紅橋 (已結業)

香港愈來愈多新派港式茶餐廳, 保留些少港式風味, 更加入一些西式食物cross over, 保留香港特色外, 更吸引年輕一派捧場。今晚放工同媽咪經過呢間餐廳, 係門外看看餐牌, 價錢不貴, 而且全日更免加一, 望入餐廳, 環境氣氛都是清潔整齊。餐牌內食物款式花多眼亂, 更有抵食晚餐套餐。至於散叫既扒、飯類、意粉等, 都可以另加錢轉套餐, 配搭總有款合心水。一向喜歡食西餐既我, 估唔到呢度都有扒食,額外加HK$12配是日餐湯、飲品, 是日餐湯有中西湯兩款選擇, 我就揀左忌廉湯, 比較稀, 味道唔太濃至於飲品另加HK$6就轉了紅豆冰原來呢度既紅豆冰不是普通茶餐廳, 加幾粒冰塊那種, 而是碎冰, 將碎冰整散, 飲既時候飲到紅豆外, 仲飲到碎冰, 既解渴又滿足到口感, 整體味道唔太甜, 推介必試!【海鹽爐燒安格斯肉眼牛扒】HK$188超大塊牛扒, order了5成熟, 可見牛扒還有些少血水滲出, 牛扒肉汁豐富, 表面灑左少少海鹽, 令味道更加提升。另外配有脆薯角、山葵、栗米、沙律菜, 份量很足, 很飽肚。【法式芝麻蝦多士】HK$45蝦多士炸至香脆, 內裡帶點鮮甜略帶彈牙, 表面佈滿芝麻, 點上

我們大約是六點去到的，那時還沒有什麼人，環境十分舒服，裝修高雅，實在不像是在旺角鬧市可以找到的餐廳。南瓜忌廉汁意大利賣相超靚！上面兩粒帶子蓋住了三份一碟飯，中間的肉還有少許透明，所以非常嫩滑，沒有燒得過熟，而且沒有雪藏味，實在是十分驚喜。底下的意大利飯粒粒煙韌，南瓜忌廉汁十分濃厚掛飯，每粒飯都黏住汁，每吃一口都感覺超幸福。蜜味香烤羊架羊架給得十分慷慨，有三大枝，表面都油光光的，十分漂亮。旁邊有薯角做伴菜和薄荷啫喱。一切開羊架，裏面還是粉嫩的，並沒有煎得過熟，最令我驚喜的是，肉質十分嫩，肉味香濃，是超越茶餐廳的水準，旁邊嘅薯角也炸得香脆不油膩，只是薄荷啫喱有點過甜，但配合楊打仍是十分夾。蜜椒單骨雞翼一上桌已經聞到很大一股蜜糖和黑椒的香味，雞翼已被切成了一半所以吃起來十分容易。每一隻雞翼都沾上了香甜嘅蜜糖和黑椒，甜甜辣辣的，十分惹味。紅豆冰加錢轉的紅豆冰賣相十分漂亮，上面用碎冰堆起一座山，下面的是香甜嘅紅豆蓉。紅豆仍然保持一粒粒的口感而且不過甜，配合椰奶和碎冰十分解暑。

