羅東肉焿番

營業中

休息中

元朗名店，黎到元朗緊試一試。連應該比較少人嘅下午茶時段都等咗幾張枱，開始知佢係咩料😏 菜單超吸引，有齊台灣夜市小食，好掛住啊~~ 見價錢好親民，叫左一個好豐富嘅套餐🤗3號綜合丸湯餐+大魯肉飯，湯比較濃胡椒味，有乾葱，鹹香均勻，花枝、墨丸&香菇貢丸各一，唔係普通純豬肉貢丸🤩魯肉飯值得一提，佢哋加左有豆卜，令成個飯除咗豬油酥香，仲好香豆味，魯肉全部係瘦肉，減肥人士都可以放心食👍糖心蛋食落香醬油味，醃嘅時間很足夠！好可惜佢蛋餅仲未開始推出，好想試呀！咁就俾個機會我再食一次，羅東肉係真係抵佢成為名店。

依間台灣小店真係好有特色，而且性價比都好高，元朗人嘅福利雖然餐廳嘅位置唔算多，而且好受歡迎嘅關係所以經常都要等位，我同朋友大概等咗15分鐘左右就入得啦因為最出名嘅就係食肉焿所以我哋都叫咗一個套餐，我同朋友就叫咗一個1號嘅套餐，包一碗肉焿同埋一碗滷肉飯，我哋就加大左，然後仲會包埋嘢飲添，我哋就叫咗一杯冬瓜檸檬成個套餐真係幾抵，而且我真係幾鍾意個滷肉飯做得啱啱好，肉同飯嘅比例都好適合成個套餐其實好大份，都夠兩個人食添然後我哋仲叫咗一份小食，叫咗一份炸雞卷估唔到咁好食，食落去係一陣外脆內軟嘅雞卷，外層脆皮食落去好多汁然後仲叫咗一個唔可以唔叫嘅厚吐司，今次揀咗肉鬆配芋泥，口感好特別，而且鹹鹹甜甜嘅感覺好正，加上吐司係脆既所以口感都好特別最後仲單點叫咗一份鹽酥雞，味道正宗，份量都唔少，值得一試

睇到Menu，有好多嘢都好想食，每一樣都係台灣特色地道美食！價錢非常相宜，呢個絕對係小店嘅優勝之處！羅東肉羹湯～明顯呢個就係招牌菜，湯羹內有五至六件肉，咬落去就起肉絲，香軟程度令人嘆為觀止！湯羹口感有啲似碗仔翅，而因為有芫荽，亦都帶起了另一番風味～冬瓜檸檬～夏日炎炎最好飲凍飲，冬瓜清涼；檸檬開胃！台灣士林香腸～台灣街邊車仔會夾蒜片，而呢度更花心思地調教出一個蒜蓉醬！別出心裁令我非常欣賞！椒鹽四季豆～長長嘅四季豆經過油炸之後灑上惹味嘅椒鹽，令平時唔係好鍾意食蔬菜嘅我都食過不停！古早味雞卷～用豬腸包裹著雞肉再炸，外層非常香脆，內裏雞肉多汁嫰滑，不用沾醬已經非常夠味。仙草芋圓1號～芋圓係台灣必食嘅item，呢度做得非常出色！搭配清爽嘅仙草，香甜嘅紅豆同口感特別嘅透明水晶珠，既係甜品，但一啲都唔會滯！食得咁豐富，都係呢個銀碼真係十分之實惠！不得不提，店裡枱嘅數量唔多，所以經常要排隊，正正係因為咁特別有氣氛，亦都證明佢係好食嘅！

地道台灣芋圓仙草芋圓 2號 $36✅三色芋圓丶紅豆丶蘆薈三色芋圓嘅份量唔算特別多，但係勝在咩顏色都有，出去有啲甜品舖，雖然標明係三色芋圓，但係通常都剩係得一兩隻味，三色芋圓嘅口感都好煙韌，好軟身，唔會煮唔熟嗰種！幾好食！！🥰🥰紅豆都幾棉，甜甜地，咁幾好！仲有蘆薈做配搭口感更加有層次，仙草嘅份量都幾多，不過不失好正常～我覺得個味道都算係正宗嘅，但係就唔算特別抵食，雖然價錢唔貴，但係其實佢個份量都比較少，但如果做晒後甜品或者下午茶都好嘅！

