緣味小聚 (LADDER Dundas) (已結業)

位於旺角彌敦道非常易搵，商廈細細層層都係餐廳，今次有緣先試哩間！有火鍋亦有蒸鍋，120分鐘用餐時間半放題，因為友人生日就揀個豪華啲嘅龍蝦海鮮蒸鍋，價錢方面又加又減少少複雜，周末收費就$378+10%，讚好社文平台有79折，埋單位位數336，唔包飲品！加埋任飲汽水茶再加$38。海鮮有8款，龍蝦係膽，再有鮑魚、蟶子皇、大扇貝、桶蠔各一隻，花蛤、大海蝦🦐、龍躉片🐟各兩件，生材仲有安格斯牛同幾款蔬菜可以任點任食，仲有點心包點都係任食。仲有一份八寶蒸飯添！齋睇牌面好似幾OK，收哩個價錢就唔算貴，不過都係食完先下定論。服務員一次過將所有海鮮都上晒俾我哋，一人一盎燉湯🥣，先飲為敬，一般燉湯味，雞腳瘦肉冬菇唔見有咩貴嘢喎！龍蝦唔算新鮮但都算大隻，蒸起肉質都彈牙鮮味！鮑魚係韓國貨睇落唔似好新鮮，不過還算大隻，友人生日仲每位多送一次添！咁兩隻又抵食啲囉！大元貝睇樣都知唔新鮮，大小一般，嘛嘛地啫！哩隻蟶子皇又唔夠大隻，肉有削，又係嘛嘛地！中碼桶蠔蒸完再細隻啲，食到哩到開始食到伏味！甚麼大花蛤、龍躉片仲有大海蝦？咪玩啦，知唔知「大」字點解架？！龍躉片同"大海蝦"仲要霉架喎！任食嘅安格斯牛，質素也罷！再嚟一份八

朋友太耐無見，就約係旺角食飯，見到有蒸海鮮，價錢好抵，$268咋首先每人一盅無味精燉湯，茶樹菇燉瘦肉湯，湯料足夠，微微甘甜，很養生的湯水。鮑魚很大隻，放上去蒸都仲活的，蒸好後唔會回縮，好鮮甜。聖子王爽口，好粗身，大大啖食又無沙。帶子大粒，已經處理好曬，勁鮮嫩。龍躉件無骨很滑，清蒸最能將海鮮的鮮味帶出，而且最原汁原味，點少少豉油已經好正。仲有蔬菜，有南瓜片，娃娃菜，原來蒸菜都一樣甘清甜。。。。甜品就有好多，其中我最中意食棗皇糕，薑汁千層糕，薑汁糕勁濃薑味，紅棗糕又補血，其他都係朋友食曬，都話好食。其實仲有蒸飯，大大碟，夠曬四個人分，有豬腩肉，牛肉粒，少少臘腸，惹味，少少肥唔怕啦。。。。食完海鮮，有啲熱，決定加$28 飲台式飲品，菊花茶清熱透心涼

同幾個朋友食飯 佢哋又想食海鮮但係又大食 於是就嚟到呢間緣味小聚係食新鮮蒸海鮮 仲有部分食材可以任食 啱曬我哋餐廳位置唔多 不過卡位做得夠闊落 坐得幾舒服每人一盅原盅燉湯入面材料有雞腳 豬展等等 都幾清甜到咗主角海鮮啦總共有六種非常新鮮嘅海鮮 鮑魚 蟶子 夠曬先甜 蒸幾十秒就食得 原汁原味大蜆 份量好多超級大隻又冇沙帶子 睇個樣就知新鮮啦 帶子非常厚肉 落少少豉油已經鮮味無窮龍躉片 夠新鮮肉質彈牙仲有個八寶蒸飯 入面已經包咗粟米 芋頭 沙葛南瓜 等等嘅材料 夠曬飽肚呀

又同班靚太去食飯，大家都唔想食太heavy既野，所以提議食蒸鍋，我地揀左海鮮蒸氣鍋套餐既星級大鮑魚餐，一黎上枱係原盅燉湯，感覺冇味精，好夠火喉好濃郁。海鮮有8款韓國大鮑魚-大隻彈牙蘇格蘭聖子皇-爽口鮮甜紐西蘭大帶子-大隻又肥美深海龍躉件-勁嫩滑生猛大海蝦-新鮮鮮甜青島大花蛤，鮮甜貝殼類-量多甜味仲會有點心同包點添，我食左黃金流心奶黃包，有流心效果。安格斯肥牛仲任食，質素唔差添！另外有蔬菜同八寶蒸飯添，蒸飯好多配料，有牛舌粒、芋頭粒、鮮淮山粒、南瓜粒、肉片、榨菜同花生，甘多料都幾好味。

