糖宮甜品專門店 (積信街)

營業中

休息中

很早吃過晚飯，意猶未盡，想吃甜品，在沙田大圍甜品店字號最老是糖宮，我們就選擇糖宮。我們選擇了甜品後，閒聊間，焗梳乎厘的香氣撲鼻而至，將軟綿如風的梳乎厘送上舌尖，是幸福的感覺。芒果拿破侖，我也試試，原來是酥皮，盒子狀的酥皮餅，又香又酥，酥皮餅上的似奶黃醬，香香甜甜的。朱古力窩夫伴雪糕，很精緻，窩夫稍嫌唔脆！火焰雪山，真係唔怕失禮，我咁大個女都係第一次見識！雪山裡面有蛋糕和雪糕，咁大份火焰雪山最宜大家分享！

中秋節，本來想叫傳統湯丸食，見有新甜品食，忍唔住……叫個菠蘿雪花冰外表好靚(用菠蘿做碗)頂的菠蘿雪花冰，有淡淡的菠蘿香味，甜味(不算甜)旁邊的菠蘿片(有天然酸味，用新鲜菠蘿)菠蘿雪花冰(份量多)二人分享都可以原來底層有透明色的寒天(啫喱口感)本身寒天無味，配上雪花冰食(增加口感)久違了的黑牛失色係朱古力雪糕球太细只有飲可樂的味道整體……菠蘿甜品外表吸引，味道甜甜的菠蘿雪冰加寒天，增加口感，不錯的甜品

今晚最吸引我的是，香蕉心太軟，因為第一次食到其他味道的心太軟，配抺茶曲奇雪糕又好特別心太軟未食已經好大陣香蕉味，焗得外硊內軟，用匙一開，淺黃香蕉醬流出來！入口連蛋糕好甜，加埋不是太甜的雪糕，甜度反而剛好，抹茶及曲奇味也更突出香蕉的味道，雪糕幼滑，入口即溶另外的香蕉船，伴朱古力及芒果雪糕，是我兒時最愛的甜品。香蕉剛熟不爛，配雪糕十分好味今晚給我驚喜的是這個榴槤椰椰！榴槤雪糕加榴槤味糖水，好特別呀！因為入口榴槤味好濃郁，椰汁更把榴槤發揮得更香更滑，加埋原個椰子上，椰肉又甜又爽口，真有創意而個雪花冰，揀左巨峰提子味，雪花冰冇白色，全染了紫色，巨峰提子味好濃，雪花冰好滑，入口涼浸浸，令熱辣辣降了溫

大圍區沒有元朗區那麼多知名的糖水舖, 可以任君選擇, 但在貴精不貴多的大圍社區, 發現糖宮,  它跟一般現行的甜品糖水舖, 沒有很大的分別, 所指的是店舖裝修及甜品糖水種類, 這些都是其次, 最重要的,有其獨特的賣點未坐低, 發現店舖內外已展示了人氣甜品的資料及相片,所以, 未打開MENU前, 已心裡有數, 這刻,打開MENU scan...ing一下, 有沒有更好的榴槤是我的至愛, 榴槤椰椰定當成為我的必然之選, 它賣相吸引, 分量十足, $58呢個價錢, 用上榴槤肉、丸子、西米和蛋白, 放在椰皇內配上榴槤雪糕, 簡直超值, 此外, 椰椰散發的榴槤味, 香濃撲鼻, 不用舌頭去觸碰, 也很滿足榴槤肉充塞在椰皇口, 有點似丸子躺在一份半熟的炒蛋上先嚐一口, 榴槤肉+椰汁+丸子+西米的混合物, 那種濃郁澎湃的味道在侵佔住我的口腔, 口感軟滑, 一口接一口, 實在難以抵擋!!朋友的椰皇伴西米湯丸$58, 也不失禮, 三粒大湯丸, 剛好塞滿椰皇口, 我也品嚐了一粒, 不太甜, 剛剛好

身為大圍人~總會聽人推介糖宮呢間甜品~今日收左工~媽媽唔洗煮飯~就決定帶佢同埋個鄰居ee黎試下!!! 可能仲早~係晚飯時間~入去果陣唔多人~ 媽咪一見到門口個留連椰椰($58)~就即刻話一定要食!! 哈哈 ~好香留連味! 留連肉一D都唔會太苦或者太軟身! 配上淡淡的椰子香~~真係幾特別! 唔會唔夾~!而旁邊呢個雪糕球都係留連味=) 留連加留連~實在太幸福了! 然後我地叫左個芒果拿破侖! ($42) 幾鬆脆! ~~芒果味都好香~~一咬落去仲有應該係吉士醬流出黎~唔錯!! 每次食甜品我都必叫窩夫! 今次我就比呢個心形芒果窩夫吸引左~($38) 小巧的心形賣相好得意~未食已經好sweet xd 口感比較似夾餅果種~比較軟身~ 窩夫通常都係配焦糖~~但今次呢個係配糖霜~賣相加左分~味道都加分!會再黎的!

