紅磡雞蛋仔

營業中

休息中

因事到紅磡。因很少機會來這區，於是預先搜集了紅磡小食店的資料，想搜尋美食作為午飯或下午茶。得知這店的雞蛋仔很好味，於是來這來一試。朱古力雞蛋仔加芝麻 ($13)：有淡淡的朱古力味，但不算十分濃，不過反而因此不會搶了雞蛋仔原有的香味。顏色烘得均勻，外脆內軟，蛋味香濃，粒粒飽滿而實心。黑白芝麻的份量多得令我驚訝，十分香又很有咬口。等候期間，老闆及老闆娘跟我閒談，又請我吃了一粒原味雞蛋仔，新鮮熱辣，外脆內軟。他們見我想為雞蛋仔拍照，主動幫我拿著，還搞笑地拿出電視台送贈給他們的公仔做陪襯。雞蛋仔好味又不貴，老闆及老闆娘既友善又健談，令人光顧得很開心。日後有機會再來紅磡，一定會再光顧。

香港有太多這樣豆腐丁大小的街頭鋪子；略顯昏暗的內堂，帶有點港式舊茶室feel的大塊白瓷磚之間嵌著的頗有年份的黑色污垢，年齡可能大過我們這一輩小朋友的搖頭電風扇，有著細細金屬絲的風扇外殼已經怎麼擦怎麼洗都遮掩不住那份老資格了；紅磡作為這樣一個集聚許多老店老鋪的舊區，一不經意間的回頭就能找到這樣一間昏昏暗暗的鋪頭，不知在不久之後的沙鐘線橫穿紅磡之後這裡還能不能保有這樣一份老港式風貌。老闆的雞蛋仔或是半戳餅用料都是統一的淡黃色蛋醬液；在大陸持續不斷的爆出各種難以置信的食物用料醜聞之後，自己也更對身處香港這座城市即使啃著街邊小鋪出品的小吃都不用擔心會中毒而亡的處境而高興不已，不過俗話說不乾不淨吃了沒病另加上自己吃喝了大陸二十年有毒食物飲品而練就出來的百毒不侵的信心，我倒是更加對街邊小吃無懼怕無所謂；扯回來，老闆其實也挺忙的，在老闆娘（我估摸著是）的協助下，兩老幾乎是一刻不停的搗鼓著蛋醬和幾個熱乎乎的模子；各種口味的雞蛋仔，塗滿奶醬花生醬的格仔餅以及班戟，一刻不停的從魔幻般的又佈滿皺紋蒼老黝黑的雙手間漸漸現形。雖說小鋪有些簡陋，器具也放的有些擁擠，但其實仔細看來老闆的這個造物臺可謂是容納了所有的

雞蛋仔，可以說是拼成我孩童美好回憶的一塊小拼圖。雞蛋仔，應該是要和小販和手製木推車連在一起的－呀，還有小販手上那調校炭爐火力大小的木板，和啡色的紙袋－沒有太講究的有氣孔散熱。所有東西是缺一不可的。這些印象是早在我上幼稚園時留下的。至少，我曾經以為，雞蛋仔大概一直都會是這個模樣。但近來才發現，原來並不是這樣的。百物騰貴，原材料成本上漲；政府為確保食物衛生而對街邊無牌小販趕盡殺絕。不知不覺間，那一卡又一卡的木頭車在繁囂的鬧市靜靜地消失蹤影。早幾年前，北角 (利強記)雞蛋仔憑著其「脆身雞蛋仔」打響名號，店鋪門外都掛起城中名人到場支持的相片。起初食，覺得真係異常脆口，但食多2、3次，又覺得「都係咁姐」－實情係，店方為了做到有「超脆」的效果，所以特地把雞蛋仔整到「中空」－說白了，就是一顆雞蛋只有殼，卻沒有蛋白和蛋黃，食完只覺得好空虛；而且好多時，為了應付人流，阿姐都預先整定幾底，放在熱爐烘著。到真的放入口的時候，是「硬」而不是「脆」，樣子就如打了唔知幾多針Botox的女士。$15一份，我自己是覺得不值得的。之後就沒有再光顧了。後來在某個星期五晚上，讀到爽報副刊的其中兩頁－是關於紅磡雞蛋仔的故事。

