羅東肉焿番

營業中

休息中

晚上在元朗尋找台灣美食，看見這間餐廳在openrice人氣強勁，一於試試。餐廳不算寬敞，但座位數目不少。點了一個招牌羅東肉焿湯餐湯內有幾塊肉，整體味道不錯，稍嫌肉質有少許韌肉燥味道不錯，量也多蛋捲很有台灣風味，值得一試最後還點了一個甜品，有大量芋圓，好好味，可惜忘了拍照。

羅東肉焿番 係良心小店，主打台灣菜，價錢平，份量多，性價比高！一直都想試吓佢哋招牌嘅吐司，次次去到都賣晒，因為每日係限量供應，下次要早啲去到買！芝士肉鬆蛋餅 $38超級大份嘅蛋餅，而且內裡嘅肉鬆份量非常多，加上外層嘅芝士及蛋餅，好滋味！仙草芋圓一號 $34包括有仙草，三色芋圓，蜜紅豆，海藻水晶，同樣份量非常之大！甜度唔高，做宵夜一流！芝士奶蓋烏龍奶茶 $30好大杯呀！奶茶香滑，甜度適中，芝士奶蓋唔會太濃！

環境：都ok，位置闊落。服務：一般。肉燥飯：唔錯！唔會太鹹過油，肉粒唔會鞋，幾好味，但份量以價錢嚟講唔算大份。羅東肉焿湯：Ok! 不錯，但有啲過鹹。整體食物唔差，但埋單兩個餐都環$160-170，可能就唔會成日嚟食

羅東肉焿番係元朗嘅良心台式料理店，極具人氣，旺到要租埋隔離間鋪！台式食品價錢相宜，又有優惠套餐，幾十蚊就可以飽到上頂！外賣有抗疫便當，一個價錢齊晒主食、小食同埋飲品，好抵食！2號乾拌麵餐 $67套餐包括乾拌麵、綜合丸湯、飲品乾拌麵嘅魯肉好肥美油潤，甘香可口，仲帶少少辣味，撈埋麵一齊食真係幾正！綜合丸湯有貢丸、花枝丸同埋八爪魚丸，都幾爽彈鮮美！湯底帶著蒜香同埋醬香，十分好喝！芝士奶蓋冬瓜茶 套餐 ＋$15芝士奶蓋好滑身，入口有好香嘅芝士味，同古早味冬瓜茶好夾！一口鹽酥雞 $43粒粒都係咁香脆，唔錯！

山長水遠入到元朗，當然要試吓元朗名店「羅東肉焿番」先叫一個芋泥吐司，大概等了15分鐘左右，吐司也份量很足，但芋泥的甜度不高，入口幼滑。再要一碗仙草芋圓1號（三色芋圓、蜜紅豆、海藻水晶）三色芋圓軟糯，整體甜度適中，味道不錯👌🏻但係「珍珠奶茶」🧋就比較失望，茶味不香，有少少炭焙的味道，而且味道偏淡。另外一杯「檸檬蘋果西打」就真係麻麻啦，沒有蘋果，或者檸檬嘅味道，味道很淡。由於不是太肚餓，所以就叫了這些，但係感覺並不是太驚喜，希望下次有機會可以嘗試其他不同的食物。

嚟到台式餐廳點少得叫下鹽酥一口雞魯肉飯($56)，鹽酥雞同魯肉飯嘅配搭最熟悉不過，呢間餐廳嘅水準都唔錯，冇令我失望！最鍾意芝士同粟米配搭嘅我一定唔會錯過芝士玉米招牌蛋餅 ($36)，鹹甜到相宜撈飯一流🤩小食方面我嘅摯愛係炸澎湖花枝丸($34)，一碟有六粒，花枝丸好彈牙，真係食不停口😋壓軸登場嘅係招牌肉鬆芋泥吐司 ($42)！就咁睇賣相已經好吸引，多士係烘左外層皮，外脆內軟，餡料都非常豐富，咬落去係啖啖嘅滿足感~🥰

招牌肉鬆芋泥吐司 ($42)🥪份量超大！肉鬆份量比想像中多好多，夾雜微甜嘅芋泥口感特別，一個人當正餐食嘅話都夠飽~芝士玉米招牌蛋餅 ($36)🧀🌽芝士同粟米溶埋一齊嘅感覺好特別，蛋餅上面醬油令整體咬落去鹹中帶甜，送飯一流！鹽酥一口雞魯肉飯($56)鹽酥雞炸得好金黃酥脆，食得出些少腌料底味令肉味更突出，建議配飲品一齊食用，味道更佳。🐣炸澎湖花枝丸($34)六粒花枝丸爽口彈牙，每次黎台式食店都會試！🥰

乾拌王子麵+鹽酥併盤....麵入面個肉醬超咸...鹽酥併盤所有嘢都好咸。聽到隔離枱食完都話咸到個咀痺咗.....朋友叫個牛肉麵，還可以嘅...嗰4件牛好瘦...

