糖宮甜品專門店 (積信街)

營業中

休息中

吃過晚飯後緊接下半場 - 甜品。由居住在大圍多年的朋友引領，到他家附近的這家隱世甜品店品嚐我最愛的甜吃。 一進店，便看見大大的店長推介佈告板。上面推介著的正合我心意，是當時得令的榴槤甜品，於是不經思索便點了此款推介的。 這款榴槤椰椰滿足了我的眼闊肚窄，一份甜品包含多個元素，有榴槤雪糕，椰皇燉蛋白，小丸子，當然還有主角榴槤肉。榴槤雪糕選用了香港製造的Co Co Berry 品牌，雪糕質感幼滑，榴槤味香濃。椰皇中載著椰皇味濃沃的養顏香滑燉蛋白，加入煙韌的小丸子，再灌入疑似3.6 的香濃牛乳，最後加入新鮮的飄香榴槤果肉。從這款美味非常的甜品能看出店主的心思👍👍 我們所點的另外兩款甜品都很不錯。Oreo 木槺布丁上層和夾層都佈滿著美味的oreo, 加上滑滑的慕絲做底，大滿足。雪耳津梨燉海底椰同樣不俗，這款中式糖水沒加入太多的冰糖，不會太甜，原汁原味，非常滋潤。 回家後仍對榴槤椰椰念念不忘，回味無窮。誠意推介這款美味的榴槤甜品給各位志同道合的榴槤控😊

白雪 $35🤔🤔🤔第一啖食個時 有D唔夠凍當奶涷連埋雪糕一齊食個陣就夠哂涷😍💕💕而且奶凍同雪糕口感十分好 好滑芒果味雪糕既芒果味濃 又唔會太甜👍🏻👍🏻配埋西米同小丸子有D似食緊 楊支甘露😝小丸子食落唔會太韌口感都唔錯。抹茶心太軟 $50流心程度超級高💕👍🏻💕👍🏻💕👍🏻🍵🍵心太軟外皮軟硬適中 食落口感唔錯挖開入面已經聞到陣抹茶味 🍵🍵食落口感唔錯 唔會好漏 又唔算太甜 而且抹茶味重 加上配埋水果同雪糕 一流😍😍再講 雪糕味道一流 入口即溶 不過一定要食雪糕先 因為食完個心太軟可能已經溶哂👍🏻👍🏻食完成個都唔會太滯 到於抹茶控ge朋友一定要試💕🍵。糖不甩 $28👍🏻👍🏻細細粒 一口甜品食落煙韌但又唔會太痴牙加上花生碎配搭一流🙄👍🏻味道不會太甜如果係花生碎中再加入耶絲就更加好🤔🤔。Creme Brulee $32🤔😄第一次嘗試凍食的Creme Brulee意外地味道不錯😏😏🍮🍳焞蛋幾滑 蛋味幾香而且有入口即溶唯焦糖帶有少少苦澀味🤔。

係大圍同老公食完飯，即想再去“糖宮”食果個椰皇燉蛋白呢度有兩層，唔怕冇位坐木糠布甸呀窩夫都想食老公每次都叫朱古力心太軟，我就好快揀左想食既椰皇燉蛋白熱辣辣既椰皇燉蛋白$50，聞到好香既椰皇味，啲蛋白加埋啲椰皇水，入口好滑，好清甜呀！木糠布甸$23好滑，不過如果質地再實啲更啱我口味朱古力心太軟$50，雪糕可有得揀，我揀左綠茶同曲奇啲朱古力漿有少少苦苦地，甜度啱啱好芒果窩夫$42,是比較薄果隻，少少脆，芒果好甜，細細件，啱唒眼濶肚窄既我，可以食多款甜品