之前食過太子紅橋餐廳， 印象深刻。 因為此西餐廳裝修不錯，食物質素有水準，但價錢居然是茶餐廳的價錢。 而且招呼周到，所以比較難忘。今日來到旺角與朋友聚會， 看見此間新開的紅橋餐廳 ，晚飯當然不會錯過，所以不作他選，就決定食這間。這餐廳規模較大， 兩間店鋪打通成一間， 所以座位有很多， 可能是食物好食嘅緣故，加上價錢又抵食， 雖然是平日的晚上，但也高朋滿位。看完餐牌， 見到隔離枱食鰻魚飯很吸引， 於是便決定點了這個燒鰻魚配蛋包飯日式伴燒汁， 而朋友很想食牛，便點了這個海鹽爐燒安格斯肉眼牛扒， 再加上一個沙律菜和一款小食，豐富的一餐正式開始。由於燒鰻魚配蛋包飯可加18蚊便跟餐湯和紅豆冰， 咁嘅價錢當然要加啦。餐湯選了中湯， 是眉豆花生豬骨湯，味精較少， 湯味濃郁，加上有豬骨肉食下，比 一般的例湯好好。煙三文魚巴馬火腿雜菜沙律，大大碟新鮮沙律菜， 加上煙三文魚和巴馬火腿分量也不少， 價錢只不過是65蚊，相比其他西式餐廳卻十分便宜。至於食材方面， 一啲都沒有偷工減料 ，我覺得沙律菜真是十分新鮮， 食落爽而鮮甜 ，至於煙三文魚肉質香滑， 加上薄切的巴馬火腿，味道鹹而金香，不錯的頭盤。接著是主菜，

今晚去新世紀看電影 所以就到太子旺角這邊找餐廳 由花園街行到西洋菜南街 最後去了間新開既西餐廳 (其實我想食日本野) 時間六點半左右 店內還未算多人 最後朋友叫了黑松露忌廉汁海蝦帶子燴意粉 $68 我無試過呀 不過朋友話ok 個賣相可以接受 一眼望落去有三隻蝦同少少菇 我就叫左一個蜜椒豬肋骨伴蛋包飯 $78 (好難得會叫飯 食西餐我一般會食意大利粉) 個飯來到 賣想好好 有三舊豬肋骨 份量算多了 啲飯幾香 質量好 最抵讚係個豬肋骨 甜甜地 肉質剛剛好 係我鐘意食既味道 朋友有食兩條肋骨 也說味道不錯並且$78呢個價錢食到豬肋骨好抵食 最後比錢 免加一

Boing Day下午去左食tea，本來想食地道餐茶廳，但去到華x冰室門口排晒長龍，於是走左去對面紅橋食，(因聽友人説d下午茶款式都幾多)。點了一個特式一口西多士，一個卡邦尼意粉。西多士都大大口一件，係新鮮炸起，味道幾好，配朱古力漿點鍊奶都唔會太甜。卡邦尼意粉個sauce夠味，不會太稀或太結tart tart，加左bacon 及太陽蛋mix咪好味道。總括來説，兩個下午茶都好滿意，價錢合理。

今日同朋友食晚飯 見到呢間紅橋餐廳新開又幾靚咁 一於去試🤤總括價錢真系抵到爛 味道又很好 尤其系豬肋骨 激大件😧必須食完下次再黎食過🤗我地叫左幾個set1前菜沙律🥗我中意佢夠多醬汁 *啲菜夠乾身 吾會似有啲其他無fing乾啲菜水就撈汁 搞到好稀neinei*2餐湯-我很喜歡菇菌湯 如果菇菌再打碎少少仲正3紅豆冰-驚喜 用碗上好似甜品咁 紅豆軟硬岩岩好 又吾會太甜4鰻魚蛋包飯-鰻魚有誠意 原條上 超大塊 炒飯底夠哂味5黑松露意粉-醬汁可再多少少 掛到系意粉到會好食啲 啲蝦同小柱真系有海鮮既味吾系出面個啲乸到無哂味 好食既 都難得既6豬肋骨-最驚喜系呢個 個味可以濃小小 配埋個汁好食既 又吾會乾咖啡-系舊式啲既做法 系港式既味道雖然我特別喜歡 我成個覺得茶餐廳 咖啡奶茶系靈魂 加上呢間系西式 不過保留左中式既傳統 good

