素年 (黃埔天地百寶坊)

營業中

休息中

經過覺得呢間餐廳既環境俾人一種小清新既感覺，打算入黎扮下文青打下卡😂加上呢間係純素餐廳，對於無肉不歡既我同友人黎講好特別，一於試下先！餐牌都幾多選擇，每份主食都會送杯茶，性價比都幾高！平日下午5：30前仲免收加一。素年經典不可能芝士漢堡配蕃薯條 （$138）賣相非常吸引！個包圓碌碌脹卜卜+ 芝士微溶狀態+ 漢堡扒超厚+ 沙律菜+ 大量睇落好脆既炸蕃薯條 睇真啲餐牌，原來芝士都係純素芝士，食落味道唔會過咸而且口感都好似！漢堡扒又係不論調味定賣相定口感都好似食緊肉！配搭埋黑醋同沙律菜一齊食，層次豐富，好味又感覺健康 ！蕃薯條外脆内軟，超級香甜好食，份量唔細但好快就一口接一口食哂！。秘製香茅白咖哩吉列豬扒定食（$128）友人揀左呢個，賣相都好適合打卡！充滿日系風格之餘，睇得岀素豬扒炸到金黃香脆，而且份量好多 我試左一啖，白咖哩入口又香又帶點甜甜既味道，後勁微辛。素豬扒外層超級脆，“肉質”完全唔乾又有肉既口感，整體唔油膩，加上調味令人有食緊肉既錯覺！白咖哩汁同吉列豬扒真係好夾，友人輕鬆食哂成大碗飯！汁既份量都足夠撈哂成碗飯總結：下！真係素黎！？完全睇唔岀又食唔岀啊 口感同味道都超級逼真同好味！

週五下午半天假，和太座在公司附近歎個late lunch。素年午後人少少座位寬敞，侍者有禮，觀感良好。食物款式多樣，絕非傳統口淡或極油膩素食。先點了韓式拌飯，種類口感豐富，爽口蘿蔔絲，香脆炸藕片，加上燶邊純素雞蛋和素肉，用上韓式辣醬和麻油十分下飯。素版Poke Bowl以蒟蒻扮三文魚生，蔬菜種類豐富爽脆，加上香滑牛油果花，簡單用欖油檸檬汁調味已很清新。跟餐玄米茶熱辣辣，另加配Earl grey latte有佛手柑香十分平衡，奶泡綿密。甜品檸檬熱情果撻清新不過酸，批底香脆，完美作結。

依間新派純素餐廳，有亞洲、西式等不同風格素食選擇，無論食材同風味都好另類，岩曬素食同非素食人士試新野。餐廳有室內同戶外座位，可以同寵物喺外面一齊進食。🌮🍛 印度烤餅黃薑飯+菠菜豆腐拼盤 $128呢碟拼盤提供嘅選擇好多，醬料有傳統扁豆咖喱、印度香料既秋葵，主食就有長條嘅薑黃飯同烤餅，濃味淡味都可以試到，我特別鍾意佢個Indian Platter，清香又有口感，菠菜豆腐同咖哩都幾香甜，但秋葵就冇咁易入口了，味道比較苦。🍔 昆布炸魚柳茄子漢堡 Fish Fillet Burger $128 先將茄子同昆布一齊煮，吸收咗昆布嘅鮮味，然後再炸成脆香嘅酥皮，無論外觀同口感都非常之似魚柳，咬開中間會見到白色一大塊“魚柳”，要試真啲先知道係茄子，配搭埋自家製他他醬、沙律菜同香甜既蕃薯條，相當清新。🍟 木薯脆片 Cassava Chips $28呢個外觀同味道都好有蝦片嘅感覺，食落少少鹹味，非常香脆，調味料唔算濃，但冇醬汁點係有啲單調。素年 🥗🌯🍚🍰紅磡黃埔花園三期翠楊苑3座地下27號人均~$150 加一#香港美食 #紅磡美食 #黃埔美食 #素食 #香港素食 #whampoa #hkfood #hkfo

今日一個人經過黃埔尼一間素年，第一次黎，一個人試左食青花胡椒白汁意大利粉🍝，好正！黎到可以試下，個義大利粉有冬菇同埋萵筍相配，因為有白胡椒嘅關係，所以意粉係麻麻地，唔辣，尼一隻麻唔錯，而最上面係蓮藕片作為裝飾，適合影相📸️而另外我飲左一杯奇異果蘋果羽衣甘藍燕麥奶，奶嘅味道唔算重，奇異果嘅味道出啲，酸酸地幾好飲，下一次黎都可以再飲過！環境方面，我坐左係出面位置，望向對面住宅🏠，環境方面都ok，唔算係要吵雜，所以環境舒服，適合我係到用電腦💻，放鬆咁聽下音樂🎵👍👍👍

