綠森林 (已結業)

去開灣仔行下玩具街一條街有齊各式小店衣食住行樣樣齊 挖寶聖地—————————————————————今次發現到間隱藏喺入面嘅小店裝修簡潔又坐得舒服餐廳主打花膠雞湯米線所以中島叫左個胡椒豬肚花膠雞湯米線上檯椒香撲鼻面頭仲有一大片花膠最少都有20cm長😮湯頭順喉唔嗆辣帶有膠質冬天食嘅話一定全身暖曬🥰試左米線又試下啲小炒XO碧綠蝦球炒爽肉上枱已經聞到好香XO醬味一碟有齊海鮮蔬菜同肉類👍🏻食落香口爽脆多汁有鑊氣好啱送飯當然唔少得大人細路都好中意嘅小食椒鹽魷魚鬚啦🤣冇諗過小店竟然做到咁鬆脆嘅魷魚鬚面頭啲炸粉好薄又酥脆最驚外面食到的魷魚鬚好大串又難咬呢個一咬斷開爽口彈牙 正呀！仲有搞鬼造型嘅波波奶茶經過睇玩具不妨可以一試😊—————————————————————◂ 胡椒豬肚花膠雞湯米線 $68◂ XO碧綠蝦球炒爽肉 $128◂ 椒鹽魷魚鬚 $48◂ 波波奶茶 $20

今日收工嚟咗灣仔，想搵間食小菜嘅餐廳，經過太原街見到依間綠森林個餐牌好似唔錯就決定試一試。睇完個Menu發現都好多選擇，小菜種類都好豐富，因為太肚餓，兩個人都做咗唔少嘢食。椒鹽魷魚鬚，一食落去就知道係即叫即炸，又香又熱辣辣，份量係超多，因為太肚餓，佢又香口，一放低唔使幾分鐘就食晒。鬆脆洋蔥圈，真係即叫即炸，洋蔥好鮮甜，份量又多，有大有細舊，真係好香脆，食完一舊好想再食！花膠鮑魚雞湯飯，個湯好濃雞味，飲得出係煲咗好耐，好好味，有原隻鮑魚，又有好幾舊大花膠，真係落足料，再加埋啲菇同瓜，真係好好食。鮮果咕嚕肉，開頭以為係啲罐頭菠蘿，點知食落去發現係新鮮菠蘿，火龍果，蘋果，去整成，所以個鮮味係有啲唔同，加埋個咕嚕肉係即叫即炸，酸酸甜甜，真係幾好食。依間餐廳真係幾有心機，唔係交hea貨！可以再嚟！

今日同阿媽行太原街，平時唔多留意2邊原來有餐廳小店今日見到呢間食小菜就決定試下支持一下！有非常多小菜選擇，豬牛雞魚亦有特價午市外賣飯盒和下午茶優惠好抵食貴紀雞擺碟好靚，廚師好有心機雞肉嫩滑，好有雞味點上薑蓉食好滋味咸魚蒸肉餅好大份！可以2人share食肉餅夠肥，好有口感加上咸魚既咸度剛好送飯一流！椒鹽一字骨一碟比一碟靚，打卡一流椒鹽好香，火喉控制得好好一字骨食落好方便，啖啖肉好惹味如果大家係太原街行到肚餓推薦大家去試！

今晚8點幾先收工，拿拿聲同同事去附近食晚飯，餐廳應該新開不久，主要以中式小菜為主，另外還有雞湯底粉麵。這裏招牌是雞湯米線，所以叫了碗濃湯花膠嫩雞湯米線一齊share。雞湯湯底濃郁鮮甜，而且完全無味精，大大件的花膠煮得夠腍，雞件嫩滑又唔會太多肥膏。麻辣手撕雞初入口時都唔算辣，麻辣味是慢慢滲出來，但辣度尚可接受，手撕雞肉質較爽，雞皮皮下脂彤少，所以可以連皮一齊食，另外還拌入了青瓜、木耳及紅蘿蔔絲，十分惹味。XO醬碧線蝦球爽肉很有鑊氣，青瓜及三色椒很爽脆，豬爽肉有彈性且爽口，蝦仁新鮮彈牙，加上XO醬令整體更惹味。

