綠林甜品

營業中

休息中

記得大約十年前一個寒冷既冬天，唔知點解會遊遊蕩蕩黎到深水埗，忽然俾一張熱生磨栗子露既poster吸引左，當時真係好凍好凍，諗都無諗就衝左入呢間綠林叫左碗栗子露，當時真係好滿足，覺得好好味好溫暖果年開始，每年冬天經開深水埗都要入去食碗栗子露味道一直keep住好好味，但價錢就一直上升有時亦會食下佢其他甜品，豆腐布甸同榴槤班戟我都超級喜歡！豆腐布甸拼芝麻糊 $30,布甸非常滑嫩，豆味香濃，唔會好似平時食芝麻糊豆花咁，食食下豆花出水，令芝麻糊變滑，呢個食到尾之麻糊依然濃稠榴槤班戟 $34班戟皮薄濕潤，榴槤肉很多

腐竹意米白果自從兩年前去過泰國後就喜愛了白果，所以去6林必食，甜度剛好，夠凍，而且每一口都有白果，白果軟糯冇苦味，意米多林，腐竹同蛋絲都配合得好好麥米粥凍食嘅糖水一定唔失望，重點有粟米，好似好怪，但其實好夾好好食，麥米煙un，最喜愛自己溝腐竹意米白果一齊食，增加口感綠豆沙媽媽食熱綠豆沙，老老實實丫，個樣好唔吸引真心冇胃口，所以冇食

門口有電腦飛攞等位就知有幾受歡迎啦間糖水鋪，諗住實無死，叫咗個楊枝金露+小丸子 ($36)， 同杯哈密瓜汁($19)。 諗住楊枝金露好穩陣，點知中伏，d西柚好酸，d芒果又酸，加埋超酸，有d酸到定頂唔順!深水埗區里個價錢唔算平，又唔特別好食，下次可以去試試其他。

係深水埗食完飯當然要黎一個糖水時間啦~~ 因呢頭出名多糖水店呀!!但又唔想食黎食去都幾個幾間, 所以我地繼續行去揾揾其他糖水店, 係無意中我地發現左綠林, 見都有幾多人食喎, 應該唔差既心態就入左去啦~~入到去見到個MEUN又真係堅多選擇喎, 仲有好多傳統既糖水tim~~我地兩個人叫左三個糖水: 榴槤班戟$34: 呢個超正!! 榴櫣控必食之選, 榴櫣好香又新鮮, 份量又唔太小, cream又滑, 好好食呀!!木瓜雪耳$24: 足料又清甜又夠潤, 秋冬之選呀!! 蛋白敦鮮奶$20: 好滑又唔會太甜, 易入口呀!! 推介呀~~

是晚收工，男人突然出現接小妹放工，喺呢個唔三唔四嘅時間，難得有二人時間，去拍下拖先！拍拖例牌，行街睇戲食飯呢三樣野唔做，走去食糖水！森林糖水外貌似舊式糖水店，門口可稍稍停車，買個外賣好方便，堂食的我倆叫了個豆腐布甸拼芝麻糊，糖不甩同芒果班cake香濃豆腐味唔會過甜，拼上濃滑芝麻糊，這個黑白一絕！糖不甩"煙un"加上花生糖，口感豐富芒果班cake係因為男人鐘意芒果，cream同芒果比例一比一，但我就鐘意豆腐布甸多啲

Boyfriend and my friend and I were in the Sham Shiu Po area doing a photowalk of the area and stopped here for a dessert break.Luk Lam is a very popular dessert shop in the Sham Shiu Po area. The later it gets, the more people queue up for Chinese dessert.Menu is in Chinese only. But there are several photos on the menu. You can find a lot of the classic Chinese desserts but what they are popular for is the soybean pudding. You can just order the pudding alone or mix it up with black sesame dess