去紅磡搵朋友，聽說「素年」好出名，平日下午去到幸好有位。平日5:30前不用加一，抵食！仲有套餐可選。「素年經典不可能肉醬意大利粉」$98，用上不可能肉，番茄，香料，純素芝士，岩晒素食人士。我平時食得太油，今日吃素食 清一清。肉醬意粉份量好多，不可能肉幾可亂真，吸引了茄汁的醬料，同真的好似。一口接一口，值得推介。「素年經典不可能芝士漢堡配番薯條」$138，是用上不可能肉。沙律菜，純素芝士，洋蔥，黑醋。先食蕃薯條，比較特別，蕃薯味好濃好香甜，加上茄汁酸甜開胃。漢堡用了煎得香口的不可能肉，十分juicy,不會乾柴的。套餐包一杯飲品，選了涷斯里蘭卡伯爵茶，是無糖的，健康首選。另加了甜品，朱古力伯爵茶撻$58。份量都大份，2人share剛好，朱古力味香濃 不會太甜，伯爵茶味輕淡，剛好中和朱古力，十分滿意！

我哋今日叫左一杯香蕉火龍果燕麥奶，可以但太多冰，另一杯奇異果蘋果羽衣甘藍燕麥奶，太淡冇乜味，另外叫左一個韓式不可能，純素煎蛋拌飯（暖食)，自家製泡菜，不可能肉，蓮藕，菠菜，芽菜，甘筍，翠肉瓜，紫菜，秘製韓式辣醬，味道唔錯，另一個吉列豬扒定食，用新豬肉，秘製豬扒汁，包味噌湯及珍珠米，做得幾似

香港西式素食店小之又小，最近因為某種原因必須吃素食一段時間，老實講，選擇非常非常少，老公網上面搵到素年，由於係無飯夫婦最近只是食車仔麵冬菰同酸齋，豆卜既我！2話不說第二日即刻去朝聖，見到menu 唔使諗即刻來一個經典漢堡包餐加韓式不可能拌飯唔該我覺得個炸番薯條真係攞滿分，因為係心靈上已經填滿左空虛！當你食過真正嘅牛肉或者豬肉如果食新豬肉其實係完全唔好食好蘇味，但係今次個漢堡包涵一d都唔蘇而且仲好Juice！應該唔係新x肉果類但唔知係乜東東呢！重點在唔食素嘅老公，對佢個韓式拌飯也讚不絕口！由佢當初聽到色素滿頭大汗嚟到好滿意咁就走！證明下次又可以encore

幾年前係深水埗食過一次今次嚟到紅磡覓食 又見返素年再食返 味道依舊高質👍🏻menu仲有啲變動再一次感受到原來素食都可以咁多變化☺️——————————————————🍴素年經典不可能芝士漢堡配返薯條($138)邊個話食齋唔可以食burger🍔😌漢堡方面就用左不可能肉即係主要由大豆同植物製成既肉食落當然無正常牛肉咁重肉味😛但肉既口感都可以呃到個腦🤣覺得自己真係食緊肉咁佢哋採用既芝士🧀仲用左純素芝士真係完完全全配合返純素者🌿👍🏻另外配埋超脆既蕃薯條🍠真係巧滿足🥰——————————————————🍴素年經典不可能肉醬意粉($98)好多人以為素食會煮到無乜味但食完會完全改變呢個說法😏肉醬意粉係超夠味😌仲好夠酸🍅熱辣辣煮岀嚟 仲有啲拉芝添🙈平時唔太食肉醬意粉🍝既倉庫妹👧🏼都覺得好食😆十分推薦呢個意粉啊‼️——————————————————🍴自家製照燒汁烤椰菜($58)雖然椰菜係主角 但入面仲有啲雞髀菇雞髀菇意外地好食👍🏻照燒汁好入味除咗夠”淋”之外 仲好juicy💦另外椰菜唔會煮到爛晒好”淋”平時食cafe都唔會有菜食🥬🤣估唔到佢地會有菜食啊😆——————————————————🍴芝麻香蕉燕麥奶

