綠茶餐廳 (奧海城二期)

營業中

休息中

📍 綠茶餐廳（奥海城）喺奧海城行街經過依一間餐廳最吸引我嘅係俾我一種好清新，好舒適嘅感覺🩷因為入邊有樹，雖然係假嘅，但係望落去都好舒服，好似係大自然食飯一樣！餸菜嘅款式亦都好多，喺lunch嘅時分都已經有好多人用餐中，都係一個聚餐嘅好地方，唔同菜式都有，而且食物性價比高，下次經過奧海城我都會再過嚟食😍✨ 東坡仔排排骨經過燉煮，肉質嫩滑，輕輕一撥即脫骨，連啲骨都有醬汁嘅味道，醬汁醇厚，充分滲透每一塊肉，冰糖的甜味和醬油的鹹香，帶有層次感！✨ 蕭山蘿蔔乾炒飯炒飯底唔會好濕，米飯粒粒分明，廚師張獨特的蕭山蘿蔔乾，帶來淡淡的鹹香。每一啖都食到蘿蔔乾，蛋漿到黐住咗每粒飯🍚鑊氣十足，一上枱已經有好香嘅炒飯味👅✨春韭蠶豆煮螺頭上枱嘅時候仲有少少火喺度燒住，保持溫度！覺得佢嘅醬汁先係精華，醬汁入邊充滿螺頭嘅味道，鹹鹹地撈飯一流🍚 螺頭鮮嫩，肉質彈牙，配生薑和大蒜🧄炒過，特別入味，蠶豆份量都好多，不知不覺一粒一粒就已經食晒👍✨ 土豆芝士塔外層金黃酥脆，內裡則是柔軟的土豆和濃郁的芝士。雖然只係好簡單，但係食落好有層次感，每一啖都散發著芝士的香氣和土豆的甘甜！✨ 香炒菜心菜心鮮嫩，口感爽脆，蒜香味十足😍

✨綠茶餐廳登陸奧海城✨.好多人大推，好評如朝，奧海城新開一收工即刻衝去試！環境好有意境詩意，濃厚中國風！.見到有新menu😍點左三色雞絲涼面，三款顏色三款口味，辣求十足，口味清新，面煙靭彈牙，啱晒而家濕濕熱熱嘅天氣食！土豆芝士塔又係必點！賣相似蛋撻，入口好有驚喜！酥脆嘅皮入面係綿綿嘅土豆蓉，加上濃郁嘅芝士，太好味啦🤤.必點檸檬茶超打卡！熊啤啤冰太吸睛😍香甜解辣🌶️東坡肉切成方塊，啖啖肉，入口即溶，加上獨特嘅醬油，送飯一流👍🏻金沙雞翼濃厚嘅鹹蛋香，非常香脆可口

今次我帶左BB黎奧海城呢邊玩，呢度有間Namco，又有間可以影BB證件相既快圖美，就黎呢邊玩左一日啦，呢間綠茶餐廳之前係銅鑼灣都食過，印象幾好，原來開到黎奧海城呢邊，咁就再黎食多次啦👶🏻餐廳環境好似個竹林咁，幾舒服，坐位一般佢地都係卡位，餐廳仲係open kitchen黎既，衛生情況感覺有保證😉龍井烤雞（$138）呢個烤雞可以話食餐廳既招牌菜，店員會先原隻送上比客人睇，再幫手剪開一件，烤雞皮脆肉嫩，盤底下有龍井茶葉微微醺上，令到雞帶有少少茶香🐥砂鍋西施豆腐（$88）呢個豆腐類似一個唔辣既麻婆豆腐，辣油變成芡汁，仍然都係豆腐同肉碎做主角，餸飯食一流，成個鍋滾住起，上碟時熱辣辣👏🏻蘿蔔燉牛筋腩（$138）呢個牛腩燉到勁淋，勁入味，蘿蔔一d都唔苦，最驚食到苦既蘿蔔，而且份量都唔少🐮三色雞絲涼麵（$48）呢個涼麵就似平時食川菜有機會食到既撈麵，三色麵分別係菠菜，南瓜，紫薯去造成既，分開食又得，3隻色撈埋一堆食又得，個辣油都偏辣，所以麵既味唔算好出🍜土豆芝士塔（個）（$22）呢個芝士塔係一個酥皮既薯蓉芝士撻，出奇地好味，酥皮夠脆，裡面既薯蓉同芝士融合埋口感好正🥧呢間餐廳愈來愈做得大，初初係銅鑼灣

