綠茶餐廳 (奧海城二期)

營業中

休息中

主打新派江浙菜「綠茶餐廳」喺奧海城開設分店✨餐廳裝潢以竹子與綠意為主調，營造出一種幽靜清新的江南氣息🎋最近更與米芝蓮名廚俞斌攜手設計的一系列春鮮新菜，迎接早春🌱.🍴春韭蠶豆煮螺片💰 $158早春限定菜式🌱選用春天當造春韭及蠶豆入饌，蠶豆爽口，螺片彈牙，韭菜帶出一股鮮甜香氣😌醬汁帶點勾芡，拌飯或直接食都得，層次豐富😚.🍴龍井烤雞💰$138綠茶招牌菜🌟 外皮烤得金黃酥脆，肉質保持嫩滑，入口還帶有淡淡茶香🍵店員即席切雞，熱辣出爐，香氣四溢，令人食指大動👍🏻.🍴砂鍋西施豆腐💰$88一上桌就熱騰騰嘅砂鍋豆腐🔥豆腐滑嫩，搭配碎肉與青豆，鹹香味濃😙撈飯一流😆.🍴蕭山蘿蔔乾炒飯💰$58炒飯乾身分明，每一口都炒得香氣十足。加入了爽脆的蘿蔔乾，帶出一絲絲鹹香風☺️.🍴土豆芝士塔💰 $22外層酥脆，中間是薯蓉與芝士的濃郁混合，加上上層撒上的蔥花與少許臘味，鹹甜交融

早幾晚同屋企人食完晚飯，新開張相當蝦碌，不過都值得原諒。繼續幾日再同啲同事嚟食晏試吓其他菜式反而今次食嘅出咗一半都比較滿意。首先個蝦湯泡飽真係做得幾有質素。除咗湯裏面有飯之外另外有碗脆米增加咗唔同嘅口感。個鮑魚冷盤都幾爽口個汁都尚算醒胃不過係鮑魚片薄咗少少。反而另外個蓮藕冷盤就幾鍾意佢個味個汁好似有少少似士多啤梨汁，但又有少少似係紅糖。另外個餡餅，裏便夠肥豬肉炸到好似泰式豬皮咁食落去個口感有少少似片皮鴨，係幾特別嘅。餐午餐最欣賞係隻茶醺雞，隻雞多汁味道亦都醃得好好，仲有一陣茶香味。後尾另外再加咗個冰菜同埋芒果鵝肝塔塔，個芒果可能唔係好合時比較酸，而鵝肝嘅味道亦唔算重，所以完全蓋過咗鵝肝嘅味。今餐午餐比起早幾日嘅晚餐用膳感覺好咗好多，之後有機會再同屋企人要試番醺雞同泡飯。

經過呢間餐廳裝修幾靚幾特別，好多植物做裝飾，菜式都幾多款。春韭蠶豆煮螺片呢個菜式幾青，d蠶豆入晒味，好淋，而螺片好嫩，好鮮味彈牙。三色雞絲涼麵個賣相好靚，三種顏色嘅麵好吸引，食落幾煙韌，d雞絲吸收晒口水汁嘅味，唔錯。鮑魚小炒肉呢個小炒好惹味，d鮑魚好彈牙，好鮮味，d豬肉幾嫩，肥瘦均勻，加埋辣椒一齊食，可中和油膩感。龍井烤雞隻雞原隻上枱，啱啱烤起，非常香，跟住店員會幫我地剪開一件件，烤雞食落皮脆肉嫩，好香口，味道好惹味。

🔶🔷🔶奧海城精緻中菜 人均都係$200🔷🔶🔷⬇️睇內文食評同地址啦⬇️。👍🏻 有你地嘅Like & Share 係我繼續出Post嘅動力喔。奧海城開左間新餐廳，而呢間餐廳近排係各大商場都人氣高企，晚晚都要排隊先食到。點解咁旺場？因為佢性價比真係太高，裝修精緻，屬中高級餐廳裝潢，但食物價錢竟然同茶記唔太得遠。高湯蝦乾小青菜（$58）我都幾肯定可以講句，呢碟野係仲平過大排檔叫一碟菜，。薺菜碎肉千張包（$88）呢道菜好特別，其他地方無食過，外層用腐皮包住，整道菜清清地幾好。龍井烤雞（$138）龍井烤雞係佢地招牌菜色，只係$138有成隻雞，下面仲有龍井煙燻住，食落好香，雞皮薄又脆，而且雞肉非常嫩，連雞胸肉都嫩！一定一定要order呢道菜。雪菜黃魚麵（$88）湯底係可以飲，有魚有湯有麵，健康過食碗味精米線好多。土豆芝士塔（$22）呢個tart有驚喜，外層鬆化，入面嘅土豆蓉加埋芝士好香。西柚杏仁豆花（$48）呢個甜品一樣出乎意料，杏味夠濃，上面嘅西柚肉，令到整體味道好襯。📍綠茶餐廳 (奧海城二期) (大角咀)大角咀海庭道18號奧海城二期1樓105A號舖

