綠林甜品

營業中

休息中

今日同朋友去左深水埗買野,食飽飯,吹水吹未夠,咁咪食埋甜品再吹水喇睇門口唔算太靚嫁,不過野食一黎到就變哂想法, 朋友就叫左佢食開既紫米露,佢黎先不過真係好大碗,我都嚇親,睇落好足料,我都試左一啖,一啖都好多紫米係你個口竭面,同埋椰汁唔會太甜,幾正嫁依個,又有好香既椰汁味我之後就當然係叫擂沙湯圓,因為湯圓真係好好食,我可以話依個真係好好食,價錢平之外,料十足,花生好多,湯圓又大粒,佢個皮仲係好軟既,唔會太厚都唔會太薄,入面既芝麻好香,唔算太多係裹面,岩岩好,個混醬又好正,不過講唔哂有D咩,五粒湯圓都係有哂醬,不過食完飯再食湯圓真係好飽,慢慢食傾下計咁,又食得哂喎,有機會既下次再黎試埋其他,應該都好好食。