羅東肉焿番

營業中

休息中

身為一個元朗人，已經留意左依間台式餐廳一段日子，適逢週末放工後終於約到朋友食個late lunch，一於一齊試下新野！當日三點幾嚟到門口都有人等緊位，睇黎係有啲料到🤣🤣 即刻睇睇餐牌先，簡單兩頁餐牌都包括左好多類型既食物 有台式主食、小食、招牌菜芋泥吐司同甜品～話晒人哋舖頭名都叫做羅東肉焿番，咁肉焿一定係必試啦！我哋叫咗1號餐有埋魯肉飯～另外芋泥吐司都係呢間店嘅招牌菜，所以都叫咗一份分享食，最後再加多一個小食同一個綜合芋圓做甜品🍮😋芋泥紫薯吐司一上菜真係哇咗一聲😱 芋泥加埋紫薯蓉多到好似就嚟迫爆個吐司，比我哋想像中嘅足料好多！兩個心急一影完相就即刻試食，咬落去果下啲芋泥多到喺兩邊吱出嚟🤣🤣🤣🤣 好澎湃！朋友本身以為澱粉質夾住澱粉質一定會好乾，但因為個芋泥做得好滑好綿，所以其實唔會有乾嘅感覺～仲食得出芋頭嘅香味😋😋 雖然呢個吐司好飽肚，但我覺得係必點嘅item，推！未食晒個吐司，熱食已經上菜啦～成個餐仲有杯冬瓜茶（或者揀無糖茶都得）滷肉飯係台灣味，個魯肉入邊加咗啲豆卜絲好索汁，撈飯一流！仲有我至愛嘅糖心蛋 ❤️肉焿湯係另一個我非常推介嘅食品，點菜嘅時候待應都有好細心咁問我哋要唔要走芫荽走辣

滿心歡喜期待食下台灣野食🤩我地倆個等了又等終於係大熱天時🌞🌞🌞入到去食點左2個自選午餐1.乾拌麵配2個小食鹽酥雞+花枝丸野飲🥤高山茶個麵一開頭食味道唔錯。食到底愈食愈甜🍯🍯🍯連滷肉個汁有d花生🥜醬偏甜鹽酥雞係唯一咸食🍗花枝丸比左個甜酸醬🍯2.台灣牛肉麵甘normal諗住無死喇🍜 🙁點知🤨個湯係甜，甜，甜，你無睇錯😞係甜🤯之後配左甜不辣同鮮蝦捲其實小食係香口同ok既飲可樂成餐我地2個評價係唔似台灣風味同甜野底為主，唔值得排隊去食😥仲有入面d位好細好窄亦無乜特別食物驚喜，如果唔鐘意甜野更加唔好入去🤭真心唔會再食😓同埋未食過甘難食既台灣野🤯⭐️人均消費$7x————————————————滿分5🔆🏝環境🔆🔆 🔆🛋服務🔆🔆 🔆 💲價錢🔆🔆 🔆 😋食物質素🔆🔆 🔆💥翻兜指數🔆 ————————————————📍羅東肉焿番（元朗）#香港美食#美食#搵食團 #搵食 #搵食兵團 #foodie

呢間主打台灣菜的黃色小店，已經食過好幾次，長期都係有好多人排隊 如果得閒最好12點就嚟到排隊會容易啲有位肉焿之前已經試過，係嗰度嘅招牌菜 今次特登試吓新野😀首先叫咗Oreo紫薯竽泥吐司同上次食過嘅紫薯竽泥吐司一樣咁好味 熱辣辣香脆嘅多士包住凍凍地嘅竽泥 帶來多重口感 ☺️☺️再叫個細嘅滷肉飯配糖心蛋滷肉飯好夠味，碗飯都幾大碗，最後都要打包😂老公就叫咗個香腸乾拌麵 佢話味道同喺台灣夜市食嘅好相似 真係好懷念啊朋友就叫咗花枝丸拼甜不辣滷肉飯 佢話花枝丸烤得好脆 仲帶有鮮味 甜不辣食落好有口感 加埋個飯 連大隻仔嘅佢都覺得超飽😂😂如果要講一樣改善嘅嘢，呢間舖嘅店面有啲細，如果舖頭大啲放多啲枱櫈，坐得舒服啲就好