綠茶餐廳一向都係我至愛之選🤤🤤超中意餐廳環境好有西湖特色，令每位客人一行入去都置身於江南一樣🥰每道菜都好有驚喜，好適合一家大細，朋友聚會。龍井綠茶茶葉清香撲鼻，非常醇香回甘。🍵
土豆芝士塔以蛋撻皮包裹住煙肉粒薯蓉芝士，香濃牛油味令薯蓉非常幼滑，中間夾住芝士有拉絲效果～好正正🤤
蔥香脆皮烤鴨
烤鴨皮脆肉嫩，蔥香加上特製XO醬，令烤鴨味道更加昇華🪿江南茄子煲茄子煲炆得非常惹味，香辣剛剛好，好適合餸飯❤️
黑松露牛肉炒飯黑松露香氣獨特同牛肉粒令成個炒飯味道與別不同，令人好驚喜💕
江南綠茶餅綠茶餅皮酥脆加上沾邊的芝麻好有特色，內餡係香滑ge綠豆蓉，一試上癮。💕🩷西湖桂花藕粉
桂花花香淡雅，藕粉晶瑩剔透，入口順滑，甜度剛剛好，第一次試到咁特別的甜品🥰懷舊米漿（熱）
米香濃郁，好似飲緊軟綿綿的熱粥咁，喝下去暖胃又暖心。🍚Hoegaarden 248ml
啤酒清爽微甜，帶住淡淡的桃味，倒入冰凍過的啤酒杯，泡沫細膩令整杯啤酒層次昇華到極點。🍻

開張嘅第一日滿心歡喜諗住嚟試，點知佢停電，意興闌珊之際，訂咗枱星期一再重賽。此終新開張，真係有啲亂，安排咗我哋坐入面嘅枱，但係近洗碗嘅出入口地下相當線都有凍咗個牌喺度提醒客戶小心地滑，接待都好好禮貌主動提同行老人家行路要慎防跌倒。冷氣唔夠，側邊個大風機吹咗個頭一晚吹到個頭都有啲痛。講番啲嘢食先，過咗好似亭台樓閣嘅嘢，可以不用試，但係如果要打卡嘅話，就叫來打卡就算啦。途中有兩幅圖架鴨，第一幅係佢第一次上菜嘅時候比嘅，隻脾剪到唔知去咗邊，後尾同侍應講，佢好有禮貌咁換咗另外一碟俾我。其實無預佢size係鴨仔，但係份量真係比較少，不過味道還係可以。另外個老鴨湯還好，飲完無口乾。另外個蝦粉絲雖然有啲油，但味道是可以的。另外個絲瓜蛤蜊，都係有兩幅圖第一幅圖相嘅時候係冇蛤蜊，第二幅係候補嘅。個肉包都可以唔使叫。反而甜品還好，個綠茶餅唔太甜幾軟糯。另外個酒釀丸子咁細粒竟然係有芝麻餡，呢個係有驚喜。希望之後少啲蝦碌野啦⋯⋯都明白新開舖要打仗，但係員工與員工之間嘅對話都幾粗鄙，唔知仲以為去咗地踎大檔食飯，希望公司管理層睇到呢篇食評，知道應該點樣改善間餐廳嘅營運。

綠茶餐廳第4間香港分店已在奧海城登陸感受江南風情👉環境：風清竹影舒適輕鬆雅致的用餐環境👉菜單春菜新品上市🌸春時春食🌸三色雞絲涼麵 手工麵條混合菠菜汁、紫薯汁形成三色搭配，伴以嫩滑雞絲及蔥絲，並搭配秘制麻辣醬汁。薺菜碎肉千張包 豆皮包裹薺菜和碎肉還有馬蹄 金沙雞翼 雞翼外層裹上咸蛋黃，炸至金黃酥脆 南乳醉鮑魚 以紅腐乳和酒醃制鮑魚，切成薄片 蝦湯泡飯 以鮮蝦🍤熬制的濃湯為基底，加入米飯和炒過的米飯？（沒吃過）西柚杏仁豆花 滑嫩的豆花搭配西柚的微酸與杏仁的香氣擺盤方式好看

