影片
以上資料只供參考, 請與餐廳確認詳情
招牌菜
趁假期嚟灣仔逛下，晚飯就順便在區內解決。附近入夜之後，好多小店都唔做晚市。記起太原街有間叫「綠森林」嘅食店，餐廳只係開左幾個月，提議過去碰碰運氣。店舖地方不大，一派街坊格局，但裝修得都頗骨子，環境乾淨企理。餐廳主打花膠濃雞湯，有多款食法及麵底可供選擇，另外亦有炒粉麵飯、小菜、時令海鮮、小食及飲品等供應。揀左兩個主菜同兩款小食，點小菜會有絲苗白飯附送。先嚟兩款小吃，椒鹽豆腐 ($38) 同 椒鹽魷魚鬚 ($48)。豆腐非常可口，炸至外焦脆內嫩滑，吃起來一點也不油膩，加上鹹香惹味的椒鹽，令菜式更添風味。椒鹽魷魚鬚亦非常吸引，表面金黃酥脆，脆漿平均又夠薄身，入口鮮嫩彈牙，嚼勁十足。雖然係有少少熱氣，但食一次半次又有咩所謂喎！主菜點左鮮果咕嚕肉 ($108) 同 豉汁蒸黃立倉 ($108)。咕嚕肉用脢頭肉炮製，肉質嫩滑富彈性，入口軟腍 Juicy。醬汁好醒胃，味道酸酸甜甜，配埋爽口的蘋果、甜美的鳳梨、富含花青素的藍莓及紅肉火龍果等一起吃，天然又健康。另外條倉魚味道亦非常鮮美，大大條，火候掌握得啱啱好，魚身很滑溜，尤其是係腩位，既肥美又肉厚，加埋啲蔥絲同豆豉一齊食，惹味非常，用嚟送飯一流！
繼續閱讀
呢間匿藏喺灣仔太原街嘅🥢小店雖然俾前面嘅攤檔遮住🙈唔係好起眼，但係食物👍高質又抵食💰真係一試難忘！🕘九點幾嚟到唔係咁多人，一般小店格局，👌乾淨企理。好得意嘅樽仔奶茶$20🤤又凍又香濃幼滑😋，直得一試！椰皇🥥花膠🐓嫩雞湯🥣係佢哋其中一個👍主打菜式，可以選擇跟米線、米粉、白飯、淮山麵或者稻庭烏冬，我就揀咗跟米粉🍜，大大碗都只係$68！椰皇🥥花膠🐓嫩雞湯好足料，個湯🥣嘅椰皇🥥味好突出得來又唔會蓋過個🐓雞湯味，味道好平衡又好🤤清甜，絕對係一試🥰難忘！入面有兩塊🤩花膠，而且煮得好嫩滑👍，雞件🐓亦十分之香嫩有雞味，米粉🍜煮得好入味，入口每一啖都係咁鮮甜😋，呢個絕對係必食推介！椒鹽🦑魷魚鬚$48大大碟🤩，好脆好多炸蒜🧄十分香口。而且大部份係好粗嘅🦑魷魚鬚，好有咬口又鮮味😋！椒鹽豆腐$38十分高質👍脆片又薄又貼絕無離殼🤤，椒鹽🧄蒜香並重😋，豆腐好嫩滑，水準之作好好食！黑松露🍄翡翠炒帶子🍤蝦球$128跟埋個白飯🍚，份量十足得來幾有鑊氣，黑松露🍄味道唔算太濃，但帶子爽滑🤤鮮味，蝦球🍤爽口彈牙。
繼續閱讀
鮮果咕嚕肉$108～同平時嘅配料好唔同，配料有藍莓、蘋果、紅肉火龍果、新鮮菠蘿，將炸過嘅咕嚕肉變健康😄，肉塊唔算大件，勝在夠香脆，混合呢幾種水果一齊炒，有紫紅色嘅醬汁，酸酸甜甜地，味道天然，又幾開胃。金銀蒜蒸勝瓜$78鹹魚蒸肉餅$78～兩款即叫即蒸，所以等候嘅時間比較耐，勝瓜就等咗約20分鐘，肉餅就要30分鐘，鋪滿蒜蓉嘅勝瓜好入味，感覺店家有加到上湯，食落有一份鮮味。肉餅上面有薑絲和鹹魚，食落有一份鹹鮮，略略覺得就咁食嘅，調味有啲重，配飯就唔錯。
繼續閱讀
喺灣仔玩具街行到攰，見到呢間綠森林有小菜食，就走咗入黎😊✨椒鹽🐙魷魚酥✨椒鹽豆腐～記得試過喺屋企炸到一獲泡😅，都係去街食最好。呢度嘅椒鹽系列，認真整得唔錯，隔油整得好好，下面舖咗啲脆脆，令整塊炸物都在上面，唔會因為啲油而淋哂，外層脆卜卜，魷魚彈牙，豆腐外脆內滑，上品！✨🐮蜜薯牛柳粒✨🍆魚香茄子煲～送飯之選，牛柳粒滑溜無咩筋，容易入口，有蜜糖香。茄子口感又滑又軟，好入味，兩款又炒得幾有鑊氣。
繼續閱讀
萬廈叢中一點綠，唔覺眼、但值得去嘅小店，灣仔地鐵站A3出口，一條直路可到，唔留意係會走過龍。椰皇花膠嫩雞湯＋准山麵（$68＋$5）相傳湯底熬足5個鐘，飲完真係名符其實，一定忍唔住成碗飲哂，無味精味又唔覺得口渴。一大塊花膠配嫩雞，滋補養顏✨ 轉嗌准山麵又特別，讚讚讚。雲吞豬肚嫩雞湯＋准山麵（$78＋5）花膠覺得唔夠飽，雲吞豬肚絕對幫到你，雲吞唔會營養不良，飽滿餡料，不會空虛。加埋爽滑豬肚，食得出洗得好乾淨，唔會有臭味。椒鹽豆腐（$38）嫩滑豆腐外面一層酥炸皮，撒上椒鹽，唔會好咸，用作調下味。一口熱辣辣豆腐，方便入口，果然係必食之選。金銀蛋時蔬（$88）濃湯足料，金銀蛋時蔬一d都唔馬虎，滿滿金銀蛋，一整碗蔬菜，唔油膩，非常健康。波波奶茶（$20）個樽好好好婀娜多姿💋名字都好岩feel！🤣猛男咖啡已售完，點左兩樽波波奶茶，係甜甜版本嘅港式奶茶，滑順唔會澀口，下次會早去飲埋咖啡。
繼續閱讀