第一次食飯食到發脾氣。上到去首先已經感受唔到冷氣，然後被安排坐咗係一張放咗直立式風扇吹吓而已，個冷氣又滴水！諗住叫杯水飲吓冷靜吓，俾咗杯滾水嚟，真係無言，問佢哋有咩飲，佢話有好多不同種類嘅嘢飲，不過你加錢呀，加錢就咩都有得飲。叫咗個$338套餐，裡面海鮮包括蟶子，上到枱先話冇貨，是但換咗2隻鮑魚就算，啲蜆十分唔新鮮，食落去有臭味又有沙，真係好激氣。問職員個底嘅8寶飯係另上定係個底度，職員冇禮貌不得只仲要冇回答過就離開。再叫蘿蔔片，其實冇可以講聲，又是旦俾冬瓜就算，話都係一樣啫。總括依然，最後埋單加埋個d所謂嘅假期費茶位食咗成$8xx，真係冇咩事唔好去食，曬氣！

最鐘意食 #海鮮 嘅我，覺得 #蒸海鮮 係最原汁原味。同朋友食飯試咗旺角 #緣味小聚 嘅海鮮蒸氣火鍋🍲。今次選擇星級大鮑魚海鮮蒸氣鍋套餐，首先每位有1盅無味精 #燉湯 🥣，飲落鮮甜，而且很足料。主角有8款蒸海鮮（韓國大鮑魚、蘇格蘭蟶子皇、紐西蘭大帶子、愛爾蘭大刀貝、深海龍躉件、大海蝦🦐、青島大花蛤等）。我喜歡爽口彈牙嘅 #鮑魚，以及鮮甜嘅 #蟶子皇 。仲有任食 #安格斯肥牛🥓，食落肉質嫩滑，充滿油脂香，味道唔錯食完要再食。跟著來點心拼盤，#核桃包 鬆軟，裡面有粒粒核桃，幾好味😋。另外 #黑糖糕 都值得試，有香濃黑糖味又唔太甜。最後食 #八寶蒸飯 🍚，可以選8款配料，蒸飯很香，而且感覺健康，我都食咗2碗。　

朋友話想食海鮮，就約左去旺角「緣味小聚」食蒸氣海鮮，隔水蒸最原味，如果冷氣大一點更食得開心。星級大鮑魚 海鮮蒸氣鍋套餐套餐海鮮鮑魚、蟶子皇、大帶子、大刀貝、 龍躉件、大海蝦、大花甲及貝殼類，全程有店員幫忙蒸，好貼心的服務，全部都好新鮮，鮮味十足。特別喜歡鮑魚，店員幫忙拆殼，肉質又彈牙。另外蟶子皇，非常鮮甜，大大隻嫩滑爽脆。另外仲有安格斯肥牛任食， 肉質都幾嫩，算幾好食。套餐仲包每人一盅足料燉湯；配料十足的豐盛八寶蒸飯， 口感特別； 精緻點心拼盤，幾好食；加$28指定飲品任飲。

呢間蒸氣海鮮比其他同類店多選擇，有好多唔同套餐。今次我就揀左每位$268嘅「星級鮑魚海鮮鍋套餐」。蟲草花燉雞腳湯個湯落足料，有蟲草花、雞腳、瘦肉、桂圓。味道鮮甜，唔係一般落味精嘅味道。海鮮有鮑魚、聖子、貴妃褲蚌、大刀貝、龍躉、海蝦，同埋其他貝殼，全部都洗得好乾淨靚仔，食落有海水鮮味。間餐廳有準備調味料，例如蒜、蔥、辣椒，豉油比我地自己調味，我覺得唔洗特別調味，就咁係原汁原味都夠！當中我覺得韓國鮑魚最特別，個口感比平時街市買個啲彈牙！ 安格斯肥牛平時少啲用蒸嘅方法去煮肥牛，本身驚會鞋口，點知口感正常，仲食到佢嘅牛脂香味。八寶蒸飯材料有南瓜、芋頭、臘肉、魷魚、花生等等，當中嘅臘肉同埋魷魚最惹味，令個個飯有啲油香味。點心食到最後都已經飽飽地，個套仲包埋點心，當中嘅粉果真係好足料，皮夠薄，一流！另外個馬拉糕都好個口感彈牙、味道岩岩好唔會太甜太淡。整體呢個價錢同質素我覺得係抵食，性價比高嘅！

朋友聚會本身話去打邊爐，但係熱辣辣嘅天氣真係唔係好想打邊爐，好似好熱氣咁，最後就改咗去食海鮮蒸鍋<升級大鮑魚套餐$268>叫咗一個大鮑魚套餐，隻鮑魚真係冇得頂，啲肉鮮甜爽彈，食完會回味其他海鮮都好新鮮，龍躉件特別好食，唔使浸豉油都食到鮮味唔好睇樣樣海鮮好似得個幾件實唔夠飽，幾個大男人食完都捧住個肚走特別要讚下佢嗰個絕無味精燉湯，係豬腳龍眼湯，勁鮮甜，飲完之後一啲都唔口渴，真係冇味精㗎唔夠仲有任食嘅安格斯肥牛，每次叫份量都唔多，食完再叫，冇咁曬料仲有個八寶蒸飯頂下肚，八寶可以自己配搭同啲friend一齊揀要咩料，都幾正