之前去咗太子食過虹橋覺得味道唔錯 ，見到今日旺角都開咗一間紅橋原來係分店 ，就諗住收工接朋友之後過嚟食埋餐飯。冇諗過份量好大份，最後都要食唔曬然後之後打包咗兩盒返屋企十分之抵食，而且味道仲要好好添。講真沒想過沙律咁好食，青瓜絲好新鮮仲有勁多蟹子和蟹柳（這個是大版本$49，因晚餐太好食問佢有冇這款沙律，佢話可以整給我，但限定不是餐牌上有），仲要食吾晒拿回家吃添。特選晚餐：湯和日式青瓜蟹子沙律，日式照燒汁伴鰻魚蛋包飯和飲品$88...一心諗住鰻魚最多米正方形尺寸，點知黎到嚇親，原條放再加勁靚又滑蛋包飯，入面飯仲有蛋汁添。芝士焗肉醬薯角 $45，份量勁多而肉醬味道剛好，芝士再濃點就更好。晚餐送的細沙律。香烤蜜糖原條豬肋骨$138...價錢百五都不用諗住食小小啦，點知黎到....份量睇骨有幾多節就知足料，味道吾太濃剛好而豬肉味濃郁仲有肉汁，薯角都炸得脆口，當然最後兩口子拿左一半打包回家。待應妹妹仲話如果就岩晚餐，價錢$108仲有湯沙律同飲品。

今日怕多人嘅我難得去旺角行下，見到呢間都合心水，就行入去！雖然無大排長龍，但都9成爆，好旺...睇睇餐牌，大家口中「平民版西餐廳」形象出哂嚟，好多最愛西餐都有！二話不說，叫咗2個意大利飯加個薯角先！先上嘅凱撒沙律有驚喜，高質！沙律醬好好味，唔係街買嗰啲，應該有調配過，印象已經幾好。之後牛排意大利飯個飯我幾欣賞，始終意大利飯都要啲心機煮，佢煮得軟身又夠入味，無返30分鐘整唔到！至於刺身帶子蟹肉意大利飯就清啲，太太喜歡呢個多啲！不過最特別係個芝士肉醬薯角，勁足料！好多粒，食極都仲有，好啱薯控！脆身又夠味，呢個堅要試！

第一次黎呢間餐廳食，都係朋友介紹先過嚟食，平時冇乜點留意，佢話好味得來又性比價高，今日就過嚟試吓。要知道旺角雖然多嘢食，不過好多都係又貴又唔好食。見到Menu嗰一刻，見到居然全日免收＋1 ,呢個真係好少見，而且六＄70已經可以係一個set啲拿嘅價錢，仲包埋前菜，餐湯及熱飲。未食已經覺得好抵。加左3蚊轉凍檸茶。餐湯有中西式，中湯係車同蘿蔔湯，西式湯係忌廉湯。揀左中式湯，好似媽媽煲的湯，忍唔住問個店員有無落味精，個店員話無落味精，非常好！難怪甘鮮甜1.黑松露忌廉汁野菌海蝦帶子燴意粉條條意粉都有黑松露香味， 忌廉汁顯得黑松露更加濃，有三隻大大嘅蝦，而且好新鮮彈牙，帶子都有好多小小粒，細食個話可能食一個意粉已經夠飽。2.刺身帶子蟹肉燴蝴蝶粉帶子勁大舊，仲要係刺身級，出去食都要幾十蚊一舊，蟹肉同充滿汁啲蝴蝶粉一齊食，好正。3.蜜椒單骨雞翼將一隻雞翼分為兩本，女仔食就食得好方便，唔使整到成個口都污糟晒，啱啱上枱食就最好食，蜜糖唔會黐住晒。4.橄欖油炒野菌什菜有菇，西蘭花，生菜，秋葵，用橄欖油炒，夠晒健康5.紫蘇葉蝦春卷一舊春卷包一塊紫蘇葉，脆卜卜，我最愛的紫蘇葉，點埋紫蘇葉醬，一流！總括而言，20

