緣聚西日餐廳 (仁愛堂圍) (已結業)

朋友住屯門 話呢間抵食 所以一行四人就試下啦🤣一去到門口已經有個聖誕老人 充滿節日氣氛🎊呢間係用平板點野食 相當環保又方便👍佢呢排既特色食品係雪燕 所以我地都點左雪燕奶凍同雪燕甘柚肉榴連雪糕 奶凍好滑 配上雪燕有滋潤既感覺👍如果中意食榴連既都一定要試榴連雪糕！好濃郁 配上柚子肉同雪燕都好清新👍👍刺身 壽司同手卷都好多選擇 刺身都好新鮮 特別推三文魚腩 好肥美😋壽司有正常或者火炙 而且細細粒 試曬咁多種都唔怕食濟！手卷都係袖珍size 咁就唔洗怕食太多飯唔抵啦😛炸物燒物都應有盡有🙆🏻‍♀天婦羅既炸粉唔厚 真係食到𥚃面既食材😛芝麻雞翼都炸得好香口 但依然好多肉汁 我地一人都食左幾隻🤣如果想食清小小 可以點個湯底 打下邊爐 配料選擇都多 我地主要淥下菜 健康啲😛

同朋友黎試試呢間日式放題火鍋店，意外食到好好味嘅榴槤雪糕，鍾意食榴槤嘅朋友一定要試。主角當然係刺身，三文魚刺身有得叫三文魚腩，滿足到鍾意肥味口感嘅朋友，甜蝦係大大隻嘅牡丹蝦，好新鮮。值得一讚嘅係數量嚟得好足，寫幾多嚟幾多。放題我就好少食壽司嘅，但呢度壽司都值得叫，飯唔會好大舊，唔會太硬，仲有好多款揀，個人覺得最好味嘅係和牛，燒左口魚，同鰻魚壽司。另外亦食咗兩款手卷，海膽同三文魚子幾新鮮，飯就同壽司一般大細，大大塊紫菜包住幾好食。其他料理都唔錯，有好少嗌到嘅三文魚頭，鐵板燒黑椒一口牛，口感好䭃又唔會乾。仲有炸芝麻雞翼好好食又香又多汁。最後甜品有好多款雪糕可以揀。

屯門價廉物美放題✨食味種類繁多 岩晒唔同人嘅口味最推介係焦糖雪燕3.6牛乳雪糕😍一定要試下！最頂有雪燕 再加上焦糖同雪糕 而且雪糕又好硬 一啖食晒三樣嘢 三重感受🤤 一定要encore ！

其實野食比一般放題算好食雖然之後極口乾但都ok 啦員工態度幾好上菜執嘢都唔慢少漏單只係優惠安排令人覺得餐廳老闆有點小家。。。長者優惠點解一定要出示長者咭呢。。。其實身份證都足夠？（但價錢牌有寫既）而同行小童係生日月份諗住可以有88折但佢話身份證無相。。。要有護照先得😅我就覺得。。。有點兒。。。驚訝既當然啦俾你係人情結果當然係無俾人情我唔。。。道理上餐廳當然絕對無錯但我就有點兒失望了但再戴返頭盔先味道係ok既

今日整完回鄉證就喺附近搵野食， 原來屯門都有一間緣聚，呢間超大間， 感覺好新，好企理。餐廳非常大，座位非常多， 設計都幾時尚新穎，仲有iron man嘅小擺設， 感覺貼近潮流嘅尖端。首選先點了些刺身， 三文魚刺身睇落去好肥美，食落去三文魚油多， 味道新鮮鮮甜。吞拿魚夠晒厚切冰凍， 一啲都唔腥。 甜蝦都幾大隻， 搣曬殼而且蝦頭仲有膏添。 象拔蚌夠曬爽口鮮甜，而且仲大大片添。隨意點咗鰻魚壽司，和牛壽司和蟹柳壽司。 我比較鍾意佢嘅壽司細細件，感覺食好多都唔會好飽， 仲可以試好多唔同款式嘅壽司。呢度竟然有三文魚籽手卷食， 簡直係我嘅大愛呀， 三文魚籽成本高，食返十件八件都返本了。出面自助式也分了沙律部，小食部，飲品部和甜品部，非常清晰整齊。呢度竟然有迷你甜筒添， 食枝細細哋仲可以試埋其他款式既甜品，真係正。 甜品選擇多，真係冇可能樣樣都食曬。呢個價錢有咁多選擇，真係好抵食， 仲要唔使成日同人迫。

啱啱搵到新工, 同班friend 過黎慶祝下, 放肆一下吧!!食放題又點會少得刺身? 三文魚, 吞拿魚, 八爪魚, 象拔蚌, 仲有帶子, 每樣10件!!叫到成枱都係, 真係好大快人心。所有野都係細細件, 慢慢食都冇有怕!除左一般放題會有既菜式之外, 仲有蟹粥。雖然都係細細個, 又好似唔係主打食物, 但依然好有鮮味, 絕對冇Hea 我地。壽司一定要咁叫先夠排場喇讚岐烏冬簡簡單單加個芝麻醬已經好好食手卷都好細個, 哈想飲番D 啤酒既, 都有啤酒座俾你任斟, 順便練下斟酒技巧食完咁多野, 最後就梗係要食番個甜品喇, 呢到有大把Dreyer's 任你攞, 雪糕仲等咩? 掃喇!!!環境都幾有情調下次再黎拆餐勁既