疫情期間關口無開通，大家都去唔到旅行。我哋呢兩個台灣常客呢，亦都無辦法再去覓食喇。曾經喺台灣嘅一啲巷弄入面，搵到啲無招牌嘅小店，亦都食過呢啲肉焿湯，但喺香港就好似無搵過同樣嘅嘢食啦。今次入到元朗國呢個覓食地方，就決定搵下台灣風味嘅嘢食- 羅東肉焿番。剩係見到門口鐵板吐司張相都已經令我心動不已呀🥪！平時飲珍珠奶茶都會揀有芋泥嘅嘢嚟飲，今次見到呢個咁厚嘅芋泥即刻就嗌咗一份。另外喺餐牌上見到呢個肉焿湯就試吓佢係咪台灣風味喇，加咗少少醋同埋辣醬落去食，配合埋鋪面嘅香菜亦都好有台灣風味🍀，我哋嘅套餐亦有埋肉操飯，味道好有懷舊風味。可惜嘅就係冇嗌到貢園湯🍢，因為兩個人肚仔有限，唯有下次嚟再試啦！喜愛程度：🥘🥘🥘🥘🥘

好多人介紹既台灣小店💛 特登為左佢入元朗，不過食完有啲失望好鐘意食芋頭，所以一早bookmark左要食芋泥吐司😋 吐司都算幾澎湃，啲餡好多，不過吐司塊面包就好乾 食左2啖就放棄了，淨食啲芋泥算數鹽酥雞好香口，吾錯肉燥飯吾會太肥，好香濃好食呀👏🏻

今日同朋友去咗元朗，咁啱經過見到好似唔錯所以諗住試吓。羅東肉焿湯餐(轉大滷肉飯)古早冬瓜茶 $84好少食到肉焿湯，覺得幾特別☺️我滷肉飯份量都好足，我哋兩個人食都食唔晒台灣士林香腸 $33好食😋好有台灣既味道，點埋個自家蒜蓉醬👍🏻👍🏻👍🏻一口鹽酥雞 $43 酥炸甜不辣 $33正正常常，不過不失，下次應該會叫夜市鹽酥拼盤一次過試晒幾款小食😛仙草芋圓3號 $36有三色芋圓、波霸白玉珍珠同埋爆珠。份量都幾多$36好抵食，啱晒夏天嚟消暑。整體感覺唔錯，店員都好親切有禮👍🏻2個人share食食到好飽，下次可以叫少啲(˶‾᷄ ⁻̫ ‾᷅˵)menu:

除咗肉焿湯 仲有好多台灣嘢食選擇羅東肉焿湯餐 $79羅東肉焿湯好特別嘅一個湯有好多肉食魯肉飯味道都夠惹味同埋竟然有豆卜同埋半隻溏心蛋 兩樣都幾好味 唔錯炸澎湖花枝丸 $34炸花枝丸真係好少出事依到仲灑上咗椒鹽粉所以好惹味台灣士林香腸 $33好。好。味！表面煎得好香脆就咁食已經正配埋佢個自家蒜蓉醬好夾 好香 好濃🥺食到停唔到口溏心蛋 $12太鐘意溏心蛋所以特登再嗌咗一份(跟餐)魯肉汁青菜 +$15好脆綠 食落都幾好爽芋見紫薯吐司 $45 🍞嘩 個樣好ig-able😚爆晒餡而吐司烘得好香脆(跟餐)檸檬蘋果西打 + $8多咗檸檬🍋味道更加豐富同清新飲住嚟送香口小食唔錯唔錯

