緣味小聚 (LADDER Dundas) (已結業)

喜歡食蒸海鮮同埋任食安格斯肥牛，這裡就係一個價錢滿足了這個要求！朋友見到這裡現在價錢做緊優惠於是就係咁上了去這裡大食一餐！今晚我們就選了個星級大鮑魚海鮮蒸氣鍋套餐，有八款新鮮海鮮加任食安格斯牛，如果唔夠還可以額外再加錢升級任食選項。除了八款海鮮外，還有份豐盛滿意嘅糕點同埋一個豐盛八寶蒸飯。蒸鍋火力十足，最先就係大帶子肉質彈牙爽口鮮甜，真係兩口才完成！接住就係生猛鮑魚，等待時不停轉動夠晒生猛，肉質十分彈牙爽口煙韌夠晒口感！聖子皇亦十分鮮味彈牙！一樣接一樣，真係夠晒新鮮！另一個就係個豐盛滿意，上面有不同嘅特色糕點，個人最喜歡就係個超黃金流心奶黃包，真係差點被流心燙到😜，一咬即流出香滑嘅流沙，正！不得不提另一個八寶蒸飯，由多款食材，自選8款組合，望到真係樣都想食，當然最後就係8款最最想食嘅配料，個滑雞都真係幾出色，同埋最後是將個飯攪勻一齊先食，感覺好正！而安格斯牛當然唔可以比佢停！牛味濃郁，一啖飯一啖肉，最緊要係一個價錢！咁又食得飽飽滿足嘅一餐了！

收工同同事食海鮮，於是揀咗呢間位於旺區嘅蒸氣鍋餐廳。我地揀咗$268/位的海鮮蒸氣鍋套餐👌🏻包括8款海鮮+無味精燉湯+任食安格斯肥牛+八寶蒸飯！非常豐富呢！海鮮源自唔同產地，夠哂講究又當造。~6小時燉原盅絕無味精燉湯~非常大盅又材料豐富，包括蟲草花/瑤柱仔/瘦肉/龍眼肉/雞腳等，味道燉得好突出，清甜無味精！夠哂養生！~蘇格蘭蟶子皇~味道鮮美，蒸完仲好飽滿，有濃濃海水味~紐西蘭鮮大帶子~口感肉厚又爽滑，味道鮮甜，唔點醬食更能嚐到原鮮味~愛爾蘭大刀貝~嫩滑又鮮甜，洗得乾淨，一粒沙都沒有呢。~韓國大鮑魚~口感鮮甜又彈牙！大大隻啖啖肉！同樣洗得乾淨~深海龍躉件~口感肥美又鮮嫩，啖啖魚肉兼無骨，啱哂我呢d懶人食~生猛大海蝦~好彈牙👌🏻又夠大隻~鮮甜貝殼類+青島大花蛤~富鹹鮮海水味，不用點醬料也很夠味。肉質鮮甜又洗得乾淨~蒸蔬菜~蔬菜很新鮮，有粟米/冬瓜/芋頭等，店員幫我地蒸完海鮮又蒸蔬菜，控制時間都很好，蔬菜蒸得清甜～無限量任食安格斯肥牛～同事瘋狂吃過不停！牛肉味道香濃，油脂分佈平均～八寶飯～大胃王同事非常期待八寶飯！可以自選八個配料去蒸，我們點了沙嗲豬頸肉+醬油漬牛脷+銀魚仔+冬菇粒+蝦醬豬腩

