維記咖啡粉麵

營業中

休息中

Famous local food with reasonable price!tasty toasts, pork liver soup noodles, hot lemon coke. Soup is savoury.Long queue sometimes! 潤牛麵湯底清甜，加左薑粒辟腥，潤牛多過麵，抵食！咖央西多士足料，烘底燶d仲正。仲叫左熱檸樂！星期日下午茶時段都幾多人，要等位，出菜速度快，但都唔使等太耐。不過要自己計計幾錢較安全，有個阿姐唔清楚計多左一碗麵價錢，最後要數返碗碟先信😑

唔明點解咁出名！order左個牛肉公仔麵！到底係咪得我一個食左國王的新麵？明明係冇味但點解咁多人話好味？連公仔麵個粉都食唔出有味！成碗野淡某某！定係大家鍾意d肉d渣？牛肉算新鮮同唯一好的係份量幾多！但整體真係淡而無味！湯底又係好淡、麵又係好淡！而凍奶茶算幾好！感覺好滑，亦好夠凍，不過奶味較重！如果茶味重返d會更好！總括黎講貴而冇味！而且食物選擇唔算多！再加上又冇set供選擇！如無意外好難再去食！冇下次之選！

2019年9月7日（星期六）維記同一條街有三間舖，長期一位難求，領導地位毋庸置疑！由佢哋$15/16一碗豬膶麵幫襯到而家賣30幾蚊一碗。湯碗邊佈滿細碎豬潤湯精華，連湯匙、湯义一齊上嘅湯麵， 俘擄幾代食客👨‍👩‍👧‍👦嘅心！坐落聽到「豬膶麵！咖央多」此起彼落，一直冇停過！現場所見，單拖又有、成雙成對又有、一家大細都有！今日想食牛肉麵。新鮮滾熱辣泡泡湯係招牌豬膶精華，一於先飲為快。米粉、麵同埋意粉都試過，始終都係鍾意食麵多D。食麵飲湯到底最徹底留肚轉角飲豆漿🥛

其實初時為咖央幕名而來，無對麵食無咩特別，因為唔覺得好好食，我同友人分別叫左個潤腸麵同潤牛麵，當然唔少得咖央多士啦，飲品就熱檸蜜同凍檸茶兩碗麵食份量都算足料同大碗，湯底都尚可，唯獨薑粒太大粒...我唔食得薑都幾難避免，盡量唔食，麵食總結係不過不失，友人就覺得個麵一般到我最期待咖央多啦食落幾好唔會太甜，不過無我果次響赤柱食咁好味，所以整體都係試過就算，下次再試另一間咖央多先大家期待期待我下次食評～題外話，依間餐廳真係幾出名，有3個鋪位🤔👍🏻同埋泊車都算方便，泊路旁即入去食啦

記得以前黎深水步區多數都係黎維記鐘情佢豬潤牛肉麵，湯底做法，有D媽媽味道，但近年好似以經唔一樣，份量足夠，可能豬潤冇甘新鮮，但辣油冇變一樣好食，招牌加映西多超正

一直都知道深水埗多平價又好味既野食，但平時好少去。尋日去開嗰邊，就食咗維記。好耐之前食過一次，最深印象係佢既湯底，今次叫豬潤牛肉麵，個湯底依然又清又甜，抵食呀！

今日一早出深水埗睇玩具，早左到，鋪頭全部都未開，於是決定食個早餐先。好耐都無去維記食，難得唔使排隊，就即刻入去喇。 小弟叫左豬潤通，可惜不再好食。豬潤煮耐左，幾柴口下，而且感覺豬潤既份量都少左。湯底都無往日咁好味。

上一次來光顧已是八年前的事，八年來我沒有忘記維記，每次路過這區都會想起這裡有一家以豬潤聞名的食店，但說記掛又談不上，純粹因為它的名聲大得我難以失憶。八年前吃潤牛米，這天特別想吃通粉來點小改變。份量具懾人效果，堆成小山丘的通粉多得出乎意料，不過自問向來食量多少自如，完全沒有難度。通粉口感偏軟，還好沒到煮過頭軟乎乎的地步，對於愛吃"硬物"的我來說未有感到嫌棄，但要是能多點嚼頭肯定更令人稱心。這碗通粉最大的致命傷是湯底，入口的確有被豬潤的鮮甜味道驚豔，但只限於入口一剎，接着已被咸味狠狠掩蓋，而且越吃越咸，後來都吃不出豬潤的鮮甜了豬潤能夠做到不苦，已見技高一籌，質感有軟有滑，雖然還談不上嫩，但的確沒多少食店(暫時記憶中只有肥姐)能做得比它好。要不是湯底太咸，我可是願意近期再來光顧，可是當下的咸度是近來都不想再體驗，要過一陣子才受得了😅牛肉渣如八年前，顯然經生粉處理過，但免卻不了難以咬開的情況，咀嚼的時候起渣子。豬潤麵情況大致與潤牛通相同，分別只在即食麵，口感太軟了，我寧可吃不算硬的通粉，也絕不吃即食麵，不過同行人喜歡吃軟麵，他表示口感對它胃口。後來同桌其他食客點豬潤爽麵，麵質看來硬很多，這吃法

