粥如意粥粉麵湯飯餐廳 (已結業)

今日口淡淡，嚟咗呢間粥如意食粥。呢度嘅粥好多選擇，我就點咗個健康粥-南瓜粟米粥($25)，再加個齋腸($15)。粥底都幾綿，陣陣嘅南瓜香味，唔錯！唯一挑剔嘅係用罐頭粟米，而唔係新鮮粟米，缺乏粟米嘅甜味。而腸粉，呢度嘅腸粉質感有啲特別，軟綿綿的，有別於平時食開嘅腸粉，但都幾特別，唔錯⋯而且醬料任加，食齋腸，最鍾意就係混醬，正！整體來講尚算滿意，會繼續幫襯！

三個人去食，兩個人嗌蒸餸飯，啲飯凍冰冰，梅菜蒸肉餅仲要有酸味，豬膶粥正常冇特別。老闆肯換過啲餸同蒸過個飯，但係好多聲氣。俾35蚊差啲食到肚痛，你食埋我嗰份💩💩💩💩

在大棠路下車行街，走到一條街就隨便入一間餐廳食午餐做街坊生意的，都不會太貴於是想了想，就點了全場最貴的粥- 帶子鮑片滑雞粥（$46，其實都不是太貴）.十分足量！帶子大大粒，有好幾個帶子，帶子鮮甜甘美雞肉很滑，結實有口感完全把海鮮的鮮香（帶子+鮑片）及雞肉的鮮香融入到粥底每一口粥都是有味道的.叫了一個牛俐酥來送粥食不完，粥很多，牛俐酥只食了一半.韭菜餃煎到金香外皮脆，入面的餡是熱烘烘的很多料，每口是滿滿的韭菜香.叉燒腸有不少叉燒腸粉的厚薄剛剛好，有口感之餘不會太厚重.豆漿（$7）.第一次食這麼多材料的粥，鮮甜的粥底很出色。

在安寧路有一間新開的粥舖「粥如意」份量多，味道不錯，好多街坊都會去食.手打肉丸粥（另加雞肉及雞蛋）我第一次食窩蛋粥（原來可以咁樣加雞蛋食LOL)粥的熱力令蛋慢慢煮熟，令粥更香滑粥底也很綿滑肉丸有3粒，juicy 香肉味雞件也不少，雞肉很嫩滑料都好多，食完一碗超飽的.生菜粥米鯪魚球粥鯪魚球令粥更有海鮮的鮮甜，加上生菜的爽甜，令粥底很開胃份量多，有超多大大的鯪魚球粒.炸兩腸粉類的也很不錯一份炸兩才$15，有3大條.鮮蝦腸$25是很值的，每一粒蝦都是爽身的，晶瑩通透，大大粒其有3條，切成6份，每一份都有鮮蝦.食一碗暖粥，再配上豆漿，是很傳統但很飽足的一餐！

呢排心情唔係咁好，冇咩胃口，口淡淡，仔仔提議不如食粥，我話你喜歡就得啦！我們就去了《粥如意》。仔仔一座低就話要食炸兩， 我話okok !炸兩 $15豬紅《碗上》$25魚腩豬肚豆腐生菜湯飯(二餸湯飯$43加一料$8送時令菜底) 飲品凍檸茶 加$6 帶子鮑片滑雞粥 $46配 凍檸茶 加$9炸兩經過仔仔混醬後加添好味。豬紅一夾係唔會散開，掂。湯飯唔好以為好清淡，魚腩和豬肚配上辣鼓油好提鮮，好自然食食下清哂成碗。重點推介帶子鮑片滑雞粥，軟棉棉的粥底仲要好足料4大件滑雞，幾片鮑片和幾粒帶子超鮮甜，仔仔一路話飽，一路差不多成碗食哂。

雖然進入了十月，日間天氣都比較熱，但間唔時都會有陣陣的涼風，最適合去行山，行完山當然了補充體力啦，去了元朗食粥。鮑片瑤柱肉丸粥肉丸彈牙，放上超多的瑤柱，十分足料，粥底綿滑鮮甜。豆腐肉丸菜心湯飯湯飯足個半人份量，一大碗白飯再加一大湯碗的湯，豆腐嫩滑肉丸彈牙，而且完全無味精。叉燒腸裏面包了超多的叉燒，而且份量比外面皂山粥店大份，腸粉很滑。韭菜餃煎餃外脆內軟，而且餃皮很薄，裏面肉汁豐富。油炸鬼香脆金黃且大份，送粥一流。蠔油菜心菜心翠綠，又不會太油膩。