早幾日諗住搵讀cityu既fd慶祝生日 見到大圍既依間甜品都有幾多榴槤甜品 就私心揀左依間同佢食下甜品慶祝下 只係搭一個站就到都幾近 出左地鐵站再一直行 行左10分鐘左右就到lu 甜品當正餐既我地8點去到但未食晚餐所以豪食左4個甜品 整體都幾好味喎 而我就最愛係榴槤啦當然終於搵到即刻入去食野啦 等咩!榴槤椰椰 $58見到佢menu幅圖都幾多榴槤下 所以榴槤控既我一定要點佢 入面仲有啲燉蛋白 個底就係3.6牛奶 所以都好滑 濃郁啲吾會好稀 仲有小丸子同西米增加嚼勁 個人鐘意西米多啲 意外地榴槤雪糕幾重味 但當然無果肉 所以整體依個幾抵 出面榴槤雪糕都好貴 吾捨得食 雖然吾係D24貓山王 當止口癮啦 但入面燉蛋白食食下覺得有少少咸有咸有甜幾得意朱古力窩夫伴雪糕 $48係大圍竟然有窩夫食囉 早知上次踩完單車泥補充體力啦 仲有係心型 脆得泥因為薄身所以口感好好 加上係成塊都係朱古力味架 最正就係夾埋雪糕同埋香蕉一齊食!芒果拿破崙 $38泥到甜品鋪無理由吾點芒果甜品架 上面既芒果好甜又好JUICY 加埋啲吉士令到平凡既拿破崙一啲都吾dry 入面仲好酥皮 有少少似牛角包 但配埋又幾好食層次都幾多

上星期到土耳其旅遊，當地人嗜甜， 可是款款甜品都甜都漏，令我很掛念香港的甜品。回到香港當然品嚐番香港甜品夠本啊！返港後忙了成個禮拜，今晚要放縱呀！$50椰王燉蛋白，熱辣辣又滑，味道比較偏淡。 $48朱古力窩夫伴香蕉和曲奇雪糕脆口心型窩夫塗上香甜朱古力，有誰不動心！？ 香蕉給予的健康和美味曲奇雪糕，身心都感受平穩。 $40香芒窩夫伴曲奇雪糕甜心窩夫沒有濃情朱古力一樣令人心動！ 很滿意芒果的甜香和色澤， 曲奇雪糕有曲奇餅的香，混合雪糕，雙重享受！$55原味梳乎釐滑滑剛出爐的梳乎釐，入口即溶，又香又滑！$28芝麻湯圓 傳統甜品實而不華，如果帶點薑汁更加理想！ $30芒果黑珍珠 很喜歡黑珍珠的滑滑口感，咀嚼黑珍珠很有趣！噢！有小優惠添啵！三位共承惠$251！

大圍出名多甜品店，但想食特色甜品就唔係咁多選擇，今日到糖宮，正因為朋友要揾朋友，佢朋友係「榴槤」和「香蕉」，就睇下有咩新煮意.......榴槤椰椰$58 我本身不特別愛榴槤，但我非常喜歡食椰皇和椰子味甜品，朋友就二話不說我一定要食這個「榴槤椰椰」。 榴槤椰椰係乜乜: (凍凍的)椰皇+榴槤+西米燉蛋白+椰汁+小丸子+榴槤雪糕 用原個椰皇裝上，份量不簡單，食得太飽者需要認真考慮。先食面層厚厚榴槤，榴槤非常新鮮香甜，我雖不是榴槤粉絲，但亦不禁讚不絕口。 榴槤下就是一層椰汁西米，當然充滿著榴槤味，榴槤椰子是絕配，我欣賞廚師手藝，因做得一啲都唔甜。 再下層是燉蛋白，食到這層，會食到有重重的牛奶味，加上椰漿和榴槤肉，層次感強烈！想清清地就可以食大啖啲蛋白，想香濃啲就加上榴槤....仲有可以加雪糕 榴槤椰椰附送一球榴槤味雪糕，雖然沒有榴槤肉，但雪糕味道也很夠香，夠滑，而且很真實，可以單食，又可以放入椰皇中與蛋白一齊食。優惠:Check-In 可以減$2 蘋果玉桂香蕉酥皮卷伴雪糕$40咁大碟只係$40,未放入口單睇陣容，真心覺得抵食 ！！顧名思義，蘋果+玉桂+香蕉+雪糕酥皮