突然之間有好掛住台灣嘅味道， 喺元朗行街見到一間舖頭好多人排隊 原來係一間好出名嘅台灣餐廳「羅東肉羹」肉鬆芋泥吐司 上枱嘅時候已經切好， 方便同人share食 吐司表層烘得香脆，芋泥香滑， 肉鬆鹹香鬆化招牌滷肉飯+肉羹湯 滷肉肥瘦適中， 味道啱啱好 仲有半隻糖心蛋～ 個湯有啲似碗仔翅味道， 加咗隻特別嘅醬 有台灣嘅古早味， 非常之特別唔怪得知係招牌菜啦┌(・。・)┘♪ 澎湖花枝丸 炸得好香口， 落咗蒜鹽非常之惹味 粒粒都炸到脆卜卜圓碌碌芋泥綜合芋丸 呢個芋圓好豐富， 有三色芋丸，芋泥 芋丸QQ彈牙，口感唔錯。 芋泥 整得好滑，有奶香- 整體個甜品唔會太甜， 飯後食啱啱好飲品方面 樽仔奶茶: 好有台灣嘅味道奶味十分之足 冬瓜珍珠茶: 好清甜嘅感覺唔會一味死甜 羅東肉焿番 元朗鳳翔路69號建輝大廈地下5號舖

和朋友去了元朗鳳翔路69號建輝大廈地下的羅東肉焿番食飯，這是元朗一間非常出名食台灣料理的餐廳。好多時經過都看見人龍排隊，尤其是假日時間。食肆餐廳不大，是一間小店，所以但感覺就非常地道的台式餐廳。我們點了酥炸甜不辣，乾拌麵餐，羅東肉焿番湯米線，芋泥綜合芋圓。酥炸甜不辣， 外皮酥脆，內裏煙煙韌韌，配上豆瓣醬作為小食，好好食。乾拌麵餐，還包了白枝丸與肉丸湯，麵質堅韌有口感，味道不錯。免費跟高山茶。羅東肉焿番湯米線，用新竹米粉，一向都好喜歡吃新竹米粉，有點像蚵仔米線 ，內裏有手剁肉丸。芋泥綜合芋圓，好大份，用料足，足夠三至四個人食。芋圓煙煙韌韌，內裏還有爆珠，海藻水晶，小丸子等。中間是芋泥球，好正宗和足料。作為一餐的完結，非常圓滿。

肉焿湯米粉 🍜口感同味斯道其實都有啲似碗仔翅，澀澀地幾好食～裏面仲有幾舊肉～米粉融入左碗湯，食既時候可以好足味，似連湯食咁😆香芋海鮮餅🥯嘩，一上枱發現份量都幾多，兩個人當小食就會食唔曬～口感比較厚實，芋頭味香，飽腹感重～另配有辣醬可以點仙草芋圓份量滿滿👍🏻內有仙草、三色芋圓、紅豆、海藻水晶～夏日食仙草真係份外冰涼😋，芋圓幾彈牙，紅豆甜甜地👍🏻裏面既飲品雖然唔係即沖台式飲品，但係都係台灣入口，香港買唔到架～

今日馬不停蹄，沙田走咗幾轉，终於工作完畢，黄昏左右入元朗揾家姐一齊食晚飯今日天氣悶熱要食番啲香口野開胃先得呢間小店名叫《羅東肉焿番》，位於元朗鳳翔路，主打台灣美食，仲有每日限量嘅台式吐司店子算不大，但坐位舒適，共有十八個。未到七點，已經開始滿座，一般來說需要齊人方可安排入座。牆上有些精緻裝飾佈置，整體來講環境算不錯。餐廳有五款招牌套餐，我們選了三號套餐，包括有「魯肉飯」配「綜合丸湯」，同埋免費加送「古早冬瓜茶」，十分抵食！另外，當然要必食店名名菜「羅東肉焿」，呢款肉焿台灣處都見，不過香港好似比較少見。再配埋爽口嘅新竹米粉超正。肉焿內配有豬肉，筍絲、辣椒粉、秘製辣醬、炸蒜粒、芫茜及香油，香味撲鼻十分滋味。至於「一口鹽酥雞」在我來說，是台灣小食中嘅代表，當然吾少得嘅。一口大小一粒雞，香脆可口。而我覺得最最最 ….. 估你唔到嘅，係另一款小吃「香芋海鮮餅」真係好好食。海鮮餅中加入了芋頭肉，比例剛剛好不多又不太少。即叫即炸，新鮮熱辣，絕對有驚喜推薦必試整體來說，食物選擇多元化充滿台灣特色而且價錢合理