返到屋企，見到宣傳單，想不到奧海城都開綠茶餐廳，咁當然要去試一下啦～晚市人都多，拎了飛都要等10-15分鐘。好欣賞在地少人多的香港，餐廳在設計上都很用心，古色古香的綠色樹木，令人心曠神怡。餐牌附有圖片，造型讓人一目了然，抵讚！點了2款季節限定~三色雞絲涼麵分別有南瓜、紫薯和菠菜三種味道。顏色繽紛，撈上微辣的醬油，辣辣地好清新開胃。土豆芝士塔蛋撻造型的芝士塔，食落厚重，面頭的芝士和煙肉多了份咸香，薯仔的另類食法，令平時唔太好薯仔的我都食左一整個。粉絲裹蝦上枱時蝦仍是生的，要用計時器計時煮熟，望著蝦肉由白色轉橙色的過程著實療癒。蝦肉爽口彈牙，粉絲吸晒啲醬汁好入味！蔥香脆皮烤鴨雖然份量不多，但見到滿碟的葱就好開心！烤鴨的皮真的做到帶脆，而鴨肉保持嫩滑，加上青葱，食落好香口！砂鍋西施豆腐這個是我想點的，因為我想食飯，用這個豆腐送飯，簡直令人食唔停口。豆腐入面加入了芋頭、肉碎、青豆等，熱辣辣上枱，送白飯一流！有設計有裝修有服務，座位又寬敞坐得舒服的，仲有價錢親民的中菜，綠茶真係一個非常不錯的選擇，依家連奧海城都有分店實在太好了！

國內食過呢間，覺得好食，所以喺香港又試吓佢，點知竟然比深圳的味道更好，主要係食材非常鮮味。東坡仔排︰肉質比想像之中瘦，個汁唔會好甜，肉排部份係幾香軟嘅。薺菜年糕煮魚膠︰清新得黎又和味，年糕煙煙韌韌，很有彈性，很喜歡薺菜嘅香味。粉絲裹蝦︰粉絲仲好味過D蝦，因為D粉絲吸晒D蝦嘅香味。佢D蝦都幾新鮮，肉質有彈性。喉口鮮肉包︰呢個肉包好食，入面D肉都幾新鮮，塊皮好軟熟。龍井烤雞︰呢隻雞烤得好嫩滑，雞皮好薄，烤得好香，同埋隻雞無乜肥膏。江南綠茶餅︰呢個要趁熱食，凍咗無咁好食，個甜度亦算適中。西湖桂花藕粉︰呢個好食，好清甜。紅酒糟圓子︰呢個又靚又好食，唔會好甜，D圓子浸住D糖水味道唔錯。

主打新派江浙菜「綠茶餐廳」喺奧海城開設分店✨餐廳裝潢以竹子與綠意為主調，營造出一種幽靜清新的江南氣息🎋最近更與米芝蓮名廚俞斌攜手設計的一系列春鮮新菜，迎接早春🌱.🍴春韭蠶豆煮螺片💰 $158早春限定菜式🌱選用春天當造春韭及蠶豆入饌，蠶豆爽口，螺片彈牙，韭菜帶出一股鮮甜香氣😌醬汁帶點勾芡，拌飯或直接食都得，層次豐富😚.🍴龍井烤雞💰$138綠茶招牌菜🌟 外皮烤得金黃酥脆，肉質保持嫩滑，入口還帶有淡淡茶香🍵店員即席切雞，熱辣出爐，香氣四溢，令人食指大動👍🏻.🍴砂鍋西施豆腐💰$88一上桌就熱騰騰嘅砂鍋豆腐🔥豆腐滑嫩，搭配碎肉與青豆，鹹香味濃😙撈飯一流😆.🍴蕭山蘿蔔乾炒飯💰$58炒飯乾身分明，每一口都炒得香氣十足。加入了爽脆的蘿蔔乾，帶出一絲絲鹹香風☺️.🍴土豆芝士塔💰 $22外層酥脆，中間是薯蓉與芝士的濃郁混合，加上上層撒上的蔥花與少許臘味，鹹甜交融