最近可能邊爐打太多，塊面開始頂唔緊（因為本人都係鍾情麻辣湯同鷄煲），爛到一個點。今日同男友講唔好再揀邊爐，如果唔係我成個湯倒落佢個頭度。好彩佢馬上做research同打電話問朋友，就俾佢搵到呢間西餐了環境大，坐得尚算舒服西餐有呢個風格既櫃都幾得意原來唔係普通西餐咁簡單，仲有好多你平時唔會係西餐食到既野卡邦尼意粉每一啖都係大滿足，汁既濃度係掛係每一條意粉度，煙肉味係每一啖都散發到出黎再加埋個蛋黃無得輸燒牛舌配薑汁豉油少硬，但個薑汁豉油幾得意跟餐送既西湯，都算味濃同杰身蜜味香烤羊架好軟嫩同juicy,有蜜汁甜味之餘仲加左少少孜然粉，別有一番風味呢紅豆汁一睇就知椰汁沒在客氣，紅豆綿密，有佢為呢餐飯做總結都算圓滿了。

琴日番完學之後都9點，順便係旺角約左個好耐冇見既朋友食野，諗住都夜，唔食咁飽，所以揀左食意粉其實之前都上過呢到睇其他人既食評，所以我叫左呢個黑松露忌廉汁野菌海蝦帶子意粉（個名好長）個意粉既軟硬度岩岩好，我個人比較鍾意食比較有口感。蝦方面好爽口，帶子都唔錯，佢個汁都整調整得好好，食落去會有黑松露既味之餘唔會遮晒忌廉既味，我信相我如果再黎食意粉會揀番呢個。我同朋友都加左餐，有多一個湯同埋飲品我叫既係忌廉湯（好飲），朋友叫左中湯粉葛湯，但我個人覺得食西餐飲中湯有d怪😂朋友叫既焗飯我見格離枱都叫左好似好正所以就忍唔住叫埋羊架，正，岩岩整出黎，熱到會辣到，同放題果d完全冇得比，肉又多又厚，咬落去既時候有肉汁流入個口，有少少筋但不會痴牙/太難咬。呢個醬就唔知咩黎🤔用黎點羊架？凍0T 冇咩特別，同一般茶餐廳差唔多，如果有d特飲就比較好。最後總括黎講，我原本打算食少少，但最後都叫多左個羊架，其實只係食個意粉都已經夠飽，呢到既價錢係平既，我個意粉加埋餐都只係72蚊，又好食，好過食果d意x屋。呢間餐廳值得我番黎再食👍🏻

今晚行過旺角花園街買衫，須便喺到搵d好野食。於是行過西洋菜街看一看，比我見到這間新開的紅橋西餐廳，看到入面好多食客，食物應該有質素，便入去試下。果然，可以用平、靓、正來形客，這店晚餐連沙律、餐湯、主菜和飲品，也不到一百蚊，食物可以用好味來形容，加上餐廳新裝修、環境舒服，侍應招呼又好，試過包你話好掂。我們兩個人點了兩個set dinner和一個密椒單骨雞翼小食。兩款set dinner分別A.香煎羊架伴青醬燴意粉$98,味道好正，羊架燒到9成熟，但羊肉完全沒有騷味， 而且一咴咬落去勁鬆軟，羊肉不需用力咬已能食到，肉質真係好嫩滑，味道惹味。 如意大利粉口感彈牙， 加上用了大量香草去煮，味道非常香口。$98蚊 的價錢有兩塊 大羊架另一個餐是E. 西班牙汁焗豬扒飯,價錢……… 是晚餐價錢，只不過是$68， 大大碟， 加上豬扒又是厚切而大塊， 而且用了大量蕃茄，味道非常入味， 絕對是超值的晚餐。餐湯由有中湯和西湯可選， 最後都係點了兩碗都係白汁忌廉湯， 味道香滑餐前的蟹柳沙律 ,非常健康美味密椒單骨雞翼，8隻都係$41， 味道非常惹味。由於用了蜜糖醃製，所以甜甜地特別香口。加上雞翼皮做得好脆，外

