224
16
5
港鐵旺角站 B3 出口, 步行約4分鐘 繼續閱讀
所有分店 (3)
電話號碼
36184537
營業時間
今日營業
11:00 - 23:00
星期一至日
11:00 - 23:00
付款方式
AlipayHK 支付寶 現金 八達通 微信支付
其他資料
餐廳運作模式 - B類
當面支付
食評 (277)
等級4 2021-11-22
57 瀏覽
近排經常都會去花墟,除咗買啲靚花之外,仲可以去花園街行吓,因為有好多特別嘢買,又近新世紀廣場,聯合廣場,始創中心,交通好方便,四通發達今日無意中發現咗一間西式餐廳味道好好,所以喺度推介下紅橋 喺西洋菜南街190號,西洋大廈地舖因為係孖住兩間舖,店内地方都好大,座位嘅空間非常寬敞,而店員好有禮貌,坐低已經覺得好舒服。呢度係可以QR code自行落單,真係好方便法式芝麻蝦多士多士烘到好香脆,再配上滿滿嘅芝麻,味道更加香口,整片多士底都係蝦膠,口感非常特別,而且入口鮮味十足,旁邊有啲煉奶,Jim少少嚟食,幾樣味道配合一齊,好有層次 煙三文魚巴馬火腿雜菜沙律 65元三文魚火腿沙律份量非常之多,而且煙三文魚燻到好香口,味道鮮甜之外帶少少鹹味,巴馬火腿切到好薄配上新鮮嘅雜菜,又爽口又清甜,另外沙律醬調校得啱啱好整體嘅味道好夾蒜蓉包 4件33元蒜蓉包一到已經聞到好香,而且蒜蓉包烘到金黃色,蒜蓉配上牛油令到嗰個味道更加正,而且仲係好鬆脆蜜味香烤羊架 三件 150元呢個直情係重點推介,以為剩係得羊架原來仲有好多薯條配埋一齊,薯條熱辣辣又香脆,羊架烤到剛剛好,肉質非常嫩滑,而且咬落去仲要好Juice,完全食到新鮮嘅羊架味道,用蜜味去烤令到羊架嘅味道更加出 繼續閱讀
(以上食評乃用戶個人意見 , 並不代表OpenRice之觀點。)
餐廳主打親民西餐,提供多款dinner set俾客人揀。環境大而且座位闊落,坐得舒服自在。晚市7點半左右,已經爆場。客人可以利用QR code落單,慢慢揀。叫左香煎鵝肝·蟹肉伴黑啤酒忌廉汁燴意大利飯($118),黑松露忌廉汁海蝦帶子燴意粉($76),芝麻蝦多士。套餐包括中湯或西湯,忌廉湯幼滑,蘑菇片香甜,味道濃郁。而中湯合掌瓜消暑祛濕,適合夏天時候飲,好貼心。主菜前食個小沙律,青瓜爽脆,加入蟹子後增加口感。鵝肝煎到閃令令好香,厚身而且大塊,一d都唔吝嗇。"畢"起一羹個陣,熱煮令酒精揮發,留下好大陣麥味,混合意大利飯食,味道更突出。蟹肉已經拆左出黎,肉甜充滿海水鮮味,而且份量亦多。燴飯加入露荀,爽嫩。另一款主菜亦非常出色,好值得讚既係,用料多而且味道一流,就咁睇,珍珠帶子及海蝦數量不少。海蝦大隻鮮美,而帶子煎到表面脆身內嫩。意粉軟硬適中,黑松露味道超濃烈,食到底,有好多松露汁,所以要拌勻食。而且溫度keep得好,食到底,都仍然有熱氣冒出,暖烘烘。跟餐可以加配小食,芝麻炒香後脆口,蝦滑鋪係多士面,配搭煉奶,估唔到又幾夾,甜甜地完全唔會覺得奇怪。跟餐又可以加錢轉紅豆冰,餐廳特登用個碗裝,變到好似甜品咁。一大塊冰碎,可以自己剉冰食,或者d冰慢慢溶。落單仲可以多豆多奶等選擇添。普通量既紅豆,都做到啖啖都飲到好多豆。整體,無論環境定食物質素,好欣賞餐廳用心製作,味道有水準,重點係價錢大眾化。餐牌仲有好多選擇添。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-11
420 瀏覽