早幾晚同屋企人食完晚飯，新開張相當蝦碌，不過都值得原諒。繼續幾日再同啲同事嚟食晏試吓其他菜式反而今次食嘅出咗一半都比較滿意。首先個蝦湯泡飽真係做得幾有質素。除咗湯裏面有飯之外另外有碗脆米增加咗唔同嘅口感。個鮑魚冷盤都幾爽口個汁都尚算醒胃不過係鮑魚片薄咗少少。反而另外個蓮藕冷盤就幾鍾意佢個味個汁好似有少少似士多啤梨汁，但又有少少似係紅糖。另外個餡餅，裏便夠肥豬肉炸到好似泰式豬皮咁食落去個口感有少少似片皮鴨，係幾特別嘅。餐午餐最欣賞係隻茶醺雞，隻雞多汁味道亦都醃得好好，仲有一陣茶香味。後尾另外再加咗個冰菜同埋芒果鵝肝塔塔，個芒果可能唔係好合時比較酸，而鵝肝嘅味道亦唔算重，所以完全蓋過咗鵝肝嘅味。今餐午餐比起早幾日嘅晚餐用膳感覺好咗好多，之後有機會再同屋企人要試番醺雞同泡飯。

經過呢間餐廳裝修幾靚幾特別，好多植物做裝飾，菜式都幾多款。春韭蠶豆煮螺片呢個菜式幾青，d蠶豆入晒味，好淋，而螺片好嫩，好鮮味彈牙。三色雞絲涼麵個賣相好靚，三種顏色嘅麵好吸引，食落幾煙韌，d雞絲吸收晒口水汁嘅味，唔錯。鮑魚小炒肉呢個小炒好惹味，d鮑魚好彈牙，好鮮味，d豬肉幾嫩，肥瘦均勻，加埋辣椒一齊食，可中和油膩感。龍井烤雞隻雞原隻上枱，啱啱烤起，非常香，跟住店員會幫我地剪開一件件，烤雞食落皮脆肉嫩，好香口，味道好惹味。

🔶🔷🔶奧海城精緻中菜 人均都係$200🔷🔶🔷⬇️睇內文食評同地址啦⬇️。👍🏻 有你地嘅Like & Share 係我繼續出Post嘅動力喔。奧海城開左間新餐廳，而呢間餐廳近排係各大商場都人氣高企，晚晚都要排隊先食到。點解咁旺場？因為佢性價比真係太高，裝修精緻，屬中高級餐廳裝潢，但食物價錢竟然同茶記唔太得遠。高湯蝦乾小青菜（$58）我都幾肯定可以講句，呢碟野係仲平過大排檔叫一碟菜，。薺菜碎肉千張包（$88）呢道菜好特別，其他地方無食過，外層用腐皮包住，整道菜清清地幾好。龍井烤雞（$138）龍井烤雞係佢地招牌菜色，只係$138有成隻雞，下面仲有龍井煙燻住，食落好香，雞皮薄又脆，而且雞肉非常嫩，連雞胸肉都嫩！一定一定要order呢道菜。雪菜黃魚麵（$88）湯底係可以飲，有魚有湯有麵，健康過食碗味精米線好多。土豆芝士塔（$22）呢個tart有驚喜，外層鬆化，入面嘅土豆蓉加埋芝士好香。西柚杏仁豆花（$48）呢個甜品一樣出乎意料，杏味夠濃，上面嘅西柚肉，令到整體味道好襯。📍綠茶餐廳 (奧海城二期) (大角咀)大角咀海庭道18號奧海城二期1樓105A號舖