收工後同同事去食海鮮慶祝下happy Friday!我地點咗呢個海鮮蒸氣鍋套餐($268位)，有八款星級海鮮、燉湯、無限量任食安格斯肥牛同八寶蒸飯！勁扺食~-6小時燉原盅絕無味精燉湯非常足料又大盅！有雞腳、蟲草花、瑤柱仔、瘦肉同龍眼肉嘅燉湯，燉得夠哂入味，而且的確無味精！-▪️韓國大鮑魚洗得好乾淨，鮮甜又大隻又彈牙！▪️蘇格蘭蟶子皇海水味濃郁，好新鮮，而且蒸完仲好大條！▪️紐西蘭鮮大帶子蒸完都仲好大隻又飽滿，夠哂肉厚，口感爽滑。▪️愛爾蘭大刀貝好鮮甜嫩滑，一粒沙都無咖～▪️深海龍躉件啖啖魚肉無骨，肉質肥美鮮嫩，龍躉皮夠爽口～▪️生猛大海蝦夠哂大隻，而且彈牙。▪️青島大花蛤、鮮甜貝殼類濃濃嘅海水味，鮮味十足，基本上唔洗點醬料都好夠味。肉質鮮美，洗得乾淨無沙咖！▪️蒸蔬菜蔬菜同樣好新鮮，有粟米、芋頭、冬瓜等，尤其粟米蒸得超清甜，必試！▪️另外仲有無限量任食安格斯肥牛！蒸完嘅牛肉牛味香濃，油花香溢，忍唔住食咗好多轉！▪️八寶飯我地點咗蝦醬豬腩肉、銀魚仔、萵筍、醬油漬牛脷、冬菇粒、土魷絲、牛粒同沙嗲豬頸肉，蒸起咗非常香！又夠足料 每粒飯粒粒分明，滿滿配料嘅香氣，加少少醬酒撈埋黎食，大滿足！▪️點心另外叫咗一籠雜錦點

樓上蒸氣鍋海鮮餐，地方易去易搵，坐落環境舒服，打邊爐唔會追太迫啲餸冇位放叫咗個$268嘅「星級大飽魚」套餐一嚟唔係食海鮮鍋先，係上咗俥老火燉湯先呢個燉湯真係feel到佢燉咗好耐好足料，好有屋企燉足一日嘅老火湯嘅感覺！跟住就開始上海鮮蒸氣鍋員工會服待埋幫手蒸，自己唔使郁手，直接蒸好上埋碟先嚟一隻大鮑魚同帶子鮑魚彈牙爽口有咬口 十分滿意帶子口感更加出色 相當新鮮有小許海水味咬落又係彈牙多汁充實成個口腔 相當推薦之後就係一大條聖子，成條口感豐富，同樣新鮮彈牙，加埋豉油更加帶出鮮味呢個都係個人超級鍾意嘅跟住係大花蛤同貝殼，呢度食落全部都濃濃海水味，十分鮮甜而又有海水嘅咸味每一粒都極其鮮嫩有個波波pop出嚟不得不說呢度啲海鮮係真係高質好好味 好有驚喜最後係龍躉同海蝦，龍躉肉嫩鮮甜，但份量唔多整體海鮮蒸氣鍋份量適中，味道甚佳，食材新鮮，值得推薦呢個套餐亦都包括一個八寶蒸飯，個人之前都冇食過可以自選八款配料，我就揀咗蝦醬豬腩肉、雞軟骨肉餅、醬油漬牛脷、柱侯牛粒、臘腸、蓮藕、沙嗲豬頸肉同冬菇粒結果出到嚟呢個配搭意想不到地令我滿意其中個人覺得必點嘅係臘腸，令佢成個蒸飯有咗個主調，而蓮藕同冬菇粒就令個飯更

今次去旺角食依間緣味小聚，他們主打海鮮蒸氣鍋，依個就係吸引我地黎既原因😍餐牌主要有兩張，有唔同既優惠👍🏻，套餐比顧客選擇，我地就揀左$268既大鮑魚蒸氣套餐。💛首先上左一盅無味精燉湯，有蟲草花，赤肉，雞腳等材料，飲落夠哂雞湯味☺️之後上左一大盤海鮮，就係套餐內的8款海鮮🤤，每種海鮮都大大隻，亦算新鮮。😋我們全程就住喺到等食，因為有專人為我地蒸每一樣食材👍🏻👍🏻，唔洗驚蒸太耐或蒸唔熟浪費了食材。😍最後是自選八寶蒸飯，選擇超級多，一定有自己鍾意食既野，而蒸飯要蒸二十分鐘，等待既時間比較長，可以試吓佢地自家制既茶，雖然忘記名字，但記憶中是很不錯的。

