綠茶餐廳 (奧海城二期)

營業中

休息中

餐廳位於奧海城, 古色古香嘅裝修, 園林景色予人清雅閒逸感覺。主打江浙菜, 菜式設計有特色。野菜腐皮卷腐皮腍身幼滑, 野菜甜酸, 口感清新。三色雞絲涼麵三種顏色幼麵,充滿色彩, 涼麵麵條爽滑彈牙, 酸酸辣辣好醒胃, 麻辣中帶後勁。蘿蔔燉牛筋腩牛筋腩炆得好腍滑, 膠質豐富, 蘿蔔爽脆鬆化, 新鮮清甜, 醬汁好惹味, 送飯好合適。蛤蜊絲瓜絲瓜已去皮, 肉質清甜幼滑, 加上蛤蜊和蝦米海鮮香味, 湯汁味道鮮甜, 令人回味。高湯蝦乾小青菜白菜仔鮮甜爽脆, 沾滿蝦乾高湯, 清新可口。整體來說, 食物選材優質, 賣相精緻, 予人清新口感。

江浙菜餐廳#綠茶餐廳 最近系奧海城開咗新分店 ，即使閒日到訪已滿滿人氣，餐廳以江南風為主題，柔和的燈光，配上竹林庭院場景，逐步進入食客眼簾，手藝正宗，品味綠茶每道菜式。滿足了每人願望。🏅椒辣鴨掌🌶️鴨掌肉質軟腍，富含膠原蛋白，實屬開胃前菜亦可得進補。🏅太雕糟黃魚大一條已分二邊黃魚上菜，底下一直有蠟燭暖碟保鮮，黃魚肉質之鮮嫩超乎想像，入口即化，如同雲朵般輕盈，每口都系舌尖上享受。🏅東坡肉食入口好棉好化，直頭系即溶，甘香可口，底吓啲汁用來拌飯，簡直一流，嗌多碗白飯送!!🏅高湯蝦乾小青菜這道菜較為清淡，青菜份量也很多，伴隨蝦乾咸香味，整體味道可口。🏅西湖雷峰塔(冷) 創意爆燈，入口冰涼!!🏅龍井綠茶（兩人$24），茶味濃郁。

排著隊，明明拿著比較前面的單，結果門口迎接讓後面的人先進。非常火大，欺負講國語的人。 和她說我先來的，還和我說，她先收了我後面人的票。食物份量少。炒米飯，米飯感覺沒煮透，有點夾生，小炒肉味道還行，份量好少，也就來嚐個鮮，再也不會來了。

之前喺內地已經有食過呢間綠茶餐廳，今次嚟到香港開分店咁以後就唔洗特登去深圳食喇，餐牌仲有唔少香港限定菜式。粉絲裹蝦 $108原煲砂鍋喺枱面煮，除咗粉絲，都有唔少蝦。店員會幫忙計時同煮熟d蝦。新鮮滾熱辣第一時間就可以食到爽彈嘅蝦肉。粉絲吸收晒d汁都非常入味。三色雞絲涼麵 $48用咗三款唔同顏色嘅冷麵嚟整，色彩繽紛非常吸睛。麵夠彈牙，底嘅醬汁除咗辣亦帶d酸，食落香辣開胃。蔥香脆皮烤鴨 $128烤鴨皮脆肉嫩，鴨肉香得嚟唔羶，伴埋啲蔥蓉一齊食就更加之香。麵餅醬香五花肉 $108餅皮入面包住五花肉、脆片同鹹香嘅麵醬，一啖咬落去有唔同嘅口感，味道豐富。冬菜鮮肉包 $38鮮肉包有幾款口味，我哋就叫咗冬菜，熱辣辣用蒸籠上枱。包夠軟熟，入邊嘅肉餡亦都好多汁。土豆芝士塔 $22我哋仲叫咗個土豆芝士撻，酥脆嘅撻皮入邊有用薯仔同芝士做嘅餡料，有少少流心嘅效果，非常有特色。。。綠茶餐廳 (奧海城二期) (大角咀)大角咀海庭道18號奧海城二期1樓105A號舖。。

第一次食江浙菜，上網睇係少調味較清淡，幾欣賞餐廳裝修成大自然環境，有曬草草樹樹*南乳醉鮑魚 $98微淡酒香，鮑片爽口，約有16片，作為涼伴小菜唔錯*龍井烤雞 $148招牌菜之一，原隻上枱打卡影相後，職員會幫手剪開，木盒底有茶葉一直燻住，雞隻烤到外皮色澤均勻，油脂出曬黎，入口香燻味清淡，仍保留少少肉汁*三色雞絲涼面 $48如果雞絲份量多返啲更加好*土豆芝士塔 $22用薯仔蓉代替撻底，雖然無港式薯蓉咁綿密、牛油感咁重，但顆粒感豐富，食起都唔太膩

