群記牛肉圓豬手

營業中

休息中

相逢恨晚的豬手，為自己舌頭找到最好味啲豬手😋 軟硬適中，不是稔到骨肉分明而是皮有彈性，肉是保持質感而有味，筋有咬口，骨還吮到骨髓的味道清清得黎又够味，再配上醬料就變得野味😁這豬手會使你食得好專心，好滋味👍🏻值得再食再食！PS👇🏻豬手牛腩米卷件

從來都冇食過咁好食嘅豬手，湯底冇得輸加上食豬手必須要加枝忌廉，配合埋炸卷，簡直就係回味香港以前嘅風味，我只可以講，呢間都係10個like ，仲有碟超級辣醬， 配合得天衣無縫

呢間真係粉嶺必吃。必食嘅包括豬手、牛丸同炸卷(星期六日公眾假期食炸卷就真係睇你彩數)。豬手雖然清湯煮，不過又無豬酥味，而且又夠淋。牛丸細細粒夠彈牙，炸卷其實就係咸牛肉炸腐皮卷，腐皮夠脆，同咸牛肉又好夾，所以都真係好好食。個人建議叫碗牛丸麵再加一碗大嘅淨豬手就最理想。

朋友帶我黎食聯和墟馳名豬手豬手不會油膩，雖然係清湯，味道不會啖，咸香入味，配上辣椒油，真係好正細牛丸米牛丸普普通通，唔覺得特別出色星期六中午食客很多，炸牛肉卷已經售罄，下次唯有再早啲到

聯和墟多野食相信都好多人知，當中群記更加係表表者，甚至有唔少人特登跨區慕名而來，今日就黎試試佢😍基本上做開街坊生意都係自己衝入去搵位坐然後落單，野食唔多餐牌係牆上面。兩個人食分別叫左個大牛丸米粉同埋大豬手米粉，加多左個牛肉家鄉炸卷share食😬個人覺得細碗係唔會夠食，所以多數都係叫大碗😋上到黎相信第一個感覺就係好多餸，基本上成個碗面都會係餸🤪牛丸係細粒版非常彈牙，食到好似魚旦咁，但牛香就充斥著係口腔🤤豬手同樣鋪滿碗面，真係想像唔到幾十蚊可以食到咁多豬手，味道就吸哂d湯既胡椒香，需然海量出貨但都煮得好軟身，但想食就記得早d去啦唔係會賣哂🤫有d人食群記必然會提起呢個辣醬，想要好簡單就係自己出去拎，佢會放哂出黎，不過我就唔食辣既所以就冇產到啦，但唔食呢個辣醬都依然覺得群記高質👍🏻👍🏻最後係呢個家鄉炸卷，表皮係腐皮包裹住豐富既牛肉，咬落真係啖啖牛香同感受到佢既實在感，又係抵食之選，不過兩個人食哂就有點滯...😅

群記係聯和墟既老店，咁多年黎一直都係咁樣。馬會隔離，唔做晚市，下晝逼爆，豬手一陣就賣哂，入面得風扇冇冷氣。而最重要既味道，亦都係咁多年都冇變。佢既豬手唔係南乳都唔係滷水，係好似白烚咁既樣，所以聽唔少人講都話唔明點解有咁多人食。佢個樣係白洽，但個味唔止白洽，佢既豬手冇咩異味得黎又有陣咸香既味道。豬手冇肉既地方，係爽口，有肉既部位，d肉又會又林又嫩。但最重要，同埋我覺得佢好食既地方係，佢既啖啖肉豬手一配上佢地既辣椒油就係perfect match。豬手雖然本身都咸，但都唔算好濃味，而佢個唔太辣得黎又夠香夠咸既辣椒油就可以再將個豬手帶上更高一層。佢menu冇咩選擇，應該係話都唔需要咩特別既選擇。而佢既侍應對食客都有一種，岩食就坐低、唔岩食就過主既態度，所以黎得食就預左係咁。佢有牛腩牛丸炸卷果d，之前食過，就唔覺得有咩特別，所以之後都係黎食豬手。但要食，都係要好彩，因為賣哂通常都唔會等。

每次黎呢間都好多人，如果堂食要自己搵位。同埋我每次都太遲，所以炸牛肉卷真係次次都食唔到，今次去到竟然仲有，唔想自己搵位既我，就買左外賣。一份炸牛肉卷係$35，一份有12舊。我充滿期待咁買，一路返家都好期待，但一開黎睇，其實已經覺得有d乾，不過我仲係期待既，始終咁多次都食唔到嘛。可惜，一咬落去，都幾失望，同望落去一樣咁乾，乾到個喉要即刻飲返杯野。仲有就係一d冇口味，一d又太咸。牛肉味都唔太出。唯一可以讚既係都真係足料。所以如果再去都係食返佢既牛丸麵就算了。