約左一大班中同食飯，大家有咩就叫咩，叫到成枱都係，同時交換大家近況，回憶當年認真盡興！火灸壽司系列唔同種類既壽司，例如左口魚，三文魚，牛肉等。每件都非常的式，只有一隻手指既大細，完全唔怕食唔哂。食肉獸系列肉肉肉，全部都係肉，仲有兩隻蝦。壽司食唔飽既，呢碟實幫到你。台灣一口腸同鹽青魚炸物系列有唔既天婦羅，仲有煎餃子同炸雞翼鐵板一口牛，牛腔必點！仲有當年回憶既玻璃樽維他奶成箱任攞！(飲得哂至好攞呀)有哂兩隻味俾大家酒鬼們最愛一定係呢個櫃，有日本梅酒，青酒，仲有幾款啤酒，黑啤俾大家揀

昨晚在屯門約埋朋友，再次去到 ”缘聚西日餐廳”, 我們到餐廳時可能時間尚早，可選隨意擇近窗位置，邊吃邊看風景和我的車😅。餐廳環境依然係四處放咗精美卡通人物照片和公仔！各種飲品及各式酒都係任飲，可惜我今晚開了車，只能選擇沒酒精飲品，還要看著朋友大杯大杯啤酒喝下！😳首輪 Order 點了各式各樣刺身 、 壽司 、 手卷 、 炸物 、 天婦羅等，新鮮刺身，鮮味內滑，最愛的三文魚，油膩均勻分布，鮮象拔蚌，彈牙爽口鮮甜！甜蝦和鮮帶 子 真的停不了口 正 ! 還有炸物和羊架、洋蔥豬扒雞翼、炸榴連、日本番薯、天婦羅炸蝦... 甘香可口美味。甜品芒果布丁、各種口味雪糕和雪條😘😋完全可以吃不停口！有情提醒，下次不要開車過嚟，可以盡情地飲🍺🍺🍺🍺

近來吃放題吃上癮，屯門選擇不多所以選了這家！裡面裝潢頗有特色，帶重工業風，位置寬闊，聊天也舒服！🥂外面擺放了沙律小菜，醬汁搭配隨意挑選，而且添得滿滿的，頗新鮮！😍飲品方面，餐牌上有特飲，外面也有飲品櫃，啤酒等仼飲，款式頗多，連熱樽裝維他奶也有！用平板電腦點其他食物，環保非常，不再用紙，介面也簡單，用分類挑選，容易操作。刺身當然首位，甜蝦帶子大隻鮮甜，推介，款式都夠，壽司比較特別的有雪燕系列可以挑選，我最喜愛有火炙壽司，帶子也是首推！😋😋燒物幾乎每樣都有試，推介煮蜆，湯清甜，蜆肉無沙鮮味，鐵板牛柳粒惹味，牛柳軟淋，值得一試。🤤還有甜品櫃，吃了不同色的馬卡龍，不是一般的果醬味，有心機之選，還吃了dreyers雪糕，滿足！價錢抵食，而且屯門放題選擇不多，可以試！

呢排係屯門食野多，因為女朋友轉左工今日8點幾黎左呢間緣聚，輪侯時間要排一陣隊，大約10分鐘左右入到去環境ok啦，個人意見係嫌佢唔夠光猛，侍應帶我地坐低之後周圍睇吓有咩食先呢度提供食飲品種類非常多下，除咗放題之外另設有雪條櫃、甜品櫃、同hoegaarden啤酒任飲,甜品櫃最正係有冰糖燕，而雪條櫃有懷舊緊孖條點餐方面就用iPad,自己落單，同平時既放題差唔多，款式種類好多，有刺身，煎炒煮炸嘢，重點係佢燒燒/焗蠔任食，加$98既話就生蠔任食，落單方面冇乜點樣甩單既情況以$158一位呢個價錢，我個人認為cp值好高😍