綠茶餐廳一向都係我至愛之選🤤🤤超中意餐廳環境好有西湖特色，令每位客人一行入去都置身於江南一樣🥰每道菜都好有驚喜，好適合一家大細，朋友聚會。龍井綠茶茶葉清香撲鼻，非常醇香回甘。🍵
土豆芝士塔以蛋撻皮包裹住煙肉粒薯蓉芝士，香濃牛油味令薯蓉非常幼滑，中間夾住芝士有拉絲效果～好正正🤤
蔥香脆皮烤鴨
烤鴨皮脆肉嫩，蔥香加上特製XO醬，令烤鴨味道更加昇華🪿江南茄子煲茄子煲炆得非常惹味，香辣剛剛好，好適合餸飯❤️
黑松露牛肉炒飯黑松露香氣獨特同牛肉粒令成個炒飯味道與別不同，令人好驚喜💕
江南綠茶餅綠茶餅皮酥脆加上沾邊的芝麻好有特色，內餡係香滑ge綠豆蓉，一試上癮。💕🩷西湖桂花藕粉
桂花花香淡雅，藕粉晶瑩剔透，入口順滑，甜度剛剛好，第一次試到咁特別的甜品🥰懷舊米漿（熱）
米香濃郁，好似飲緊軟綿綿的熱粥咁，喝下去暖胃又暖心。🍚Hoegaarden 248ml
啤酒清爽微甜，帶住淡淡的桃味，倒入冰凍過的啤酒杯，泡沫細膩令整杯啤酒層次昇華到極點。🍻

開張嘅第一日滿心歡喜諗住嚟試，點知佢停電，意興闌珊之際，訂咗枱星期一再重賽。此終新開張，真係有啲亂，安排咗我哋坐入面嘅枱，但係近洗碗嘅出入口地下相當線都有凍咗個牌喺度提醒客戶小心地滑，接待都好好禮貌主動提同行老人家行路要慎防跌倒。冷氣唔夠，側邊個大風機吹咗個頭一晚吹到個頭都有啲痛。講番啲嘢食先，過咗好似亭台樓閣嘅嘢，可以不用試，但係如果要打卡嘅話，就叫來打卡就算啦。途中有兩幅圖架鴨，第一幅係佢第一次上菜嘅時候比嘅，隻脾剪到唔知去咗邊，後尾同侍應講，佢好有禮貌咁換咗另外一碟俾我。其實無預佢size係鴨仔，但係份量真係比較少，不過味道還係可以。另外個老鴨湯還好，飲完無口乾。另外個蝦粉絲雖然有啲油，但味道是可以的。另外個絲瓜蛤蜊，都係有兩幅圖第一幅圖相嘅時候係冇蛤蜊，第二幅係候補嘅。個肉包都可以唔使叫。反而甜品還好，個綠茶餅唔太甜幾軟糯。另外個酒釀丸子咁細粒竟然係有芝麻餡，呢個係有驚喜。希望之後少啲蝦碌野啦⋯⋯都明白新開舖要打仗，但係員工與員工之間嘅對話都幾粗鄙，唔知仲以為去咗地踎大檔食飯，希望公司管理層睇到呢篇食評，知道應該點樣改善間餐廳嘅營運。

綠茶餐廳第4間香港分店已在奧海城登陸感受江南風情👉環境：風清竹影舒適輕鬆雅致的用餐環境👉菜單春菜新品上市🌸春時春食🌸三色雞絲涼麵 手工麵條混合菠菜汁、紫薯汁形成三色搭配，伴以嫩滑雞絲及蔥絲，並搭配秘制麻辣醬汁。薺菜碎肉千張包 豆皮包裹薺菜和碎肉還有馬蹄 金沙雞翼 雞翼外層裹上咸蛋黃，炸至金黃酥脆 南乳醉鮑魚 以紅腐乳和酒醃制鮑魚，切成薄片 蝦湯泡飯 以鮮蝦🍤熬制的濃湯為基底，加入米飯和炒過的米飯？（沒吃過）西柚杏仁豆花 滑嫩的豆花搭配西柚的微酸與杏仁的香氣擺盤方式好看

