緣聚西日餐廳 (仁愛堂圍) (已結業)

職員態度欠佳，落單前沒有指引，由於我哋落唔到單，職員就話我哋揀咗啲星級食品，仲話我地唔好諗住咁平就可以食啲百幾蚊嘅嘢食。個半鐘頭截單，前後兩位職員會吹你。當中又會漏單，12:00開始，2:00就提我地走，我哋話食埋啲嘢就走， 5分鐘內有三位職員輪着同你講夠鐘就要走不能夠食埋啲嘢先走。如果你哋係想有一個快樂嘅聚會，就千祈唔好揀呢一間餐廳。其實當日都只是有幾枱生意，相信都不是一間受歡迎的餐廳。我同我三位朋友都很後悔選了這間餐廳作為聚會。

呢個價錢都算系甘樣，d野食種類吾多，但質素ok，全部都系細細件，服務一般，同男朋友吾知食咩好，見佢178/位，加一服務費，19點前離開仲有95折，折完人均消費187，依家食個放題甘既價錢算系甘，環境舒適

之前已經試過元朗嗰間，覺得唔錯所以今次要帶埋爸爸去屯門食，環境好闊落。留底幾高幾舒服，位置方便。只係係杯渡站行多兩步！一坐低我媽咪就要試返上次嘅蟹粥 今次係雞蟹粥刺身！！！正 鮮！有三文魚腩太吸引食呢d都抵返哂！第二推介 芝士焗蠔！蠔味重 又香有心思嘅雞軟骨，唔係平時嗰種，佢係有鹹蛋黃包住！！牛舌又淋又香！呢張相嘅賣相好唔似放題。壽司仲有黑松露 重點真係燒魚背 算係偏門sushi都有 即燒的！食飽左 出面仲有好多甜品同埋飲品可以拎飽到又係食返冰糖燕窩既物體 中和一下最後媽話 下次唔去buffet 去返呢到

近排食放題上癮，好鐘意可以任叫唔嬲，食勻哂成個menu，儘管我唔係啲咩大胃王😅。一直都唔知原來市中心附近有間放題，位置唔辟但我就好少行過個邊。食品種類唔少，野食size 唔大(不過刺身同大蝦都真係大大件），可以俾自己試多啲野。首先梗係要嗌啲刺身啦， 擺位裝飾好有心思，三文魚、油甘魚同帶子都係唔錯可以推介。花之戀一口size 但絕不馬虎。十分推介既係鹹蛋黃雞軟骨，蛋黃包裹著成個雞軟骨，個種鹹蛋黃獨有既鹹香惹味，搞到我不斷啪完一粒又一粒。芝士焗蠔既芝士接近可以拉絲既程度，滿滿既芝士唔會蓋過蠔肉既味道。海膽手卷上既海膽入口即溶，冇腥臭味。炸物食得出係新鮮炸，十分燙口。粉漿唔算好厚，蝦肉爽脆，酥炸蠔入面既蠔肉唔細，好滿足。燒大蝦都係另一道好值得recommend 既小食。調味恰到好處唔過火，蝦肉唔霉夠彈牙，encore 左兩次。最後一定要有甜品作結，佢有得任攞雪糕雪條、乳酪、蛋糕等。最正既係連dreyers 都可以任食。可惜既係本來有好多朱古力味既dreyers 眨下眼就冇哂😅😂

自從上次同老公食過一次緣聚既夜晚放題, 佢就成日問我幾時再有時間去食, 今日難得兩個都星期六放假, 就試下晏就食放題啦！星期六日午市放題先$108, 其實出去食碗拉面都過百, 所以我覺得好抵食架！門口menu list out 左部分食物, 唔使怕入去唔岩吃！我好欣賞餐廳有暖既維他奶, 岩唒女仔飲！餐廳仲有半自助bar, salad bar, 我自己好鐘意餐廳既炸物, 唔會炸到好油但表面炸到岩岩好！每樣食物上到枱都保持住熱度！依點好值得讚！

爸爸生日帶他去食好西，這間放題每晚九時後入場第二位可享半價。另外生日全月優惠有八八折。食物總量多不勝數我覺得有100種以上，比起一般的日式放題, 緣聚的選擇十分多，覺得太悶的話又可以點中式火鍋，三五知己圍在一起烚吓烚吓~ 其中令我最難忘的是這盤刺身，每一種刺身都非常新鮮及壽司種類 繁多，我們也叫了幾種試一下。最喜歡就是海膽手卷，手卷不會太大舊一啖一口鮮甜美味。炸物做得很鬆脆又不會太油膩，椒鹽蝦丶炸芋頭波波丶炸雞軟骨串…我們也重複吃了幾次呢~飲品方面真的值得一讚，款式除了普通的罐裝飲品外，也有一些特飲可供選擇。甜品款式也有很多， 朱古力糯米糍、豆腐花 ，而雪糕是著名品牌 Dreyer's ; 吃多幾杯已經可以回本. 我覺得用250元可以吃到這麼高質素的食物十分抵食，如果再有大節日要一家人聚餐的話一定要來再幫襯，大人小朋友都非常啱食。

