紅磡雞蛋仔

營業中

休息中

上facebook見到ice-fire大減價咪去紅磡同順便搵食，夜晚就睇到本雜誌介紹紅磡小食店，跟住第二日就去左！果然同估計一樣要排隊等，我就order左一個朱古力原味鴛鴦雞蛋仔，老闆話要等多3份1時間，我話ok，跟住見到有人叫芒果班戟，見到芒果好大粒，忍唔住叫一個同朋友share！最後我再返轉頭叫多個雜果芒果班戟！！朱古力原味鴛鴦雞蛋仔：好香而且無空心，而家多數都係空心，朱古力味好香又唔甜，好正！！！ 芒果班戟：芒果好大粒好甜，非常抵食！雜果芒果班戟：好食，足料！！ps:老闆好好人好nice，而家愈來愈少小店，而且價錢平質素好，值得大家光顧

自己就光顧過不少馳名雞蛋仔店，但有時有Ｄ舖頭都係名過於實，都不是怎樣的出色，我有個朋友住係紅磡個頭，朋友話每次經過呢邊都會幫襯呢間雞蛋仔，今日行開紅磡就去試一試佢先，我見到除左雞蛋仔，格仔餅之外，居然仲有班戟喎，真係幾少見同埋幾特別。之前，食過部分既雞蛋仔同格仔餅，有Ｄ出左名之後，被宣傳後，價錢個價就不停上升，但質數反而下降左。先講個班戟先，因為平時都少見呢Ｄ舖頭有埋班戟，所以就二話不說就叫左黎試下。佢個班戟都幾足料，薄薄的沙律醬不會搶了很甜的芒果味，班戟皮有牛油及奶香, 質地鬆軟又不會厚得死死實實。講埋個雞蛋仔，我叫了朱古力雞蛋仔加芝麻，朱古力色濃濃的，再加上黑白色的芝麻，都係外脆內軟，質地鬆軟的雞蛋仔加埋烘了後鬆化的脆，加上新鮮咁食真係一流。

晚上心情不好，特地到紅磡買雞蛋仔吃，令自己心情好轉。來到已差不多晚上八時多，但仍有兩三客人在等待。這𥚃有原味及朱古力味雞蛋仔，另又可選擇肉鬆、芝麻等配料。伯伯問我要什麼，我說要原味雞蛋仔（$12）。他說我很好彩，因為蛋醬剛剛用完。我覺得很幸運，因為遲來便沒得吃了，頓時心情好轉過來。我興奮地接過最後的雞蛋仔。急不及待撕下一粒雞蛋仔一吃，外面脆度適中，內面鬆軟，口感很好，但味道卻令人失望。不但欠缺蛋香，而且帶有苦味。我們研究過後，懷疑可能蛋醬剛剛不足，加添了少許朱古力味雞蛋仔的蛋醬。它的苦味實在令我不想再吃下去。似乎今晚的我真的很倒楣，原本以為能趕得及吃最後的雞蛋仔，想不到實際是我吃美味雞蛋仔的美夢粉碎了。

上次中午前經過未開門，今日去到2點見到好多人排隊等緊。阿媽叫咗底雞蛋仔比細佬，偷食咗兩粒，首先唔係即整起熱辣辣，外表唔夠脆，唔夠蛋香略甜，但裡面夠彈嘅。我自己要咗個肉鬆鹹味蛋白班戟加埋牛油，熱熱地又有牛油香加賣肉鬆，咬落軟韌鬆化鹹香有序，雖然食落覺得鹹咗啲，但襯埋可樂應該幾好。

完左個assesment, 點都要放鬆下嘅，所以去左紅磡附近掃街尼到都幾出名嘅紅磡雞蛋仔，當然要試下啦呢度款式唔算太多，但基本嘅都有要左份原味雞蛋仔，拎上手仲熱辣辣，好興奮一咬，嘩！正！！外面層皮又熱又脆，重點係冇過左火，一d焦都冇雞蛋仔入面唔係平時食開果d空心，而係豐富而且軟綿綿嘅蛋漿，比例岩岩好，脆得尼冇犠牲到個餡！！仲要都算平，一份12蚊唔錯，會再番尼食，下次試埋pan cake

