綠林甜品

營業中

休息中

突然想食糖水, 又記得呢間店嘅糖水做得唔錯, 所以就夜媽媽黎左~ 雖然係大熱天時, 但係我都叫左個熱嘅蕃薯糖水(加湯丸) 湯丸外皮軟糯, 芝麻餡幾香, 亦不會過甜. 主角蕃薯好大舊, 香甜軟腍. 薑汁糖水辣味適中, 係我近來食過一碗最好嘅蕃薯糖水!西米露加豆腐布甸亦都係我的推介. 西米露加了不少椰奶, 杰杰地唔會水汪汪咁, 椰味同奶味都幾濃但又唔會太甜. 豆腐布甸係呢度嘅招牌作, 布甸好滑, 豆味十分香濃, 最好嘅就係佢可以同好多款甜品都配搭得到, 可以雙拼, 一次過滿足晒我兩個願望

當天是特別的日子，農曆正月十五又是陽曆二月十四日，中西情人節合璧，當然要跟愛人一起，食湯圓慶祝。點了一碗上海麻蓉湯丸（共5粒），另叫一碗老薑蕃薯糖水配湯圓。湯圓大大粒，咀嚼起來好嚥靭，黑芝麻蓉餡，足料，美味！蕃薯大件，無渣，很香口，熱辣辣的薑湯糖水，喝起來，覺得喉嚨很刺激，有快感，像通鼻塞的感覺，真爽！

心水推介 綠林自從住hall開始已經係我心目中最愛既糖水店。其實我覺得中式糖水好簡單，只要用心、足料已經好好食。但偏偏香港就有好多無心、無料既糖水店，所以綠林贏了。而我既首選係渣渣。呢個渣渣唔係普通既足料，唔止成碗都係料，而且內容超豐富，除左好多款豆，仲有芋頭同西米，加埋椰汁，凍食同熱食都好好味！唯一係覺得芋頭大件左啲啲。另外好鍾意仲有凍香芋西米露。因為好驚喜既係糖水底係有好香芋頭味既糖水。唔會好似其他糖水店咁得個甜字，西米糖水既味同芋頭味分開晒，一啲都溶合。

深水埗美食團第三站去食甜品，餐廳好大有好多位，平日下晝人流唔多，十分清靜。芝麻糊豆腐布甸芝麻糊幾清甜，但味道太濃蓋過晒豆腐布甸，完全食唔出豆腐布甸既味，係最係食晒啲芝麻糊先試到有少少豆腐味。椰汁西米露芒果布甸椰汁西米露較普通，反而芒果布甸好好食，好滑好香芒果味，又唔會太甜。

因為口喝又不想喝飲料，最後選擇綠林。從小到大極討厭杏仁味製品，直到數年前因工作關係初嚐大廚特製的蛋白杏仁茶後，印象完全改觀。綠林的杏仁露微甜，正合我口胃，蛋白綿滑，唯一美中不足是略嫌太稀。友人的楊枝甘露芒果布甸卻是失敗之作，甘露超濃稠似汁底，應用以配合刨冰，配合芒果布甸味道重上加重。

話說成班人食完晚飯，咁梗係行去深水埗食埋嗰糖水啦！我地㨂咗去綠林甜品，夜晚8點幾，出面勁多人排隊。我地6個人等咗30分鐘到，先至有得食。不過冇計啦，裡面唔多大枱，通常去食都係2-4個人去食，所以一大班人就要等耐啲啦。環境都可以嫁好乾淨，好熱鬧，啲侍應服務都唔錯！不過食中式甜品，唔會食環境同服務，最緊要好味！朋友同我share咗個什果大明珠同埋豆腐布甸，其他人叫咗馬蹄露，芒果班戟，仲有芒果布甸。先講下什果大明珠，我地㨂咗配花奶。啲生果好甜，又蜜瓜木瓜哈蜜瓜西瓜芒果，好足料。成個甜品入口涼快，凍冷冷好好味！加埋啲大明珠，口感一流～至於嗰豆腐布甸，比我想像中好食好多。不愧係招牌之一！以為豆腐冇咩味，點知配埋跟單嘅紅豆同綠茶雪糕，味道平衡哂。紅豆甜為主，綠茶味又濃，食多啖豆腐布甸，啲味好夾|～絕對值得一試。雖然其他人嘅甜品我冇影到相，不過都試過下味道。我唔多中意嗰馬蹄露，因為好淡，冇咩味。可能我心目中嘅馬蹄露應該係會甜番少少嘅。另外，嗰芒果班戟完全唔得！層班戟皮冇芒果味，仲要膠膠地嘅口感，除咗芒果肉有芒果味之外，成個好似係cream加膠～咁當然都仲有好嘅代表嘅。依間甜品鋪整布甸果然有一手。無論