同男人係旺角買完野，諗住搭小巴返屋企，見到呢間餐廳裝修好特別，就企係門口睇下個menu,發現價錢竟然十分親民，反正都要食夜晚飯，一於同男人食埋飯先歸家餐廳裝修十分中式有氣派，有點似行入左山水畫展覽既感覺，環境還算闊落，侍應很快安排我們入座，枱與枱之間距離夠，私癮度足，係旺角區黎講十分難得。餐牌選擇什多，連焗龍蝦都有跟餐有中湯或西湯選擇鰻魚蛋包飯呢條鰻魚真係king size!!而且味道岩岩好，入口無過咸既感覺，雞蛋十分嫩滑，最值得一讚既係佢既飯係有滲蛋汁，簡直係畫龍點睛，十分驚喜燒牛舌伴薑汁醬油調味與一貫既咸豬手十分相似，咬落卻更有咬口蜜味香烤羊架羊架肉質新嫩，熟度控制得岩岩好，唔錯配埋玻璃樽檸樂，邊有得輸呀

同朋友係旺角搵食，經過紅橋就想試下，因為紅橋係OpenRice評價都幾高，而且餐牌幾吸引價錢又唔貴，又有我最愛既海南雞飯就決定入去食啦， 餐廳佈置簡單，同普通茶餐廳一樣，但當食物到左你面前之後就大有驚喜。其實食海南雞飯，我最在意係個油飯，油飯好味特別加分，有d餐廳既只係做到d飯上左色但係無應有既味。而哩到既油飯有香味粒粒分明，唔錯既!而d雞係去左骨，望落都好滑嘟嘟，雞皮很滑，雞肉很算嫰唔會好老，而個汁就比平時食開既有d唔同，辣汁帶點酸，而另一個就有麻油香。整體黎講的確唔錯。50幾蚊既價錢，包餐湯同餐飲真係物超所值得!由於係下午茶時段就叫左個蟹肉牛角包配薯角，牛角酥好有牛油香味，而且好鬆脆而且啖啖蟹肉夾埋蕃茄生菜，好有層次口感好唔錯，薯角有蜜糖係面好夠味，簡簡單單的確唔錯。 我諗我會再係晚餐時段再食多次，想試埋其他野。同朋友諗唔到食咩既話，哩間確實係唔錯既選擇，平，令，正~~

週五晚上，一早就跟大師姐約了要出來聚一聚！經過旺角時看到先前很大力稱讚的紅橋竟然開了分店，一直被吹捧成為高性價比的餐廳，我幾乎每次光顧到都沒有失望，又試試旺角分店如何？師姐肚子都餓得快要暈下來了，她說一定要好好飽腹一頓！拿起餐牌一看，選擇不少，而且每個價錢都相當合理！來點了兩份晚餐Set，另外跟師姐都是喜歡膳食均衡的人，雖然跟餐會有沙律兩小份，但我們多點一份想吃的沙律，不要少看蔬菜的重要性哦！蜜糖芥末汁煙鴨胸什菜沙律這個煙鴨胸沙律沒有像一些為做而做的餐廳把兩塊鴨胸肉放在菜上就蒙混過去；煙鴨胸每片厚薄一樣，是可以一口吃下的大小，沒有烹煮過度而保留肉質的嫰！澆上蜜糖芥末汁，完全可以刺激食慾，沙律以芝麻醬配合，粗青瓜絲、車厘茄、生菜、火箭菜、跟最重要的提子乾，酸酸甜甜的作為開胃菜真是一個超正確的選擇！法式芝麻蝦多士除了沙律，我們還點了一客小吃，是我一直都熱烈推介的法式芝麻蝦多士！一碟四件，黑白芝麻各二。芝麻遍佈多士的表面，而內裡是厚厚的蝦滑餡料，咬下去外層香口，內層充實，點上煉奶簡直可以說得上是味覺的大享受！餐湯，一點都不馬虎！黃金色調的湯上，澆上一圈忌廉，撒上香草…香、滑、creamy！火