羅東肉焿番

營業中

休息中

今日同咗媽媽去食飯 呢間舖頭我經常幫襯 同屋企人呢就第一次閒日夜晚竟然唔使排隊有啲驚喜喎首先叫左個夜市鹽酥拼盤 入面既鹽酥一口雞 細細粒炸得夠曬香脆 一啖一粒好夠過癮 香芋海鮮餅有啲驚喜餅底好似蝦丸咁彈牙有咬口 入面竟然包咗芋頭肉粒粒 口感非常有層次 甜不辣 煙煙靭靭 四季豆 略嫌過油牛肉湯麵套餐轉白飯 湯同飯分開上好細心 湯底有台灣夜市嘅味道 牛肋肉炆到好冧 用嚟送飯一流羅東肉焿湯米粉 湯底較為傑身有淡淡嘅鮮味 入面嘅肉外表似豬肉 口感煙煙靭靭又幾得意 入面加埋筍絲 芫茜等嘅配料 好夾無糖高山茶 味道清新 茶香濃郁

今日放工返屋企經過呢間望落平平無奇但充滿驚喜嘅台式餐廳 -羅東肉焿番 ~~於是乎就入去食左當去左轉台灣 !!我同同事叫左一人一款招牌菜式 💕💕滷三層焢肉套餐 同埋牛肉湯套餐 再加一份肉鬆芋泥吐司同一碗仙草芋圓滷三層焢肉套餐包左三粒肉丸 再加一碗激多餸嘅焢肉滷肉飯同一杯古早冬瓜茶~~而牛肉湯套餐就係牛肉麵 側間仲有啲酸菜做配菜 酸酸地辣辣地 勁開胃 另外加$10就有一枝樽仔奶茶🥳🥳肉鬆芋泥吐司整得勁靚 岩哂鐘意食芋泥嘅人打卡 勁足料都只係$42 超抵食💓💓仙草芋圓有爆珠 珍珠 仙草同芋圓 4種唔同口感嘅topping加埋一啖食 勁好食😋

估唔到鋪頭無咁近市中心，但都超級多人，不停有人買外賣/排隊等入座，我同朋友兩個人去，都幾好彩，好快就等到位。我地叫左1號羅東肉焿湯餐，肉焿湯+魯肉飯 配杯飲品，個湯有d似魚翅果種質地，但又酸酸甜甜 好開胃，個肉煮得好淋，而且都幾入味，咬落好爽口，一啲都唔痴牙。冬瓜茶清熱滋潤，甜度適中，炎炎夏日最佳之選！魯肉飯好有驚喜，好香口，入面竟然仲有滷豆皮，配埋香香軟軟既珍珠米，超級好食！之後我地仲叫左仙草芋圓1號，芋圓好煙韌，似係手工整既，有淡淡芋頭同蕃薯味，配埋棉軟既紅豆，涼浸浸既仙草同爽口既海藻水晶，一路食一路讚不絕口，下次一定再黎試埋其他芋圓！最後我地未食夠，決定試埋餐廳推薦既芋泥紫薯吐司，果然好好食！塊toast烤得啱啱好，外層香脆，裡面鬆軟，芋泥紫薯餡又唔會死甜，絕對唔係溝粉果種，好真材實料，而且餡超級多，一咬就流哂出黎，呢一餐食得超級滿足啊！

外邊下著雨一坐下店員隨即為客人端上一杯熱水真的很貼心難怪咁多人幫襯.《肉鬆芋泥吐司》足料爆餡的芋泥肉鬆吐司軟綿既芋泥入口啖啖芋香超級喜歡芋泥和肉鬆這個配搭咸咸甜甜好好味.《香腸魯肉飯》魯肉滷得非常對味而且肥瘦適中油份滲透落米飯之中 很好下飯加埋台灣香腸一齊食味道更豐富.《乾拌麵》冇飯癮的朋友可選擇點乾拌麵熱騰騰的拌麵麵質Q彈佐上招牌的魯肉另一無得輸的招牌傑作.《一口鹽酥雞》鹽酥雞炸得外脆內軟食落鹹香酥脆口感唔油膩一定一定要襯熱食.《檸檬風味烤雞腿》酸酸甜甜的檸檬烤雞腿外皮油亮酥脆內層肉質軟嫩多汁超開胃.《古早冬瓜茶》清甜冰涼的冬瓜茶很潤喉食完煎炸野一定要叫返杯清涼降火

