維記咖啡粉麵

營業中

休息中

雖然住附近但係覺得個湯底冇咁濃味，而且冇餐叫免同飲品要分開價錢🤦🏽‍♀️所以價錢都唔算平就比較少食啦🤨不過最近同事你深水埗搵我佢就想試吓啲出名嘅咁我當然帶佢哋食維記豬潤麵啦😂咁耐冇食過其實個主人面都唔錯嘅不過如果湯底再濃味啲就更加好啦💃🏼💃🏼

深水埗有很多平靚正既餐廳，今日難得黎到就揀左朋友推薦既維記豬潤麵試下😋😋😋間店雖然有3間舖位，但長期都爆滿，入到去睇菜單十分簡單，冇任何午餐，就只有唔同餸配搭既麵而已。既然馳名豬潤，咁當然要食啦！最後我選擇左豬潤餐肉麵😆😆湯底唔係清湯黎咖，飲入口有有濃濃既薑味，但絕對唔會嗆口，岩晒冬天👍🏻而豬潤數量係勁多！！咬落去唔會太厚，亦唔會腥，有少少起沙，正🤗午餐肉對我來說就無咩特別，下次要試埋牛肉同咖央先得😆

去親深水埗啲 friend 都會叩我去食維記個豬瀾麵，講到天花龍鳳，唔食唔得咁。咁啱今日去深水埗買啲嘢咪順便去試下。我就嗌咗豬潤牛肉麵加煎蛋，賣相就普通喇。但係豬潤好新鮮爽口，份量又多，形真唔錯。湯底都幾鮮甜，忍唔住差啲飲晒呀。最緊要係價錢合理，真係窮人恩物呀！

今日放假約咗朋友行街，係香港大多數地方都係商場或者自由行商店，最後決定去深水埗揾食。本身想去文記車仔麵(因為我和朋友都無食過)但無兩個位所以轉食維記。雖然唔使排隊但都好多人食，入到去好彩仲有兩個位咖央多士?唔知咩嚟下次試下其實以前都有嚟食過，呢度最出名就係生滾豬潤湯底，除外咖啡奶茶和三文治等都好有水準最後點咗個豬潤麵，普通一個公仔麵都變得唔普通，湯底好鮮甜豬潤份量唔少至於價錢大約30$都算ok，除公仔麵外還可選擇通心粉,意粉和米粉。奶茶方面都好有水準，茶香奶滑和集團式餐廳無得比(呢度好飲好多)評語:食物有水準，價錢唔算貴。至於衛生,服務和環境都一般啦!總結評分ok

黎到深水埗次次都會黎食豬潤麵，呢到既豬潤麵好足料，次次黎都比好多豬潤，煮到岩岩好，唔會太鞋又唔會唔熟！今次叫左個豬潤餐肉面，豬潤米同架央西多，呢個西多又係必點，細細份岩岩好，滿足既tea!

同男朋友去開深水埗睇電腦就諗下lunch食乜好，忽然諗起細個成日同阿媽黎食既豬膶牛肉米🤤因為係星期六，去到見到連住兩間嘅鋪頭都各有人龍，我哋大約排左半個鐘就入到去啦！我哋兩個都叫咗一人一碗豬膶牛肉米一份架央多士同凍0樂😊😊😊豬膶牛肉米就同以前一樣配料都幾多而且都好鮮甜！不過架央多士就唔知點解無咁好味😕 雖然係咁，但食完之後都覺得好滿足！😋

一入到餐廳就聞到好香豬潤味😂😂😂我就叫左個雙拼--豬潤牛肉麵！！挑下機先😛一黎飲左啖湯底先 waaaa 係頭先聞到既果陣香味啦 再食舊豬潤 好沙好淋！有陣時喺出邊啲茶餐廳 都驚食啲豬潤來歷不明唔乾淨🙈呢度應該唔使擔心有呢個問題啦掛 老字號又做咗咁多年！可以放心食lu豬膶同牛肉味都好夾 兩者都唔會有筋 配埋個公仔麵 正😛😛不過下次都係叫通粉 仲可以飲埋中間啲湯！！ 不過一碗份量嚟計 男人就可能唔係好飽 大家自己衡量嚟叫啦

大食男友成日想帶我黎食佢最愛豬潤麵, 但佢又早收又星期日唔開, 所以一直食唔到, 今日終於可以食到啦😋； 我地入到去係下午茶時間, 平日下晝都九成滿👍🏻；豬潤麵同豬潤米係必食, 大食男友愛個湯底, 飲到一滴不剩, 豬潤切得夠薄唔硬, 而且咬落有粉粉既感覺, 男友愛配麵因為會較為爽身, 比較過米同麵, 我下次都會叫麵😁；叫得咖啡室, 個杯咖啡同奶茶真係要飲, 茶夠香而且夠滑身; 我係為左咖央多而黎, 佢既做法較接近傳統法式多士做法, 係煎個包面至少少燶, 咖央既淡香同埋糖漿, 成件事好柔和好夾, 沒有一般多士的油淋淋或鞋口感覺😊