綠茶餐廳 @ 奧海城 不能空肚睇戲…去奧海城睇贖夢…呢套戲又幾好睇喎…睇戲前奧海城兜左個圈…見到綠茶好多人…身為排隊黨高級成員當然唔執輸即刻攞番張飛。 等左一陣就有位…呢度裝修都幾雅致…座位空間都算闊落。 全場座無虛席…好兆頭沿路都抄考下其他客人點左d乜…餐牌都幾多野啱食…仲有d係香港限定。 最後精選左幾樣菜肉包 個包有質感…好軟熟…個餡肉調味唔錯而且好多汁臭豆腐 黎到附近已經聞到呢道菜黎緊🤣 用上布包豆腐加上肉末 。 食落當然唔臭啦…而且仲好好味添。 不過怕臭豆腐就千奇唔好點炒花菜 花菜+薑粒+辣椒+肥肉=惹味。 而且有個爐熱住。 可惜店員應該太忙唔記得點著個爐薺菜年糕煮魚膠 個獻汁好creamy…可以形容為薺菜cream of chicken  年糕好煙韌 花膠都炆得幾腍薺菜肉碎千張包 呢個非常推介。 百頁包住肉末…薺菜…個碟有少少湯煨住…呢個好味叫得做綠茶餐廳…當然要食點佢地既綠茶甜品。外皮有老婆餅口感 餡料係芋泥 外邊芝麻焗到好香…聞下都覺得好味呢間餐廳價錢非常合理…味道唔錯。 下次可以約多幾個朋友叫多d其他野試下#相機先食 #cameraeatfirst #foodporn

呢間奧海城新開嘅綠茶餐廳，響深圳都試過，今日就試咗佢香港限定菜式......蔥香脆皮烤鴨「香港限定菜」外皮酥脆，內肉鮮嫩，配上香蔥同特調醬料，好後悔無加飯撈嚟食。陳皮菜蒲頭老鴨湯使用陳皮和菜蒲頭煮的老鴨湯，湯底濃郁，一上枱已經好香。江南綠茶餅必點招牌甜品，香脆可口，十分受小朋友歡迎。

💕💕內地過江龍 － 主打新派浙菜既🌟綠茶餐廳🌟終於開到嚟奧海城啦‼️‼️之前同朋友成日專登北上就係為咗食佢，估唔到而家系香港都食得到，實在太開心啦🤩🤩我地食左：⬇️⬇️✨龍井烤雞✨$138餐廳既招牌菜，幾乎枱枱都有叫🤩所以我哋都唔執輸叫返隻‼️用左浙江龍井茶嫩芽烤製既三黃雞外皮金黃焦脆，內裏d肉細嫩多汁，煙燻味好重，清幽淡雅既龍井茶香若隱若現，風味獨特，開始左第一啖就完全停唔到🥰✨天目筍火腿老鵝湯✨$128湯料好多，夠哂足料‼️充滿膠質既湯頭鮮味濃郁，咸咸香香，飲完成個人都暖哂👍🏻✨雞汁黃魚✨$158條黃魚比我想像中大🫶肥美厚肉唔多骨，有埋雞汁既加持，鮮上加鮮不得了，完全唔腥堅係得💕✨老紹興蔥油腰花✨粉嫩滑溜又有d爽脆感既腰花好重紹興酒酒香同濃烈既蔥油香，食落惹味爽口冇怪味，我同朋友都勁鍾意❤️✨龍丼檸檬茶✨$28造型可愛，好啱打卡❣️酸酸甜甜既味道好清新，解膩－流✌🏻 🍵綠茶餐廳 📍香港西九龍海庭道18號奧海城二期一樓105A舖#綠茶餐廳 #綠茶餐廳香港 #新浙菜 #黑珍珠 #米芝蓮

今日在奧海城逛街時，發現「綠茶」開了新分店，立刻取號排隊試試！店內裝修簡約雅致，帶點江南風情，氣氛舒適。 點了幾道招牌菜，**薺菜年糕煮魚膠**年糕軟糯，魚膠鮮美，湯汁濃郁而不膩；**野菜腐皮卷**外軟內嫩，野菜清甜爽口；**陳皮菜蒲頭老鴨湯**燉得入味，陳皮香氣突出，暖胃又滋補；**江南綠茶餅**外皮酥香，內餡茶味濃郁，甜度剛好；**蔥香脆皮烤鴨**皮脆肉嫩，蔥香四溢，真係超滿足！ 整體食物水準穩定，價錢合理（人均約$200），環境寬敞，適合家庭或朋友聚餐。服務態度不錯，上菜速度合理。下次一定會再來，試試其他招牌菜式！