收工約咗朋友出嚟聚一聚，就約咗喺呢間餐廳度食蒸海鮮餐餐廳入面每張枱之間都有一定嘅距離，令到客人可以安心食用我地今日選擇食星級大鮑魚海鮮蒸氣鍋套餐。落單冇耐就先送一個燉湯，係蟲草花燉雞腳湯，都幾足料，而且味道鮮甜。飲完湯，店員就會先上一個海鮮拼盤，包括：鮑魚、聖子、貴妃蚌、刀貝、龍躉、海蝦同花蛤，海鮮整體都幾新鮮。蝦肉爽口彈牙，鮑魚夠腍，蜆肉冇沙而且啖啖肉，個人特別鍾意食聖子，味道特別鮮甜。無限量任食安格斯肥牛，肥牛色澤鮮嫩，充滿啖啖油脂感，牛味都幾出，唔錯食完海鮮，店員就上八寶蒸飯，份量都幾多，兩個人食一定好夠，米飯軟硬適中，粒粒分明，個人特別鍾意芋頭同南瓜，蒸得好夠腍，而且好甜。最後仲送一籠點心，粉果皮薄餡靚，非常飽滿。特別喜愛馬拉糕，口感鬆軟，甜到啱啱好。

餐廳係我朋友搵嘅諗住幾抵食不過估唔到上到到去居然連冷氣都冇！真係熱到傻咗，員工仲同我哋講話冇乜嘢一路食一路吹住個細風扇真係熱到暈咗⋯⋯咁我哋又覺得訂咗枱，就試一下點知啲海鮮又唔新鮮份量有又少完全圖文不符，睇到啲好評，過到黎真係好失望海鮮選擇有啲都冇貨，明明以為好抵食點知去到係蒸桑拿⋯⋯嘢飲又要另外加錢，熱到暈，完全冇心情唔知點解朋友會揀呢間，嘢食又唔掂服務又唔得，員工講野完全冇為我哋着想真係不可一不可再！

適逢母親節，要同母親大人慶祝一番，阿媽話要食海鮮餐，知道阿媽口味清淡，食海鮮蒸鍋最鮮味<升級大鮑魚套餐$268>叫咗個鮑魚套餐，包無味精燉湯、海鮮拼盤、任食安格斯牛肉同八寶飯，一定夠食海鮮有鮑魚、蟶子、貴妃蚌、龍躉同蜆鮑魚值得推介，新鮮無腥味，肉質彈牙，呀媽食完讚不絕口龍躉都好鮮甜，就咁清蒸就食到魚嘅鮮味，完全唔駛加調味料唔夠食仲有任食安格斯肥牛，肥牛片唔算好大塊，不過有牛味八寶蒸飯可以喺24種配料任選8款，賣相好值得打卡，一定要揀蝦醬豬腩味，配味好好食

母親節。無冷氣 蒸汽鍋死到呢？ 根本難以享受食物地方又窄，勁細，又熱你預左 著背心短褲當焗桑拿先好去。勁辛苦。已經唔知咩味。。仲有 ,飲汽水 另加 28蚊， 茶 每位 20蚊。仲要食完，取消我 訂坐，等我寫唔到食評，要同openrice 提供證據，先開放俾我寫。

今日同朋友去咗聚會 不過最近減肥都要食番清啲 於是就揀咗去旺角嘅呢間緣味小聚 佢係食蒸海鮮嘅 仲有任食肥牛餐廳好多卡位 夜晚嚟到都唔太多人 坐得好舒服原盅燉湯 入面有瘦肉雞腳等等嘅材料 都幾濃味 夠曬足料海鮮包括蟶子皇 龍躉片 鮑魚 帶子 大蜆 鮮蝦侍應姐姐會幫手放落喎同埋教定計時非常專業全部海鮮都極度新鮮 鮑魚夠曬彈牙 帶子 大蜆 鮮蝦 鮮味十足聖子王超甜 有咬口龍躉片油花十足 好肥美任食嘅安格斯肥牛偏肥就咁放落去蒸就可以 稍為轉色就可以食得 牛味唔濃不過超冧仲有清蒸蔬菜 都幾正八寶蒸飯好有媽媽嘅味道 芋頭粒 粟米粒 沙角粒 南瓜粒撈埋一齊食 好有口感甜品有幾款唔同嘅糕點

食物6小時原盅燉湯大鮑魚/聖子王/大帶子/大刀背/龍躉/海蝦/花蛤/貝殼/安格斯牛/蔬菜八寶蒸飯冰粉蒸氣糕點全部野我覺得燉湯係最好味，夠熱，飲落真係冇味精而且味道濃，其他蒸海鮮還可以，安格斯牛就正常，八寶煎飯冰粉同糕點就一般。份量份量足夠，男士嘅話食埋甜品果籠包點都會夠飽環境坐得舒服，一去到已經比個卡位我坐，幾好。服務蒸海鮮會有服務員幫手計時間同夾俾你，完全唔需要自己動手，淨係同朋友傾偈就可以，仲會幫你令鮑魚離殼。價格$268/位，$20醬油茶芥要加一