喺食在元朗👀到位於安寧路價真棧附近有間粥舖話好抵食，咁就去試新嘢啦😆 地方比傳統粥店整理光潔，地方好坐， 粥品種類多，有小食、 粉麵、更有湯飯👍粥品還可以加錢隨意配搭😆 油器仲係即炸即整㖭🤤 -帶子鮑魚片豬紅粥~粥底綿滑，幾多料㗎，帶子唔算大粒，但彈牙新鮮，鮑魚片雖然係乾貨，但也味濃， 好口👍-炸兩~皮薄餡靚，食落卜卜脆， 咁大碟都係$15.00咋😆👩‍⚖ 店內姨姨服務好好，價錢實惠， 難怪坐咗冇幾耐就全場爆曬，下次再嚟試食炒麵，因為見到隔離枱都好大碟呀， 而且賣相都不錯啊🤣

元朗老牌粥店都有幾間，間世宙對面開了間新粥鋪就趁星期日來試試啦。11點入到去都坐了有7成客人，有部分好似係熟客。我同朋友叫了兩款精選套餐，豬紅粥配炒米粉，鹹肉粥配炒米粉，另外加了個鮮蝦腸。整體味道偏淡，唔會一口味精，不過豬紅真係咩味都無，如果加返少少鹽會好d。鹹肉係肉絲，都係偏淡口，粥底比較稀，兩碗都要加胡椒粉先夠味，不過感覺好似健康d。鮮蝦腸吃了一啖，醬油怪怪地，有酸味，即刻同姐姐講，意外地，一位疑似老闆娘即刻叫人將醬油倒掉，重新調過，好欣賞。本來唔打算吃油炸鬼，因為試過幾間粥鋪都係唔脆，咁啱有個姐姐話有油炸鬼新鮮出爐，仲可以叫半件$5，果然好好吃，外脆內軟 ，好味!

同阿媽行完大橋街市，過左黎粥如意食下野先回家，價錢唔貴仲勁多野揀，隨左粥同腸粉，仲有湯飯，蒸飯，湯麵等，不少套餐包野飲添呀。蠔豉艇仔粥餐牌上的粥品大大話話有過百款，個人揀左招牌生滾粥裏的其中一款，如果咁多選擇都無合心意嘅，係可以自由配撘，全部都名碼實價，選自己口味就好。自己呢碗艇仔粥十分足料，每一口都有豬皮，魷魚，碎牛，同蠔豉等，鮮味滿滿，而且粥底亦很綿滑。大大碗份量足，好味又抵食，唯獨欠缺花生失色了點。魚腩粉腸粥阿媽則自選了魚腩粉腸，佢話呢兩樣係最夾嘅。魚腩又鮮味又滑，粉腸有咬口又鹹香，加上清潔得很好完全無怪味，好味好味～咸肉糭好肚餓，再點了鹹肉粽，十分幸運能食到，之後就售罄了，呵呵。內裏有大大隻鹹蛋黃，有黃油㗎！正呀喂！仲有綠豆蓉，半肥瘦鹹肉等，啲豬油漏哂出黎好甘香，糯米又綿又軟嫩，口感超好，忍不住一口接一口的。炸両去粥舖又點少得炸両，即叫即包油炸鬼仲係脆㗎，腸粉皮好滑又有米香，最正係可以多醬，麻醬甜醬辣醬仲要多芝麻，咁好味肥死都抵。油炸鬼本來叫左炸両就唔叫油炸鬼，但無佢掉落啲粥度總好似差咁啲野，而且十蚊大大條，也是好平啦～蠔油油菜最後好似有啲漏又加左碟菜，菜心加蠔油真係好夾，正。

可能近排天氣唔好，口淡淡想食啲清淡嘅食物，但係喺元朗平時都比較少粥麵店，仲要係開得夜嘅可以係晚餐時間食，但係今日喺安寧路經過粥如意粥粉麵湯飯餐廳，好似係新開嘅咁就立即入去食下啦。其實雖然話想食清淡野但係，其實係俾佢門口嘅即炸油炸鬼吸引左入去，佢嘅炸品是自己炸的，所以係新鮮熱辣好香脆，我同BB嗌左兩碗粥一個腸粉一個油炸鬼再整多個鮮炸鯪魚球，油炸鬼唔使講熱辣辣脆卜卜，配粥食一流，另外我哋叫咗一個及第粥加朱紅同埋黃沙豬潤粥加肉丸，好新鮮好正，多送好味👍🏻，我地再叫左鮮蝦腸，新鮮整好滑溜；炸鯪魚球都是新鮮炸😋😋