聞說大圍有間糖水舖有香蕉心太軟食，對於我e個心太軟控當然要黎試一試啦由落單到上檯差唔多等25分鐘，算係偏慢，想速食既朋友最好一入門口就落單。心大軟上檯都聞到蛋糕香味，所以本身都幾期待，點知一打開，明顯over cook左，流心既白朱古力只佔整體3成，蛋糕外層實在太厚，令整體印象分下跌，內裡有一小片明顯香蕉片，但除此之外，心太軟就冇乜香蕉味啦其實要突顯香蕉味，一定要夠流心，只可惜佢今次明顯滿足唔到我，希望只係一時失手

其實我食甜品只有一個宗旨，必須食d其他地方未必食到既甜品。 雖然椰皇系列係不少地方度有，不過今日個肚仔同我講想食以下呢2份甜品，所以即管試一試！椰皇燉蛋白（熱） ($50)天氣凍當然要食熱野 呢個蛋白幾有驚喜，鮮奶味同椰皇味都好重，而且比例調教得好；而口感比想像中滑，入口即融 榴槤椰椰 ($58)椰皇配榴槤我都係第一次食。一樣驚喜十足！榴槤味撲鼻之餘，仲有一塊塊榴槤果肉係面 口感同剛才既燉蛋差不多，唔同既係味道多左份好香既榴槤味，鮮奶、椰皇、榴槤三種味道既平衡做得幾好，喜愛榴槤之人必須要點！ 另外，伴碟既雪糕都係榴槤味，但由於榴槤椰椰好重味既關係，雪糕既味道相對較淡，建議一啖槤槤椰椰，一啖雪糕咁食，就可以keep仲刺激味蕾 好合理既價錢，就食到咁有驚喜既椰皇系列，期待下次黎會食到更多新椰皇甜品（menu其他野食）

周末下午茶時段，忙過正經事，到 >>>糖宮甜品專門店<<< 吃個甜品，休息一下。甜品店位於大圍站一帶，離開港鐵站後，步行大約十分鐘到達。店舖面積不太大，能容納約20位食客。甜品選擇多樣化，從傳統中式糖水及西式經典甜品，到創意無限甜食，均有供應。餐牌設計及食物照片比較樸實，稍欠令人一見難忘的魔力喲。餐具已在檯上，可按需要自取。冰選了香蕉心太軟配兩球雪糕 (HKD50)。大概十五分鐘，侍應送來精緻甜點，輕輕的香蕉香氣慢慢滲出，緩緩提起食慾。先趁熱吃淡黃帶著微微咖啡色的香蕉心太軟。一切開，心太軟糖漿源源不絕湧出。看到糖漿湧出的一剎那，相當興奮；但不足五秒，因著碟邊空間不足，糖漿迅即湧到餐桌上 ε(￣□￣)3||  霎時有點狼狽，幸好事情都在控制範圍內，未至於太過失禮。糖漿份量充裕，甜度控制得很好，是欲罷不能的誘人。心太軟上的白色糖粉，和內裡的一片新鮮香蕉，與下邊的朱古力醬，令味道和色澤層次更見豐富。要是不喜朱古力而一直與心太軟無緣的話，可藉此好好享受這款甜品的溫柔和甜美。雪糕球佐以新鮮水果，顏色、口感和營養更見上乘。兩球雪糕以雲呢那味道較為出色