探完朋友，佢話帶我去食好嘢；有好嘢食，一定跟住去。入到舖頭，第一眼就見到我的至愛（榴槤）第一時間order 咗（榴槤椰椰），而朋友就叫咗個綠茶紅豆雪糕鯛魚燒。我的至愛真係無得彈，有榴槤雪糕（又香又滑）而椰皇裏面的榴槤好香，而且帶甜；配合埋燉蛋白/西米和 煙靱的小丸子來食，口感唔錯，效果出奇地好。而朋友的綠茶紅豆雪糕鯛魚燒綠茶雪糕有好香嘅綠茶味，而且好幼滑；配合埋大大粒嘅紅豆來吃，又有另一番風味；鯛魚燒裏面原來係雲拿雪糕，我哋食完呢兩個甜品，真係好滿足。

糖宮已在大圍區成為我的甜品專門店，餐廳環境舒適，甜品選擇也不少，最重要是有榴槤甜品提供品，還要是用上榴槤肉所製成，做得好食又確實不容易。 大圍區甜品店眾多，甜品水準必須穏定，價錢合理才能爭大圍區內人仕的一席位，糖宮位置雖然有點遠離大街，但晚上還是人流眾多。***********************來到糖宮甜品專門店，位於大圍積信街，雖然有點偏遠大街，但還是很容易找到的。門外除了放枱櫈方便食煙人仕，還有個甜品的店長推介，路過都可以看看有什麼推介。 走進餐廳環境舒服，播放著音樂可以悠閒地聽著歌吃著甜品。牆上還放滿了甜品的賣相，不知食什麼甜品，看看照片也不錯。此外餐廳還有2樓，所以座位絶對充足。 榴槤當做時，當然要好好享受一下榴槤甜品，榴槤椰椰 HKD58，用上榴槤肉、丸子、西米和蛋白放在椰皇之內，再伴上榴槤雪糕一起吃，榴槤味香濃撲鼻，已急不及待想吃了。 榴槤雪糕放在匙上，雖然不算很大個雪糕球，但感覺都有點經貴。 先來一口榴槤雪糕，因為怕天氣熱會溶化，榴槤味道很香濃，奶味都幾重，但2者一起都幾夾，如像吃榴槤肉一樣的味道，很滿足。 椰皇雖然不大個，但看見滿滿的榴槤肉，只

今日下午駕車送好姊妹回家途中，車子油燈着了，唯有急急腳駛去大圍的油站入油，突然心思思想食甜品，醒起油站的隔離街好似有甜品店，入完油便駛過去找車位，剛好車位旁便是這間糖宮，看到門口餐牌甜品種類頗多呢，以新派及特色甜品居多店內牆身也掛滿甜品相，望着便覺吸引了~~魔山 ($35)好姊妹是棉花糖控，所以見到這魔山有棉花糖便難以抗拒整個甜品包括有朱古力奶凍、香蕉片、棉花糖、朱古力雪糕，上面再淋埋朱古力漿，同埋朱古力碎，賣相唔錯下面的奶凍滑嘟嘟，朱古力味都幾濃呢!!濃濃的朱古力加埋D 香蕉片，又係好夾肉桂香蕉窩夫伴雪糕 ($40)一向都覺得肉桂跟蘋果是最夾，沒想到，原來和香蕉也完全沒有違和感窩夫不是厚身那種，較薄身，入口比較煙靭，再淋上朱古力醬及糖霜，也不覺得滯，反而仲想食多件添~~而且窩夫本身唔會整得太甜，配埋比較甜膩的曲奇雪糕，加埋一片香蕉，就啱啱好每人食完一個甜品後，竟然還有點意猶未盡的感覺可見女生的甜品胃絕不能小看大家在芒果拿破崙同法式焦糖燉蛋之間猶豫了一陣結果選了法式焦糖燉蛋法式焦糖燉蛋($32)表面的焦糖，脆脆的，帶有少少焦香而內裏的燉蛋滑嘟嘟，"GOOD"一聲就瀡左入喉嚨蛋味濃，與焦

馬拉的回憶特別多，與馬拉同學去玩去探索的青春歲月。當時到KL市郊的榴槤自助任食:一架載滿榴槤的貨車，几張摺枱及几把刀，與當地人一同圍著摺枱，棟篤企，狂食新鮮榴槤（即係立食囉！）。滿地榴槤殼四周都瀰漫著榴槤香聽著職員不斷地劈開榴槤口中就是啖啖榴槤肉此情此景，歷歷在目。所以回到香港後，每次到水果店／甜品店，都會對榴槤十分關注。今天入大圍，朋友就建議去一家甜品店，保証有驚喜。這條寵物街，有用品，有醫院。甜品店就夾在其中。門口畫得花碌碌，夠青春吧！　　　有榴槤喎！馬拉回憶呀！我來也！　雖然牆上有很多圖片，餐牌有數頁，但榴槤是首選，所以點了二款榴槤的甜品。　　榴槤飄香　　一杯涷冰冰榴槤飄香，中央有一球榴槤雪糕，旁邊有几件榴槤肉，浸於西米之中，還有小丸子。　　　而這几件榴槤肉，一絲絲的，入口黏黏，只需要用舌頭MUI呀MUI呀！無需用任何牙力，就嘆到啖啖的榴槤肉。由於榴槤雪糕開始溶化，溶於西米之中，以致西米都有榴槤味。　　雪糕是榴槤味，西米又有榴槤味，榴槤肉當然有榴槤味啦！每一口都充滿著榴槤味，喜歡榴槤的人就會明白。　　　　　　　　　榴槤椰椰　　　　看到牆上的圖片，椰椰應該是招牌菜。有几款椰椰呢！榴

