羅東肉焿番

營業中

休息中

今日點左既係自選午餐, 有好多唔同既選擇, 價錢唔算平但係超多野食魯肉飯超大的一碗, 而D魯肉超好味, 又多汁而且唔會太咸雞槌+花枝丸估唔到都幾大個, 兩隻雞槌, 加上3粒花枝丸, 作為小食既都算唔少, 而且好新鮮好脆口D糖心蛋好味到再ENCORE, 入面真係超流心的!!肉鬆芋泥吐司黎到呢度必食既一定係呢個吐司, 入面滿滿的肉鬆加上芋泥, 兩個味道完全唔一樣但係勁MATCH樽仔奶茶呢個亦都係呢度既特色, 同另一間出名既你妳合作推出既奶茶, 甜得黎又幾好味, 值得一試

今日食既呢一間餐廳係位於元朗既台式餐廳, 12點開門, 未開門已經有好多人等緊佢開, 就知呢間係幾出名店入面既座位唔算多, 但係都坐得幾舒服我點既係台灣牛肉湯麵, 小食係鹽酥雞, 士林香腸, 配一杯無糖高山茶一大碗的湯麵, 加上約5-6塊既台灣牛肉, 一定係飽肚的牛肉既質素唔錯, 幾有咬口而且好入味, 麵都幾彈牙, 整體黎講都唔錯芋圓2號有幾個唔同口味既芋圓可以揀, 而我就揀左2號, 白色小丸子, 水晶同芋圓, 芋圓超讚, 超彈QQ的

🥢羅東肉焿番🥢🍱一口鹽酥雞配魯肉飯🍱鹽酥雞有十舊以上😎份量多炸到金黃色香脆可口😚魯肉飯亦係大大碗🤪瘦肉偏多😁仲有豆卜絲😌吸收左魯肉汁兩者夾埋配飯食一流😙好開胃如果2個女仔嘅話可以開心share👯‍♀️🍡仙草芋圓一號🍡食完鹹嘅😜當然食番個甜品啦芋圓有三款😗口感都係煙煙韌韌配搭左蜜紅豆+海藻水晶🥰底層仲有透心涼嘅仙草😝同時中和左甜度所以食落整體甜度剛剛好☺️羅東肉焿番📍元朗鳳翔路69號建輝大廈地下5號舖

相信大家都知道元朗好多好野食，今晚約咗個住元朗嘅朋友食飯，佢就帶咗我去食台灣野。因為我地都唔係特別肚餓嘅緣故，我地都係嗌小食同甜品居多。講到小食，去到台式餐廳點可以唔試一試個鹽酥雞呢？一份鹽酥雞份量好多，仲要粒粒都好大粒啖啖肉，十分酥脆又熱辣辣。加咗梅粉嘅地瓜條一向都係我嘅至愛，酸酸甜甜嘅味道又開胃又易入口！啱啱炸好嘅地瓜條配上酸梅粉真係100分！ 鐘意地瓜嘅朋友仔一定要試下！綜合丸有齊花枝丸加香菇貢丸，兩款丸都咬落好爽口。不過重點係佢個湯底，濃味但唔係一味鹹，十分開胃。甜品方面，我地嗌咗個仙草芋圓1號，有齊三色芋圓、蜜紅豆同海藻水晶，第一次食海藻水晶，Q彈嘅口感好新鮮。芋圓好煙韌，加上凍凍地嘅仙草，真係啱哂係咁熱天氣食。呢間餐廳小食甜品已經咁出色，下次一定要留定肚，再嚟試佢嘅主食！睇嚟要識多幾個住元朗嘅朋友先得啦！