今天路過大圍，故相約朋友K先生下午茶聚，K 先生本欲跟小弟往茶餐廳『麻甩』一翻，來個菠蘿油及茶走等『麻甩』佳選，但小弟今日另有取向，希望吃些甜食，緩和一下今天甚為納悶的心情。在東鐵上翻閱Openrice 後已有打算，目標甜品店是開業不久的糖宮，時為中午三點半，未算熱鬧時間，先拍攝一下室內環境及甜品餐牌。一般到訪新店，都會事先詢問那些是店家招牌菜，不料他說：『你想叫食做得最好嘅？定係最好賣嘅？』這句樣很有深度，我回覆 : 『梗係要做得最好嗰啲啦！』他隨即向我建議三種甜品，榴櫣雪花冰、椰皇伴西米湯丸及白雪。榴櫣雪花冰 HK$48若純看外觀，不甚了了，但內涵是真正的『不得了』。面前甜品主要由四款材料制成，有榴槤綿花冰、鮮榴槤肉、寒天珍珠及玉米脆片。這組合包含了四種口感，冰的綿、肉的糯、寒天的爽及片的脆，非常豐富 ; 那味道如何？綿綿冰的榴槤味很天然，感覺不到任何香精氣息，榴槤肉香甜滿溢，雖不是頂級貨，但跟綿綿冰同吃兩者味道合二為一，但口感成雙，寒天珍珠爽口而不會太甜，沒有搶去兩大主角榴槤肉及綿綿冰的風頭，反而減去了兩者的甜膩，玉米片的脆在增添上甜品的𡁻頭及烤焗香氣，效果有如在雪糕上撒上點點果

星期六天寒地凍, 收工都係要出街食下飯通通氣, 食飽晚飯, 要食埋個甜品先叫滿足.大圍開左好多糖水舖, 今次試下"糖宮甜品專門店".門口有個魚缸, 已經吸引左BB要入去玩.店舖細細, 有一排SOFA座位, 燈光微暗, 氣氛休閒.MANUAL都幾多選擇, 新派至舊款中式糖水都有齊.一行3人叫左3款凍熱甜品:椰皇燉蛋白 - 原個椰皇, 椰皇連肉的, 應該保留了椰皇水再加入3.6牛奶及蛋白去燉.牛奶味及蛋白味較淡, 留有極香的椰汁味, 好香, 好滑, 食完燉蛋白可以食埋椰肉!朱古力窩夫伴雪糕 - 雪糕可以自選口味, 我們選了雪呢拿, 心形朱古力窩夫加上了朱古力醬及伴有香蕉, 賣相80分, 雪糕及香蕉都OK, 但食第一口朱古力窩夫, 心寒了....朱古力窩夫的味道有點變了, 好難食. 材料出了問題嗎?朱古力心太軟伴雪糕 - 一碟四格的擺碟, 賣相80分, 同樣係雪糕可以自選口味, 選了綠茶及雪呢拿. 亦有香蕉.甜品一上檯, 我又嚇呆了, 一條最少10寸長頭髮夾在雪糕球內, 應該係"筆"雪糕前已掉進了雪糕內. 只好叫STAFF換一碟.雪糕及香蕉都係OK, 朱古力心太軟又出事了. 蛋糕焗得耐左少少

雖然今晚下起雨來，但也無損我出外吃甜品的雅興，待晚餐都消化後，我們約10時半便去屋企附近的糖宮吃吃甜品。餐牌圖文並荗，部份甜品也頗吸引，例如非常流行的鯛魚燒，可是剛剛吃飽也容不下這類班的甜品。價錢一般屬市場水平，但現在於糖宮的Facebook page check-in還有$2元的優惠。我們點了兩個心太軟，分別是香蕉味和綠茶味。先來的是香蕉心太軟，輕輕一切內裡的半溶香蕉流心已像噴泉一樣湧出來，熱騰騰的香蕉流心非常香，香蕉很濃厚，而心太軟的蛋糕也很鬆軟。可是焗製的時間有點不足夠，令香蕉流心過多，部份還流到檯上。綠茶心太軟的流心沒有那麼「洶湧澎湃」，這半熟流心質感便剛剛好，蛋糕軟熟，而半溶的綠茶醬香之如還帶陣陣綠茶苦澀味，相當香口。這綠茶味不太濃厚，較易入口。南北杏雪耳燉木瓜(熱)雖然沒有什麼特別，可是在這寒風底下，吃起來份外滋潤，唯木瓜份量太少。榴槤椰椰(凍)就是榴槤燉椰皇吧，內裡用料包括奶、蛋白、小丸子、榴槤等等，比起平時的燉椰皇，這還多了非常香濃的榴槤香，想不到榴槤和燉椰皇也可以這樣搭配。小丸子很有咬勁，煙煙韌韌。