絕少响新界區活動但群記嘅豬手我想試好耐㗎啦既然嚟到，當然係一次過食哂豬手，牛丸同炸卷啦味道同想像中一樣，係好味嘅，不過最好味一定係佢嘅辣椒油閒日12點前去到都唔洗等位，但一到12點人群即時出現了

今日同朋友一時興起，老遠搭車入嚟朝聖一下呢個粉嶺嘅鼎鼎大名豬手牛丸群記。嚟到門口已經見到好多人，佢個裝修簡直係襯得着懷舊呢個名，餐牌係用毛筆寫嘅，個門口殘夠到不得了，好正好有風味，哈哈。🤣🤣講返主菜，梗係就唔少得牛丸同埋豬手啦，叫咗一個牛丸，一個牛丸麵，一個正豬手。牛丸爽口彈牙，又唔會有好多筋，啲湯亦都好明顯係咬出嚟嘅，唔係一般嘅味精湯。如果豬手，煮得好琳，佢唔淨止有膠質，仲有好多肉添！非常非常之好食。👍🏻👍🏻👍🏻👍🏻總括來講，今次真係不遑此行，老遠入到黎食到呢個牛丸同豬手簡直不負所望！😋😋

每一次去到粉嶺，總是心思思想去聯和墟食下嘢，當中最喜愛嘅就係呢一間，記得以前細個黎，如果係星期六日公眾假期，基本上2點前乜嘢都賣清光，好彩今時今日你4點左右到都仲有機會食到豬手。呢間嘢長期一大堆人等位，如果無人等，即係可能只賣淨牛丸。入到黎，豬手係必食嘅，由於係清湯豬手，所以肉本身一定要好，因為唔似其他嘅舖頭有機會用個濃汁遮掩啲肉嘅缺憾。佢嘅牛丸細細粒，好彈牙，都好食，所以我通常會叫一碗細牛丸米再加一個大嘅淨豬手。至於家鄉炸卷，入面係類似咸牛肉黎嘅，由於工序多，所以一多人就唔做，我嘅經驗係平日去先至食到，放假去就最好中午12點前到啦，否則都幾難食到。

好出名既群記豬手懷舊店舖食過好多次味道一直無變👍🏻牛丸同豬手都係必食🤘🏻一定要配埋個辣椒油炸卷第一次食個人覺得麻麻地，略咸肉質太散，一般由於店係舊式無冷氣會食到出哂汗😆但係確實有一番風味🥰

聽講粉嶺聯和墟呢度有好多必食美食，今日渣車去粉嶺掃街。第一站去咗群記食豬手麵，佢個餐牌唔係好多選擇，同埋唔會知自己食咗幾多錢，因為個價錢係用中國傳統數字來寫，完全睇唔明。餐廳好友舊式風情，但夏天梨都幾熱，只有風扇。搵為方式都有啲似傳統酒樓架，自己行入嚟等位，有位就坐，坐低就叫嘢食。我哋樣樣都叫啲，當然唔少得呢度最出名嘅豬手。佢個豬手望落去冇乜顏色，但係處理得好乾淨，無豬味，鹹鹹地d肉又爽，又幾好食。我哋仲叫咗牛丸米同埋牛腩米。見到餐牌有個叫酥炸牛肉卷，未食過又叫梨試吓。牛丸同牛腩冇乜特別但係好食嘅，食粉麵呢度最正係佢啲辣椒醬，香得來唔係好辣仲好惹味。高牛肉丸就用腐皮包住啲鹹牛肉嚟炸。

今時今日當你搵到第一桶金或者成功嘅秘訣，你會做啲咩？當然係開分店啦，但係群記嘅一眾叔叔嬸嬸並唔係咁睇喎，佢哋選擇將個地方保留比自己然後要所有食客搭車過嚟定期朝聖。冇㗎啦如果你想食群記你就要預咗冇冷氣態度差但係你又好想食佢啲豬手佢啲辣醬。

呢個豬手米粉，真係油細食到大，佢個豬手麵份量真係太多啦，佢唔係傳統嘅豬手煮好林，以佢嘅豬手係帶啲鹹香爽脆以佢嘅湯底我相信係由煮完豬手之後用來做湯底，佢嘅辣椒油係佢獨有嘅味道真係會食到上癮！

很久沒去群記！夏天去群記是一個挑戰🥵，在沒有冷氣的情況下，吃著辣油流著汗，背後再站著等位的人，著實不是件享受的事！見今天中午天陰☁️，應該不會太熱，所以去吃碗豬手麵，來群記不吃辣油是件怪事，因為他們的辣油又香又惹味，我本身是不吃辣的人，但來這兒也會吃，因為沒有辣油點綴，味道差很多分數！今天來到，第一次遇上牛丸沒有供應，所以不能點「丸手麵」，可惜！幸豬手依然好味，沒有碎骨，如果肉質再軟一點會更好！辣油本身不太辣，但遇上我這種完全不吃辣的人就不同了，最後我連喝了兩支忌廉🙈🤣！