真的有點失望~ (´･_･`)想不到質素比港記還要差~我友人特地來覓食~打算此間中式糖水也蠻有名氣~我喜愛芝麻糊~所以都要了碗芝麻糊~但不知是沒有放足夠的糖還是甚麼原因~有些小苦澀~ (´Ａ｀。)吃著吃著還吃到有碎屑~不知是芝麻糊碎屑還是甚麼。。。。。。總而言之 , 我只知道不應在芝麻糊中出現。。。。。。令我吃了一半已經吃不下了~而友人要了碗薏米腐竹糖水+蛋。。。。。。真的是太特別~~~是特別得令人失望~~ (´Д｀)原以為是蛋花~結果是全隻蛋放在糖水中。。。我也嚐過她的那款糖水~猶如糖加了水沖融了。。。再加煮熟了的薏米和腐竹碎。。。。而且友人說薏米的味道怪怪的。。。。可想而知糖水是花了多少心機去煮。。。。 (≧０≦)真的令人失望。。。。。我還是吃港記~~可能此店的糖水不太合適我倆的口味~而員工的服務都是沒有服務~太休閒~聊天~ 搬糖水~ 客人走了, 抹枱~然後繼續聊天~ 她們都是站在水吧位前一排地站著聊天~我見到的就是這樣~還見到有蒼蠅在店內飛~~~總結 :1。中下的糖水質素2。中下的服務質素3。環境衛生差

食飽飯當然要去食個甜品,一黎到大家都好快就叫野食,可能頭先個餐唔夠飽。首先我自己就比較貪心,想食好多樣野所以就揀左依個芝麻糊配豆腐布甸。因為有兩樣可以一齊食,超鍾意食到既芝麻糊,水準真係幾高,夠香濃得黎,不過唔會話好膩,最緊要係夠哂滑,又夠甜,真係好正。配埋依個豆腐布甸成件事又唔同左講法,成個個感覺同一個芝麻糊唔同,變得好清新好爽,食完芝麻糊令個布甸既味道變淡左,不過咁樣又幾好,可以整淡番芝麻糊本身既甜味,兩樣咁加埋好夾,最緊要係個布甸質地好滑好似一下就整得爛咁,同埋都做得比較軟,咁樣夾埋個芝麻糊就真係幾岩嫁。之後朋友就食依個楊枝甘露,我試左幾啖,其實都幾好味嫁,最緊要係好鬼足料的,啖啖食落去都有芒果肉同埋其他料,好飽滿個感覺。

裝修過後，店內更見寬敞，加上裝潢格局都教人有清新潔淨之感，所以特意進去光顧，因為外賣要貴２元，我又好想和家人分享，所以只好我一個人堂食，另外買兩碗外賣。　　一如既往，我吃甜品只有兩款，一是芝麻糊，二是白果腐竹糖水，前者因為無法自己弄，所以得在外吃，後者在外永遠吃不到家中的好味道，因此只會在家裏吃，因此我還是點芝麻糊好了。　　芝麻糊夠熱，還冒著煙的，印象分就加了；嗅到芝麻香，又加分；色澤濃厚，是發亮的黑色，視覺效果極佳，芝麻磨得夠細，因此看起來沒有渣，再吃下去，又滑又香，甜得來又不會太膩。能收烏髮亮髮滑腸之效，實在讓人回味再三。簡直無以上之。　　一定會再來品嚐的。

