綠森林 (已結業)

今日收工嚟咗灣仔，想搵間食小菜嘅餐廳，經過太原街見到依間綠森林個餐牌好似唔錯就決定試一試。睇完個Menu發現都好多選擇，小菜種類都好豐富，因為太肚餓，兩個人都做咗唔少嘢食。椒鹽魷魚鬚，一食落去就知道係即叫即炸，又香又熱辣辣，份量係超多，因為太肚餓，佢又香口，一放低唔使幾分鐘就食晒。鬆脆洋蔥圈，真係即叫即炸，洋蔥好鮮甜，份量又多，有大有細舊，真係好香脆，食完一舊好想再食！花膠鮑魚雞湯飯，個湯好濃雞味，飲得出係煲咗好耐，好好味，有原隻鮑魚，又有好幾舊大花膠，真係落足料，再加埋啲菇同瓜，真係好好食。鮮果咕嚕肉，開頭以為係啲罐頭菠蘿，點知食落去發現係新鮮菠蘿，火龍果，蘋果，去整成，所以個鮮味係有啲唔同，加埋個咕嚕肉係即叫即炸，酸酸甜甜，真係幾好食。依間餐廳真係幾有心機，唔係交hea貨！可以再嚟！