附送了一粒通心粉很足材料呀一定要試呢個潤牛米其實麵同通粉都吾錯不過我比較喜歡米粉牛肉煮到岩岩好不會太老豬潤都好新鮮，口感爽口米粉煮到正好，不軟也不硬湯都十分鮮美，油也是無添加喔另外，店家會準備好叉，湯匙方便客人一邊品嘗食物，一邊飲湯

👭星期六晚上食咗好豐富嘅晚餐👀今日起身嘅時候已經比較晏又唔想食咁多野，十一十二點時候早餐又未食，午餐又未食😅唔太肚餓又唔想食太多🤭想食輕食🍜係黃金嗰條街，諗諗下咁啱自己係女仔每月一事中，甘不如就食豬膶牛肉米補一補血其實呢間野細細個已經聽到大亦睇住佢開分店🙂講真如果唔寫食評嘅話，呢一間都係我自己兒時回憶👶🏻甘咁撞唔正人潮，所以即刻有位🙂叫左我嘅至愛，豬潤牛肉米豬膶食落去冇腥味之餘亦都做到好爽脆，而且煮出嚟嘅泡泡令我覺得佢好新鮮，湯唔咸，清清地，好啱冇咩胃口嘅時候食😋

咖央西多士 $19 @ 維記咖啡粉麵呢份咖史西多真係超！好！味！將方包浸滿蛋漿再煎🍳，令份西多充滿蛋香，外層帶點脆身，內層鬆軟，中間塗上一層薄薄既咖央😋😋，甜度剛好，唔落糖漿都得喔😚。…

陪個妹係深水埗買完電子產品，一望錶就7點了，係時候食晚餐經過維記見仲有位喎，自己又未食過，所以就入去食啦一入去就叫左想試好耐既豬潤米，望望周圍都唔少人叫豬潤同牛肉豬潤米粉($30)，份量好足，豬潤好入味，同時亦落左薑去辟走血腥味，一啖豬潤一啖米粉，真係一種平民既享受今次第一次食維記，由於趕時間既關係所以無試其他野，但今次既經驗好滿意，所以下次會再黎試其他野，當然一定會試埋岀曬名既咖央西多士到時再分享

食完個蝦子撈面，有點深深不忿介紹同現實不符，而且又飽飽地，但完成滿足唔到個慾望 ， 唯有行下睇下重有咩特別野食。經過維記 想起幾年前 媽媽帶我來這間吃麵 ，但是因為太飽，沒有機會嘗試咖央多士。今日經過就外賣來試試。等了幾分鍾已經有得攞，咖央多士咬落第一口，wooo好香旦味，眼睛叮一聲放大左麵包是厚切，再烘底，而且外脆內軟。 咖央醬塗得厚厚，濃濃蛋香，每咬一口未吞落肚，已經想食第二啖，而且佢唔會太甜。佢真係太好味，真係想買多件明天做早餐

今日我哋喺深水埗行街，所以專誠來呢度試吓呢個豬潤麵。呢度嘅豬潤麵果然名不虛傳，晏晝呢度已經排滿人，所以我哋都排左差唔多成半個鐘先入到去。環境其實都幾擠迫，不過呢度就係食港式茶餐廳嘅feel，所以擠迫啲都幾合理。首先就叫咗個馳名豬膶麵，豬潤好爽口彈牙，個湯底好香豬膶味， 另外都唔會話好多油，所以都可以連湯都飲埋。個面亦都煮得唔錯，咁啱就係我鍾意嘅硬身程度。另外都叫咗個西多士，西多士就麻麻地，炸得唔夠，只係似啱啱沾完蛋醬煎香佢嘅感覺，唔夠香脆。都係食番佢出名嘅豬膶麵比較好。

牛肉米、凍奶茶。食到尾先見到隻烏蠅，阿姐仲要話「咁唔收你錢囉（碗麵），淨係收你杯茶錢」（杯茶我只係飲咗兩啖，見到隻烏蠅已經冇晒胃口），我對於佢見慣不怪若無其事嘅口吻忍唔住「吓」咗出嚟.... 阿姐仲要補多句「咁唔係點啫！」然後極速拎走碗烏蠅麵.... 其實食得都預咗俾錢，冇諗過你加料送烏蠅仲要咁理直氣壯姐。