太耐無去旅行，好掛住台灣野食！今日嚟到元朗羅東肉焿番，舖頭細細間，估唔到又幾有台味喎~主食方面佢有套餐或單叫。我就叫咗3號綜合丸湯餐，有綜合丸湯同滷肉飯。野飲包咗冷泡無糖茶。綜合丸湯有d油葱酥係入面，令個湯好香。滷肉飯加咗$5加大，呢到既滷肉飯好特別，有d炸豆腐卜既絲係到，佢地索晒d滷肉汁，所以食既時候就會有d爆汁既感覺~仲叫咗台灣牛肉麵湯底辣辣地，牛肉好入味又夠啉，麵同牛肉份量都多。值得一提既係餐牌上寫佢用既麵條係手工麵條，食落真係比一般麵條彈牙。小食叫咗份一口鹽酥雞，大小真係一啖一舊。大份得嚟都炸得好酥脆，唔會好硬或者炸皮唔均勻既情況。調味好台式，好重充滿椒鹽味！最後當然唔少得台灣仙草芋圓啦！有四款揀，我地飽飽地就叫咗3號芋圓。入面有三色芋圓、仙草、波霸白玉珍珠同爆爆珠，加咗$15要手工芋泥。成碗味道唔會係死甜，有陣蜜糖味！芋泥好大一球，係種有d口感既芋泥，非常建議加喔！芋圓好煙韌，食落都有淡淡既番薯味。呢一間性價比真係幾高既台式餐廳，兩個人食都係二百蚊左右，其實仲有各款芋泥三文治都係三十幾蚊，有機會再嚟食😋

元朗有一間台灣料理小店，非常有在地風味，而且價錢相宜，所以很多時候都要排隊才能吃到。選了3號綜合丸湯餐，綜合丸湯有貢丸和花枝丸，沒有粉粉的感覺，咬下去有香濃的味道又彈牙。湯底比較濃味。配上小的魯肉飯，這魯肉飯應是我在香港吃到的TOP3，魯肉煮得細膩有肉汁，絕無硬綳綳，拌飯吃有種吃到台灣味道的感動，還有半隻滷水溏心蛋。追加了燙青菜，是灼生菜，因為添加了魯肉汁，令賣相吸引了很多，補充纖維。另外叫了肉鬆芋泥吐司，芋泥香軟又不會太甜，配上鹹香的肉鬆，加上脆身的多士，完美配搭，對芋泥真是無法抗拒。

肉鬆芋泥吐司 $42見呢間嘢喺網上幾多人推薦咪去試下。點知芋泥無咩芋頭味，得個甜字，雖然肉鬆夠香口，芋泥同肉鬆比例好好，亦有爆餡效果，但整體吐司偏乾，脆但唔熱，唔推介。

元朗這家羅東肉焿番， 開店以來一直很有人氣，晚上無論堂食或外賣，仍然有很多捧場客，我也不例外，不能去台灣旅行，也要吃台灣美食！這晚十分肚餓，要盡情的吃。2號乾拌麵餐$67, 有綜合丸湯和乾拌麵。這裏的乾拌麵配有芫茜和微微辣醬味道，配合滷肉，夠咸夠香，更加惹味，喜歡滷肉的肉碎非常大粒，又很入味。乾拌麵的麵質非常堅韌有彈性，口感極佳，而且份量也不少，喜歡吃麵的話要試試這上佳的口感。3號綜合丸湯餐$61, 有綜合丸湯和滷肉飯。滷肉飯上面的滷肉醬，像肉餅這麼多，見到都高興了，朋友也吃得十分滿意，而且有半隻糖心蛋，像多了一款餸呢！綜合丸湯，當然有這裏最出名的花枝丸，還有墨魚丸和貢丸，花枝丸裏面的花枝粒粒很煙韌，丸爽口得不得了；貢丸有麻油香，爽口又有冬菇味，這兩款是我最喜歡的；而胡椒味的湯底，微微鹹味，也喝得很開胃。套餐包括一杯飲品，可選古早冬瓜茶或冷泡無糖高山茶。我們兩個套餐，就兩款飲品都試試。古早冬瓜茶味道微甜，有冬瓜味，感覺很清熱又滋潤，吃完煎炸食物喝它最適合。冷泡無糖高山茶味道也不錯，很有茶香，雖然無糖，但茶味足夠香，在口腔迴盪，冷泡茶在夏天飲很消暑呢！見朋友的滷肉飯有半隻糖心蛋而我沒有，

懷念台灣美食，現在只能在港找一些有質素的台灣食店，今天到了鳳翔路既羅東肉焿番。門外有很多人排隊，可見受歡迎程度👍招牌肉焿有台式辣椒醬配上香菜、肉塊、筍絲等等，又香又辣，很開胃👍招牌鹵肉飯用上五花肉碎，有濃郁的五香粉味道和豬油香。和台灣夜市吃到的一樣。烤台灣腸，甜甜的台灣腸加上自家製的蒜蓉醬，非常邪惡的小食。招牌芋圓糖水這個是必點的食品，用上仙草，紅豆，水晶粉，芋圓等等，又Q又彈。滿滿的一大碗。基本上晚市時候都會出現排隊朝，一般輪候都是20分鐘便可以，很不錯呢。

第一次食，叫左兩份雞扒肉燥飯食物唔錯，份量價錢都可以接受，本來見到食評唔錯打算一試，但職員態度令我唔會再食第二次，希望老闆除左食物質素外，都好好監察下員工的工作態度。