朋友極力推薦來自宜蘭的羅東肉焿番，是本港首間肉焿店，獨家口味肉焿，非常有特色，而且口味夠正宗呢，所以經常都排隊。3號綜合丸湯餐可以+$5轉大魯肉飯驚食唔晒所以我冇加$轉大的魯肉飯上枱已聞到魯肉香，魯肉飯魯肉肥肉不算多，肥瘦均勻，肉很入味，香口帶肉汁，香而不油膩綜合湯丸有3粒，佢個湯好好飲，加上3粒丸又多汁又彈牙。一口鹽酥雞香噴噴的鹽酥雞，鹽酥雞非常酥脆，肉嫩多汁，一口接一口停不了。仙草芋圓2號仙草芋圓有3款配搭，我地點了仙草芋圓2號，有仙草、白色小丸子、海藻水晶、三色芋圓，好足料，有大量海藻水晶和白色小丸子，底下亦有大量仙草，仙草口感滑溜溜，口感清涼冰爽!冬瓜珍珠冬瓜清甜甘醇，配上黑白Q彈的珍珠，非常適合天氣熱的時候大喝一口。

今晚同朋友兩個人去左元朗既羅東肉焿番到試下佢既出品，呢間店一直口碑盛傳有好正宗既台灣名產：肉焿可以試下，所以吸引左我地呢兩個鐘情於台灣美食既食客黎試一黎😜我地分別叫左兩個唔同既套餐，分別係肉焿+肉燥飯套餐，同埋台灣牛肉麵套餐。羅東肉焿湯套餐（配上一碗肉焿+一客肉燥飯）肉焿湯味道濃郁，感覺用左好多材料去做出鮮味，係一般餐廳比較少見既。上台前服務員有提醒肉焿內會加上辣醬以及黑醋。加上後辣度都唔算好辣，但就令到肉焿味道更多有層次。而且肉焿裡面既豬肉相當好味，係一種好爽脆既感覺，比較難形容，總之就相當好味有驚喜。而肉燥飯都有水準以上，感覺豬肉肉碎都係新鮮豬肉，所以做成肉燥一點都唔會遜色。羅東牛肉麵套餐（配上牛肋，自家酸菜，手功麵條）湯麵份量十足 ，麵條QQ彈牙而牛肉用上牛肋條，亦都啖啖肉，同埋相當之淋身好好味。加上自家酸菜同埋湯底，雖然唔係店家主打既招牌菜，但係水準都有返咁上下。最後我地叫多左小食 ：台灣鮮蝦捲同埋綜合丸湯。鮮蝦捲外層炸得香脆，而蝦肉新鮮彈牙。綜合丸湯我地就覺得略咸少少，可能台灣羅東對於湯品既製法係有所不同，湯頭唔太岩直接飲用。套餐分量極足，我地食到最後飲埋杯檸檬蘋果梳打就完成

上次經過已經見到好多人排隊，今日我地早小小黎，只係等了5分鐘就有座位了。餐牌主打有台式鐵板吐司、肉焿湯、乾拌麵、魯肉飯、小食、仙草芋圓，價錢合理，而且份量對於我黎講夠大碗。2號乾拌麵餐麵條用上粗麵條，口感煙韌彈牙，麵條上有大量芫茜和魯肉，魯肉味道濃郁，魯肉份量足夠可以撈勻成碗麵，而且還配上綜合丸3粒，3粒都爽口彈牙。炸澎湃花枝丸即叫即炸，花枝丸炸至金黃，大大粒，好彈牙椒鹽四季豆新鮮熱辣辣炸起，四季豆清脆口感仙草芋圓2號有三色芋圓、白色小丸子、海藻水晶，仙草芋圓超級足料，底下是滿滿的仙草，三色芋圓芋香味濃，小丸子軟糯，消暑一流

📍元朗𝚈𝚞𝚎𝚗 𝙻𝚘𝚗𝚐❝重磅爆餡芋泥肉鬆吐司💜🍞❞💜🍞肉鬆芋泥吐司 $42 (3.5/5)好厚身有重量😍芋泥綿密好實淨😬我覺得芋香唔夠濃🤥加上有好多肉鬆 更搶味 整體淨係食到肉鬆味🙈麵包雖香脆但偏乾🤭都係之前係ig網店食既好食d😆🍱魯肉飯+鹽酥雞+椒鹽四季豆 $61 (3/5)另外仲叫左set lunch✨ok啦~驚喜不大😬🙈꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍羅東肉焿番元朗鳳翔路69號建輝大廈地下5號舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_元朗🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_台灣菜

