緣味小聚 (LADDER Dundas) (已結業)

初入去服務都不錯，跟住不停幫我地蒸，食唔切，好趕，跟住食完個套餐就可以叫任食牛及其他雜食，但幫我地蒸晒D饱肚食物先放牛，再叫就等好耐，跟住又漏单，摧佢當聽不到。最後埋單，又要加酱油費(根本都唔使用)，又要加六日附加費(沒有標明)，2人加埋要$5xx，好貴，諗住有折会好底食，點知貴過食放題，食物質素比預期差，以後不会再幫襯😡

海鮮蒸煱越來越多，今日選擇呢一間食蒸鍋係因為口碑不錯。裝修簡單，有卡座可以好舒適地享用食物。侍應親切有禮，服務周到。廚房出品相當之快，點了食物約5分鐘就已經可以上桌。每次蒸海鮮都用有聲計時器，不會過老，侍應10分殷勤服侍，蒸的時間剛好，十分滋味無窮。食得開心又安心。👍🐥⭐️⭐️⭐️⭐️選擇了套餐$268，有大刀貝、深海龍躉片、大鮑魚、蟶子皇、鮮大帶子、、生猛大海蝦、大花甲、鮮甜貝殼類、燉湯、牛小排任吃和八寶飯。海鮮印象最深刻是韓國大鮑魚。👍🐥⭐️⭐️⭐️燉湯沒有添加味精，是天然的味道。八寶飯的飯粒粒粒分明，軟硬式鐘，非常飽肚。還有甜品可以任點任吃。

訂了成個星期先有位嘅緣味小聚食海鮮蒸鍋，首先每人一盅無味精燉湯，之後店員會將每款海鮮放入蒸鍋計時，全程不用自己動手可以傾下計慢慢食鮑魚，聖子王，帶子，大刀貝，龍躉件，海蝦，花蛤，貝殼類食完以上新鮮鮮甜嘅海鮮😋，之後自己再由三十款材料選八款配料等食八寶蒸飯😀，再可以無限量任食午頸脊，手打牛丸，蟲草花雞，蔬菜甜品就有馬拉糕，黑糖蜂巢糕，棗皇糕，薑汁千層糕，燕麥糕，黑糖桂花冰粉八寶蒸飯相當好食雖然已經好飽都食咗一碗不過記得記得一定要訂位

朋友推介話旺角有間海鮮蒸鍋經常爆滿，一早book定8點去食，上到去都未有位，等左大約10分鐘就陸續有人埋單。order左星級大鮑魚海鮮蒸鍋套餐＄268 (任食2.5小時), 無限量任食手切星級牛小排，豐盛八寶蒸飯，燉湯，加＄20無限量添飲無酒精飲料。6小時燉原盅絕無味精燉湯 ～ 松草花燉雞湯。鮑魚，蟶子，帶子，大都貝，龍躉件，蝦，花蛤，蜆肉類方面，除左有牛小排重有雞件，牛肉球。豐盛八寶蒸飯，系24款配料中揀8款自己嘅心水食材，第一次試味道又幾特別喎。飯後甜品～馬拉糕，紅棗糕，薑汁糕，黑糖糕，燕麥糕。吾太甜，煙煙韌韌，幾好食。桂花冰粉，透心涼。

海鮮係唔錯但份量好少 大海蝦變小海蝦 手打牛丸其實係牛肉球 你以為個飯係連埋一齊蒸 其實係廚房拎出嚟 叫咗八樣餸 每樣得嗰少少仲要冇咗雞翼 啲雞仲有少少生 有兩個服務員一個好西 一個正常偏煩 下次食海鮮呢間不了 一次就好。