趁仲住緊hall, 緊係要食盡全紅磡既野食佢啦~~~之前都有食過媽咪雞蛋仔既朱古力雞蛋仔, 今日就試下呢間~~媽咪雞蛋仔既朱古力雞蛋仔就係有一粒粒朱古力係入面既~而呢間就係用朱古力味既蛋漿整既朱古力味雞蛋仔我覺得兩間各有擅場啦~~媽咪雞蛋仔既朱古力雞蛋仔就有少少漏, 同人share就會岩岩好~呢間就無咁"漏", 自己一個獨食就岩曬~仲有就係呢度$12一底, 比過媽咪$15一底 (朱古力味)就係咁多了~~

食完時新....順便走來再食個薄餅~$6/塊奶油薄餅~真係好抵死~仲要即叫即整的~~而且佢地落好重料~薄餅仲好香蛋味~仲有條隊有時好長, 不過有D人買雞旦仔, 有D人買薄餅~有時要聽清楚老闆會叫「排雞旦仔行前」因為有時前面D人唔係排雞旦仔, 老闆一整起就會叫~所以唔好掛住傾計, 或者篤手機~XD

專程去食甜奶油甜班戟，因為依家唔係好多地方有得食，所以知道有得食就走去試，造型同兒時嘅一樣，但味道就……本身已經煎好一大堆，阿姐好快手塗上牛油、花生醬同煉奶到手時唔太熱，食落好散嘅感覺，無咩味！連花生醬都無咩味，都幾失望！係未搵到另一間比佢好食嘅時候，都可以一試！

成日看食評寫得甘好, d 相又甘靓, 今日就滿心歡喜專程來紅磡試下呢度的美食 ~ 十二點三已到 , 遠望仲未開門 ...... 只好到已預計會去的什麼開倉行一轉先 行左一個鐘就番去睇下 ... 因為已肚餓 ... 那時人不算多, 一兩個左右 ... 叫左個芝麻雞蛋仔 ... 之後個男人又走左去買野 .... (後尾番來拿住幾盒飯)個女人又問我要咩 ... 我話我要個芝麻雞蛋仔~ 誰不知又唔記得落芝麻 .... 吓唔緊要, 反正一場來到 , 我等得 ... 好野係要等既 , 我順便講要脆 d 喎 ~之後個男人返來攪番 ... 想打開 ... 我又講一次我想要脆 d ... 果時既然等了, 當然要個最 perfect 的 ... 結果有得食 ... 又未拍照 ... 好向前行看看有否地方坐前面不多遠有個細公園仔 ... 有櫈坐 ... 咬了一口 ..... 有芝麻味既 ... 都幾甜既 ... 但係唔似雞蛋仔囉 ~點解 ! 無蛋味你同我講係雞蛋仔 ... 唔係化 !脆一般, 厚都唔算 , 一味甜 ... 我就真係覺得差過我近來食太子臭豆腐果間囉 .....可苦要走甘遠食 d ... 唔合格

紅磡區一向不乏美食 近年亦開左好多間甜品鋪 競爭自然大增但區內小賣店既競爭同樣激烈! 只要係openrice扒一扒食評就會知道有兩三間雞蛋仔店大受好評~最出名既有長期人龍店'mummy' 而第二間就係呢間坐落於大沽街既不起眼陳年小店店名既然以區為名 相信對自己一定好有信心 今日決定試一試是妳是龍是鳳!!!!去到見個MENU都有好多種唔同既組合 由於琴日先食左一低雞蛋仔 唔相連食兩日因此今日食左況一名物~格仔餅原味既格仔餅賣9蚊 比起'mummy'平 芝麻味賣11蚊 朱古力味好似賣13蚊 anyway~都係平過呀'mummy'今次食左芝麻格仔餅($11)老闆即叫即正~前後用左2分鐘左右餡料有牛油,花生醬,砂糖當然重有黑白芝麻啦見老闆係咁落係咁落 睇到都流哂口水 好似啲料唔洗錢咁 正係呢點未食都已經要加佢分啦拎上手 暖粒粒的但唔係辣手 因為老闆係正好之後放左佢一陣 等佢唔會太熱咬一口 夠脆又夠熱 好正加上入邊既混醬同芝麻就如之前所說 真係多左一口都有大家可以睇睇圖~食完我覺得好滿足 因為價錢比起同區名店平 最緊要食物品質又差唔多喎~又冇咁多人排隊喎 唔洗等10分鐘先有得食!(對唔住呀老闆X

繼幾日前初嘗媽咪雞蛋仔嘅滋味，今日再試另一間出名嘅紅磡雞蛋仔同樣都係朱古力雞蛋仔，我鐘意呢一間多D首先，甜度大幅減少，冇媽咪嘅咁漏仲有，朱古力味好香濃，又有蛋香味，相較之下媽咪嘅朱古力味唔多夠雖然紅磡雞蛋仔加咗價，朱古力味由$10加到$12，但係點都平過$15一底嘅媽咪啦!不過紅磡雞蛋仔叔叔真係會不斷問你"係咪好好食?" "網上食評係咪個個都讚?"之類嘅問題，有D尷尬下次試下蛋白肉鬆咸班戟先