因為好掛住佢份咖央西多士所以唔夠一個月再黎食。今次無叫豬潤面,叫左牛肉米。啲牛肉唔算好硬好易咬得開,大人細路都岩食。老實講佢杯咖啡好香濃好夠味。重點系咖央多士,中間啲醬好多，夠香口又好食!中

一提起深水埗就會諗起維記豬潤麵但今次有d失準豬潤麵豬潤有d苦，唔知係咪洗得唔夠乾淨但係好彩夠爽口，加番少少分。出前一丁煮得剛剛好咖咉西多士咖咉醬唔夠，一邊有一邊冇，所以得d糖醬味

十年都唔經過深水埗一次，今次咁岩要工作，就試一試朋友介紹豬潤麵今次帶埋朋友去食，叫左豬潤煎蛋麵同咖央西多士。豬潤麵豬潤煮得剛好，沒有血水而又嫩而不硬咖央西多士都唔甜，但加埋蜜糖係好甜😂我都係鍾情于花生醬。

深水埗維記咖啡粉麵既馳名豬潤麵係我最愛既茶記一，同一條街連開左三間，但係依然每間都很多人排隊生意超好。經過我食過好多次嘅經驗，我發現最舊嗰間鋪永遠都係最少人排隊，可能因為佢裝修舊啲感覺冇咁乾淨掛，所以我每次都去排最舊果一間。（其實三間食落都係完全一樣，冇分別）一坐低姐姐就會即刻問你食啲乜，點餐後都冇2分鐘，你嗌嘅嘢食就會送到你面前。（所有姐姐啲記性都超級好，從來唔需要寫低！👍🏾）豬潤，味道好濃郁而且完全沒有腥味，質感軟嫩又不會太粉，非常爽口。反而牛肉就偏瘦食落有啲軟身有啲硬身，不一致的口感。（可以選擇好多唔同嘅材料，例如配午餐肉都幾好味）另外，出前一丁公仔麵其實真係唔一定要配麻油味😏維記呢個豬潤配薑絲湯底十分濃郁，好飲到都吾識形容，總之就會飲晒佢啦！😋

好出名既地道茶餐廳，好街坊既感覺。杯咖啡好有以前細個飲戈陣既味道，好夠香濃好夠滑！回憶番番哂黎！咖央多士，個包好香口好脆，好地道唔會太甜！西多士！外面層蛋漿炸到好香好脆！好出色！出面真系食唔番咁好食既西多士

講起豬潤 一定唔少得深水埗嘅維記咖啡粉麵😛但聽人講質素已經冇以前咁好 個日經過深水埗就去左食 遲啲會想試埋漢發麵家 比較下🤩.👉🏻豬潤米($32)湯底依然保持到有老薑豬潤味 豬潤同米粉份量都有好多 但豬潤口感真係比以前遜色 唔夠爽脆🤧.👉🏻咖咉西多士($19)呢個keep到水準！食落去好香蛋味🥰夾心嘅咖咉醬甜甜地 唔洗落糖漿都夠晒甜🤭—————————————————維記咖啡粉麵深水埗福榮街62號及66號地下

平日嘅夜晚6:00，好耐好耐冇食過依間，💁🏻‍♂️提議食豬潤麵，好彩平日嘅夜晚入面人不算太多 ，坐得比較舒服嚟到呢度最出名嘅梗係個豬膶麵啦，之後💁🏻‍♂️話要食西多士所以再叫埋好快就上咗個餐蛋麵同埋豬潤牛肉麵，好耐好耐之前食過嘅時候，明明記得個湯底個面全部都係泡同比較重薑味，同埋豬膶嘅份量非常之多。今次再食嘅時候，個人應為豬膶嘅份量少咗，唔知係咪因為我嗌左豬膶加牛肉呢，同樣地佢係冇些腥味，不過冇咗以前果種重薑味。如果未食過嘅人黎嘅話都值得一試嘅另外我哋叫咗個咖央西多，個人應為好一般，不太值得叫，尤其是深水埗咁多嘢食嘅話留返個肚食其他嘢啦