今日同咗朋友去元朗行街 突然好掛住台灣嘅夜市食物 於是就去咗呢間羅東肉焿番 餐廳既台灣食物非常地道環境好貼地 用咗木枱木凳去做 坐得舒服講唔上 不過都乾淨衛生甘梅地瓜條 炸到脆卜卜嘅蕃薯條外脆內軟 仲有蔬菜嘅甜味 外面淋上酸酸甜甜嘅甘梅粉 令成件事更加開胃同清新 一啲都唔油膩古早味炸雞卷 炸雞捲外皮勁脆卜卜 雞皮好似薯片咁又薄又脆一啲都唔漏 入面雞肉非常嫩滑多汁 火侯控制得啱啱好台灣牛肉湯麵 湯底夠曬講究牛肉味香濃麵底用咗手工麵條去做 非常有咬口 牛肉係牛肋肉炆得又淋又入味 冬瓜茶 唔太甜夠曬凍 夏天飲一流 好消暑呀

元朗出位嘅黃店，就算星期日6點左右去到都已經要等位。店面較細，門外排隊等外賣嘅人都不少。好在大多數人等堂食嘅人都唔係太有耐性，拎咗飛未叫到就走咗，所以差不多半個小時就入得店面裝修正常，未算精緻又未算完全簡陋。不過明顯店面空間所限，坐得比較逼夾。可能我比較少食宜蘭菜，所以店面上張貼咗好多講解令下單少好多煩惱今晚晚餐冇叫主食，反而叫咗幾樣網民熱捧嘅：芋見紫薯多士 $45全晚最期待，但亦係最失望。麵包比較乾身，好似放咗好耐咁樣。而更重要嘅係不論係芋泥抑或紫薯，都食唔出芋頭/紫薯嘅香味、甜味，令到呢個多士變成一個乾爭爭、又冇乜味嘅麵包。最後我都係堅持唔到食完佢仙草芋圓2號（三色芋圓、白色小丸子、海燥水晶）$35 用料豐富，對得住價錢。但同芋見紫薯多士一樣，三色芋圓口感、味道相似，比起其更出色嘅芋圓大有人在羅東肉焿湯 $47 作為鎮店之寶，梗係要試吓啦。店舖亦都好貼心，有張貼告示作專門講解咩黎、食用方法。湯飲落係好重豬骨味，一讚。但肉質感覺鬆散，有啲梅梅地嘅口感。可能呢碗野係我唔識欣賞，覺得有啲名大於實古早冬瓜茶 $15 正常嘢冇伏冇驚喜其實都唔知係宜蘭唔啱我食，定係舖頭水準飄忽。所以今次有啲大

呢間台式小店喺元朗一條都算偏僻嘅巷仔入面，估唔到都咁多人排隊，但食完之後就明點講啦！👉🏻肉羹湯米粉（$49）店家用咗台灣新竹米粉，彈牙唔會好容易斷，索曬湯汁非常入味，肉塊分量好多而且好大舊，啖啖肉好滿足😋👉🏻香腸肉燥乾拌麵（$49）肉燥大大粒，撈埋店家秘製醬汁好惹味，麵條被湯汁完全包裹，小編仲落咗少少自製辣醬，辣度唔算太高但好香口👍🏻台灣香腸油脂豐富，肥瘦均勻，點蒜蓉汁真係一流呀！👉🏻古早味炸雞卷（$46）炸雞入口一啲都唔會油膩，肉質飽滿多汁，出面層皮好薄，炸到有少少脆，一啖咬落口感好豐富～👉🏻梅乾地瓜條（$33）一上枱就被佢分量嚇親，會唔會太抵呀🤣地瓜條都算粗身，外脆內軟，甜度啱啱好，好邪惡又好滿足呀！👉🏻仙草芋圓1號（$34）芋圓都算多，煙韌有咬口，唔會太甜，仲食到芋頭粒～其他配料都分量都好足，撈埋仙草食清涼又解渴，作為飯後甜品一流呀😛👉🏻古早冬瓜茶（$15）唔會過甜，清熱解毒，好啱夏天飲👍🏻👉🏻冷泡無糖高山茶（$15）健康keep fit之選，茶香味好出，濃度啱啱好唔會覺得澀，愛茶人士必嗌😆