好開心，今日去咗奧海城一間新餐廳 ——綠茶餐廳，新派浙菜，創意十足，讓我驚喜不已！每一道菜都充滿了色香味的精彩，尤其是那道三色雞絲涼麵，讓我流連忘返。❤️這道涼麵不僅色彩繽紛，還帶有麻辣的風味，特別適合不吃辣的我。獨特的藤椒味道，簡直讓人欲罷不能，讓我忍不住一口接一口！😋餐廳的價格相當親民，性價比極高，菜式多樣，無論是口味還是質素都超出預期，絕對是必食之選。😘😘環境方面，綠茶餐廳的裝潢優雅，彷彿置身仙境，營造出詩意的氛圍。😍服務員的態度親切有禮，讓人感受到青春的朝氣與活力。👍交通便利，搭乘地鐵到奧運站即可輕鬆抵達，絕對是聚餐的好去處！💐#推介菜式❤️❤️- **春韭蠶豆煮螺片** 🌶️ $158 💚 菜色澤鮮豔，翠綠的春韭與蠶豆，搭配螺片，視覺上十分誘人。螺片鮮嫩，春韭的清香與蠶豆的甜味相得益彰，讓每一口都充滿層次感。- **薺菜碎肉千張包** $88 💚豆腐皮包裹著翠綠的薺菜和細膩的肉碎，口感豐富，吃上一口，令人感受到新鮮的蔬菜香氣，搭配肉的鮮美，營養又美味。- **三色雞絲涼麵** 🌶️ $48 ❤️我最喜歡這道涼麵，色彩鮮明的雞絲與蔬菜，麻辣卻不過火，還有獨特的藤椒味道，讓人欲罷不能，

📍 綠茶餐廳（奥海城）喺奧海城行街經過依一間餐廳最吸引我嘅係俾我一種好清新，好舒適嘅感覺🩷因為入邊有樹，雖然係假嘅，但係望落去都好舒服，好似係大自然食飯一樣！餸菜嘅款式亦都好多，喺lunch嘅時分都已經有好多人用餐中，都係一個聚餐嘅好地方，唔同菜式都有，而且食物性價比高，下次經過奧海城我都會再過嚟食😍✨ 東坡仔排排骨經過燉煮，肉質嫩滑，輕輕一撥即脫骨，連啲骨都有醬汁嘅味道，醬汁醇厚，充分滲透每一塊肉，冰糖的甜味和醬油的鹹香，帶有層次感！✨ 蕭山蘿蔔乾炒飯炒飯底唔會好濕，米飯粒粒分明，廚師張獨特的蕭山蘿蔔乾，帶來淡淡的鹹香。每一啖都食到蘿蔔乾，蛋漿到黐住咗每粒飯🍚鑊氣十足，一上枱已經有好香嘅炒飯味👅✨春韭蠶豆煮螺頭上枱嘅時候仲有少少火喺度燒住，保持溫度！覺得佢嘅醬汁先係精華，醬汁入邊充滿螺頭嘅味道，鹹鹹地撈飯一流🍚 螺頭鮮嫩，肉質彈牙，配生薑和大蒜🧄炒過，特別入味，蠶豆份量都好多，不知不覺一粒一粒就已經食晒👍✨ 土豆芝士塔外層金黃酥脆，內裡則是柔軟的土豆和濃郁的芝士。雖然只係好簡單，但係食落好有層次感，每一啖都散發著芝士的香氣和土豆的甘甜！✨ 香炒菜心菜心鮮嫩，口感爽脆，蒜香味十足😍

✨綠茶餐廳登陸奧海城✨.好多人大推，好評如朝，奧海城新開一收工即刻衝去試！環境好有意境詩意，濃厚中國風！.見到有新menu😍點左三色雞絲涼面，三款顏色三款口味，辣求十足，口味清新，面煙靭彈牙，啱晒而家濕濕熱熱嘅天氣食！土豆芝士塔又係必點！賣相似蛋撻，入口好有驚喜！酥脆嘅皮入面係綿綿嘅土豆蓉，加上濃郁嘅芝士，太好味啦🤤.必點檸檬茶超打卡！熊啤啤冰太吸睛😍香甜解辣🌶️東坡肉切成方塊，啖啖肉，入口即溶，加上獨特嘅醬油，送飯一流👍🏻金沙雞翼濃厚嘅鹹蛋香，非常香脆可口