今日喺旺角呢頭放工 就咋咋淋搵啲嘢食 嚟咗呢間西餐廳食飯😚餐廳以簡單嘅黑白色作為主調 成個感覺幾乾淨整潔😄 雖然我係兩個人嚟 但係店員都安排咗張四人檯俾我地 坐得幾闊落☺️我同友人一人叫咗一個晚市套餐 套餐包咗沙律餐湯同熱飲 蟹子青瓜沙律 青瓜絲好fresh 所以幾開胃😗芋頭忌廉湯 幾特別嘅餐湯 飲落食到一粒粒嘅芋頭蓉 仲有啲粟米粒 忌廉湯加芋頭我就第一次試 感覺幾有特色同飽肚黑松露忌廉汁海蝦帶子燴意粉 意粉望落唔算好多 但一定夠飽 食落口好香嘅菇味 忌廉汁好濃厚 意粉掛滿濃濃嘅忌廉汁 非常creamy 如果佢嘅帶子再大隻啲就好喇😋 同埋share嚟食份量啱啱好 唔會膩 佛羅倫斯忌廉汁芝士魚柳焗飯 焗飯味道主要靠芝士 魚柳係一般嘅質素 食落口唔會鞋 忌廉汁仲有啲菠菜 感覺健康咗 呢碟反而冇咁邪惡 但份量好多😂芝麻蝦多士 有別於一般嘅蝦多士 呢度嘅蝦多士切得比較大 食落幾酥脆 多士係薄薄嘅一層 所以比較多蝦滑嘅味道 個人認為一定要蘸煉奶食 味道更上一層樓👍🏻芝心雞翼 呢個好有驚喜 釀入雞翼嘅芝士一咬就爆發出嚟 鍾意芝士嘅朋友一定要試 非常好食🥰飲品方面 我地嗌咗熱檸茶同經典紅豆冰 紅豆冰好特別 係用個似碗嘅容器裝住 有好重嘅花奶同椰汁味值得一提佢嘅晚市套餐係會隔幾日就更新一次 所以下次咁啱行過可以睇吓有咩啱心水嘅嘢食先再入去😎 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-11
959 瀏覽
去旺角行街,當然想揾間好食又抵食嘅餐廳,又想帶點兒港式口味,又最好加點西日式元素,今晚無意間和朋友經過<紅橋>餐廳,試完覺得確係吾錯,乎合抵食又好食嘅要求。晚市套餐都有吾少選擇,意大利飯、意粉、焗飯,就連蛋包飯都有,價格都係七十幾蚊起,已經包埋前菜、餐湯及熱飲,重點係全日免收加一!!!抵食吖!!!前菜係煙三文魚沙律,沙律菜夠爽甜,味道不錯。忌廉湯入面有好多磨菇,入口都幾濃幾香滑。<黑椒汁西冷牛扒伴蛋包飯>西冷牛扒略為薄身,不過都幾大塊,而且煎得幾香口惹味。蛋包飯入面嘅飯量都幾多,飯質好綿,而且包住嘅蛋都非常實在同厚身,值得一試。<香草蜜糖雞下脾伴蛋包飯>雞下脾有兩隻,帶有香草蜜糖嘅味道,雞肉入口都幾滑,配蛋包飯好襯吖!!~感覺有點像西日式餐廳的蛋包飯,值得推薦。食套餐仲可以加$18要埋脆香雞槌,脆香雞槌炸得非常之香脆,咬落去係卜卜脆咁樣,而且雞槌仲醃得非常之惹味,就算唔用佢附上嘅泰式醬汁,個人都覺得非常之好食,絕對係邪惡推介!!而最後來的凍奶茶,就是港式茶餐廳的質素,水準正常。餐廳嘅環境其實都唔錯,因為唔會覺得坐得好迫,亦算乾淨企理。而且餐廳仲可以用QR code下單,非常快捷方便,上菜亦都好快,服務員亦非常有禮,值得再來吖! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-10
169 瀏覽
係西洋菜南街好多餐廳,行過見到幾間都想入去食🤣見佢呢間價錢相對便宜就入去試下先!!開頭以為佢好細間,原來入面仲有二十個位左右,入面涼好多,正!可能仲早未係好多人!!有套餐揀同散叫,套餐都幾抵食!!我地4個人就叫咗3個套餐1個散叫黑松露忌廉汁海蝦帶子會意粉 $76我哋仲加咗18蚊要芝心雞翼同加10蚊要紅豆冰!意粉黎講,個汁相當唔錯👍🏼有黑松露味,而且好彈牙!啖啖都有汁加埋落去一齊食!!有3隻大蝦,好多帶子同盧荀,perfect match!!芝心雞翼就好特別!不過有點肥嘅感覺,佢係芝士忌廉加磨菇!紅豆冰亦十分滿意!!我成晚最愛係佢!有椰漿,成個味吊起佢,而紅豆都唔會硬又唔會太過一pat!有咬口!成杯紅豆冰都好出色!仲要勁大碗!留意佢係用碗裝㗎!!!去骨海南雞半隻 $93雞比較肥美,而有2個醬送嘅!青色個個酸酸地又辣辣地好食😋黑椒西冷牛扒蛋包飯 $88正呀!略嫌個汁唔夠重黑椒味,但牛扒好食唔會好un!!蛋包飯樣好似好細,但係勁飽🤣加咗18蚊要脆香雞槌!好似平時KFC個啲雞翼!!佢套餐會跟湯,有得揀中湯西湯!今晚可以試哂喇🤣👍🏼yeahhh!我個人鍾意西餐多啲,係甘荀忌廉湯!好飲!!! 繼續閱讀
(以上食評乃用戶個人意見 , 並不代表OpenRice之觀點。)