絕對沒有濫發食評！！請批核！！！==============================2號乾拌面餐套餐裡面包含：1）乾拌麵可以簡辣唔辣同加唔加莞茜，有d肉碎加沾滿左醬汁既乾豆腐，味道雖然有d濃，但都幾好食望落份量唔多，但都食到好飽 2）熱冬瓜茶 3）綜合丸湯（花枝丸，貢丸）一共有3粒，配上有淡淡葱味既湯，可以沖淡頭先個面既味到，然後再戰甜品🤣 3號綜合丸餐1）凍冬瓜茶 2）魯肉飯（細）同乾拌面差唔多，都有乾豆腐同肉碎，同時仲有一個好有魯水味既糖心蛋，配飯食一流 3）綜合丸湯（花枝丸，貢丸） 夜市鹽酥拼盤裡面有炸豆角，甜不辣，炸芋頭餅同埋鹽酥雞推薦甜不辣同埋炸芋頭餅，兩個我個人都覺得好好食 仙草芋圓1號（推薦👍）裡面有紅豆，海藻水晶，涼粉，芋圓芋圓咬落好有彈性，配上好香甜既紅豆，食完飯之後食真係一流。店員仲會好貼心刻意講甜品留到最後先上，食完鹹既再食甜既，真係好滿足～

元朗想食台灣菜，必定回想起羅東肉焿番，經濟又實惠。地方不大，門口永遠有長長的人龍，不過10多分鐘就肯定有位。必點招牌肉焿有台式辣椒醬、五花肉和香筍，還有這碗肉焿的靈魂~香菜，非常惹味！招牌肉鬆芋泥吐司份量非常之多，紫薯香甜，肉鬆香口，雙重口感，餡料滿瀉，可以當甜品，又飽肚。夜市鹽酥拼盤，四款都是夜市必點的小食，鹽酥雞炸得香脆，甜不辣海鮮餅也非常香口。這裏還有台灣的蘋果茶和蜜桃茶，10多元便有交易。人均消費才100元，難怪經常大排長龍！

入到元朗，openrice見到呢間台灣野食好多like，就去試下！我地驚要等位，所以早啲6點半去食晚餐~岩岩好趕到最後一張枱 lucky lucky ~我地叫左一個牛肉麵套餐；另外佢地出名肉焿，黎到緊係要試碗肉焿山竹米粉！另外當然唔少得鹽酥雞同埋試左個台南炸蝦卷～🐷肉焿山竹米粉佢有講解肉焿湯係啲咩～原來係肉粒加魚肉，再放係熬制好既肉湯，上面有蒜粒，辣醬同醋，有啲碗仔翅嘅感覺！🐮牛肉麵湯底有啲藥材味，好香濃，麵質爽口彈牙！🐔鹽酥雞好大盤！外脆內軟啖啖肉！🦐台南炸蝦卷皮炸得香脆，卷住夾左馬蹄既蝦肉，好好食😋

聽朋友講呢間羅東肉焿番平、令、正，今日終於有機會去元朗朝勝😍🔸乾拌麵餐+綜合丸湯🔸$67乾拌麵可選辣與唔辣，上面會有啲芫茜，滷肉碎mix 豆卜條，撈埋一齊食，正！👍🏻👍🏻🔸樽仔奶茶🔸原價$28，套餐+$10奶濃香滑，無苦澀感，值得一試！🥰🔸古早冬瓜茶🔸$15正正常常，健康之選😋🔸酥炸甜不辣🔸$33份量比想像中好多，甜不辣彈牙🤩🔸芋見紫薯吐司🔸$45芋頭控必試，脆脆麵包夾住爆餡紫薯同芋泥，打卡首選，不過建議一定要開心Share食，因為一份實在太多🤣2個人叫左3樣野食，其實已經好夠，但埋單只係$180，好抵食😻😻可憎今次食得太飽，下次有機會想再試佢另一個招牌食物仙草芋圓！

再次拜訪良心小店，太耐冇去過台灣，好掛住台灣嘅食物，所以即刻再諗起羅東。佢嘅午餐係又平又抵食，$50 60蚊已經有一個set，今日我哋就揀咗兩個set lunch，一個就叫咗鹽酥雞配台灣腸嘅小食，另一個都係叫鹽酥雞再配花枝丸。再配滷肉飯，估唔到個滷肉飯都幾大兜。之前試過佢嘅乾拌麵都唔錯，今次試埋滷肉飯，味道都一樣咁好。至於鹽酥雞簡直係必食，香脆入味。花枝丸同埋香腸一樣唔失色，所以下次再嚟食，都唔知叫邊款小食好，款款都咁好味。另外我哋再叫咗個甜品，就係芋泥肉鬆吐司，高唔到一上枱咁大份，啲餡料仲好似爆出嚟咁多。呢間店絕對可以一食再食，好推介大家試吓。