之前食過&分享過素年深水埗分店 上星期去咗黃埔分店～ 今次點嘅野比上次點嘅更好味！同行唔太好素食嘅朋友都覺得有驚喜！-🍳【韓式不可能純素煎蛋拌飯】$108純素拌飯用咗素肉同素蛋～素蛋幾特別 幾似真蛋! 一開始以為係真🤣拌飯配料好多 全部都好夾 配埋個韓式辣醬好香好好味～今次兩款主食 個人鍾意呢個多啲～ 如果係石頭鍋 有埋飯焦應該更正🤤-🍝【檸檬刁草忌廉意大利粉】$88刁草好香 加埋檸檬成碟意粉幾fresh～ 配料有蘆筍 菇菌 同炸蓮藕脆片冇肉 但都好食好滿足～ -🍟【黑松露蛋黃醬番薯條】$68✨推薦✨素年必叫番薯條呀！！！外衣炸得好脆 入面又好綿密 唔會乾～係我食過最好味嘅番薯條👍🏼黑松露醬黑松露味好香！*對比之前深水埗食 呢次份量冇咁大🙈-🍹【柚子青瓜梳打】+$32好fresh 開胃 又解渴-🍎【蘋果山楂茶】+$30-✨推薦指數：8/10💰 人均消費：$120⏳等候時間：~15mins (星四 2:00到)

今日同朋友仔食生日飯🎉🎉因為佢夜收工，係黃埔收工，所以就揀左黃埔區啦😊加上我地要食得健康d, 素食好似唔錯本身我地想試下佢個九宮格餐，唔記得左我地食個日係平日😂😂以為係星期五啦所以叫左其他咁就叫左個all day breakfast,好大碟😂無諗過咁大碟，味道幾好另外叫左個意粉，見有個係麻辣意粉，咁得意，叫黎試下但由於2個人都唔食得好辣，所以開頭係有d 辣但好彩我地叫既野飲都到左，就好好多我地都好養生，叫左玫瑰花茶同蘋果生楂茶清清甜甜咁幾好飲😋下次可以試下佢地分店👍👍裝修都係以白色為主，其實好啱打咭呀📸

朋友最近喺紅磡嘅新居入伙，同佢一齊執好間屋之後，就去咗佢屋企附近食飯。佢話佢屋企附近開咗好多新餐廳，因為我朋友去食素，所以佢就帶咗我去一間素食餐廳度食午餐餐廳環境以木色為主，設計簡約，坐低之後我哋就開始叫嘢食。「生酮夏威夷三文魚牛油果沙律碗 」$118滿滿既蔬菜，好有一種清新嘅感覺沙律材料、包括有蒟蒻、洋蔥、藍莓、車厘茄、紫椰菜、西蘭花、羽衣甘藍、沙律菜，牛油果切成花嘅形狀好靚，另外旁邊有啲好似三文魚既食物，原來由蒟蒻製成，食落口感都好似三文魚，連埋牛油果一齊食好好味「昆布炸魚柳茄子漢堡」 $128賣相同真正既炸魚柳真係好似，而且入口個味道完全唔覺食緊素菜咁，個魚柳用茄子製成既，茄子上有啲昆布，再配上自家製他他醬，味道好夾旁邊再有沙律菜同埋蕃薯薯條，滿足最後就梗係叫埋野飲再邊飲邊慢慢傾下計啦Dirty $38Latte $34

10年前去台灣食過新派素食，姐係唔係扮肉嗰d,係用每日都會食到嘅食材走肉，用香料同心思去做嘅素菜，一樣咁好食。早幾年都有食過呢間嘅其他分店，感歎香港終於都唔係用素食材扮肉，真係超好食，絕對係一大進步！今次試新店，再試返幾年前嘅impossible meat 肉醬意，都係咁impress!!!招牌不可能肉醬意粉呢個我早幾年前食過一直念念不忘，到而家變咗招牌，今次梗係要睇下佢有無保持水準！意粉個汁偏甜同酸，勁開胃，瞬間大量吸入！impossible meat真心似肉碎嘅，意粉好彈牙，份量都仲係好多。比起出面賣打卡嘅cafe, 呢度既打卡able又高性價比！椰菜焗薯黃金磚全日早餐有不可能豬柳，牛油果，薑黃豆腐，照燒雞脾菇，羽衣甘藍沙律，配自製刁草他他醬。黃金磚幾得意，望落以為似薯餅但入面除咗有薯仔，仲有紫洋蔥，煎到勁脆勁香口，點埋有刁萬嘅自製他他醬，好正！呢個有心思分，唔係普通就咁炸薯餅。豆腐勁好食！有薑黃粉，即刻勁吸引！雖然有d碎，但沾到勁多薑黃！平時薑黃好似好苦，但呢個勁好食！有少少咸味，完全唔苦。新派素食永遠都好有新意有心思，學到野，返去研究下點整先，平時都係就咁煎/蒸魚配豆腐。不可能