綠森林灣仔放工dinner有咩選擇？大家不妨可以試嚇依間新開既綠森林！係A3個邊個出口對面條街行行下見到一間新開餐廳，跟住就行左入去試下新野😎天氣太熱叫左個鮮蝦咕嚕肉果盤開胃下，果然好有驚喜！個炸粉真係好簿好脆！蝦球大大粒又新鮮😍搭埋鮮切生果真係好開胃（因為一食就知唔係罐頭）當然唔小得揀我最愛既牛肉，簡單要左薯仔牛肉粒，牛肉粒做到外滑內微粉紅色（牛排水平）都好令我地驚喜😍，見到佢有個琥珀芥末牛肉粒都好似好吸引下，留番下次再叫先🤩見到佢大大個牌寫住花膠雞濃湯米線，大愛雞湯既我忍唔住要試下飲左d雞湯先～ 真係好濃雞味，之後再食埋大大塊既花膠，真係好滑😬68蚊有花膠又有滑雞食😬抵食！最後仲有大大碟炸魷魚鬚！我心中既魷魚鬚係細細原來佢係又大條又抵食同埋個炸粉係又薄又脆架🥰真係好好味呀好高質臨走嗰時同員工傾計先知道原來大廚以前係某間酒家總廚，所以真係知名酒家菜既級別😍推薦！📍 灣仔太原街22號雅慧苑地下5號舖（A3出口過左馬路對面條街）

約咗朋友喺灣仔食飯，佢好鍾意捐窿捐罅搵好嘢食，我跟住佢喺灣仔嘅橫街行咗半粒鐘😆，佢終於揀咗呢間，話小店乾淨企理兼食物幾吸引，要試吓😆- $98嘅「花膠鮑魚雞湯配米線」：估唔到小店都有花膠同鮑魚食🤩；花膠大大塊，有少少煙韌，感覺充滿骨膠原😋，鮑魚🦪亦係大大隻，煮得好軟熟，好好味😋；雞湯🐓味道濃郁😋- $58嘅「生炸乳鴿」：皮脆，肉質嫩滑多汁，好香口，好味😋- $128嘅「XO醬碧綠蝦球爽肉」：碧綠原來係青瓜🥒，配蝦球🍤同帶子，再加XO醬一齊炒，非常惹味😋，蝦球同帶子 都係肉質新鮮結實😋- $38嘅「椒鹽豆腐」：好香口，外邊脆脆哋，裏邊豆腐好軟滑😋呢度嘅餸菜仲擺得靚靚🤩，presentation 好掂👍，廚師好有心機去做，亦都食得出係用靚嘅食材，呢間小店真係有小驚喜😋

響內街一個唔顯眼既位置舖仔細細估唔到出品咁出色～點左三樣三樣都難分高下麻辣手撕雞有青瓜紅蘿蔔木耳絲再配埋麻辣汁同埋芝麻真係超開胃依家天氣熱辣辣食佢就最啱空口食又得送飯又得好味到令人食唔停口招牌小炒王份量超大碟有蝦元貝粒腰果蝦乾魷魚蟲草花韭菜花認真堅有鑊氣而且啲蝦絕對唔係嗰啲好似發泡膠質地嘅蝦係正常爽口嗰隻而且坊間好少會落元貝粒～好有誠意花膠雞濃湯米粉😎呢味個花膠湯底勁濃郁但飲完又唔會口渴最後成兜清晒而且花膠炆到好淋諗起都覺得好養顏五點食所以未有人😂😂