晚上9點鐘last order, 台菜愈賣愈貴, 元朗呢間台灣餐廳一向有人氣, 食物亦別具特色, 芋泥多士十分懷舊, 十多年前香港的台菜主打正是厚多士和花枝丸麵, 時至今日, 瘋台灣就是瘋木薯丸子。於是, 未食正餐率先點了熱黑糖芋圓, 有紅豆和白玉波霸, 煙韌順滑, 糖水啡黑有光澤, 比一般糖水甜, 名符其實的甜湯👍焿、羹同義, 台灣常見的勾芡小吃。 羅東舖在台歷史猶久, 絕無分號, 元朗難得一間。 肉羹芡汁雖然偏渴, 但順滑易入口, 有少量醋和香蔥調味, 湯內有五塊手指大小的普通豬肉。🐷鹽酥雞乾拌麵,台灣麵煙韌, 醬料別有風味, 不是一般滷肉, 似腐皮肉絲混合物, 微辣, 炸雞粒偏細, 調味足但口感不濟🐔

可能外賣，路途有啲遙遠，返到屋企炸嘢已經冇咁脆，加上個盒內有水氣，嘢食有啲濕濕地，相比之下（甜不辣同鹽酥雞，但鹽酥雞有啲硬同較鹹），古早味炸雞卷係最好食，可能唔係酥炸，唔太影響囗感。肉焿湯肉好腍，湯底唔太鹹，好味。而魯肉飯肉粒唔多肥膏，醬濃咗啲，要連白飯一齊食但整體都ok。價錢方面，雖然外賣有折，但折咗要兩百幾，可能叫咗三份小食，除開個價錢覺得有啲貴，相信堂食會好食過外賣，由其炸物，不過都會再回頭。

想晌香港食返碗古早味肉焿湯相當有難度任台式小店開得成巷成市賣肉焿的地方真的少之有少想食台灣好滋味? 一齊跟小編入元朗喇.《羅東肉焿米粉湯》濃稠的肉焿湯就像碗仔翅 但湯汁更帶肉香內含芫荽、蒜蓉醬、秘制辣醬同烏醋拌勻後帶微微的酸辣 食起來更惹味更埋台灣的新竹米粉 滋味又飽肚.《魯肉飯》香噴噴的魯肉飯帶濃郁醬香油份滲透落鬆軟的白飯配埋那隻滷得完美的糖心蛋 很好下飯.《夜市鹽酥拼盤》炸鹽酥雞、甜不辣、四季豆食得多鹽酥香芋海鮮餅有驚喜的感覺食落口感Q彈像魚餅 中間帶芋蓉咸咸甜甜卻又出奇地夾.《台灣牛肉湯麵》香濃的牛肉湯配上手工麵條 爽滑彈牙牛肉用上牛腩部位 油脂豐富而且肉質結實.《仙草芋圓一號》三色芋圓煙煙韌韌 配蜜紅豆同QQ的海藻水晶冰凍的仙草由口腔滑至喉嚨 涼涼的好舒服🧊🥄.《冬瓜茶》夏日炎炎點少得去台灣必喝的冰凍冬瓜茶甜甜的好滋潤既感覺 消暑解渴

元朗開左一間超人氣的台灣小食餐廳主打特別的吐司，OREO/肉鬆/麻薯 x 紫薯的口味~~~紫薯愛好者當然要黎朝聖la餐廳不太大，卻常常爆滿，可想而知有幾吸引啦！呢度大部份的臺灣美食都有~~絕對可以係疫情期間，去回味下去臺灣旅行的滋味呀~~<<4號 滷三層煙肉套餐>>已經包含: 飲品+綜合丸湯，自家酸菜，木耳絲，青瓜，滷肉飯$70 呢個價錢超級抵食ar~~厚切的煙肉，半肥半瘦，入口軟淋淋~~ 滷水香味已經滲透全塊肉身，每一口都很有味道綜合丸湯，湯底夠曬味，牛丸好彈牙~~另外，我地order了2款小食^^分量係大到可以小食當正餐ar梅甘地瓜條睇圖都知道分量都幾多啊，而且條條厚切，甘甜又討人喜愛~古早味炸雞卷外皮是煎炸的雞皮，很是酥脆~~肉質很新鮮彈牙，有肉汁流出配埋獨特的辣醬別有風味呢~最後壓續出場!就系點解會吸引我呢D九龍ge人黎朝聖的美食芋見紫薯吐司飽滿而超級厚身的内餡深色部分的都是紫薯~甜甜的而有不膩而白色部分居然是麻薯~口感煙煙韌韌的再加上用鐵板哄的吐司面，3樣野合起來非常match ^^下次再黎要食埋其他口味的吐司先得~~~例如 OREO/肉鬆 x

81蚊 咁既樣 實在太頹吧😅 魯肉汁有點太多 太咸 炸雞衣有點太厚 食唔到雞肉 成日經過見好多人排隊🤣 真係唔明點解😂😂發覺竟然同你妳係同一個老細開 不過相差太遠吧🤨好失望