旺角一帶要搵野食唔難，但要食物，服務質素好又坐得舒服嘅就唔容易，呢間緣味小聚就值得推薦。Book左8點，去到就即刻可以入坐，鋪面唔大，約10枱左右，全部都坐滿哂，想食記得訂枱先較好。一坐低就有店員過嚟講解餐牌，我哋揀左$268嘅鮑魚餐，同加埋$20任飲。呢個時段兩個人仲有8折添。係溝緊醬料嘅同時，首先黎左個燉湯先，好多料，燉左6個鐘，啲精華出哂黎。然後就到重點海鮮，全部都有光澤，好新鮮。店員會幫手放埋落蒸鍋，亦會講解下蒸嘅次序同時間，然後用timer計時。大概四分鐘左右就可以食，鮑魚爽口鮮甜，帶子肉質細嫩（其實應該係扇貝），蜆類蒸完都會開晒口，好新鮮，同埋食落都無沙。食咗一半左右會上埋八寶飯，飯入面嘅材料係自己選擇，店員都會幫手撈埋，飯煙韌，有好多唔同嘅材料係入面，口感複雜有層次。食完海鮮就開始任食嘅部份，大部份都叫左黎試，最緊要就梗係手切牛頸脊，睇落雖然冇咩脂肪，但血色幾好，食落都好有牛味。蒸牛真係第一次，感覺似打邊爐，但無左湯底，牛嘅鮮味更突出。另外佢亦有好多款嘅糕點係任叫，全部都好高質，馬拉糕好鬆軟，好香蛋味，黑糖糕同埋紅棗糕都好煙韌，材料味道好明顯，非常推介。最後食埋又係未食過

今日係好朋友生日，我哋為他慶祝，選擇咗食海鮮蒸氣鍋仲要係地點方便嘅旺角彌敦道食完個個都方便返屋企。去到坐低選擇要$268嘅升級大鮑魚海鮮蒸氣鍋套餐, 好快職員就拎咗四碗原盅蟲草花燉瘦肉出嚟畀我哋飲，咁啱好肚餓，依碗燉湯除咗感覺滋補之外仲知道我哋個位話曬蒸海鮮都需要啲時間先有得食。見我哋飲完湯之後店員就拎出一份海鮮拼盤出嚟，包括韓國大鮑魚，紐西蘭鮮帶子同埋蘇格蘭蟶子皇 ，每人每款一隻。 店主純熟地將盤上的海鮮續款以不同嘅最佳蒸煮時間，煮熟同分派畀我哋享用。每件海鮮都被蒸得剛剛好，沒有過熟也沒有未熟，吃到海鮮的原味， 更有一樓嘅口感三款之中我覺得最出色嘅係大鮑魚因為很少有食到咁大同厚身嘅鮮鮑之外而且食落十分彈牙，鮮甜， 之後就係愛爾蘭大刀貝，深海龍躉，生猛大海蝦，青島大花甲，鮮甜嘅蜆， 每款都各有特色， 而且十分新鮮被洗得十分乾淨， 而且服務就到自己唔使點郁，蒸完店員，就幫你放上碟， 你食就可以了。                                       食完海鮮店員叫我哋選擇八寶蒸飯嘅食完海鮮店員叫我哋選擇八寶蒸飯嘅材料例如有蝦醬豬腩肉秘製雞軟骨肉餅土豆絲，土魷絲，柱

我有一個家姐，佢向來對海鮮愛不釋手，入秋季節，見到個蒸海鮮餐幾抵就帶佢試吓～ $268包每人一份鮑魚，帶子,大聖子，大刀貝，龍躉件，大海蝦，大花蛤等海鮮，仲要手切極品牛頸脊，同豐盛八寶蒸飯同黑糖冰粉。 響食嘢之前每人都有一盅燉咗六小時嘅蟲草花雞腳瘦肉湯，十分滋補，傳單上寫明呢個湯無味精，飲落真係原汁原味，唔會太咸的。 首先有韓國大鮑魚， 蘇格蘭聖子皇同北海道元貝皇，跟著就是愛爾蘭大刀貝。佢哋清潔得啲聖子同元貝皇好乾淨，啲内臟同唔食得嘅部位，佢地都清潔矖，食落乾淨利落而且放心。好少食嘅大刀貝都原來咁好食，加埋啲葱花同辣椒食更顯鮮甜！鮑魚好厚肉，而且都好大隻，店員響食客面前將肉同殼分開，保證唔會好似人地所謂會reuse殼咁。帶子肉都有汽水罐底咁大，啖啖肉，夠過癮。 食蒸海鮮，點可以少左可樂吖！我們每人加了$20做任飲，有好多款鴻福堂大枝裝飲品，例如紫貝天葵，雪梨茶，雞骨草等等下火飲品，仲有我同屋企人都鍾意零系可樂，同其他汽水同埋韓國飲品任飲，$20都好抵。 手切極品牛頸脊任食又係一個亮相， 牛肉肥瘦適中，油脂味道香溢而又不牛肉味。另外個八寶飯都一絕，有近三十種配類俾大家選