呢期轉場在灣仔區混,  搵食就當然喺附近, 自己食個人比較鐘情小店, 小店本身食物供應各有特色, 部分店主很有心機製作自己的食物奉客, 味道比集團式生產比較有HEART, 這樣往往給你意外驚喜, 就如今日呢間位於灣仔舊區的新開的小店~~~綠森林。快餐店式卡位及枱椅, 簡簡單單的小清新裝修。五小時精心餚製雞湯湯底, 唔係唔試呀??食物供應款式唔算好多, 但大路嘅湯品跟主食、炒飯及麵食, 小炒跟飯等也有供應, 價錢全部幾十蚊貨仔, 免加一, 午市外賣享9折。鮑魚花膠雞湯米線 ($98)放上原隻鮑魚及原片花膠, 用五小時精心製作雞湯湯底, 雞湯上臺前加上鮮菇、絲瓜粒及芽菜, 翻滾後才倒入米線內即時上枱。有湯、有菜、有鮑魚、有花膠及有主食, 營養豐富兼十分均衡的一碗雞湯米線。先來喝一口雞湯, 火候十足, 味道香濃, 沒有半點味精添加, 鹽份也不高, 很純樸的雞湯味道, 湯底全部飲掉都不覺口乾。原隻鮑魚比想像中大, 鮮甜爽口, 仲幾彈牙, 應該係街市嘅新鮮貨, 數十元有原隻鮑魚食, BETTER THAN EXPECT。大過手掌嘅原片花膠, 有眼你睇, 貨真價實, 絕不欺場, 花膠浸得淋滑, 吸

本來都知道灣仔區 一到晚上就無咩地方好食 今日同女友過開太原街買野 經過街市裡頭有間新開好似食米線舖既餐廳 諗住試下有咩新野米線食啦 點知入到餐廳裡面環境同外面街市有種截然不同既感覺 睇完餐牌叫左幾小菜食（燒乳鴿，藍莓淮山，蟲草花浸時蔬同個菠蘿炒飯） 諗住醫完個肚食飽就算就走啦 估唔到佢又真係幾好味 平時女友都會嫌三嫌四又話呢樣果樣 今次佢食完個蟲草花浸時蔬佢都話掂 同藍莓淮山如果喜歡食 素食既話一定喜歡食呢款小食 老闆娘又極nice 又好講得笑 聽佢講下午其實係主打花膠濃湯雞米線 夜晚先主打小炒飯餸 下次經過灣仔附近試下個花膠濃湯雞米線 可以再返黎食多次 堅掂

今日落好大雨，同朋友搵地方避雨嘅時候經過呢間餐廳，見到有小炒菜，就入嚟食飯啦。蟲草花百合泡時蔬$78呢款嘅上湯係雞湯，唔油膩但好香濃，可以直接飲嘅，飲完都唔會覺得口渴。啲菜食落好鮮嫩，配埋百合、蟲草花同埋菇，係一道清新嘅小菜。佢嘅味道唔會好鹹，亦都食得出唔係靠味精煮出黎嘅，值得欣賞。XO醬碧綠蝦球遼參$128落單嘅時候問咗老闆娘咩係碧綠，老闆娘話每日都唔同嘅，視乎有咩蔬菜係新鮮。正所謂不時不食，呢點係好值得欣賞嘅。今日嘅蔬菜係青瓜，仲會有啲燈籠椒，食落清新爽口。XO醬嘅份量啱啱好，於是呢道菜味道適中，唔會過鹹，XO醬嘅香味之餘亦唔會掩蓋食材本身嘅鮮味。蝦球同遼參嘅份量毫不吝嗇，食落爽口彈牙。椒鹽豆腐$28炸粉好薄，包住新鮮熱辣炸起嘅豆腐。豆腐食落滑溜。雖然有椒鹽調味過，但都仲會食到啲豆香。泰式炸蝦餅$48有六件蝦餅，蝦餅表面有椒鹽嘅調味，幾特別但食得滋味。點埋泰式辣醬，味道一流。聽老闆娘講起，原來呢度嘅大廚之前係某集團嘅總廚，難怪呢到啲食物食落嘅質素唔係普通茶餐廳可以比擬嘅，好似喺高級酒樓食到嘅味道咁，性價比極高。估唔到我今次誤打誤撞，都咁有口福。臨走前見到隔離枱碟炒飯好大碟，下次有機