逐一品評壽司了，呢間d壽司都幾新鮮，但冇一樣有驚喜，中規中矩，一定好過元x嘅質素，但手卷同軍艦嘅紫菜係林嘅，呢個要扣分‼️小店環境真係好迫，冷氣又唔夠，食完就可以即刻起身走。呢個價錢，都可接受！

行行吓街有少少肚餓，見到OpenRice好多好評於是決定一試，結果⋯⋯茶味唔夠、豉油好鹹、Wasabi唔辣唔係日本米、三文魚唔新鮮質素對唔上佢個價錢叫完第一輪已經唔想再食一句講晒，狗也不*

$380十貫？坐喺度唔係立食？夜晚又係呢個價？水準高嘅平價廚師發辦就係今日我介紹呢間翔壽司第一次黎呢間，雖然第一個印象覺得地方較窄，但細有細嘅好，一眼睇哂，五臟俱全叫左$380嘅廚師發辦，午市同晚市都係呢個價，抵食啦，最緊要有質素唔係俾垃圾你食以下圖片由上至下，按順序上，係沙甸魚腥少少外，其他都有水準，吞拿魚唔係腩位，係魚鮫位附近，一樣油香十足赤貝亦非常新鮮加拿大牡丹蝦亦好彈好鮮個湯唔太濃，淡咪啲啱我我一定會再幫襯

收藏已久的餐廳，誠意分享！尖沙咀厚福街，成條街咁多餐廳，要站立得住一啲都唔容易！翔壽司係一間好細嘅壽司店，本身做立食，但其後加咗啲櫈，大家就唔駛企係度都可以好好地享受壽司！每次嚟必叫香蔥吞拿魚細卷，三文魚壽司，魴鮄壽司。仲有一件好特別嘅壽司吞拿魚腦天，師傅話係吞拿魚頭頂果片肉，一條魚只有一小條，好矜貴！之前食過，真係好香，似toro 嘅感覺！但始終都唔平今次就冇食喇！介紹番今次食果啲先！係呢度叫咩都好有信心，樣樣都好新鮮！有日本嘅感覺，肺炎期間去唔到日本旅行，就嚟食下壽司止下日本癮先！

父親節同老公同仔仔食壽司，之前同老公食過”翔壽司“覺得唔錯，由於自己唔食生野，今次老公有仔仔陪就可以一齊食多d款，而仔仔覺得鹿兒島A4和牛壽司最為出色,老公就覺得平政腩壽司最特別，除此之外,佢地對灸燒壽司同刺身都讚不絕口,以我覺得最特別反而係,北海道生食粟米

唔想食元乜千乜，所以試吓小店。叫咗中吞拿魚腩刺身同大吞拿魚腩刺身，中吞拿魚腩一啲都唔好食好失望，眼見我以為係赤身🤢大拿拿$78兩件但係貨不對辦。大吞拿魚刺身都肥美不過無乜魚油香，我覺得麻麻。我覺得最好食北海道海膽同燒左口魚邊壽司，海膽夠甜。左口魚燒得夠靚，入口即溶，極度推介！其他壽司好似都唔係太新鮮，味道一般。其實舖頭都比較細所以坐得有啲迫夾。師傅放碟嗰個壆位同枱邊太貼近，壽司好容易會掂到邊位，好唔衛生，所以寧願接着師傅個碟然後放落自己張枱度好過。overall 試過一次就算應該唔會再專登嚟食。

尖沙咀厚福街超多美食餐廳係人都知，假日多人到要排隊食飯就難所避免。我地兩點幾經過呢間翔壽司竟然唔洗排隊，於是望左幾望MENU好似唔貴又幾吸引，然後馬上入左去。小店唔大只有BAR枱，一眼望唒，多人嘅話真係會好快爆客。入到去店員有幫我地量體溫及提供濕紙巾，注重衛生，唔錯望住眼前ge 刺身口水都就黎流出來啦。所有刺身都用保鮮紙包住，保持新鮮。望落每一樣都好新鮮肥美我點咗一碗三文魚子丼，我覺得$58 來講份量算多。三文魚食落新鮮肥美，脂肪分佈平均，三文魚籽冇太大腥味，粒粒晶瑩剔透，一咬爆汁，送飯一流，好正女朋友點咗一碗角切魚生丼，魚生分別有三文魚，吞拿魚，油甘魚。份量都多，一粒粒切得好厚。魚生鮮甜美味，小三文魚籽佈滿飯上，望落超吸引。另外仲點咗一個芥末八爪魚手卷。店員好好提我食咗手卷先，因為紫菜易淋。芥末八爪魚爽口彈牙，芥辣味濃郁，但唔會過份嗆鼻。手卷飯量適中，因為係午市套餐，兩個丼飯都跟麵豉湯加沙律。麵豉湯好飲沙律就普普通通冇咩特別。

星期四晚同朋友去食等位既人唔算太多，不過因為店內坐位唔多，所以都等左around半個鐘！入到去見到餐牌既價錢已經好吸引，$188@12件壽司，所以我地點左24件再加2件海膽壽司佢每12件大概就係咁擺～好有質感其中點左左口魚，食落口係入口即溶超級推介大家去試下而吞拿魚同三文魚腩都好好食海膽就正常，$48/1件其他就不過不失服務一般，冇得特別，好少機會同店員互動Overall係好滿意如果有機會，我會再去試下其他壽司

尖沙咀厚福街係該區來說其實挺特別, 小店居多而各俱特色。太長時間出有出外用餐~ 今次走到來<翔壽司>, 特別期待!!舖面一目了然, 只有幾個坐位, 因為受疫情影響, 店內都放有膠板做隔阻而且是由師傅直接將食物遞上, 所以也很安心。我倆二人點了份特上壽司盛合及自選10件, 而自選10件之的款式是跟set有大不同, 以大拖羅為例, 要是跟set又或者散點了。那我們可以share食, 各取所好! 盛合中, 特別欣賞的有海膽, 炙燒金線鯛, 深海池魚及大拖羅而自選當中, 出色的有火炙左口魚邊, 魴鮄及真鯛所有壽司都好新鮮又清甜, 暫時可以一解去日本食壽司的口癮!

如果唔係朋友介紹，應該都唔會黎呢間壽司店。裝修好日式風格，只有bar枱，適合1-2人結伴黎食。menu選擇唔算多，倒是方便左我呢啲選擇困難症既人，通常每次揀壽司都花好多時間。刺身食材就咁display出黎，可以睇完再落單，睇落大部分都新鮮肥美，睇到流哂口水！特上壽司組合（10件），一口氣可以試到唔到既魚種，有啲平時根本唔會叫，算係食壽司set既一種樂趣。份量好足，影相又好睇，呢個海膽杯絕對係必食之一。

公司終於back to normal，的起心肝去攪吓一頭雜草，一坐就4個半鐘。既然係尖沙咀，又咁啱泊到錶位，就搵吓有乜好嘢食。上開飯搜吓，搵到呢間係厚福街嘅日式小店。開頭睇開飯profile picture以為係立食，原來有位坐嘅。兩個人點咗杯大生啤，12件任選壽司，二人前刺身拼盤，同三文魚手卷。手卷賣相一般，所以無影。其他食物味道同性格比還算不錯。啤酒好夠凍，炎炎夏日very good！小店應該係為咗轉枱快，上菜好快，所以一陣風就食完走人。出到門口，7點左右，已經好多人等位了！