糖宮甜品專門店 (積信街)

營業中

休息中

食完飯當然要食下啲甜品，我哋兩個人去到大圍附近，有間叫做《大圍糖宮甜品專門店》，叫左幾個甜品品嚐下。餐牌上面嘅甜品名稱好盞鬼，而且多款選擇，嚟到不妨先睇睇餐牌，哈哈。除此之外，老闆同埋侍應們都好有心，向我們解釋甜品成份等等。「椰皇燉蛋白」每日限定12個，對於好似我咁貪靚嘅女士們，當然唔少得叫一個。一嚟到就熱辣辣，仲有好香濃嘅椰子牛奶味道，驟眼睇面頭嘅蛋白好滑，食落去估唔到都一樣香濃順滑，牛奶味濃郁，養顏之選，極力推薦。「朱古力心太軟伴雪糕」需時十分鐘左右，好快就有得食。由於我係「抹茶控」，除咗朱古力雪糕之外，另外加左一個綠茶雪糕。綠茶雪糕口感絲滑無比，抹茶味香濃，主角朱古力心太軟焗得外皮香脆薄薄的，香濃嘅牛奶朱古力醬滲透晒出嚟，好味道。「芒冰冰」面頭除咗有芒果雪糕之外，底下仲有芒果粒，食落去一啲都唔酸，而係非常鮮甜，飲落去好爽。而我朋友就叫咗「榴槤椰椰」，他一樣大讚。咁多樣野加埋都只係＄200都唔使，最重要係甜品質素高，飲品新鮮，而且多款選擇，下次會再來幫襯。

係舊同事屋企打麻雀至夜晚, 個肚又餓餓地, 大家提議去食糖水, 舊同事家附近原來都有幾間糖水店, 最後由佢介紹去左 。地點係大圍, 在大圍火車站行過去大約6-7分鐘便到。糖水店裝修簡約, 夜晚人流都好多, 等左一陣先有位, 出面都有位呀 ! 不過我地都想坐入面。坐低都即刻睇下有乜食, 估唔到糖水店選擇甚多, 有中式糖水,亦有雪花冰, 心太軟, 榴槤系列, 窩夫類等等… 價錢又街坊價, 難怪咁多人啦 ! 枱面仲有個牌, 原來只要LIKE FACEBOOK 或者IG, 每人減兩蚊。GOOD!!有得再平就更好 ! 最後和同事揀左以下 :黑糖水信玄餅 $38朱古力心太軟伴兩球雪糕 $50黑糖水信玄餅水信玄餅好快送上, 上枱是已經比外形吸引住了。店內男職員好親切教我點食, 水信玄餅原先無味道, 所以必須淋上黑糖漿增加甜味, 唔想咁甜, 可以落得少一點。水信玄餅好彈彈, 沾上少少黑糖漿已好入味。朱古力心太軟伴兩球雪糕因為要焗所以要等耐D, 雪糕球選了雲尼拿及曲奇味 ! 上枱後除左影相行先, 當然要睇下係咪流心啦 ! 用匙一撥開, 朱古力濃漿已慢慢流出, 配合埋雪糕一齊食真係絕配呢 !由於出面已有人

信義妹見心情麻麻(最近都多野煩)一於甜品當午餐走過積信街，被報置吸引停下來望落舒適，就走入去叉叉電啦~ 信義妹碰到剛開舖，真係有啲唔好意思但店主仍然親切款待見信義妹初次來就細心問了喜好，再介紹幾款可供選擇 細談下，店主原來還有即磨咖啡，可惜信義妹要餵奶唔可以一試三層TEA SET 還會遲下推出~~~喜歡HIGH TEA既信義妹遲下都試一下~~~ 店內信義妹有一樣極欣賞店主把椰皇殼環保再用，再畫上不同表情成為一個個可愛既餐牌夾另外，店內有不少蠟筆小新既公仔 講番食~~~信義妹今日甜品當正餐，肥死無怨哈哈哈美麗槤夢露 $48榴槤加芒果配給信義妹唔同既味覺享受榴槤香濃，甜度高，果肉綿配上芒果清甜，果肉粒狀形成口感對比西米軟糯細細粒既西米配上生果，除口感增加，仲增加了滿足雲尼拿雪糕的選擇令到視覺上顏色和諧 唔知係咪因為信義妹行入店嗰陣顯得熱到快溶店主另推介朱古力心太軟伴雪糕雪糕有兩球啊!!!!!!!有好幾種味選擇，但信義妹好快就揀了綠茶加雲尼拿感覺上呢兩隻味應該唔會為我增太多磅(自欺欺人~~哈哈) 每次信義妹一叉開心太軟都忍唔住會哇一聲朱古力漿如泉水湧出外脆內軟，多重口感配上雪糕一冷一熱唔同滋