大圍，一個夜晚算係可以泊車嘅地方，所以夜市都幾旺！咁我同女朋友食完晚飯就想食下甜品，於是就過黎試下啦，到左時候都夜晚十點度，但係成個大圍都幾旺，都幾厲害！睇下openrice,見到ｅ間糖官個甜椰椰ｄ人話幾正，咁就去試下啦！坐低後，店員話無晒椰子，咁都無辦法啦，咁我就叫左個白雪，女朋友就叫左個心太軟。白雪，有ｄ好特別牛乳奶凍，有芒果肉，有小丸子同埋雪糕，配搭得幾好，幾有口感，芒果都幾好食！而心太軟就正常水準，兩個雪糕都幾full,好味，下次再段。

前幾日同朋友黎開大圍試下呢間網上吹到好好味糖水鋪！又話有註場結他手咁！去到竟然無！講番正題！點佐个綠茶心太軟！待應話要等15分鐘！15分鐘過後佢話焗過火！我就要等15分鐘！見到製成品黎到！切開！聞唔到有綠荼味！見到个蛋糕成拇指咁厚已經中伏！食落口一淡已經投降！$50我當跌佐！唔會再黎我朋友都話去對面個間好過！起碼人地做佐20年出品一樣keep到！

有日晚飯後心思思想食個糖水作為結尾上網搜尋到呢間甜品鋪，但因為離屋企有一段距離，只好先bookmark留待下次再挑戰噚晚機會來了，特登跟朋友渣車黎食個糖水吹下水，首先一定要叫一開始吸引到我黎既 ：香蕉心太軟 （等候時間10分鐘）一切開個心太軟，D香蕉混合物就要跑出黎啦，味道色相都不錯，仲有2球雪糕可以選擇！然後覺得橫掂黎到，即管叫埋好多人大讚既「榴連椰椰」try try 榴連椰椰 個名係改得幾funny，但味道一D都唔funny....之前睇食評都覺得個樣子幾吸引，雖然唔知裡面個餡係咩乾坤，但今日食到我只能說完全Fail.....落單時問待應仲有無呢個甜品，佢話無但另一個之後又話有，已經覺得伏伏地....黎到食左兩啖已唔想再食....因為幾樣野（榴連、丸子、西米露、好似有個奶凍係底）撈埋一齊，完全唔知發生咩事，因為個味道似係每一樣野都係分開....真係唔知自己食緊咩，所以比個喊你另外叫左個冰極椰皇寒天同一個真係一條香蕉切半中間夾2球雪糕既香蕉船....連上面插個2條蛋卷都係淋既...沒有多餘既topping...已經知道下次唔會再黎

來過幾次食甜品，印象不差。每次都點蕃薯糖水，都幾好水準。今次賣哂於是叫咗另一款中式糖水-紅豆沙。賣相不討好，水汪汪，成碗糖水黑色不是深紅色。勉強試兩啖，完全無甜味，似紅豆水！不能想像點解可以賣俾客人，以後不會再光顧！

夏日炎炎，跟幾個朋友在附近食甜品。大家 share 來食。榴槤椰椰$58不是人人愛榴槤。我獨食了榴槤椰椰。非常特別的甜品。很甜的新鮮榴槤，混埋3.6 牛乳燉蛋白、有些小湯圓等，此等配搭又出奇的合。像在吃榴槤牛乳般。喜歡榴槤一定要試試，食完滿口榴槤香。椰皇伴西米湯丸$58試了熱食款的的椰皇伴西米湯丸。有大大粒芝麻湯圓3粒。3.6 牛乳燉蛋白非常香滑。3.6 牛乳再加西米、蛋白，感覺很養顏，哈哈!冬天我必會再點。香蕉心太軟$50香蕉心太軟也是比較少見。切開有多香蕉汁流出。好似食緊鬆軟的香蕉蛋糕般。附上新鮮香蕉、士多啤梨。雪糕就揀了綠茶同曲奇，雪糕品質也不錯。加埋在心太軟外的朱古力脆米，整體又很不錯。抹茶紅豆雪糕鯛魚燒$45大大條鯛魚燒，內有厚厚的雲尼拿雪糕。綠茶雪糕混上紅豆吃，日本風很重的一款哩!想不到甜品質素，整體也不錯! 

同朋友食完宵夜，口痕要再食個甜品。叫左個芒果三重奏($45)，材料有芒果、布甸、爆珠、西米、雪糕，個人覺得糖水有d過甜，芒果都幾新鮮，爆珠酸酸地，咁岩可以中和返糖水既甜，類似芒果西米露既野有布甸真係第一次試，佢d布甸切成一粒粒，有少少奶味，感覺都幾特別。