一向都很喜歡打邊爐, 如果再加上海鮮, 當然錦上添花啦, 今日朋友揀咗呢間餐廳店鋪不算大, 地點相當方便, 正正信和中心對面我地揀咗 $268 蒸氣海鮮火鍋, 每人都有8款海鮮, 再加肥牛任食!店內服務很好, 蒸海鮮完全不用出手, 店員會預攪時間制, 一響就來幫忙海鮮大大隻, 都幾新鮮, 要贊一下餐廳醬料上嘅紅辣椒, 非常夠辣, 很惹味!另外餐廳供應嘅燉湯, 一上枱經已聞到好香, 不加味精, 材料十足!

當日我地去旺角行街 突然好想再食海鮮蒸鍋 所以就係OpenRice 睇下邊間吸引啲 所以當日就黎左呢間試下佢地既蒸鍋星級大鮑魚海鮮蒸氣鍋套餐 $268套餐包左燉湯、 8款海鮮、八寶蒸飯同任食肥牛～ 燉湯好清甜 不過味道可以再濃啲🥰 同埋佢寫明無味精 所以都飲得過😉 8款海鮮包括鮑魚、蟶子、帶子、深海龍躉件、大海蝦、大花甲，蜆。當日無大刀貝 所以佢地比多左每人兩隻大蜆🤔鮑魚新鮮爽口彈牙蟶子都幾大隻帶子都ok龍躉件新鮮👍🏻大海蝦鮮甜🥰大花甲同蜆都係無沙而且每隻都漲卜卜😍

早前相約朋友到旺角緣味小聚來食海鮮晚飯, 為太耐沒見朋友相聚一番。店每張台都附有蒸氣鍋,方便蒸食物,。座位有長台及卡位選擇。*我們選擇【豐盛滿意豐盛八寶蒸飯 】有湯,八款海鮮,分別有鮑魚、聖子皇、帶子、龍躉、蝦、大花蛤及貝殼類, 還有任食的食物, 十分之抵食。*有調味醬混下,按下自己喜愛而調配。**首先送上<6小時燉原盅絕無味精燉湯>這湯是虫草雞腳排骨湯,味道夠濃夠甜,好飲到極。*接著,主角出場了。送來多款豐富海鮮, 十分新鮮。**有計時器, 可以計到時間蒸幾耐,開始蒸海鮮及食物。全程有店員跟足每種食物要蒸幾耐時間及協助打開鍋蓋及更換換碗碟。**蒸一蒸主角海鮮,蒸~~~將海鮮焗桑拿,蒸出原汁原味,完全可以食出鮮味來。**點了些任食的食物來蒸,特別安格斯肥牛口感味道不錯, 所以再encore多一次。*最後,當然少不了甜品, 味道不會過甜,剛剛好的,非常滿足的飯餐。

Fatbrown 系海鮮蒸鍋岩岩興起的時候食過一次，當時覺得又貴又唔好食時隔多年，系朋友的熱列邀約下，俾多次機會佢今次去到油麻地嘅緣味小聚，同之前嘅唔同，好多配料都係任食，唔驚食唔飽有兩個海鮮餐揀，今次揀咗個平少少嘅，包着蒸氣海鮮、任食肥牛同埋啲糕點<海鮮套餐$268>種類都幾多鮑魚、帶子、扇貝、大蝦都有齊海鮮總括而言都好新鮮，唔會食到腥味，性價比超高食到最後，侍應會將頭先你揀咗配料嘅八寶飯送上八寶飯用蒸籠蒸熟，所以米飯係偏硬身爽口，加埋煲仔飯豉油食真係一流其實個八寶飯都食唔晒已經好飽如果真係仲食得落嘅話，可以食埋嗰盆糕點，馬拉糕有黑糖味幾香幾好食