😋以後搵到多間中菜食啦！最近見到呢間新開嘅"綠茶餐廳"，被門口嘅古箏彈奏吸引，裝潢以竹林設計為主題🎋，主打江浙菜，仲有唔少香港限定菜式，一於試下!差唔多每一檯都見到叫呢道➡️"龍井烤雞"，比個分量嚇親，好大隻，竟然只要$138! 上菜比大家影相後就會幫手拎去剪雞，方便進食~ 雞肉燒得啱啱好，用龍井茶煙燻烤製，有好香煙熏味，外皮香脆，裡面肉質鮮嫩多汁!👍🏻👍🏻亦點咗➡️"粉絲裹蝦"，呢道菜係現場烹製，保證新鮮，仲有個計時器倒數5分鐘蒸焗，蝦肉咬落幾彈牙，裹住粉絲吸收了蝦嘅鮮甜同蒜香，好惹味🤤➡️"砂鍋西施豆腐"，豆腐滑滑嫩嫩，食落去有種入口即化嘅感覺，豆腐吸收咗砂鍋入面嘅湯汁，不過味道有少少濃，建議配飯食，另外唔知點解要加d三色豆落去，可能為了增添色彩，但豆腐真係無得輸! 雖然發現好似點得太多，但都點咗呢道➡️"蛤蜊絲瓜"，蛤蜊新鮮，肉質鮮甜，絲瓜爽口清脆，完全吸收咗蛤蜊嘅鮮味，兩者搭配得非常好，食落開胃，平衡食雞嘅油膩感，好適合想食得健康嘅人!😋最後甜品點了餐廳招牌嘅➡️"麵包誘惑"，多士好厚，麵包外脆內軟，切咗一磚磚方便搭配雪糕進食，好邪惡呀😆 雪糕甜度適中，冷熱交融，口感一流，食完好滿足!

「綠茶餐廳」喺香港開第四間分店，就係奧海城，夜晚未夠七點已經要等位，好彩一早book定同屋企人食😗奥海城分店可以食到香港限定菜式‼️由杭州米芝蓮星級名廚俞斌親自監修，我哋分別點左葱香脆皮烤鴨同面餅醬香五花肉，烤鴨皮脆肉嫩，底下好多蔥，雖然我唔會食啲蔥但蔥油味都真係幾香。五花肉用面餅包住一卷卷賣相好靚，五花肉肥瘦均勻，食落都唔會太膩。除咗限定菜式，我哋就叫咗餐廳招牌粉絲裏蝦，會點火熱住個煲再落醬汁即時煮熟生蝦，粉絲好入味，用嚟送飯真係唔錯，真心好食過喺大陸食🤣另外蘿蔔炆牛筋腩都OK，鮮蕃茄煮有機花菜🥦味道開胃，同樣有火熱住keep到溫度好加分👍🏻🔸蔥香脆皮烤鴨💯🔸粉絲裏蝦🦐🔸蘿蔔燉牛筋腩🐮🔸鮮蕃茄煮有機花菜🥦🔸面餅醬香五花肉💯📍#綠茶餐廳 (#大角咀)#大角咀 海庭道18號奧海城二期1樓105A號舖

綠茶餐廳(奧海城)已經第二次黎綠茶餐廳，今次就走左奧海城新店。佔地2500呎，以「風清竹影」為主題，而入到去好似去左城市中嘅竹林，感覺好清新好舒適啊！而奧海城分店同樣有多款限定菜式由杭州米芝蓮星級名廚俞斌親自監修。💚龍井烤雞 $138燒到金黃色外皮，賣相精緻吸引，用小木桶上枱好有特色！充滿龍井茶葉嘅香氣，雞肉嫩滑！💚七味鹽香脆九肚魚 $128. 外脆內嫩，鹹香惹味，令人食唔停口！💚鮮果鵝肝塔殼$128鬆脆嘅外層，佈滿鮮甜芒果，內裏有粒粒鵝肝，口感好有層次好豐富！💚西湖雷峰塔（冷） $28創意賣相兼備。以杭州西湖十景嘅雷峰塔造型設計，真係打卡甜品！鮮山藥加上純牛奶，奶味香濃。🍹兩杯特色飲品：龍井檸檬茶$28 紅寶石琉璃$28賣相好精美，有隻可愛小熊冰，兩杯都好清甜好解膩！@greentea_officialhk📍綠茶餐廳(奧海城二期)大角咀海庭道18號奧海城二期1樓105A號#綠茶餐廳 #圍方餐廳#greenteahk #臭海城 #大角咀美食 #餐廳推介 #米芝蓮推介 #杭州西湖 #浙江菜 #浙江菜推薦