今次我帶左BB黎奧海城呢邊玩，呢度有間Namco，又有間可以影BB證件相既快圖美，就黎呢邊玩左一日啦，呢間綠茶餐廳之前係銅鑼灣都食過，印象幾好，原來開到黎奧海城呢邊，咁就再黎食多次啦👶🏻餐廳環境好似個竹林咁，幾舒服，坐位一般佢地都係卡位，餐廳仲係open kitchen黎既，衛生情況感覺有保證😉龍井烤雞（$138）呢個烤雞可以話食餐廳既招牌菜，店員會先原隻送上比客人睇，再幫手剪開一件，烤雞皮脆肉嫩，盤底下有龍井茶葉微微醺上，令到雞帶有少少茶香🐥砂鍋西施豆腐（$88）呢個豆腐類似一個唔辣既麻婆豆腐，辣油變成芡汁，仍然都係豆腐同肉碎做主角，餸飯食一流，成個鍋滾住起，上碟時熱辣辣👏🏻蘿蔔燉牛筋腩（$138）呢個牛腩燉到勁淋，勁入味，蘿蔔一d都唔苦，最驚食到苦既蘿蔔，而且份量都唔少🐮三色雞絲涼麵（$48）呢個涼麵就似平時食川菜有機會食到既撈麵，三色麵分別係菠菜，南瓜，紫薯去造成既，分開食又得，3隻色撈埋一堆食又得，個辣油都偏辣，所以麵既味唔算好出🍜土豆芝士塔（個）（$22）呢個芝士塔係一個酥皮既薯蓉芝士撻，出奇地好味，酥皮夠脆，裡面既薯蓉同芝士融合埋口感好正🥧呢間餐廳愈來愈做得大，初初係銅鑼灣

返到屋企，見到宣傳單，想不到奧海城都開綠茶餐廳，咁當然要去試一下啦～晚市人都多，拎了飛都要等10-15分鐘。好欣賞在地少人多的香港，餐廳在設計上都很用心，古色古香的綠色樹木，令人心曠神怡。餐牌附有圖片，造型讓人一目了然，抵讚！點了2款季節限定~三色雞絲涼麵分別有南瓜、紫薯和菠菜三種味道。顏色繽紛，撈上微辣的醬油，辣辣地好清新開胃。土豆芝士塔蛋撻造型的芝士塔，食落厚重，面頭的芝士和煙肉多了份咸香，薯仔的另類食法，令平時唔太好薯仔的我都食左一整個。粉絲裹蝦上枱時蝦仍是生的，要用計時器計時煮熟，望著蝦肉由白色轉橙色的過程著實療癒。蝦肉爽口彈牙，粉絲吸晒啲醬汁好入味！蔥香脆皮烤鴨雖然份量不多，但見到滿碟的葱就好開心！烤鴨的皮真的做到帶脆，而鴨肉保持嫩滑，加上青葱，食落好香口！砂鍋西施豆腐這個是我想點的，因為我想食飯，用這個豆腐送飯，簡直令人食唔停口。豆腐入面加入了芋頭、肉碎、青豆等，熱辣辣上枱，送白飯一流！有設計有裝修有服務，座位又寬敞坐得舒服的，仲有價錢親民的中菜，綠茶真係一個非常不錯的選擇，依家連奧海城都有分店實在太好了！

國內食過呢間，覺得好食，所以喺香港又試吓佢，點知竟然比深圳的味道更好，主要係食材非常鮮味。東坡仔排︰肉質比想像之中瘦，個汁唔會好甜，肉排部份係幾香軟嘅。薺菜年糕煮魚膠︰清新得黎又和味，年糕煙煙韌韌，很有彈性，很喜歡薺菜嘅香味。粉絲裹蝦︰粉絲仲好味過D蝦，因為D粉絲吸晒D蝦嘅香味。佢D蝦都幾新鮮，肉質有彈性。喉口鮮肉包︰呢個肉包好食，入面D肉都幾新鮮，塊皮好軟熟。龍井烤雞︰呢隻雞烤得好嫩滑，雞皮好薄，烤得好香，同埋隻雞無乜肥膏。江南綠茶餅︰呢個要趁熱食，凍咗無咁好食，個甜度亦算適中。西湖桂花藕粉︰呢個好食，好清甜。紅酒糟圓子︰呢個又靚又好食，唔會好甜，D圓子浸住D糖水味道唔錯。