飯後甜品次次都會發生，大圍咁多間甜品店，選擇困難症發作。@.@店鋪位置唔係大街大巷，要搵一搵！一睇menu，又係好多選擇，中式、西式同特式！最後選擇左榴蓮椰椰同熱雪耳津梨燉海底椰。榴蓮椰椰$62好得意既名，係用椰皇，再配上榴蓮肉加西米露同小丸子，非常豐富既材料，原來椰皇配榴蓮個味道係咁夾，而榴蓮雪糕非常好食，榴槤味非常濃郁，第一次食咁好味既榴蓮雪糕，真係掂呀！熱雪耳津梨燉海底椰$32材料多過糖水，有幾舊大切梨，好足料，糖水自然的甜，食完好潤喉，正！

今夜晚飯後在大圍散步幫助消化，我們走過人車往來川流不息，日夜都很熱鬧的大圍道，又逛逛靜中帶旺的横街，又另有一番感覺，不經覺行到積信街看到糖宮甜品專門店，大家心有靈犀，二話不說齊齊走進糖宮吃甜品。友人揀櫻花水玄信餅，櫻花水玄信餅的確有很漂亮的視覺效果，我們都欣賞，櫻花水玄信餅晶瑩通透，口感滑唧唧味道淡淡的，吃的時候用小瓶盛載的黑糖伴吃，我貪吃了一茶羹。椰皇燉蛋白（熱）是我的養顏甜品，椰皇&蛋白都是天然食物，無得輸！另一位友人選擇芒果黑珍珠，也是我的至愛，我貪吃一匙，黑珍珠果然好有口感，甜度也恰到好處，讚！

跟朋友吃飯後時間常早便進行地毯式搜查 - 甜品。我們倆都被門口的「型男店主力推」牌上所寫的甜品描述 - 「菠多野結冰、透明人間篇、榴槤爺爺吸引著，好似在看漫畫中... 地點位於大圍A出口步行約7分鐘。進入餐廳後原以為很小，但其實有2樓啊。是次店主推介了椰王燉蛋白 （HKD52) 冷熱同價 很好味！很好味！好味的東西須要說兩遍！ 蛋非常滑（比豆腐花更甚），採用的是3.6牛奶，還有濃濃的椰子味很撲鼻！另外，還點了爆茫 HKD48（有芒果布甸、金柚、爆爆珠、芒果乾、盧薈肉、小丸子，芒果雪糕）餐廳制作很隱定，這個爆芒也極力推介。有很多材料，有煙勒的小丸子、又甜帶小許酸的金柚，各有不同層次。店主還介紹店內的布置，將會推出滴留咖啡，還有可放甜品的三層架作tea set .... 很期待，後會有期！餐廳的蠟筆小新公仔也是店主畫，很可愛呢！ 欣賞店主的熱誠，跟客人互動吸收如何改良所制作的甜品！贊l

同朋友經開大圍 想食下糖水 知道大圍人必食傅師傅糖水鋪 但可惜去到發現超爆多人 排隊排到出門口最後決定試下新野 就黎到呢間食入到去個環境好舒服 但出奇地係大圍糖水鋪黎講 冇咩人食 店內亦唔full但最後都想親身試下 結果都同友人入去試下我地點左 白雪 即係芒果小粒子個人覺得最失望係佢與餐牌個樣差好遠現實係細超多食五小匙就冇味道就不過不失 冇驚喜 但見在間店衛生乾淨 食物又乾淨我都會俾中評 但唔會特別建議大家必吃建議店鋪真係花多少少心機係製作食物上留住回頭客呀