奧海城新開咗呢間綠茶餐廳，非常多人排隊今日拉埋朋友一齊嚟食lunch 😆餐廳裝潢走一店一景，走風清竹影主題，江南風既用餐環境一啲都唔馬虎餐廳內都有好多假樹，成個感覺氛圍都幾舒服餐牌選擇都幾多，睇到我哋十五十六🤣松露松仁烤菜心呢個係冷盤嚟嘅，食落松露油嘅香味都幾濃菜心都幾爽口，唔會老，而且係沾滿咗松露油但係食落去比想像中清爽，唔會好好油膩松仁有畫龍點睛嘅感覺，咬落去又松仁獨有嘅香氣配埋松露油都幾夾麵餅醬香五花肉有啲似片皮鴨，只係鴨肉而家做炸五花肉餅皮厚薄適中，有咬口得來唔會過厚過乾配埋鹹香嘅濃厚醬汁，同埋青瓜京蔥口感同味道都非常豐富重頭起當然係中間嘅炸五花肉五花肉勁大一嚿，烤得非常熟透肥嘅位置咬落去係酥脆，完全唔會油淋淋肉質都幾軟腍，係直落非常可口惹味嘅小食龍井烤雞店員好有心機，會先上完隻嘅烤雞俾食客打卡影相之後會拎走幫我哋去切開隻雞，服務非常唔錯烤雞外皮黑到金黃色非常靚仔，食落微脆油脂唔係好多所以食落去負擔感唔會好重肉質係非常嫩滑，連雞胸部位都唔會柴食落會有淡淡嘅茶香，原來係因為碗底會熱薰住啲龍井茶葉，非常有心思東坡肉賣相非常靚仔嘅四方塊☺️☺️☺️東坡肉炆得非常入味，甜甜地，香味亦都好夠

朋友告知奧海城二期新開內地過江龍「綠茶餐廳」，餐廳主打江浙菜，佔地2500呎，更以風青竹影為主題，感受濃濃江南風情。裝修雅致，別出心裁，店員親切有禮，仲會穿上古裝服飾，飄逸得來好型格！音樂悠揚，耳邊迴盪，恍似置身江南水鄉，新店開張更加人頭湧湧，一於大快朵頤。茗茶：九曲紅梅九曲紅梅茶歷史悠久，品質優異，紅茶中的珍品，口感醇厚，甘甜爽口，回味悠長，飲落好舒服。龍井烤雞：用上三黃雞 ，外皮金黃酥脆，脆嫩多汁，龍井茶淡淡香氣滲入雞肉當中，蘸上特製五香辣粉，香辣惹味，食吾停口，果然係招牌菜。南乳醉鮑魚：帶有獨特的咸香和發酵後的濃郁風味。南乳的咸味不會過於強烈，鮑魚肉質鮮嫩，口感彈牙，蘸上南乳和花雕酒的香味，保留了海鮮的天然鮮甜，又增添了濃郁的風味。花雕酒的香氣不會過於濃烈，而是溫和地滲透到鮑魚中，帶來一種微醺的香氣。鮑魚的肉質緊實彈牙，回味悠長。粉絲裏蝦：用上Gas爐，即場烹調，五分鐘後即可趁熱食，爽彈大蝦配上蒜香味十足的粉絲，粉絲能夠充分吸收蒜蓉、醬油、蠔油等調料的風味，蝦的彈嫩、粉絲的滑爽、蒜蓉的顆粒感以及蔥花的點綴，口感豐富。宋嫂魚羹：是杭州傳統名菜，歷史悠久，風味獨特。這道菜以魚肉為主料