老公曾經來過一次買外賣回九龍家吃，之後說很想到店吃一次。今日就趁星期六有事入元朗就順道吃過早飯，趁人流未多、六時前入座。店舖地方不大，所以眼見外賣眾多，都很忙碌。這個套餐吸引，但今次想試試乾拌麵。點了一個套餐：《2號乾拌麵餐 $67》免費配 《凍古早冬瓜茶(凍)》乾拌麵十分煙韌有彈性，有咬口，再配試香口帶咸香的醬油，惹味好吃。冬瓜茶清甜。《夜市鹽酥拼盤 $69》大碟有鹽酥一口雞、香芋海鮮餅、甜不辣、四季豆。鹽酥一口雞炸得乾身不油膩，酥脆可口；第一次吃香芋海鮮餅很特別，入口有芋香中亦有花枝丸的咬口；甜不辣薄身有鹽鹹香，邊位香脆；第一次吃炸的四季豆，都不錯。隨碟有甜辣醬，很提味。甜品《仙草芋圓2號 $35》當中有三色芋圓、白色小丸子、海藻水晶等材料。芋圓彈牙有芋香但覺得可以更濃，其他都有咬口，仙草有冰涼感很消暑。下次想試試特色三文治，會再來！

既然屯馬線開通~梗係要周圍搵好西食🤪 今次黎到位於元朗嘅羅東肉焿番💛黃店黎 門口有大大張紙寫住「香港人自救」仲有學生優惠 $20就有滷肉飯+冬瓜茶 完全係良心價 舖頭環境雖小 但坐滿人 仲有好多外賣訂單 睇嚟生意唔錯 不過如果佢開多幾間分店就好了 講吓食物質素先~係好食嘅！不枉我山長水遠入嚟 屯馬線冇令我失望呀🤣揾到好野食 我同男朋友去 叫左2個套餐 第一個係1號羅東肉焿湯餐 $79 。套餐包括細魯肉飯+羅東肉焿湯+古早冬瓜茶/冷泡無糖高山茶。另外可以加錢轉其他嘢飲。首先講滷肉飯 望落好乾身 我以為會好dry 點知食落完全唔會 幾驚喜 佢除咗有滷肉之外仲有唔少豆卜👍🏻幾特別 我諗應該係豆卜朔左啲汁先唔會乾 佢仲有半粒糖心蛋添 唔會咸 流心呀 味道呀 都啱啱好。套餐入面仲有佢哋嘅招牌 羅東肉焿湯 都幾大碗 之前冇飲過 佢嘅質地有啲似鼻涕 但食落唔會有章住咀嘅感覺 味道酸酸地同辣竦地 鍾意食碗仔翅嘅朋友可以試吓 個人覺得幾好食。😋飲品我哋加咗$10轉樽仔奶茶 台灣菜當然係台式風味嘅台式奶茶 但佢偏濃味 仲有少少回甘 好飲！真係好飲！本身麻麻哋台式奶茶 會驚有啲死甜 但佢完全唔會😍 不

最近約左朋友去元朗, 又再戰cp值較高既台式野食店~哈哈, 同上次一樣, 都坐了幾多人, 不過好在遲左下唔駛等好耐。甜不辣真心正, 炸得夠香口, 軟軟彈彈的, 好有咬感, 食落又夠味。上食完台式香腸, 念念不忘, 今次要再叫, 加蒜容醬真心唔錯, 夠香口惹味。再叫埋羅東肉湯, 2個女人食剛剛好, 價錢又唔貴, 感覺真的是平民選擇哈哈。係元朗既人大可來試下, 畢竟家下出去食野下下就一碟百幾二百, 有時錢包真係頂唔順架。