完全無諗過午市放題都可以咁多嘢食，咁多選擇，仲要係好新鮮！講到放題一定要食刺身，我哋一共叫咗三輪，每一輪都超級新鮮，特別係帶子，有鮮味之餘又大大粒。三文魚厚度足夠，唔係簿切，有口感！壽司及卷物🍣係另一必食item呀芝士火龍卷，中間係大隻炸蝦，而最表面係火灼芝士，送上做熱熱地，即點即做，放題有咁質素，難得燒芝士生蠔，蠔肉仲係juicy，多汁清酒煮蜆，每一碗份量唔太多，但蜆肉十足，又無沙其他熟食及炸物都不錯，最有驚喜係炸餃子，唔厚粉，餡料無韭菜，屋企個老人家食得好開心，仲叫多輪添最後係甜品，同一般放題一樣有雪糕雪條，但呢度既自製甜品好味，特別係朱古力糯米糍，中間有粒牛奶朱古力，再用煙煙韌韌既糯米糍包住，表面撒滿朱古力粉，我呢個朱古力控自己一個食10粒呀屋企個老人家表示午市豪華放題絕對值得久不久豪一次呀

今天朋友生日來到此餐廳星期一至四大人$248餐廳提供電腦屏幕點餐，非常方便刺身首選三文魚腩刺身，非常肥美入口即溶另推油甘魚、甜蝦、象拔蚌、鮮帶子及鮑魚均新鮮帶海水味其次是揚物，吉列蠔新鮮多汁榴槤炸彈榴槤肉足很香濃芝麻雞翼脆口有肉汁, 芝麻味濃而燒物則推介厚燒牛舌、鹽燒三文魚頭、鹽燒鯖魚，既濃香又惹味!黃金焗蠔及蒜香焗蠔，同樣飽滿豐盈牛油焗甜薯，甜美精細濃湯煮蜆有酒香，蜆肉鮮甜飲品的紅棗燕窩非常清甜解渴，推介而雪燕蜂蜜蛋糕，有新鮮感

以屯門區來說，緣聚西日餐廳的放題算是性價比高，食物質素亦不錯。當日我和家人食晚上7時開始的自助餐，刺身有每日限量供應的三文魚腩，新鮮且油脂分佈平均，是我的最愛。不久後三文魚腩就沽清了，受歡迎程度可見一斑。餐廳有自助沙律吧，雪糕雪條櫃，甜品櫃和飲品櫃等，選擇相當多，而且還有Dreyer's雪糕, 梅酒及冰糖雪燕等, 相當吸引。黃金雞軟骨咸蛋味濃，芝麻雞翼皮脆肉嫩， 芋心波波外脆內軟的，全部都是即叫即炸， 上枱還是熱辣辣，脆卜卜的。熟食海鮮有濃湯煮蜆，鮮甜美味，而燒蝦就超大隻兼啖啖肉，很讚。還有好多食物，如鐵板牛柳，蒜香雞翼尖， 燒蠔等不能盡錄。同時亦可打邊爐，配料選擇多，肥牛，菇類，蔬菜類，麵類等，令人非常滿足。當日還有雪燕系列可選， 特別以雪燕蜂蜜蛋糕最為出色，口感綿密鬆軟，雪燕又養顏。 總括來說絕對值得一試!

今日約了保險經紀，經過見到有間日本放題，剛想找地方傾談保險醫療，就入去一試，17:30未到晚市人不算多，靜靜地坐得幾舒服，即刻落單叫食物，上菜速度強大多款冷盤小食可選擇三文魚拖羅新鮮味美，入口即溶鮮甜味美，甜蝦口感柔軟元貝軟滑無腥味焗蠔蒜香焗蠔焗嘅時間剛剛好，令蒜香帶出蠔嘅鮮味，黃金蠔，沙律醬焗蠔味道恰到好處,沒有腥味入口嫩滑值得推介黃金雞軟骨蛋黃醬炸雞軟骨，味道好新奇，咬落去唔油，蛋黃味齒頰留香冰糖燉雪燕雪燕粒粒同紅棗一齊食又養顏又補血，喜歡甜品嘅我，呢個燉雪燕甜味剛剛好，雪燕粒粒同紅棗一齊食味道配搭不錯，有驚喜飲品有很多選擇，雪糕雪條選擇亦多，十多款不同款式適合喜歡不同口味的你