😋以後搵到多間中菜食啦！最近見到呢間新開嘅"綠茶餐廳"，被門口嘅古箏彈奏吸引，裝潢以竹林設計為主題🎋，主打江浙菜，仲有唔少香港限定菜式，一於試下!差唔多每一檯都見到叫呢道➡️"龍井烤雞"，比個分量嚇親，好大隻，竟然只要$138! 上菜比大家影相後就會幫手拎去剪雞，方便進食~ 雞肉燒得啱啱好，用龍井茶煙燻烤製，有好香煙熏味，外皮香脆，裡面肉質鮮嫩多汁!👍🏻👍🏻亦點咗➡️"粉絲裹蝦"，呢道菜係現場烹製，保證新鮮，仲有個計時器倒數5分鐘蒸焗，蝦肉咬落幾彈牙，裹住粉絲吸收了蝦嘅鮮甜同蒜香，好惹味🤤➡️"砂鍋西施豆腐"，豆腐滑滑嫩嫩，食落去有種入口即化嘅感覺，豆腐吸收咗砂鍋入面嘅湯汁，不過味道有少少濃，建議配飯食，另外唔知點解要加d三色豆落去，可能為了增添色彩，但豆腐真係無得輸! 雖然發現好似點得太多，但都點咗呢道➡️"蛤蜊絲瓜"，蛤蜊新鮮，肉質鮮甜，絲瓜爽口清脆，完全吸收咗蛤蜊嘅鮮味，兩者搭配得非常好，食落開胃，平衡食雞嘅油膩感，好適合想食得健康嘅人!😋最後甜品點了餐廳招牌嘅➡️"麵包誘惑"，多士好厚，麵包外脆內軟，切咗一磚磚方便搭配雪糕進食，好邪惡呀😆 雪糕甜度適中，冷熱交融，口感一流，食完好滿足!

「綠茶餐廳」喺香港開第四間分店，就係奧海城，夜晚未夠七點已經要等位，好彩一早book定同屋企人食😗奥海城分店可以食到香港限定菜式‼️由杭州米芝蓮星級名廚俞斌親自監修，我哋分別點左葱香脆皮烤鴨同面餅醬香五花肉，烤鴨皮脆肉嫩，底下好多蔥，雖然我唔會食啲蔥但蔥油味都真係幾香。五花肉用面餅包住一卷卷賣相好靚，五花肉肥瘦均勻，食落都唔會太膩。除咗限定菜式，我哋就叫咗餐廳招牌粉絲裏蝦，會點火熱住個煲再落醬汁即時煮熟生蝦，粉絲好入味，用嚟送飯真係唔錯，真心好食過喺大陸食🤣另外蘿蔔炆牛筋腩都OK，鮮蕃茄煮有機花菜🥦味道開胃，同樣有火熱住keep到溫度好加分👍🏻🔸蔥香脆皮烤鴨💯🔸粉絲裏蝦🦐🔸蘿蔔燉牛筋腩🐮🔸鮮蕃茄煮有機花菜🥦🔸面餅醬香五花肉💯📍#綠茶餐廳 (#大角咀)#大角咀 海庭道18號奧海城二期1樓105A號舖

綠茶餐廳(奧海城)已經第二次黎綠茶餐廳，今次就走左奧海城新店。佔地2500呎，以「風清竹影」為主題，而入到去好似去左城市中嘅竹林，感覺好清新好舒適啊！而奧海城分店同樣有多款限定菜式由杭州米芝蓮星級名廚俞斌親自監修。💚龍井烤雞 $138燒到金黃色外皮，賣相精緻吸引，用小木桶上枱好有特色！充滿龍井茶葉嘅香氣，雞肉嫩滑！💚七味鹽香脆九肚魚 $128. 外脆內嫩，鹹香惹味，令人食唔停口！💚鮮果鵝肝塔殼$128鬆脆嘅外層，佈滿鮮甜芒果，內裏有粒粒鵝肝，口感好有層次好豐富！💚西湖雷峰塔（冷） $28創意賣相兼備。以杭州西湖十景嘅雷峰塔造型設計，真係打卡甜品！鮮山藥加上純牛奶，奶味香濃。🍹兩杯特色飲品：龍井檸檬茶$28 紅寶石琉璃$28賣相好精美，有隻可愛小熊冰，兩杯都好清甜好解膩！@greentea_officialhk📍綠茶餐廳(奧海城二期)大角咀海庭道18號奧海城二期1樓105A號#綠茶餐廳 #圍方餐廳#greenteahk #臭海城 #大角咀美食 #餐廳推介 #米芝蓮推介 #杭州西湖 #浙江菜 #浙江菜推薦