楊枝金露稀稠度可以, 西米粒粒分明, 味道上就麻麻地…芒果有根, 柚子肉粒有啲酸、仲有殘餘核， 整體感覺比較家庭式, 普通作品。榴槤班戟榴槤肉同cream嘅比例係1:3…榴槤肉好少, cream係就係好柔滑, 但份量卻過多, 整體上味道沒有大突出, 欠榴槤獨有口感及香味。椰汁芋頭西米露出奇地好食, 稀稠度適中, 西米都係粒粒分明, 椰汁好香, 與西米露撈埋一齊食, 味道好夾。芋頭口感好粉, 精髓所在。總結係⋯普通之作, 家庭式味濃, 要有很大的改善及進步, 再臨指數偏低。

同朋友o係附近食完lunch諗住黎哩度食個甜品先見倒門口貼住15:00先開門就去附近行下, 差唔多時間先過黎雖然星期日, 但始終o岩o岩開門, 人唔多座位係舊式o既中式糖水鋪格局知道哩度出名豆腐布甸就每人叫左一個再叫多個糖不甩豆腐布甸($21)入口都幾香豆腐味食落口幾滑連埋淡奶食唔錯糖不甩($15)幾煙韌上面鋪滿花生同椰絲食落唔會好甜, 唔錯以深水步哩個位置價錢我覺得算係平味道都唔錯

去咗元州街睇玩具 兩手空空冇收穫 覺得個肚都空空地 驚個人生就咁空虛落去 就拿拿林走過對面馬路整返碗糖水yac吓 呢度糖水甜品五花八門 琳琳種種 叫得出都好似有咁滯 不過D老友記都係食返D經典嘢先襯 互相輝映下呀嗎叫咗碗熱嘅自家磨合桃露 一啖𢳂入口 夠滑又香 合桃味雖然唔係好勁 但整體已經唔錯 甜度對我嚟講啱啱好 熱食滋味加多兩分

堅記後仍帶點肚餓, 大食評家帶筆者吃糖水去, 來到綠林. 等了五分鐘便可入座. 店內地方頗大, 但桌椅也排得很密, 不是坐得很舒服.點選了紅豆沙. 試一口, 味道不錯, 沒有過分甜, 有一點果皮味, 糖水內還有大量蓮子, 喜歡蓮子的朋友應該會很高興. 紅豆沙也煮至沙狀, 不錯.

今日同老婆去綠林宵夜，叫左個紫米露加涼粉，嘩!!!!唔係好好食，係無味，淡到好似水咁，心諗，算啦，當走甜啦，但係無奶油ga,點都應該有d味，跟住捉左個靚女姐姐問一下，我話淡到乜味都無，佢反應係都覺得無理由，之後佢走入水枱試，試完再捉個水吧傾計，傾完行出黎就同我講唔好意思，正常應該比有糖水ga紫米，但搞錯左比左乜都無加ga妳，我老婆好醒咁話比多張coupo我地(其實我地係用coupo免左個紫米錢)，靚女好爽快比多張我地，之後另一個靚女(應該係老闆)話要整個一碗比番我，我話已經食完一碗，佢話唔緊要啦，咁我唔客氣外賣打包，今次真係又食又拎

芝麻糊: 好明顯係煲「焦」左! 一大陣「焦」味! 一打開蓋就聞到! 我唔明點解甘都可以拎出賣!Mango Pancake: 不過不失! 不過Cream 太多, Mango又太少, 同皮好膠個咩知咩生果大西米: 最最最差! 仲差過「焦」味芝麻糊! 因為真係糖既水, 一碗透明無其他味既甜水加D唔知雪左幾耐又係無味既生果!價錢絕對唔係平, 早知去試附近新開果幾間好過! 