坊間真正好食的雞蛋仔買少見少，呢間係真正有心又好食的雞蛋仔！雞蛋仔外脆內軟，相比坊間得個雞蛋穀，呢間真正有料到。本人喜愛朱古力，老闆非常自豪自己的朱古力雞蛋仔，用吉伯利朱古力粉開（高成本啊），無色素，所以出品只是淡啡色，但食落都係外脆內軟，仲有朱古力味，正！格仔餅亦可以做到外脆內軟，出面真係食唔到呀！有心人真係要支持下！

由於媽咪雞蛋仔價錢貴, 故一試食評甚佳的紅碪雞蛋仔, 午飯時到小店, 只有數名家長買雞蛋仔给孩子吃, 他們是街坊, 因為健談的老闆與家長們談天, 當時人客不多, 老闆只用一台機製造雞蛋仔, 繁忙時間會用足兩台機器. 芝麻雞蛋仔 ($10)製作期間, 我兩與老闆聊天, 分享下尖沙咀及元朗的失望雞蛋仔經驗, 老闆自信地說他的雞蛋仔是脆口的, 便發功把製造雞蛋仔的發熱器雙手拿起來搖動數次, 使蛋泥漿平均分佈於每格雞蛋仔模具內, 後來把散熱中的雞蛋仔給一粒給我們試, 果然老闆有料到, 待整底雞蛋仔放進紙袋後, 每粒也没有像一般小店的變至稔身, 真的保持脆口, 還有小許香味來自混入蛋漿芝麻.原味格仔餅 ($9)這是老闆熱烈推介的, 鬆脆的蛋香外皮, 內藏半融的牛油及花生醬,咬下便有豐富的甜味, 奇怪有小許花生粒在口中, 原來是老闆送的小禮物.小蛋漿雞蛋仔 ($9)女友特別要求老闆做的, 因她想試低密度雞蛋仔, 只見老闆二話不說再次發功, 味道跟原味没有大分別, 但我兩再吃此底不至過飽.如此好味抵食的小食店, 足以令我繼續支持.

i love their chocolate 雞蛋仔 very much which was just ten,and most importantly it was not too sweet but having a very strong taste of chocolate.therefore i revisited them for two $5 pancake,so that was just same price as i buy one 雞蛋仔.they used the same spoon for four ingredients put in the pancake,which i thought this would affect the hygiene,as the whole day,so hot the weather now,oh my goodness,and the pancake was not having any crispy texture like 雞蛋仔,so cheaper price was really turning to a w

味道：very goodnot too sweetfull of egg tastesoft and moist, taste better than simple chocolate sponge cakecrispy outer layer but too little crispy totally環境：shop size was good worclean too服務：very goodlike to chat with customerwhen the first making was failed that up and down part was not stick together,they ask if i will pay half price to have it,but i wanted a new one with full price衛生：bad because they use same knife for butter, sugar, condensed milk and peanut butter,this was why i didn't order

每次路過如果見不太多人, 先會ORDER因這鋪的位置在一條好窄的街旁, 不太方便!! 好彩只有兩個人在等候, 我就ORDER 了朱古力雞蛋仔, 因此味是即叫即做, 所以要等約5MIN., 個老細有點怪因佢會好大聲問D客好唔好味及脆唔脆,加上又唔笑感覺好似威嚇人, 通常如果係第一次都會比佢嚇"親"!好好味不會太DRY, 及過脆KEY POINT 係10蚊就食到朱古力, 我相信係最平的一間!

自從雞蛋仔伯伯事件發生後，我就周圍搵傳說中ｏ既實心雞蛋仔，最後終於俾我係屋企附近搵到啦！有原味同朱古力味，仲可以加芝麻同花生，而且朱古力味仲係直接係蛋漿加朱古力粉，整出ｏ黎成底都係朱古力色，食落外脆內軟，好有朱古力味，最重要係好抵食！朱古力味雞蛋仔都係十蚊咋！一般係其他地方食原味雞蛋仔都要啦！另外仲有格仔餅同多款班戟，班戟食到蛋香，好鬆好軟！芒果班戟仲係用新鮮芒果添！後來同老闆傾開，先知道原來佢已經係紅磡做左廿八年，好多街坊都係由細食到大，老闆同我媽仲係識左好耐ｏ既街坊添！