陪好姊妹去辦完嫁妝後,係時候醫吓個肚。之前同事推薦在油麻地地鐵站附近間緣味小聚吃蒸氣海鮮鍋套餐;用一個價錢有幾種亨受。趁著行到附近我們就上去試試。踏入餐廳見牆上掛上不同類別的海鮮蒸氣套餐優惠，天花掛上特別燈飾，四週環境一般。選了鮑魚海鮮蒸氣套餐；有八種海鮮包括有肥厚鮑魚、鮮甜花甲、蛽、蝦、聖子、帶子、等等，另有2.5小時任吃肥牛；還送了一碟矜貴的手切牛肩脊；滾熱辣的燉湯夠滋潤，八寶飯可在24款食材中㨂選八款食材；揀了蝦醬豬腩肉、榨菜梅頭肉、蒜香茄子、竽頭和南瓜等等，混合香米一同煮，飯吸收了八種食材的精華，令這八寶飯更添惹味!侍應在這晚的殷勤招待令我倆感到無比窩心！

之前有一排好興食海鮮蒸鍋，大食妹都去食過幾次，但係次次都要五、六舊水一個人，仲要係食唔飽嗰隻男朋友話朋友介紹油麻地有一間海鮮蒸鍋，買單三舊水一個，仲要一定食得飽， 咁點都要去試吓啦升級開心價$268有兩個套餐揀，今次食咗個平嘅$268包左唔同款式嘅海鮮，任食肥牛，八寶飯，仲要有糕點揀，咁多嘢食好難唔飽蟲草花燉雞湯冇味精燉湯，蟲草花好清甜，雖然好大碗，但係都飲晒海鮮方面有齊大鮑魚、蟶子皇、帶子、大刀貝等等用了好新鮮，唔使調味料，就咁清蒸已經好鮮甜時間較得好好，海鮮唔會蒸到太熟，全部都好好食自選八寶飯，有超過40款配料，揀其中八款，啱晒心思思咩都想食嘅大食妹最後仲有糕點食，不過太飽食唔晒啦三百幾蚊有咁多料食，性價比極高

大部人都愛火鍋，不過打得多好燥熱，所以去到呢間食店有得揀蒸氣鍋，二話不說就選擇了蒸氣火鍋，蒸氣火鍋有兩款套餐選擇，我揀了一個親民價錢(即係平啲)，包咗一堆海鮮，蟶子皇、帶子、鮑魚、花甲等等，仲包咗一盎冇味精嘅燉湯，同埋任食安格斯牛肉，另外包一個八寶蒸飯，睇落去墟撼。先來一個燉盅湯，有蟲草花、瘦肉、雞腳等等材料，味道夠火喉，同埋夠熱辣辣，唔似得一啲餐廳啲湯攞出嚟就凍晒，所以感覺唔錯。飲湯過後，跟住輪到海鮮出場，服務員逐樣放在鍋上，蒸完之後就食，食完先到蒸另外一款，雖然好嘥個火，但感覺好企理。在芸芸海鮮之中，個人鍾意食龍躉件同蟶子皇，海鮮本身咁新鮮，用蒸嘅煮法簡直係原汁原味，食到鮮味之餘，如果點上醬油就更加惹味。海鮮嘅份量如果畀男士食可能唔係太夠，不過加埋個八寶蒸飯就足夠有餘，蒸飯可以從二十幾個材料中選八款材料去蒸，出嚟嘅飯油甘飽滿，加埋不同嘅材料更加肥美，蒸飯有五碗左右，食完就飽飽。