自從踏入社會工作以後，跟朋友晚飯聚會大家都趕著回家休息，好久沒有試過像今晚一樣要糖水直落繼續吹水了！真是青春的感覺！娜娜吃飯時已喝了罐可樂，便懶健康地叫了碗熱香芋西米露小丸子。味道就如相片一樣，非常一般！如果你不是極想食香芋/非食香芋味糖水不可的話，就不用試這個了！什果大明珠，那個糖水應該是忌廉和奶做成，味道十分不錯，配以大量「明珠」和足夠的水果，值得一試！Orea 燉奶，可選凍或熱，甜度適中，普通的燉奶加上Oreo 後變得特別，而且兩者十分夾！份量頗多，一個人應該吃不完，會濟啊！椰西芒奶（單據上的名），同事選了香蕉朱古力雪糕（實物是外面一層朱古力雪糕包著一小球香蕉雪糕）。娜娜沒有試這個，同事說整體可以，兩種味的雪糕分開吃時沒有問題，但夾在一起就有點怪！愛香蕉味的人不妨試試！說到底各人的口味也稍有不同！是夜非常盡興！偶爾跟朋友同事一聚，真是抒緩了不少生活的壓力呢

家中發生了一些勞氣事情，令我們煩了整整一個下午，實在令小妹跟一家之煮生氣煩惱得很!!這時令我想起「生氣時要食點甜」這句說話，立刻send給米飯班主，平時一定不會買甜點給小妹的米飯班主也不敢不從，放工時特地到綠林跑了一敞，為家中兩位女仕帶來一絲甜~ 這絲甜，就成了我們的飯後甜點啦~~為了平息我們的火，米飯班主帶回來的甜，不只是"一絲"那麼少呀!! 米飯班主先為自己選了烏豆蓮子桑寄生茶，偷試了一口，烏豆粉稔蓮子軟糯，味道不錯呀!!另外的甜點，就我們仨分食啦~杏仁露厚身滑溜而帶有杏仁香，有時很怕食杏仁露，因為有些店舖會加入杏仁香精，令味道變得人工化，但綠林的杏仁露就沒有這問題，是純杏仁的味道，很喜歡呀!!芝麻糊同樣是厚身綿滑，但在芝麻香中，又夾雜了一陣燶燶的味道，是炒芝麻時炒得過火了嗎?? 不喜歡這燶燶的味道，所以食了兩口就不能再食了... 浪費了呀...幸好米飯班主記得為一家之煮帶回一份芒果布甸，不然，後果就會.....!?哈哈~~一家之煮喜歡綠林的芒果布甸夠多芒果肉，味道天然不造假，質感厚實中又不黏糊，甜度適中，是她心中的頭五名至愛的芒果布甸!!另外還有小妹至愛的豆腐布甸!! 白雪雪的豆

與豬大人在深水埗吃過了晚飯後,青蛙心思思又想吃甜品。途經多間甜品店, 唯獨''綠林甜品''不用等位,那就不作多想, 一於選它啦~印象中, 已不是第一次光顧,但甜品質素如何卻已忘記得一乾二淨,那就抱著是初次光顧的心態去試好了~生磨栗子粒露 (加湯圓) - $35青蛙對所謂「露」的印象應該是濃濃稠稠的~這裡的「露」不單止沒有上述之感,反而是甜甜甜....一入口就是死甜+稀稀的感覺!!簡單說是超甜糖水煮時令栗子好了 = =''幸好加$7有兩粒的湯圓皮薄亦帶有芝麻香,總算挽回了微微的分數。合桃露 - $24試了上一碗的栗子粒露, 青蛙都知道不用再有期望~而事實上, 這碗合桃露同樣是甜得過火.....兼且欠缺合桃的味道, 反而有蓮蓉味 = =''是青蛙吃過最難吃的合桃露。榴槤班戟 - $34班戟一上檯已飄來陣陣的榴槤香。皮薄忌廉少, 榴槤肉則挺多~而且榴槤肉的質地是腍中帶有點嚼勁;甜中亦帶有非常香的榴槤味, 正呀!!結帳合共$93, 是否抵吃就見仁見智了~