運動前要吃點東西，大熱天時！當然揀返個燒仙草芋圓食下， 份量一個人食剛剛好，口痕叫多左個番薯條☺️燒仙草芋圓1號 ， 是不錯的！會打個分8/10， 但本人還是喜歡鮮芋x多一點～ 番薯條 冇什麼太大感覺， 整體還好～希望下次再試其他野會有驚喜

餐廳：羅東肉焿番 (元朗)地址：元朗鳳翔路69號建輝大廈地下5號舖難得入到元朗，緊係要去黃店羅東肉焿番食個靚飯啦💛，一直想去試佢哋嘅肉焿湯好耐，今次終於有機會試到😍，去到先知原來呢間餐廳同另一間台式餐廳 你妳 喺同一個老世🙈，唔怪得有啲似曾相識嘅感覺啦午市套餐 $64識食一定喺叫午餐，除咗有主食仲有兩款小食同飲品。主菜要咗個肉焿米粉，小食就揀咗一口鹽酥雞同台南鮮蝦捲。肉焿嘅口感同台灣麵線差唔多，加咗秘製辣醬同芫荽，仲有幾粒彈牙肉丸，好有台灣風味🇹🇼，如果米粉多啲就好🤪 。我特別鍾意佢哋嘅一口鹽酥雞，酥脆得嚟唔會過鹹，放入口仲熱辣辣㗎🔥樽仔奶茶 (跟餐+$10)呢個奶茶嘅茶香幾濃，用咗錫蘭紅茶做膽，入口細滑唔會好甜，繼而浮出茶葉嘅醇香🌱，唔知呢度又有無奶茶控呢？Oreo紫薯台式吐司 $46嚟到點可以唔叫每日限量發售嘅台式鐵板吐司呢🍞？烘熱香脆嘅多士夾住豐富爆餡嘅Oreo碎同紫薯蓉，每一啖都食到濃烈嘅紫薯同oreo香，估唔到兩樣餡料放埋一齊又幾夾😎，啲餡料仲多到一咬就掉晒出嚟😂，食得有啲論盡，不過真係好好味🤤

好耐之前食過一次，就係因為又好掛住台灣味道，好想食魯肉飯，今日係特登走入元朗食過靚午先。好，坐低睇吓有咩好食先。鹽酥一口雞魯肉飯，鹽酥雞啱啱炸起，咬落去仲係辣口㗎，又夠熱又香脆，表面有少少胡椒粉香味，炸粉唔會厚，裏面嘅雞肉夠柔軟。個魯肉唔會油膩，仲有豆腐卜切絲，加埋個肉汁，拌飯正呀！桂圓紅棗，有三色芋圓，白色小丸子，波霸白玉珍珠，全部都煙煙韌韌，一次過食晒唔同味道，加上呢一個係熱食，啱晒我呢啲寒底人。

招牌一睇已經令人諗返臺灣，模仿臺鐵既站牌。有賣臺灣街頭小食及主食，冇得去旅行唯有食下外國菜懷念下。呢間係香港第一間正宗台灣肉焿店， 係宜蘭亦有人氣總店。套餐包括肉焿、魯肉飯及飯品一杯。加大埋魯肉飯都係$84，就可以試晒招牌菜啦！魯肉飯超好食，魯肉肥油及肥肉十分香口，令人食慾大爆發。我估飯用左珍珠米，唔會太硬又有飯香，好有誠意。肉碎份量足夠，我地加大左依然夠食。肉焿，第一次食呢款台灣小食，焿既味道有點似香港碗仔似，黏黏的質感。肉湯清新而不太鹹，重有股豬肉既鮮甜味。寶物沉歸底，肉焿緊係要有肉，類似排骨，鬆軟有肉香，大推！套餐加$15 可以有燙青菜，健康之選。綜合滷水王子麵套餐$62 跟飲品配料豐富，有米血糕、雞翼、甜不辣、栗米仔、豬耳、雲耳、魯蛋。滷水入味，王子麵沾上滷水汁，彈牙好味。魯蛋生熟岩岩好，豉油味又唔會太搶。綜合芋圓加手工芋泥。呢間既芋圓好有芋香，唔似其他店舖食面粉冇味。紅豆、仙草加水晶，夠晒臺灣特色。