本身唔多好海鮮，因為要新鮮好味嘅海鮮香港通常都貴，不過女朋友話想食呢間旺角新開嘅蒸氣鍋就試下啦，又有驚喜咼！先睇吓餐牌，$268一位，我8點上去，呢個時段有8折添！已經有多款世界各地嘅新鮮海鮮同任食牛頸脊。飲品加$20就可以任飲。一坐低店員就放低調味料，仲好細心咁講解餐單。然後就先黎一個原盅燉湯，勁足料又出味，果然係燉左6個鐘，唔望都飲到有咩料係入面。一路飲一路畫八寶飯嘅料。重頭戲嘅海鮮！睇相就知係新鮮即開。我最鍾意係帶子，好鮮甜，食到有一絲絲嘅肉質感。鮑魚亦爽口彈牙。花甲同蜆嘅貝類蒸4至6分鐘左右就開哂，證明全部都好新鮮。八寶飯除咗自己點嘅料，仲有粟米，花生，南瓜等配料。飯煙韌，唔洗落調味已經好食👍🏻各款配料都叫左啲，雞有雞味之外，仲有好香酒味，正。牛勁脊睇色水都知真係非急凍貨，有血色，無起霜，食落牛味重，有牛嘅煙韌。佢嘅糕點都非常滿意，馬拉糕好鬆軟，亦唔鬆散，口感好，有蛋香。黑糖糕，紅棗糕等都好煙韌，好濃材料味，好好食！😋最後仲有冰粉，未食過亦未聽過咩黎，店員話係片糖冰糖，桂花等。點知其實唔洗問，一食已經好香桂花味，質感似日本嘅啫喱，好滑，入口即溶，亦唔會好甜，感覺清新。總結係二百

食物服務有標準的蒸海鮮今日收工同朋友去旺角信和行下買下野,行完已經7點,睇下 openrice見呢間位於ladder dundas緣味小聚有268海鮮套餐,仲有任食牛肉,就上去試試。一坐低,即刻上左個燉湯,幾足料,有瘦肉,雞腳,蟲草花。之後就係蒸海鮮,有一隻鮑魚,蟶子,帶子,大刀貝,3隻 蝦,3隻蝦。蒸海鮮有店員服侍,服務非常有標準,蒸任何 海鮮都係set同一個時間,不講食材,厚度。所以有d會比較生,有d就好熟,非常有趣。食完海鮮仲有個八寶蒸飯,可以任煉8樣醚,有肉有菜,不 錯。食完海鮮,店員會俾張點心紙,可以揀d任食食材自己蒸,第 一次揀左1份牛肉,1份娃娃菜,1份蟲草滑雞,樣樣都幾好 食,牛有牛味,菜有菜味 ,雞有雞味 。 諗住嗌多 一轉,點知店員話只可以喘一轉。 早知之前嗌多一份。最後埋單268,經濟實惠。

踏入24節氣嘅小雪，理應天氣漸涼，但最近嘅溫度還是反反覆覆，但冇阻食蒸鍋嘅興致。 最近食蒸鍋嘅餐廳都越嚟越多，今次就嚟到旺角試下緣味小聚， 喺旺角彌敦道Ladder Dundas 9樓海鮮蒸鍋有三個套餐選擇，豐儉由人。今次試下$268/位 星級大鮑魚海鮮蒸氣鍋套餐 有八款蒸海鮮＋ 豐盛八寶蒸飯，可加$20 非酒精飲品任飲，開鍋計任食2.5小時。首先上蟲草雞腳燉湯每位一客， 蟲草花幾香，夠清甜。之後再逐款海鮮送上，侍應會幫忙處理。海鮮包括鮑魚、帶子、花甲、龍躉、海蝦及其他貝殼類， 每款海鮮都非常新鮮及鮮甜， 最正係鮑魚十分彈牙，食完海鮮後仲有無限量牛頸脊、蔬菜、馬拉糕等等任食。最後就係八寶飯啦， 有二十多款配料可自選八款，我哋揀咗翠玉瓜、臘腸、南瓜、雞件、蓮藕、芋頭、 淮山、牛舌。 多款材料混合嚟食，非常滋味。 最後食埋個黑糖桂花冰粉，好飽非常滿足。