食完雞粥未系太飽，仲有少少quota可以食多個甜品，11點左右去左附近既糖宮。舖面細細，一眼睇曬，都約好生意。價錢唔貴，算系街坊價，大部份甜品都系30幾蚊左右，特別D既就賣大約60蚊，相比起旺角尖沙咀果D貴價甜品，真系食夠兩個都嗎唔肉赤。菠多野結冰，個名唔系我自己改既! 睇餐牌見到幾得意，嗌黎影張相擺ig都抵啦。呢款其實系菠蘿雪花冰配菠蘿椰奶涼粉，淨系隻菠蘿既成本已經等於其他兩三款甜品既成本價，所以賣呢個價錢絕對合理。左邊系椰奶涼粉右菠蘿片，菠蘿鮮甜無渣，唔會有咩酸味，至於椰奶涼粉就都系果D味啦。至於菠蘿雪花冰就真系重點，夏日炎炎食菠蘿冰真系冰涼都極點，味道適中，又唔會太甜/ 太酸，冰既份量好多，最終都系食唔曬!榴槤爺爺 ($62): 爺爺也者即系椰皇，內含榴槤果肉、蛋白、牛乳3.6，仲有面頭幾粒小丸子。正正就系平時椰皇燉蛋白既加強版，確系幾香甜可口，加埋榴槤果肉，更加惹味

同班朋友喺大圍食完晚餐，又未捨得分手就諗住去搵間甜品店繼續食啦，行到去糖宮門口想睇下有咩食，門口就有名俊男介紹我地特式甜品，見佢咁鬼有誠意，就決定去幫襯佢啦😍門口見到個餐牌，款款甜品名都好鬼有性格🤣睇佢舖頭細細，好似得廿令個位，原來仲有樓上雅座😁榴蓮爺爺，$62真係掂呀，個榴蓮雪糕完全有D24咁既味道，個椰皇入面有小丸子、勁多榴蓮蓉仲有西米，好香滑，原來椰皇配榴蓮個味道係咁夾😋😍椰皇燉蛋白，$52係俊男推薦我地食既，佢話剛剛新鮮燉好，唔食就走寶🤣🤣看似平平無奇一個燉蛋白，但食落好驚喜，味道濃郁，原來佢蛋白加椰皇汁燉，唔係加水，所以咁濃味👍🏻👍🏻用❤️之作

今晚真係有意外驚喜，晚餐後，我同友人去左大圍積信街附近一間「糖宮」甜品店食甜品，店鋪位置唔係大街大巷，所以人流唔多，但甜品質素非常高～入到去坐底，有好多特色甜品，老闆推介幾款甜品比我地，話「主打推介」，有椰皇燉蛋白、榴蓮椰椰及波多野結冰（好攪笑果名），最後我同友人選擇左後者兩款～榴蓮椰椰，椰子燉蛋白配上榴蓮肉加西米露，味道好夾，蛋白好滑，而榴蓮雪糕非常好食，好香榴蓮果味，老闆話用金枕頭整，真心講句：未食過咁好味既榴蓮雪糕另一款甜品：波多野結冰，名得意，賣相都好吸引，用原隻菠蘿整，配涼粉、水晶粉加菠蘿炒冰～一流老闆好nice、健談、有熱誠，睇得出佢對自己既甜品有要求、冇諗過大圍橫街窄巷入面有一間咁高質素既甜品店，下次我都會再encore

係大圍食完飯，本來都無諗住食埋糖水，但行過「糖宮」，比佢果陣好香濃既椰味吸引住，真係好香，決定入去試下入到去，老闆好主動做介紹，亦會用心講解糖水點樣做出咁既效果，真心感受到老闆對甜品既熱誠極度高質既榴蓮椰椰$62內裏有D24鮮榴蓮肉、丸子、西米、蛋白；老闆細心提示要翻底一齊食。榴槤味非常濃郁，榴蓮雪糕亦非常高質椰皇燉蛋白$52一坐低老闆便推介這款，因為岩岩燉起，唔怪得門口路過已聞到非常濃烈既椰香。食落口非常滑漏，椰味極香濃，老闆表示會加入椰皇水燉製，椰味會比用椰奶更突出！兩款都真心好相比之前大圍食過既糖水舖高質好多，只係地點較為隱蔽，但絕對值得多行幾步去品嚐！