元朗呢間台灣餐廳一直都好出名，今日得登入嚟元朗就係想試吓佢嘅紫薯芋泥吐司，同埋滷肉飯😆朋友叫咗個綜合丸湯餐，我就叫咗一份芋見紫薯吐司❤️因為本身就好鍾意紫薯同埋芋泥🤤朋友叫嗰個綜合丸湯餐係有三粒肉丸（花枝丸同香菇貢丸）同一碗滷肉飯一個套餐嘅飯份量十足，亦都好有台式風格👍🏻 而我叫嘅芋見紫薯吐司買相好靚，亦都非常之大份，佢嘅紫薯同芋泥好軟滑，不過個紫薯味係重過芋泥味，所以唔太試得出芋泥嘅味另外，我哋仲叫咗一份一口鹽酥雞😋😋個鹽酥雞佢一樣係好大份😋👍🏻同埋炸得好脆，雞肉亦都好嫩滑，唔會話啲炸粉好多～最後我哋仲叫咗一碗仙草芋圓1號（三色芋圓、蜜紅豆、海藻水晶$34 ）share嚟食～佢嘅海藻水晶係好有咬口～勁好食！❤️️🤤仲有芋圓亦都有好多粒，好抵食～反而野飲方面，我哋兩個都叫咗凍嘅冬瓜茶，但佢嘅冬瓜茶太過甜🙈如果唔太中意飲甜野嘅人，可以試下揀返無糖高山茶～最後埋單每人都係一百蚊有找，性價比真係好高呀，大家有機會就去試吓啦😋地址：元朗鳳翔路69號建輝大廈地下5號舖

香港首間正宗台灣肉焿店，朋友說要一吃，表示其在台灣宜蘭總店當地亦有名氣，同時成為台灣國宴上的美食。等位期間，看看放在門外之餐牌，想想待會點什麼，不錯，選擇很多朋友很想樣樣吃。魯肉飯溏心蛋，魯肉肥瘦比例好，魯肉份量非常的足，味道不會過鹹，很抵吃呢。芋見紫薯吐司烘好吐司上面分別加入大大球芋泥同紫薯蓉，一點亦不孤寒，難怪做到爆餡效果！知道這店每日蒸熟鮮芋頭同紫薯，壓成芋泥同紫薯蓉，感覺很好。羅東肉焿湯肉焿湯是新鮮豬大骨熬製，入面焿肉豬肉、魚漿等材料人手搓成，每朝現做現煮，很新鮮也。稠身，焿肉軟腍入味，有筍絲、芫荽，這於台灣點的肉焿湯一樣。肉焿湯同魯肉飯起家的店子，很好吃，而且店員非常有心，芋圓仙草台式甜品不錯，台灣菜，店裡店外都幾有台灣地道小店嘅感覺。肉焿湯、魯肉飯、台灣麵等幾款台菜，進化到依家不時推出香港少見嘅台式潮興甜品做招徠，棒。

因為疫情關係，沒有去旅行的日子，非常想台灣的感覺，跟朋友想了想，只好在香港尋找異國的美食來慰藉一下，想念台灣夜市的味道，要來這小店品嚐喔肉焿湯湯頭有少少木魚味，調味主要是甜辣醬、特製蒜蓉醬、烏醋同香菜，質感像港式碗仔翅比較濃稠。每一口米粉沾到滿滿的肉焿湯 ,棒。湯的醬味十分突出，幾塊豬肉，很入味，一點也不會韌踢喔，味道和台灣吃到的很接近!濃稠滑溜，再淋上台灣獨有的烏醋，酸辣醒胃，適合夏天吃!炸蝦卷店的份量非常多 ,好吃分享.芋見紫薯吐司厚多士壓實，吃的時候鬆軟，芋泥紫薯完美配合，餡料超多，吃得快樂。芋泥亦滑，中間芋頭粒，散發淡淡芋頭味。不會太甜的芋泥加上濃厚紫薯~棒. 不得不提，漸變紫色實在太美了～紫薯加上芋泥，兩種夾在一起吃，實在滿足仙草芋圓推薦三色芋圓~三色芋圓很有味道，充滿芋香，煙韌有咬口。配搭白玉珍珠，加添珍珠粒粒，一咬口感很好,味道很豐富，甜度棒。很多時候，想吃一個薄餅，人不多又不能吃，這店子很好，貼心的份量，二人吃也很棒喔