最近天氣清涼，令人非常想食啲熱辣辣嘅嘢， 今晚就揀咗緣味小聚海鮮蒸鍋，餐廳係Ladder Dundas9樓。餐牌上有三款海鮮蒸鍋套餐， 今次揀咗升級大鮑魚海鮮蒸氣鍋套餐 268蚊位。 包括咗8款海鮮， 有鮑魚、蟶子、花甲、海蝦、 龍躉片等等， 味道鮮甜，鮑魚夠彈牙。 除咗海鮮之外，仲有各款蔬菜、手切牛頸脊、馬拉糕、千層糕等等，非常豐富。 值得一讚服務好好，全程都唔使動手，由蒸海鮮到拆殼 ，侍應們都一手包辦。平時食蒸氣鍋通常係粥底，今次好特別係八寶飯，有二十幾款材料任揀八款， 蒸好再上檯撈勻就可以食，香氣撲鼻。 最後上埋個黑糖冰粉，夠晒完美。今次飯局好滿意， 海鮮蒸鍋夠鮮甜，份量足，服務好，下次可以再試下升級套餐。

朋友介紹的蒸氣鍋😆 每位$268有燉湯，海鮮，八寶蒸飯同任食牛小排！！🤩而家仲有$1半隻蟹的優惠，價錢幾吸引。不過我地今日唔想食蟹就冇試啦。揀完套餐，首先送黎6小時燉湯，今日係蟲草花龍眼豬肉。飲完唔口渴就知佢冇味精啦😉套餐冇包飲品，可以選擇加$38無限量任飲。我就留返個肚唔飲咁多水，等食海鮮同牛肉😎海鮮分左兩盤上菜。鮑魚彈牙爽口，侍應會主動切埋鮑魚肉。聖子皇唔算太大隻，不過爽口清甜👍海蝦身型較瘦削，食落冇咩肉地。 龍躉塊稍微蒸過頭，唔夠滑溜有少少鞋。然後就到牛小排啦😛首先每人先黎三塊，睇落紋路唔錯👍輕輕蒸熟兩面就食得😃唔夠食既朋友可以任叫呀！不過我建議大家留肚食埋八寶飯先🍚食咁多肉又點少得菜呢，有粟米同清甜娃娃菜balance下。蟲草花走地雞，肉質彈牙，加左藥材幾香。手打牛肉球必叫！同酒樓個d冇得比，好食到完全唔同層次🤩古法馬拉糕，黑糖蜂巢糕，棗皇糕，薑汁糕同燕麥糕😋啱曬好鍾意食糕點既我❤️薑汁糕蒸得軟熟煙韌好正！八寶飯可以自選配料，24款入面揀8款都考起選擇困難症既我😂最後叫左臘腸，銀魚仔，炸菜絲，蒜香茄子，香滑雞件，豬腩肉，冬菇，同粟米🌽唔好以為好細兜，每人分到2碗架😉臘腸令蒸飯更加

見到旺角開左哩間蒸氣海鮮，就忍唔住book黎試下啦！不過可能人多book左都要再等。選擇都好多，最期待當然係海鮮。蟲草花雞湯😋個鮑魚勁新鮮，仲識郁的😝仲有帶子貴妃蚌蜆魚蝦呀😊天氣轉涼，食蒸氣鍋感覺岩岩好😊蒸鮑魚另外仲會有啲走地雞啊牛肉啊俾你去做配搭。咁要一讚佢個八寶飯，真係比較特別同埋好味，自己揀八款唔同嘅配料，我哋就揀咗啲粟米南瓜排骨咁做返個配搭，撈出嚟食個感覺真係啱啱好😋😋😋咁今日食咗啦，佢嘅海鮮的確非常新鮮，大家都可以試一試。

今天突然想吃蒸氣火鍋，和友人來到旺角呢間「緣味小聚」嘆返餐。海鮮套餐任君選擇，食材吸引，價錢合理。先來每人一盅燉湯6小時炮製而成，十分足料, 蟲草花好香，燉湯暖胃，沒有味精海鮮種類多，有聖子皇、鮑魚、龍躉、海蝦等，特別是聖子皇超有鮮味，新鮮又彈口，清蒸才吃到每樣海鮮的鮮味。有專人為食客蒸煮，細心和體貼，服務一流。手切極品牛頸肉是任點的，肥瘦適中，有牛香，口感嫩滑。手打牛肉丸也必點，咬開時肉汁溢出，味道有點似牛肉球！黑糖桂花冰粉很冰涼和消濟，飯後必食，似蒟蒻，帶有啖啖桂花清香。千層薑汁糕也很彈口，薑汁味濃郁，甜度亦適中。