以前經常幫襯，自從閉門裝修就轉食第間，近排見到綠林經常有好多人在門外等位，所以今日決定去試吓，裝修後，門口的水吧和大雪櫃都拆走了，店內闊落了很多，風格感覺比以前年輕了，走出了之前傳統糖水鋪的風格。食品種類亦比以前年輕化，例如: Oreo系列。我們點了4款甜品，木瓜雪耳，艼味雪糕芒果布丁，紅豆豆腐布丁線茶雪糕，紅豆豆腐花。我試了艼味雪糕芒果布丁，紅豆豆腐布丁線茶雪糕，沒有退步之餘，還比以前好味。以價錢亦冇大福加價，是合理價錢，可說比同區幾間新進甜品店平。請支持舊區特式小店吧！翻兜指數: 5 (滿分為5分)

今日同朋友去左深水埗買野,食飽飯,吹水吹未夠,咁咪食埋甜品再吹水喇睇門口唔算太靚嫁,不過野食一黎到就變哂想法, 朋友就叫左佢食開既紫米露,佢黎先不過真係好大碗,我都嚇親,睇落好足料,我都試左一啖,一啖都好多紫米係你個口竭面,同埋椰汁唔會太甜,幾正嫁依個,又有好香既椰汁味我之後就當然係叫擂沙湯圓,因為湯圓真係好好食,我可以話依個真係好好食,價錢平之外,料十足,花生好多,湯圓又大粒,佢個皮仲係好軟既,唔會太厚都唔會太薄,入面既芝麻好香,唔算太多係裹面,岩岩好,個混醬又好正,不過講唔哂有D咩,五粒湯圓都係有哂醬,不過食完飯再食湯圓真係好飽,慢慢食傾下計咁,又食得哂喎,有機會既下次再黎試埋其他,應該都好好食。 

綠林中西咩糖水都有，好多唔同種類，比你crossover次次只叫牛奶炖熱蛋白$20滑溜到無得頂牛奶同蛋落足料唔會溝水溝淡左抵得幫襯左10幾年，細個食到我大近年裝修，睇見生意蒸蒸日上，光頭老闆都老左，一定要試綠林啊!好有香港人拼搏精神!

春冬季節最好吃吃栗子,養生嘛，栗子的功用是養胃健脾，補腎強筋，活血止血。加上它推出了限時甜品-栗子露，所以就點了它。售24元。有很多新鮮的栗子粒，栗子真的有栗子香。這個甜品就是有甜糖水加上栗子粒而成。 味道就像甜版的栗子湯，有家裡的味道但不太特別。我們還點了豆腐布甸，售29元。豆腐布甸䇄立在冰凍的芝麻糊中間。哈哈，我覺得這個甜品可以叫黑白不配。豆腐布甸有淡淡的豆腐香但給芝麻糊蓋掉，不喜歡。還有這個芝麻糊是冷的，芝麻糊要熱的才好吃。

綠林甜品 2013年12月8日(星期日) =006=港式甜品鋪, 鋪位也算大。論中式糖水, 價錢是定高了一點點。推介豆腐布甸, 因為少有, 出面未必有得吃。建議和家人朋友叫幾款不同的糖水, 大家可以開心分享。楊枝金露 + 豆腐布甸 $35 - 豆腐布甸夠得意和特別, 清清地, 好味。芝麻糊 + 豆腐布甸 $28 - 芝麻糊夠厚身, 不錯, 總覺得黑中有點白才好看, 所以不叫豆腐布甸的話就加湯圓吧。生磨栗子粒露 $21 - 這個應是季節限定, 可以一試, 但我期待會有更濃的栗子味。雪蛤 $45 - 正常, 雖然都幾多料, 但感覺都像是糖 + 水。

食完晚飯當然想吃番個甜品滿足一下啦， 新派甜品食得多， 而且周圍都有， 反而舊式既真係少之又小， 好， 今次就去呢度整番碗麥米粥先， 粒粒煙韌無比既麥米， 的確有咬感， 而且甜度剛好， 食完個口無痴立立既感覺， 而我既小貓就叫佐南瓜馬蹄露， 嘩～呢碗野勁香南瓜味， 抵讚， 最衰住得遠， 如果咪外賣番去食