📍 羅東肉焿番 @ 元朗ღ 芋見紫薯吐司 $45ღ 滷三層焢肉套餐 $70ღ 芋泥綜合芋圓 $70身為元朗人竟然上個月先第一次食呢間台灣嘢😂未食之前睇咗下其他食評 發覺好壞參半都驚驚地但食完覺得好ok啵(⁎⁍̴̛ᴗ⁍̴̛⁎)嘢食偏鹹但係會覺得係台灣古早味！吐司芋泥味會較出 唔算好甜👍🏻反而紫薯就無乜味麵包都係正常厚吐司 但唔算好鬆軟最推薦焢肉飯 滷得好入味一定要配飯！芋圓就無咩特別 嫌佢室溫唔夠凍囉🤣回頭指數😼3.5/5（家常台灣菜味道(⌒▽⌒)

山長水遠去到元朗，梗係要試吓元朗美食啦，我哋今次搵到有間係食台灣野嘅，見到佢兩間舖位黐埋，而且出面都有一堆人等緊位，應該係好嘢嚟嘅於是就試試先。我哋嗌左2個套餐，就係鹽酥雞配肉燥飯，鹽酥雞炸得非常香脆，雞肉嫩滑，又唔會太鹹，係台灣夜市嘅味道，另一個定食呢就嗌咗肉操拌麵加台灣腸，台灣腸亦都燒得非常之惹味，肉燥勁多，每條麵都俾肉燥包住，另外我哋再嗌左芝士肉鬆蛋餅，蛋餅煎香，包住滿滿嘅肉鬆拼埋芝士真係令我哋更有台灣嘅味道。全間餐廳啲嘢食都非常之大份，真係大件夾抵食。

🍜羅東肉焿番🥪平時身為沙化薯仔嘅金舌頭多數鐘意宅喺屋企睇下Netflix而活動範圍亦多數只限於港島區或者南區_(:3 」∠)_不過自從做咗「闊啲」之後為咗食多d好黃西就唔可以咁懶啦今鋪真係大長征衝出南區去咗元朗國打算尋芳探祕啦去到第一站羅東肉焿番時正值午餐時間就算平日都要排隊等候建議大家早去攞位不過嘢食就好快上啦其實我地一心係嚟食個肉鬆芋泥三文治因為香港實在唔多餐廳有整咁就對佢有極高期望嘅點知同想像中都有出入唔夠爆餡同個包比較乾身最重要係芋泥無乜香味咁就失色不少啦但呢到主打嘅肉焿米粉就非常出色啦其實我未食過呢樣嘢但就覺得酸酸地幾開胃個肉條嘅味道又啱啱好重有鹽酥雞、甜不辣同雞捲等炸物都非常正宗酥脆惹味好有去咗台灣嘅感覺呀～

[#yuenlong] [#hforsweets #hfortaiwanese] taro toasts have been in my mind for ages and i finally got to try this. This is one of the famous thing in Yuen Long, portion is big but the breads didnt serve warm enough, though were still a little bit crispy outside as they were slightly toasted. Also, the taros were overwhelmed by the purple yam and lost focus of the main character lol one thing that i like was the contrast of breads in room temperature and cold fillings inside. But overall i would s

講到元朗台灣菜，一定會諗起呢間經常長龍既台灣小店芋泥肉鬆吐司 $39小店鎖店小食，每日數量有限！芋泥配肉鬆真係好夾，餡料都好足，仲有粒粒芋頭，覺得比上一次嚟食，味道改善咗，不錯！鹽酥拼盤配乾拌麵 $70呢個拼盤好抵食！有鹽酥一口雞、蝦卷、香芋海鮮餅，份量好足，蝦卷同海鮮餅都有驚喜，新鮮熱辣辣之餘，好有酥炸香感，蝦卷有蝦香，海鮮餅有粒粒香芋！肉燥乾拌麵，配上泰式辣醬，雖然感覺唔太台式，但食落麵身幾有嚼口，肉燥鮮香，撈埋一齊食又幾開胃喎。呢個餐大滿足！仙草芋圓3號 $36最後就係食埋甜品啦！呢碗性價比高，有三色芋圓、珍珠、海藻水晶和仙草。芋圓煙韌，仙草清熱一流，仲有珍珠煙韌，食下甜味，大雜燴正呀。

My favourite 全部脆炸小食🤣 古早味炸雞卷，真係好似店內介紹咁講：油嫩多汁！雞皮包住雞髀肉，唔知點做到呢，肉厚皮脆，啖啖肉🤤 所配嘅辣醬好特別，有啲似臭豆腐嘅甜酸醬，又有豆瓣醬味，周圍望下，原來係舖頭自家製🤩！有個醬料站refill所以我點左好多🤭，另外炸澎湖花枝丸，其實我唔識分墨丸同花枝😅，總之炸完加上調味就好香口，又特別有鮮味，係夜市嘅 feel 呀~~最後當然唔少得招牌物：芋泥吐司！呢個完全係飽肚之選😂好大份！打開睇到餡料充足，係佔滿成塊包架，絕對唔係得前面做個樣，芋頭迷必叫。芋泥有粒粒咬口，一定唔係用粉沖成去扮，之前聽講係人手壓成，而家食完我真係信！加埋肉鬆補足味道，係一個令人滿足嘅TEA。

元朗名店，黎到元朗緊試一試。連應該比較少人嘅下午茶時段都等咗幾張枱，開始知佢係咩料😏 菜單超吸引，有齊台灣夜市小食，好掛住啊~~ 見價錢好親民，叫左一個好豐富嘅套餐🤗3號綜合丸湯餐+大魯肉飯，湯比較濃胡椒味，有乾葱，鹹香均勻，花枝、墨丸&香菇貢丸各一，唔係普通純豬肉貢丸🤩魯肉飯值得一提，佢哋加左有豆卜，令成個飯除咗豬油酥香，仲好香豆味，魯肉全部係瘦肉，減肥人士都可以放心食👍糖心蛋食落香醬油味，醃嘅時間很足夠！好可惜佢蛋餅仲未開始推出，好想試呀！咁就俾個機會我再食一次，羅東肉係真係抵佢成為名店。