這天來到元朗發現這家小店 決定進去一試裡面冷氣挻充足 食粥應該不會太熱haha😝看到好多熟客吧 跟店員有講有笑挻不錯的場面·帶子鮑片滑雞粥 HKD$46 ·皮蛋咸蛋肉片粥 HKD$38 ·豬潤腸 HKD$20·叉燒腸 HKD$20 食物有挻多選擇 而且食物份量和材料很多雖然味道也只是簡單的味道 但粥底要做得好不容易這個粥底很綿 雞粥的一碗別有一番風味😋😋腸粉是胖胖的很可愛 裡面的材料也有很多呢🤤食起上來挻滑身 不過多一點醬油就更加好味

說到早餐，自然會想起粥店。一碗棉棉的粥加油炸鬼，就是眾多香港人的日常早餐！這裡的粥品種類超級多，從傳統粥，海鮮粥到健康粥都應有盡有，還可以自選配料~除了粥品，還有很多小吃，湯飯......一定會選到自己的喜愛。我就點了生菜粟米粥，牛肉腸，凍豆漿粥很足料，配料夠多，生菜和粟米很有咬口，啖啖都有餸。而味道很夠味，鮮甜。如果不夠味又可以自己額外加調味料。而朋友點的豬紅碎牛粥都很足料，牛肉多，沒有腥味！腸粉的牛肉很滑，和腸粉融為一體，少少煙韌的感覺，帶點牛肉的香味。加上豉油更帶出牛肉鮮味，不錯。而豆漿不會太甜，豆味濃郁，價錢不貴($7)

無意間在元朗發現了這家以粥及湯飯為主的餐廳，對於最近中秋吃得太多的我，無疑是救星！📍環境: 餐廳內𥚃裝潢頗新，內𥚃格局跟茶餐廳無異，但基本上位置寬敞舒適的。🍽 食物: 帶子鮑片滑雞粥46元有一碗大大碗，有帶子有鮑片有滑雞的粥，在這個年頭那裡可找到？！👍🏻首先，要讚一讚個粥底本身，其粥熬得非常綿滑，不會太稀太多水，亦沒有味噌鹹味，可説是比起大連鎖的粥店更要綿滑好味！配料亦非常足，雞滑嫩亦有酒香甜味，令整碗粥均有少少酒香味😋🍽 滑牛豆腐蕃茄湯飯非常大碗足料的湯飯！飯跟湯料是完全分開的，這亦是我比較偏好的食法，因可隨著自己想要的飯量去食用！單看照片亦可見湯料的份量有多大，足以兩人享用，而湯本身清清地，沒有味噌味，讚👍🏻🍽 韭菜餃餃子兩面煎得香脆，韭菜味濃，正🥰😍🍽 油菜菜心嫩，白灼已非常好味，加上蠔油更正👍🏻最後就點上新鮮豆漿，令整個午餐非常完美！總結，是一家性價比高的粥店，尤其喜歡這店的所有粥，湯料都是沒有過多味噌，份量足之餘，食材新鮮，食完一次都有想再返兜的意慾！❤️必返兜指數(3為滿分) : ❤️❤️❤️!

新開張既粥店，都幾整齊骨子腸份上碟就切好左，好貼心腸份夠滑身，隻蝦都幾大隻爽身炸兩好脆，呢度連炸鯪魚球都有得食，四大粒新鮮炸起既鯪魚球，漲卜卜，咬落好彈牙食得咁油膩緊係要叫返碟油菜清清腸胃，又可以食得健康d黎到粥鋪緊係要食返碗粥啦，友人就揀左碎牛肉粥，入面仲加左d炒米粉添呢碗粥就夠哂矜貴，因為入面有鮮雞、帶子粒同鮑片添，粥煮得好細滑，夠哂綿，而且粥就有哂鮮雞同海鮮味添最後仲飲埋杯低糖既豆漿就夠哂飽

話說我媽咪好鍾意食粥，今日大家夾啱時間，嚟咗元朗呢間新開嘅粥店試吓😉小店裏面乾淨企理，地方闊落寬敞，感覺挺舒適。我哋今日試咗佢嘅招牌粥，分別係：《帶子鮑片滑雞粥》&《鮑片瑤柱肉丸粥》，個雞粥入口好綿，而且唔需要落調味料已經好夠味，雞肉又夠滑🤤份量亦都好足料，帶子鮑片都好多，同埋都幾大碗，下次就算帶老公嚟食都一定夠食！另外小食，我哋點了《鮮蝦腸》及《炸兩腸》，鮮蝦大大隻，入口爽滑彈牙；炸兩仲係即叫即整的，保證夠新鮮。仲有其他小食都唔錯的，絕對係真材實料，新鮮好味👍🏻粥店地點都就腳，朗屏西鐵站E出口落車行幾分鐘就到，下次想食粥又多一個選擇了。