朋友得知我去過糖宮甜品專門店食過榴槤甜品，所以今天放假行山之後，便決定帶朋友再戰糖宮。再次前來，還是帶著期待的心情進入糖宮。因著上一次的享受，所以這次也希望可以品嚐其他甜品。糖宮再次沒有讓我失望，更沒有讓我的朋友失望，再次前來，還是能品嚐到美味的甜品。食物材料真材實料不在話，味道的層次也是讓人回味無窮。這次一共吃了HKD94，還以Check in後可以平了每人HKD2的優惠，確實物有所值。*******************火車站前來糖宮，不用10分鐘便來到了門前。這次少了一張枱，但多了2張椅給人坐。今天來到地下都坐滿了人，原來糖宮還有2樓，上來看看，這裏宜的可30人，連地下18人，這甜品店真的地方很大。牆上還能找到於Instagram 或Facebook 打卡，馬上每位減$2的優惠，當然要享用啦。糖宮有新咭片，背後還有地圖，糖宮位置確實有點偏僻，但跟著這個地圖前來，就無有怕了。今次前來，除了有咭片之外，原來Menu也轉了新款式，用了花做圖案底，很吸引人。這類還有分類，沙冰和飲品，冰類都有雪糕相配，較合適夏天所選擇。除了沙冰，還有雪花冰，在大圍能吃到雪花冰的甜品店相對較少。還有烤焗類

吃過下午茶之後, 仍是有點意猶未盡, 再去吃甜品 ....Check-In 即減 $2 Menu ~西瓜汁 $22新鮮西瓜打成的汁, 味道清甜, 天然純正, 西瓜汁有西瓜味 (笑) ~榴槤飄香 $45賣相精緻, 榴槤香、奶香並重, 入口幼滑, 西米粒夠煙韌, 亦有足夠的新鮮榴槤肉, 榴槤香味濃郁, 整體味道剛柔兼備, 有水準 ~本篇完 ~

突然好想來點甜的，晚餐時間就衝了去甜品店了！妹妹說這間也挺不錯，還是校園時代的她也常來，只是現在店搬了，好像有點遠。晚餐時間果然是沒舍人，可後來坐下坐下開始人頭踴踴了，甚至坐到上二樓~冬天就是想要點滋潤的，先來個南北杏雪耳木瓜糖水就最啱我了。用料豐富，可以清楚可見有一大堆雪耳，超級多木瓜，連糖水都已然透着淡淡的橙色呢！味道就是很清新的木瓜香，而且不會太甜，有種就是食材原味道的感覺，十分討好！焦糖燉蛋亦不消多說，my 飛弗啦！去甜品屋豈能不吃它。這裡的焦糖就是恰到好處，薄薄的一層，“卜卡“的一聲，那脆開的聲音真是百聽不厭！蛋也keep到滑溜的口感，蛋味夠之餘也不會太甜，就是剛好的感覺，。梳乎裡是令人驚喜的形態，膨脹得剛好的形態，像雲端一樣的飄逸感覺，曬上了糖粉令它有如初春的踏雪一樣軟綿綿般好看~在它塌下來趕緊來一口，那鬆軟鬆軟的就如一陣蛋風一樣輕輕吹來，令人大愛停不下來呢！