開張首日想捧下場遇着大停電，攞咗飛等咗好耐最後冇得食，一心再來試吓！點知再黎就又係要黑面離場！首先，間野裝修係有，但係冷氣唔夠，地面略為濕滑！間野要收$12一位茶錢同加一服務費，但服務態度真係唔掂！我地坐落幾張兩人枱中間，明明我地黎先，但茶就最遲遞上，已經唔太理解個侍應提到是龍井，我都想認真試下。我兩個人叫左六樣餸加一個甜品，已經食得急，距離交枱時間交枱時間仲有10幾分鐘，飲緊杯茶，就已經俾同一侍應催啲野黎齊啦嘛，可唔可以快少少！！！個侍應講：好多人等位，快少少。大佬！？我有俾錢食嘢又有俾茶錢，係咪連飲杯茶都唔得？最離譜是真係未夠鐘！！！本來想即場叫經理黎講，但都是算完！！！唔會有下次！！！兩次都要黑面離場

突然之間想坐得舒服食下一啲特色中菜，就嚟咗食新開綠菜分店😀龍井烤雞，係佢哋嘅招牌菜，下面有龍井墊住，所以保持到茶香味。雞唔算大隻，肉算嫩，不過就咸咗少少🤏🏻粉絲裹蝦，呢一味都幾算有驚喜，上枱時蝦係生嘅，店員撈咗汁落鍋煮大概八分鐘，夠鐘就撈起，蝦爽口，粉絲上色同味都夠👍🏻（香港先有）蔥香脆皮烤鴨，爆多蔥，鴨肉香而且多汁🤩蝦湯泡飯，呢道我哋個個一食就大讚，蝦湯湯頭非常濃厚，用泡飯做底係絕配😍（香港先有）鮮果鵝肝塔殼，凍點嚟講好清新，芒果唔酸，入面鵝肝都多，一口咬感幾豐富🥰西湖雷峰塔，呢個就打卡為主，鮮山藥配牛奶兩者味道偏淡🤔西湖藕韻，呢個值得叫，糯米藕煮得剛好，加埋脆藕片令口感增加層次，底用咗士多啤梨汁都幾特別，有多重味道都幾好😌我哋仲有叫喉口豬肉包同蛤蜊絲瓜，正常水準😬店門有位打扮得好靚嘅「仙女」彈古箏，有另類live背景音樂，不過坐得近佢都幾應聲，可能要大聲啲講嘢🫢 欣賞店內嘅裝修，幾雅致。相信餐廳係設計上想盡量多座位，想多啲儲物就唯有每張枱就做咗枱櫃，客人或者會覺得幾頂腳。店員服裝都跟番餐廳風格，不過服務就一般，可能會經常因為太過忙碌、或太專注耳機同事之間講嘢而忘記客人查詢。

主打新浙菜嘅綠茶餐廳✨分店愈開愈多👏🏻前幾日就去咗位於西九龍奧海城嘅全新分店，可以一嚐由米芝蓮名廚俞斌主理一系列香港限定菜式😋😋綠茶餐廳有「一店一景」理念💡奧海城店以「風清竹影」為主題，選用竹葉及柔和之白、綠色，將2,500呎空間打造成都市中竹林，環境裝潢充滿江南美學💁🏻‍♀️今次我哋一行人去試咗幾道新浙菜，真係食到好滿足💗🔹龍井烤雞必試菜式！雞肉外皮烤得金黃酥脆，肉質嫩滑，搭配龍井茶葉嘅清香，味道獨特，令人感受到茶香嘅淡雅。配上少量醬汁，更能增添風味。🔹東坡肉呢道菜用料考究，豬肉肥瘦相間，慢火燉煮至軟嫩，入口即化，帶有甜味同醬油嘅香氣，唔會膩之餘仲越食越想食～搭配白飯，簡直係絕配，令人回味無窮。🔹蛤蜊絲瓜蛤蜊新鮮，肉質鮮甜，絲瓜則爽口清脆，完全吸收咗蛤蜊嘅鮮味，湯汁清爽，食落夠哂開胃。🔹蕭山蘿蔔乾炒飯炒飯粒粒分明，蘿蔔乾帶有鹹香味，炒至金黃，口感香脆，好有家鄉嘅味道，令人有種親切感。🔹西湖雷峰塔外形精緻，山藥奶凍，口感柔軟，甜而不膩，絕對係甜品愛好者嘅最愛。🔹江南綠茶餅外脆內軟，脆皮以綠茶葉製成，內裡包住香濃嘅芋蓉，味道清新，茶香四溢。整體而言，綠茶餐廳以「風清竹影」為主題，營造出一個