在家食飯已經有一段長時間，趁著疫情放緩同限聚措施放寬，也來輕鬆一下，當然也要遵守防疫措施，好似用「安心出行」同探熱，食之前同食之後都帶番個口罩。近日在緣味小聚用膳食海鮮蒸氣火鍋，餐廳在彌敦道近油麻地站行三分鐘左右就到，位於大廈嘅9樓，餐廳環境唔算大，大概有十零張枱，亦沒有什麼裝修，簡單實際為主。套餐以海鮮為主，食材頗為新鮮，鮑魚從韓國進口，都幾大隻，蒸嘅時間唔使太耐，一陣就食得，頗為彈牙有咬口。而帶子夠大隻，是從紐西蘭進口，相對上要啃耐啲，點啲辣椒豉油夠和味。雖然海鮮類別有數量限制，唔多夠喉，不過安格斯牛肉就係任食，可以食到飽為止。蒸蔬菜類別頗豐富，有粟米、南瓜、冬瓜、菜等等，蒸氣將蔬菜蒸熟之餘亦可以將水分鎖住，所以咬落去仍然juicy，夠健康有益。餐牌上仲見到有生日優惠，待下次自己或者朋友生日再嚟幫襯。

收工晏咗買唔到海鮮上網睇吓近近哋邊度有海鮮抵食嘅餐廳記得上次去過嘅麻辣小聚樓上仲有一間叫緣味小聚名字相似 所以特別有印象而緣味就係食蒸海鮮㗎喇🤩-上到去餐廳已經聞到好大陣海鮮味等待入座期間睇定餐牌先見到「首創」字眼就好奇想試😆生猛龍蝦蒸氣鍋🦞 + 椰子水粥底火鍋🥥 $268/位套餐包括6款海鮮：龍蝦、蟶子皇、蕃薯貝、鮑魚、海蝦、帶子-店員會幫忙教好時間依次序蒸尼個時刻真係美好 唔洗自己買 自己拎 自己洗只需要等食😌每款都新鮮肉厚 唔會蒸過熟 好正呀！食完海鮮 就會嚟煮粥㗎喇半隻靈芝走地雞加落去雞味都幾濃同滑 椰子水粥底煮到超級甜呀 好好味！食到尼到其實已經開始飽但係又見到好多可以追加嘅項目而最抵每位只需加$29.8 就可以叫埋M5和牛打邊爐又有菜又有點心諗得通會食得哂所以一於追加😌點心都幾意外會係有包類有一種食完晚飯馬上食早餐嘅感覺🤣🤣🤣Hahahahaaaaaa醬料收費 $20/位星期五、六及假日另加 $20/位Whatsapp登記做VIP 仲有79折！咁計落真係幾抵食！

前兩日突然好想食海鮮但朋友又想食邊爐所以就揾咗蒸氣海鮮+邊爐🫕旺角緣味小聚推出咗一個蒸氣鍋餐只需$268/位即時WhatsApp 資料做會員更加可以再79折海鮮方面有人氣生猛龍蝦🦞半隻蘇格蘭蟶子皇一隻鮮甜蕃薯貝二隻韓國大鮑魚一隻扎扎跳大海蝦二隻爽甜貝殼類二隻 海鮮大致新鮮 龍蝦直程仲手郁郁上層蒸完海鮮後下層有鮮椰子水粥底配靈芝走地雞半隻椰子粥非常清甜 走地雞亦非常之滑食完粥底之後可以再加$打仼食邊爐佢有唔同價位因為食埋粥底已有七成飽所以我揀咗最抵嘅套餐 （加$29.8）就可以有四種肉類（當中更包括M5和牛)、走地雞、牛肉球及有機蔬菜及各款糕點甜品平日鐘意食海鮮 但又唔識洗乾淨又唔清楚蒸嘅時間呢道蒸海鮮係店員幫手蒸計好唒時間 所以蒸岀嘅海鮮全部都啱啱好鮮甜致唔使點鼓油都好好食店員服務都好好 所以喜歡海鮮嘅朋友不妨試試佢