相信疫情期間，大家都很懷念去旅行的日子吧～今天終於一嘗台灣的美食，總算能治一下旅行癮吧😭💛5號 牛三寶湯套餐（牛筋、牛肋、牛腱、手工麵條）配凍冬瓜茶 $76 牛肋和牛腱麵很大塊 牛肉味濃 吃後很滿足而牛筋煮得十分軟淋 湯底微微辣香氣撲鼻手工麵條真的很讚 比起一般其他店的麵條有嚼勁也很掛湯 另附有半顆溏心蛋及酸菜💛羅東肉焿湯 $47這個是店舖的招牌肉焿湯 必定要嚐嚐肉焿湯很足料 有好幾塊大又厚實的豬肉 湯頭是芡湯像碗仔翅 配辣醬及香菜真的令人一口接一口的喝下去！💛芋見紫薯台式吐司 $45芋泥控必定要點吧！厚厚的芋泥和紫薯泥夾在兩片香脆的吐司之間咬下去有爆漿的感覺 實在太美味了 ～～ 點這個建議兩個人分享 一人一半已經很飽很滿足📍羅東肉焿番 (元朗)元朗鳳翔路69號建輝大廈地下5號舖

見呢間野好多人排隊 一心專程來試 都要等兩張 其實等唔係問題 如果值得既首先叫了個鹽酥雞拌麵 拌麵好食既 個汁有花生醬味 再加個綜合湯配魯肉飯 一般無特別上openrice睇佢古早味雞捲 其實真係脆脆地既雞肉卷同埋樽仔奶茶 真係普通既奶茶 唔太甜無乜茶味加左個oreo紫薯吐司 因為太飽了 所以打包問個店員可唔可以比個盒 話唔得 比個紙袋我地自己裝結果埋單時要加 $1蚊 其實我覺得好核突 駛唔駛咁都收$1 之前又唔聽到佢講 我覺得比人感覺好差 完全趕客 放心呢間無下次 真係未試過咁差 $1唔係比唔起 係唔應該咁計囉呢種小店真係唔值得支持

相信喺香港食到台灣菜，其實唔難，亦都有好多連鎖大型嘅餐廳可以選擇，不過嚟到元朗，冇理由再去食嗰啲大牌子啦，都要試吓一啲比較貼地，類似小店嘅系列！由於呢間台灣菜喺元朗都幾出名，黎到店前，感覺直頭好似去咗台灣咁，無論係餐廳嘅招牌設計，甚至乎佢個名，都會令你直接聯想起台灣，其實佢好似喺台灣直頭有店架添！不過太耐冇去旅行，真係乜嘢都唔記得晒了等咗差唔多20分鐘，終於有枱啦，由於餐廳比較細小，枱嘅數量唔多，但係人氣就爆燈，所以等位嘅時間都比較長參蟹都幾易睇，一啲特別推介，或者套餐，都會有圖片輔助，整體來講，選擇都幾多，感覺係一啲好地道台灣嘅食物好似話呢度出名嘅會係佢哋嘅奶茶，所以我哋都不約而同咁樣，叫咗佢個奶茶試一試，佢個樽其實係外賣樽，所以大家飲唔晒，都可以拎走繼續飲佢呢隻樽裝奶茶確實唔錯，由於冇加冰，所以飲起嚟，奶茶非常香濃，嗰陣味道同港式嘅奶茶完全有分別，直頭好似飲緊珍珠奶茶咁，但係佢又冇珍珠，都幾特別㗎大家眼前見到嘅，係佢哋主打套餐之一，除咗頭先嘅奶茶，佢仲包左一碗湯，湯入面有三粒丸，分別係兩粒墨魚丸及一粒台灣公園，就好似餐前湯咁樣，真係好有台灣嘅感覺另外當然就係佢個滷肉飯啦，除咗用上珍

同朋友仔難得入元朗 緊係要上OpenRice 睇下有咩好食之後就睇到呢間台灣野好出名我地一行二人 叫左台面上都既野都夠哂飽而我最推介就係椰香奶酥好脆 再加上就椰香味濃😋而個拌麵就建議大家撈得均d先食唔係食到底就有小小咸