你可以話我專一 又可以話我悶😆每次去親黃埔問我想食乜 我都係半秒回答:素年!平時好鐘意食肉 不過一啲都唔抗拒素食🥬當然有新意又有仿肉食嘅話 會更加吸引我啦 而且呢度不定時會更新餐牌菜式 所以一啲都唔會悶✨▫️韓式不可能純素煎蛋拌飯呢款就係第一次試嘅新嘢 材料好豐富 有菠菜/芽菜/甘筍/翠肉瓜/紫菜 泡菜係店舖自家製 唔會太辣🌶️炸過嘅蓮藕片好香脆 主角不可能肉食落好似真嘅肉一樣😋仲有我好欣賞隻 無論個樣定口感都做到好似(朋友開頭以以為係真蛋🙊) 所有野加埋韓式辣醬拌勻一齊食 好有韓國風味🇰🇷▪️日式吉列豬扒定食用木系餐盤送上 賣相好靚❣️好鐘意用新豬肉制成嘅吉列豬扒 外層香脆 入面質感軟稔 配上秘製豬扒汁 醬汁酸酸甜甜嘅味道 越食越開胃🐷定食都會配有前菜/味噌湯/同口感極好嘅珍珠米🍚份量十足 食到好飽飽午市套餐都會附送熱玄米茶或凍伯爵茶 亦可以以優惠價揀其他飲品 例如咖啡/花茶/水果特飲等等☕️我哋就分別揀咗Earl Grey Latte同青森蘋果汁 兩個人加埋食咗都唔洗$300 抵啊👍🏻

和朋友到黃埔逛街，逛到差不多下午茶時間，在附近看到了這家素食餐廳，看著門口的素食介紹，和看到餐廳裏的裝修挺不錯， 便和朋友挑選了這家餐廳， 餐廳裝修光潔明淨，餐桌和餐具均乾淨衛生，裝修風格別有一番風味，蘋果山楂茶 - $30 (主食加$30)蘋果山楂茶有紅巧梅、山楂和甜菊葉， 上桌時會用一個透明的玻璃器皿裝著， 賣相很漂亮， 味道酸酸甜甜， 很開胃。Cappuccino - $34Cappuccino咖啡味香濃，口感滑溜， 還有漂亮的拉花。炸香芋番薯波波(5粒) - $38炸香芋番薯波波外皮脆，內裏香軟滑， 吃到香芋和蕃薯的味道，不會過甜，剛剛好。昆布炸魚柳茄子漢堡配番薯條 - $128昆布炸魚柳茄子漢堡配番薯條有沙律菜，昆布茄子和自家製他他醬，如果不知道這家是素食餐廳， 只看食物的賣相和味道，會誤以為這個是真正的漢堡包， 這個漢堡份量很大個，可以和朋友分享，沙律菜新鮮爽脆，茄子炸得外脆內軟， 配上自家製的他他醬，味道又不會太濃味，配上炸得香脆的蕃薯條， 這份主食又飽，味道又豐富。青森蘋果玉桂蛋糕 - $48青森蘋果肉桂蛋糕， 蘋果味和肉桂味很香， 蛋糕很大件， 有著肉桂的香味， 蛋糕

今日同朋友去咗紅磡食素，素年呢間素食餐廳都有幾間分店，間間嘅食物質素都好有保證。野菜焗薯黃金磚全日早餐 $138不可能豬柳咬落口感好像真肉類，味道幾有鹹香味、牛油果軟熟好滑溜、黃薑豆腐，薑味好濃郁，照燒雞髀菇、仲有大量新鮮羽衣甘藍沙律菜、車厘茄配上自家製他他醬，加埋香草好滋味。野菜焗黃金磚就好香脆，中間夾雜住野菜，口感豐富。巴斯克芝士蛋糕 $68軟滑而綿密，甜度適中，沾上奶油，更能帶出蛋糕既芝士味。柚子檸檬薑茶 $48好清潤既熱飲，飲落好舒服，柚子味道好濃郁，有原片生薑，柚子既味道又中和左薑既辣，同檸檬乾既酸，整體口感複雜得來又好夾。香蕉火龍果燕麥奶 $48香蕉味道好出，帶淡淡既火龍果味，而呈現出黎咁粉紅既顏色，賣相吸引，口感又好順滑。