同事話每次去紅磡都會幫襯呢間雞蛋仔今日行開紅磡就去會一會佢先見到除左雞蛋仔，格仔餅之外仲有班戟喎咁就點左個沙律雜果香蕉班㦸黎試下喇班㦸已經整定左，姐姐係鐵箱入面拎出黎之後加左少少沙律醬生果，再係香蕉上加煉奶，佢話好食啲喎本身諗住整定左嘅班㦸都會係凍/微暖，估唔到拎上手仲係熱㗎喎！雖然只係九蚊，但佢落嘅料真係唔吝嗇第一啖有少少鹹味，可能係用有鹹牛油整/因為啲沙律醬呢？但加上生果嘅甜味又ok嘅。要繼續支持小店，下次再返黎試下雞蛋仔先

原本諗住專登去食媽咪雞蛋仔，點知執咗粒！？聽聞紅磡仲有一間不錯的雞蛋仔，所以就去揾下。哩間舖頭細細，原來都賣十幾樣野，有pancake,格仔餅同雞蛋仔。真係好足料！嚟到時前面有一個人排緊，因為佢所以雞蛋仔係即叫即整，所以輪完個叔叔就到我地，等五分鐘左右就有喇！yummy!

原本諗住專登去食媽咪雞蛋仔，點知執咗粒！？聽聞紅磡仲有一間不錯的雞蛋仔，所以就去揾下。哩間舖頭細細，原來都賣十幾樣野，有pancake,格仔餅同雞蛋仔。真係好足料！嚟到時前面有一個人排緊，因為佢所以雞蛋仔係即叫即整，所以輪完個叔叔就到我地，等五分鐘左右就有喇！yummy!

紅磡，分別有媽味和紅磡雞蛋仔。一次，難以盡嚐。最終，揀了整體評分較高的後者。約十點半經過時，大閘只微微拉起小部份，估計店家正忙於為開舖作事前準備。及後，約二點折返時，已開了門營業，只見藍衣短褲的店主大叔正忙於為客人製作班戟。大叔蠻熱情健談的，見小妹舉機四拍，搭訕吹水，仿如故友。當得知小妹遠道而來，一嚐其雞蛋仔時，狂讚小妹識貨，又表示無線曾到此拍攝。小店除了雞蛋仔、格仔餅外，還有坊間較少見的鹹甜班戟，售價由$6-$15不等，豐儉由人。格仔餅太飽滯，還是要一底原味雞蛋仔$12與Cc同享好了。大叔的雞蛋仔蠻足料的，拿在手上頗有份量。雞蛋仔烤得外層金黃香脆，咬下，蛋心是實心的，蛋漿濃香且軟熟，咬下煙煙韌韌的，嚼勁十足。大叔對自家製品蠻有自信，問小妹意見，並追問小妹可曾吃過類似製品。小妹也如實相告，西灣河太安樓也有如斯佳作。只是，此處人情味濃，大叔的健談好客，無疑為小店加分不少﹗ 貪新鮮的小妹，又想試班戟，與Cc商議後，要了一份沙律粟米班戟$9。原以為是熱辣班戟捲著新鮮粟米粒，再拌入沙律醬同吃。誰知，製成品與我們的想像出入極大 - 原來是一塊厚身圓形班戟捲著疑似粟米羹餡料同吃。 大叔頗好客，

作為一個POLY 學生，一定食過紅磡雞蛋仔鋪頭很細，十分容易被忽略但傍晚時份一定有一團人在等香噴噴的雞蛋仔足料，香軟，Q彈比起在太安樓的雞蛋仔更化算我買了一份普通班戟和朱古力味雞蛋仔總共才$20普通班戟有現成的，放在保温鐵箱中，但仍然香脆煉奶，牛油和花生醬的比例適中，不會太膩我一邊吃班戟，一邊等老闆娘即制的朱古力雞蛋仔朱古力味需要較多時間，大約3-4分鐘剛好吃完班戟朱古力味雞蛋仔裏有朱古力粒香濃朱古力味，不太甜外皮沒有原味脆但內饀是滿滿的香軟真是一流老闆夫妻都十份友善，態度很好