屯門何福堂輕鐵站緣聚西日餐廳終於試咗啦，可以說是平😉靚😄正😋。材料都是新鮮的。刺身刺身一定要食刺身，三文魚腩真係入口即溶好肥美，帶子厚切，螺肉象拔蚌肉質相當鮮甜。軍艦壽司非常值得一試，真的非常好吃，紫菜脆脆的即叫即做，有燕窩系列！海膽壽司都有啊，creamy 鮮甜，飯很小，唔會太飽，食多幾件都得🤣🤣燒物很有火候，外脆內軟。芝麻雞翼一定要試，肉質嫩滑，外皮脆卜卜😌😌雞軟骨和其他餐廳不同因為是咸蛋黃加面粉炸的所以有非常濃郁的蛋黃香，像黃金蝦的味道。飲料🥤非常多選擇，仲有hoegaardan rose 🌹 生啤，非常適合女仕🥰🥰食返個炒雜菜，平衡下，日式炒法，好香呀！甜品🍮有專櫃，好吸引呢，仲有任食dreyer's雪糕！食到勁飽添！下次家庭聚會可以來😎😎

屯門區放題呢間位於屯廣馬會隔離 價錢都幾平 原來宵夜時段仲有二人同行一人半價優惠添👍餐廳入面裝飾都幾有特色~😍沙律吧款式都幾多~ 特別八爪魚同啲螺都好正，仲有新鮮蔬菜沙律添😃刺身黎講大致上都非常唔錯 一啲雪味都無👍當中最好食既真係非帶子莫屬 好甜好鮮 每人食咗四五粒😌好厚身，新鮮！熱食方面選擇也不少，炸物尤其出色😃😃雞軟骨炸得好好食 一啲油都無之餘 咬落去又脆卜卜🤤豚肉豬骨拉麵細細碗唔會太飽，湯底好濃郁😋焗蠔一定要試，鮮甜、惹味最尾就緊係食番個甜品 馬卡龍呀😍😍連dryers雪榚都有呀🤩總括黎講cp值都幾高！價錢比出面低既同時啲野食又好食啲 一定係首選👍

今日來到屯門探朋友，朋友突意邀請我們到緣聚吃放題，聽友人口中所講，這間緣聚放題不論裝修環境、食物質素、價錢都一流，說得這麼好，那當然要一試！以放題價錢來說，真的不貴，尚算便宜。整間食店的裝潢如友人所講，確實彼有特色。刺身質素相當高，非常新鮮，與其他較貴的放題食店級數差不多，特別是象拔貝刺身，好肥美，爽口鮮甜，當晚我都不停追加😋！我喜歡嘅壽司款式佢都有，正👍🏻！特別係海膽壽司，必點必追加，另外火炙左口魚壽司好好吃呢，是我預期之外，放進口，暖暖的，淡淡醬油、滿口油香，即使吃飽了都要追加😂！還有焗蠔可以點，當然不可錯過！至於其他燒物也相當不錯，炸蝦香噴噴，外殼酥脆，又夠鹹香，至於雞軟骨亦夠入味。以上食物都成為我地當晚不斷追加嘅目標😂！

又食放題喇，屯門食放題首選緣聚，屯門站行八分鐘左右就到，非常方便。地方大，裝修新穎，坐得舒服，我們6點入坐已經有不少人。用平板點餐，方便環保。前菜、飲品、雪糕雪條和甜品都可以在出面取。食放題首先當然要點刺身，刺身夠凍，甜蝦大隻，鮮帶子大大粒新鮮鮮甜，三文魚肥美，象拔貝爽口。喜歡這裏的壽司，一口一件，可以試多幾款，海鹽燒和牛壽司入口融化，醬燒三文魚壽司帶有三文魚的油香。燒過的燒粟米串很香，粟米甜。日式花膠翅足料，但略嫌鹹了些少。黃金及蒜香焗蠔，焗過的蠔大大隻很香口。炸物粉漿薄，芝心蝦丸彈牙，榴槤炸彈濃郁好味，吉列蠔都不錯。雞軟骨串帶有點點辣，香脆可口，蒜香雞翼尖淋身入味。最後當然要食甜品，有Dreyers任食，焦糖雪燕3.6牛乳雪糕脆脆的焦糖加上濃郁的牛乳雪糕，已經很好味，今次還加上雪燕，令人吃不停口。侍應有不停收拾每人$248加一，下次再食過。

兩個表妹放暑假，過咗黎屯門玩，話想食放題，屯門市中心雖然有好多野食，但係想揾間食放題嘅餐廳都唔係咁易，不過好在有together 緣聚，每次想食放題，都會去together 狂食😋。清酒煮蜆好大隻鮮味濃郁羊架熱辣辣夠惹味 刺身都有唔少選擇，帶子大隻又新鮮壽司美味款式多「火炙壽司」都唔錯 燒蝦 熱辣辣 大大隻焗蠔隻隻鬆軟熱辣辣 ， 芝士焗生蠔香噴噴熱辣辣 飲品同甜品都好多選擇，竟然連dreyer’s都有!忍唔住食咗幾杯😋