近年新式甜品鋪開到區區都有，連大圍都唔例外。今次我哋就嚟咗呢間由一衆年青猛男 打理嘅糖宮甜品專門店。又睇下呢班年青人做成點啦!餐廳以白色磚做主題，做到有種warm house 既感覺，睇得出有花心思去裝修設計。門口出面有張枱，有青年木結他手jam jam歌。玻璃窗上用粉筆寫上了菜色，畫了公仔圖案。叫左一款玉桂蘋果香蕉酥皮卷配綠茶雪糕 呢款甜品呢好少喺出面見到，幾有特色。食落啲脆皮真係好鬆脆好薄，有啲似拿破崙嗰隻質地。入面係熟咗嘅香蕉，加埋啲甜醬同埋啲玉桂香，食落個口感好新鮮，好味道。我覺得呢個甜品做法都幾考功夫，要焗到個皮啱啱好又唔燶又唔爛應該唔易整。配埋 綠茶雪糕食仲有啲冰火嘅感覺添。 另外叫左一款榴槤爺爺。 爺爺嘅意思原來係椰皇。呢款榴槤雪糕做得好出色，好重榴槤味之餘食落亦都好好軟熟，又似雪糕又似榴槤既口感。椰皇入邊加有榴槤肉，小丸子仲有好多西米溝埋做咗一款甜品。甜品好足料，榴槤 好香好濃，小丸子好彈牙，口感十足。最重要係佢啲椰肉係好易刮出嚟，食完非常滿足。埋單$110,整體嚟講,呢班年青猛男做到呢個水準，係幾出色，要再接再厲呀。

悶悶地食飽飯，落街食糖水。大圍好多糖水舖，但呢間算高質素。比起隔離附近嘅坐得舒服，自由空間感大啲，唔會一食完，就即刻有個人收走隻碗，然後響你後面眼望望，得閒走嚟抹枱個種。同埋整個感覺好年輕，好活力。仲有個伯伯成日企定定響度，微笑住，睇舖面睇廚房，應該係佢地嘅爸爸。榴連甜品，好濃味，啖啖榴連。如果好鐘意榴連嘅人，應該大部分都非常滿意。我點左個焗香脆蘋果雪糕酥之類甜品，一試又覺得唔錯，其實我點個時唔清楚係咩嚟。原來係麵包條連青蘋果，外面要有層脆皮包住，焗完脆卜卜，如果再連雪糕一齊食，又熱又凍感覺好正好好味！我一向對上過雜誌嘅餐廳好有保留，但呢間係掂

晚飯過後，同朋友喺大圍揾個好地方食甜品😍其實糖宮係要行到差唔多最入嘅，去到要等位，之後都仲有幾班人等，睇嚟都幾多人特登嚟食🍨入到去見到menu覺得老闆好有創意，聽佢同啲客講野都好幽默，咩菠多野結冰，好好，華華，見到個名都覺得搞笑🤣我係個芒果控，所以叫左個"芒滋枝"，裡面有芒果布甸，芒果，西米露同小丸子😍 味道幾好，不過我覺得唔夠多汁🤔鍾意食榴槤嘅朋友一定唔可以放過呢個榴槤雪花冰😍 食啖冰以為自己食左啖榴槤，冰都咁重榴槤味，抵讚👍🏼朋友仲點左個"美麗槤夢露"，袖面有榴槤，芒果，雲呢拿雪糕等等.... 齋聽個名就令人對個甜品滿懷期望😇食完甜品，我地就出左去門口"糖宮雅座"坐下，見到門口掛住啲結他，吹開水，老闆仲自彈自唱俾我地聽，後尾上fb就見到原來呢度歡迎鍾意音樂嘅人一齊jam歌😁我又玩下啦咁🤣 真係估唔到嚟食糖水都有結他玩🤣

是香港人一般晚飯後一定是吃一個甜品做一個總結，我跟男友亦唔例外，是日我們去了晚餐餐廳附近的糖宮。甫坐下，友善的年青店員放下餐牌。一看餐牌及環境就知道糖宮的老闆很有創意。什麼「菠多野結冰」，還有日本人氣的水信玄餅都可以在糖宮吃得到。最後點了榴蓮飄香，芒果三重奏，北海道奶凍及水信玄餅。率先來到我們面前的是曾經很人氣的水信玄餅。這是我第一次吃這個甜品，因為本身它就是一個透明的啫喱，沒有什麼味道，所以附有黑糖調一調味。加上黑糖略帶甜味，一道很消暑的甜品。再來是北海道奶凍，外貌平平無奇，但吃第一口就令我深深愛上。濃郁到不得了的牛奶味略帶甜味，但不會太甜，而且奶凍口感香滑，十分美味男朋友點的芒果三重奏𥚃面有芒果爆珠，芒果布甸及雪糕，還有些芒果肉跟西米，可謂內容豐富。夏天芒果當造，果肉份外清甜。而且同時享受到雪糕加布甸，一次過滿足兩個願望喜愛芒果的朋友應該會很喜愛！而我的榴蓮飄香亦不失禮。濃郁的榴蓮汁加上新鮮果肉，還有雪糕加西米，份量十足！唯獨食完會口臭果肉很多！埋單$153 正常糖水店價錢，但質素絕對令人滿意