班戟會不斷Refill, 整好放在保溫金屬罩盒內保溫‧鬆軟彈牙Ｑ口，行街小食好選擇 肉鬆不會很癡牙，又唔會好長，係口中拉到好長，咬一口不費勁，很方便食＄１０不用，很抵食，而該店用吉百利朱古力粉造的朱古力味雞蛋仔也很值得購買吃朱古力不偏甜，含似可可的天然苦味，外脆，內略嫌不夠軟，喜歡傳統味的，可選擇一底雞蛋仔有２款味，挺貼心的選擇！老闆娘比較外向Ｄ，潦佢傾計會笑尾尾店入面好整潔，對佢地食物存放方法，衛生都好放心！！去黃埔花園行街既朋友仔，可以選擇在紅磡街市落，去呢間店買左雞蛋仔／班戟先一路食，一路行去黃埔花園，去到就夠哂力量血拼啦＝）

特登去紅磡就係為左食呢間啲雞蛋仔叫左一个芝麻格仔餅 一个芝麻原味朱古力味雞蛋仔 一个芒果pancake 點知老闆听錯俾左兩个雞蛋仔 好彩兩个雞蛋仔都幾脆 同好實心个芒果pancake 芒果分量超多大大舊 都ok甜 應該有落糖水 十分扺食 但啲沙律醬就麻麻地 好彩唔係茶得好多 食起尼都幾狼狽 有好多人幫襯 態度幾多因為本身一心係去食格仔餅本身諗住追加一份但係食哂啲野个時已經太飽 唯有下次再去

黎之前已經聽人講佢好正&真材實料..@@V我真係係到諗....到底有幾正先.....第一個「正」就係個老闆第一張相....就身我自拍緊....結果佢整個LIKE同我合照...SO CUTE .第二張相...我諗住映間鋪....結果佢整個V俾我 ...SO CUTE X2好啦..第2個「正」當然係佢既野食 ,大大件好抵食!!!!!雞蛋仔同夾餅入面 所有都係蛋 ,O空氣.....好誇張!!!夾餅 ,仲可以做到外脆內軟...好好味呀>O<哈哈 ,我個咀好忙~兩邊都塞滿哂雞蛋仔...呵呵~~食飽飽既感覺好幸福~~~~除了一般的雞蛋仔及格仔餅外, 仲有其他款式既班戟...等我下次再試,今次太飽啦XD 

光顧過不少名過於實的馳名雞蛋仔店, 都不是怎樣的出色, 出名後被大肆宣傳後只會價錢不停上升但質數下降, 我實在試過不少, 是日路過經磡, 原來都有一家街坊認為很美味的雞蛋仔店, 於是一試 還發現了很多創意配撘, 應記一功!!除了一般的雞蛋仔及格仔餅外, 原來還有不少款式的班戟一個賣相很豐富的足料班戟, 實在罕見, 薄薄的沙律醬, 不以平常吃慣的, 不會有太酸的味道而令其與芒果不配或搶了味, 老闆娘真的是薄薄的慢慢揉上去一層, 很有心機又很熟手, 很甜的芒果多得厲害, 我還心痛邊吃邊掉下一兩塊在地上, 實是浪費, 真的是很美味, 班戟皮有牛油及奶香, 質地鬆軟而不會厚得死死實實, 吃下整個剛剛好又不會令人太飽滯, 恰到好處

屈指一數，第一次幫襯大叔也是16年前了;當年是位於後一條街吧，近十載才搬到這裡; 以前只獨愛其雞蛋仔 --外脆內軟!年紀大，口味也越多變。這天因見人流不多，所以轉吃窩夫，為甚麼? 少人時，大叔弄烤餅及抖涼時間較準，窩夫均做得到外鬆脆而內裡鬆軟微濕；而大叔也毫不吝嗇的大加牛油、花生漿及砂糖去潤飾味道，這絶對是平民安慰五臓皇的恩物!順便一提，附近有間十分多人幫襯的，我也試吃過數次。其粉漿是調配到烤很後很脆，缺點卻是令餅芯欠缺柔度與濕度。口味是頗個人化的，反正那間旺舖不愁沒客。我下次還是會再到「紅磡雞蛋仔」的