適逢週末秋高氣爽，一大早就來到屯門區行逛。離屯門市廣場不遠有一家日式放題店，在門外看到豪華午市放題$178一位，就決定一試。餐廳尚算寬敞，椅子五顏六色，周圍佈滿裝置掛飾。每桌均有一部平板電腦供點菜使用，圖文並茂，操作簡易。自助區提供各式前菜，甜點及飲品任選，款式頗多，花多眼亂。食物方面，炸物及焗蠔尤為出色。炸物除有基本的天婦羅（蝦，南瓜，蕃薯，茄子）外，亦有芝心蝦丸，紫心香芋丸等。由於即點即炸，每次上桌的食物都是熱辣辣，香口好味。焗蠔有兩款口味，包括黃金焗蠔（即芝士白汁）和蒜香焗蠔。本人較喜歡後者，蒜味香濃但又不會蓋過蠔本身的味道。另外，店內的雪燕系列料理亦是賣點之一。我們試了雪燕花之戀壽司、雪燕帶子壽司及雪燕三文魚子軍艦。壽司和手卷比正常細小，正適合眼闊肚窄的我們，可以多試不同款色的食物。汁煮牛舌、黃金雞軟骨和鐵板牛柳粒也不錯。牛舌和牛柳粒味道濃郁，口感軟腍。沾滿鹹蛋黃的炸雞軟骨入口香脆，很快便吃清光。最後吃了榴連雪條作結。

今日帶埋小朋友係屯門行街，最後鎖定左係緣聚西日餐廳食午市放題。因為多種類比小朋友同大人選擇，大家可以食到唔同既野食。我地揀左豪華午市放題，供應時間是1145-1530， 入面有2小時任飲任食。收費合理，星期六、日及公眾假期，成人$178, 小童$138, 再計加一。平日會再便宜$10。呢度係使用類似ipad來落單，十分方便。見到ipad 內都分左唔同既種類，有：燒物、一品料理、精選火鍋、壽司、刺身、手握手卷、西日扒類、焗蠔、飲品、特製甜品等。看到不同的分類，覺得都幾多元化，岩曬今日大人及小朋友來任食。他們會按照你點的數量上菜的，記得數清楚每人需要來落單，以免造成浪費。我地點左以下食物：牛舌、壽司、刺身、炒雜菜、天婦羅、雞翼及牛肉麵，每款質素都唔錯。牛舌有牛味，使用燒的方式，上面有落黑椒。壽司很新鮮，特別推介左口魚裙邊壽司，十分好味！刺身叫左甜蝦、希靈魚、帶子及玉子，每款口感新鮮及鮮甜，我地都叫左幾轉刺身，哈哈。炒雜菜份量適中，因為份量太多的話，會吃得太飽而食唔落其他野。雜菜味道唔錯，有日式風味。炸天婦羅方面，我地叫左蕃薯、南瓜及茄子。南瓜及蕃薯極力推介！因為天婦羅香口而唔重油膩感。如果

貪嗔痴乃人的三毒，貪吃一定是最毒的魔咒。每次遇上美食，真的很難不失去理智，來到這食店簡直是原罪，哈哈！放題總有着一股獨有的魔力。忍不住了，來吧！看到那麼多款雪糕跟甜品，甚能不手指大動！先來一回壽司盛宴，最近的主題是雪燕，原來加在壽司裡很有驚喜，忍不住瘋狂起來。三文魚新鮮，三文魚子也很甘香，即點即做，讚！叉燒拉麵也不錯，湯底算濃厚。炸物很香口，最喜歡炸餃子，餡料多多。最後甜品，忍不住拿了一盤馬卡龍，鬆軟可口，吃着吃着，放縱了一個下午。

預先喺OpenRice訂座，可以有九折。我哋食嘅時段係晚上七點至九點，每位成人收費係$248。呢間放題佢會俾個QR code你，你自己用電話落單，落完單之後食物以超快速度上枱。另外佢有飲品櫃、冷盤沙律仲有甜品可以自助拎。飲品方面值得一讚嘅係佢有Hoegaarden 啤酒比你自己斟，而且有其他例如黑啤同韓國啤酒。食物方便都係有刺身、壽司、料理、天婦羅、熟食之類。魚生還好D 蠔勁細隻唔好叫漢堡扒（係m記果款）, 羊幾有So味、牛還好，雞翼就炸到好乾同埋好硬、蝦都算大隻。黃金雞軟骨，蛋黃味唔夠勁鮑片雞粥（粥都幾綿，好多雞肉但唔係好覺有鮑片）紅棗冰糖燕窩（紅棗勁大粒無核既，燕窩成份好少但個問題係太甜喇）牛奶綿綿冰（唔夠牛奶味）、雪燕焦糖3.6牛乳雪糕（感覺特別，鍾意嗰陣焦糖味，可惜唔夠牛奶味）

年尾清一清假同朋友起屯門行下突然好想食日本野於是黎左呢間試下見佢都幾大間應該都唔錯入面裝修都幾有特式叫野食都好方便用部pad 就可以了去得食放題當然要叫剌身啦兩個人所以叫唔到好多選擇既刺身都不少三文魚不錯榮螺和帶子 都幾新鮮整體質素都唔錯另外都叫左壽司試下都唔錯汁煮牛舌我覺得係最好食的味道濃郁 小食種類都不少有台灣腸雞翼及天婦羅而且味道都幾好如果驚唔夠飽仲可以叫碗拉面飲品亦有很多選擇 紅豆冰 檸荼外外邊亦有很多飲品可自取最後當然要食個雪糕作結尾啦其實仲有好多甜品的不過已經好飽要等下次再來食了