粗菜館

營業中

休息中

「粗菜館」好出名炒豬雜，因為阿so 介紹過，上星期終於去試，食到! 因為條菜洗唔乾淨，有「發泡膠粒」，我和老公打算唔出聲算數 ! 再食多啖，見到食隻「昆蟲 」真係食咩都冇心情! 蓮耦炒豬頸肉例湯其他食物 蓮耦炒豬頸肉 及 例湯都算ok ! 最令我滿意係白飯和白粥。

到了HAPPY FRIDAY，總會想放縱一下，有同事對豬內臟情有獨鍾，雖然九龍城與公司有一段腳程，但為了滿足豬「慾」，去也！招牌炒豬什：味道十分好，配料嘅䓤薑都好食，豬什爽口入味，送飯一流，但碟餸份量真係少，比二人份量多啲啲，四個人每人得二三舊；炭燒豬頸肉：同泰式豬頸肉差唔多，唔會好油膩，表面脆口，有少少乾，有汁點下會好啲；瑤柱金菇豆腐：呢個比其他無咁唔健康嘅餸，淡味，個汁有啲稀，都係唔健康嘅餸味道會精采啲；梅菜扣肉：扣肉偏瘦，味濃，好似有啲南乳味，咸左少少，梅菜唔會太甜，汁少左啲；豬油撈飯：正！喺大榮華食過，落左好多都唔覺有豬油味，呢度落少少已經食到豬油味，豉油少少甜，配埋熱飯，四個人叫一桶係唔夠嘅。埋單$228，四人每位$60，每碟平均要$55以上，份量實在少，四人行四餸也未必飽肚，但招牌餸菜確是有色香味，店內亦有一些從未嘗過的選擇，如鳳凰煎豬腦、水煮豬潤等等，下次放縱時再見！

這間年中無休的平民粗菜,平時來會整碗老火湯再加幾小菜，湯好飲，是冬天時令的西洋菜瘦肉湯，西洋菜本已很甜，再加上瘦肉及蜜棗就甜上加甜，無落味精，清潤暖胃，已交足功課。

來到九龍城, 朋友不太想吃泰菜跟潮州菜, 就來了這邊粉葛赤小豆豬骨湯例湯要了一煲, 湯料很多, 味道清甜, 這煲湯一點都不會油沒有下太多鹽巴的, 我覺得很不錯, 朋友就覺得可以再多加一點鹽提味蔡瀾鹹魚醬茄子煲這個茄子煲盡是鹹魚醬的香氣, 真的很香吃起來也很惹味茄子附了鹹香十足的鹹魚醬, 軟身不油很好吃, 味道也很好配飯梅菜扣肉我喜歡這個梅菜扣肉, 肉很入味也很軟腍. 最愛吸了肉香的梅菜醬汁夠味得來不會很濃很膩. 但朋友嫌這個扣肉太瘦以外面傳統的梅菜扣肉來講又真的是太瘦太乾了點家鄉煎魚餅鯪魚肉蠻彈牙的, 外層煎得很香脆, 乾身的魚餅蠻好吃蜆介醬充滿了鹹香, 把味道比較淡的魚餅加上更好的味道豬油撈飯其實只叫了一碗豬油撈飯, 她們上了一桶, 幸好朋友吃得下我要了半碗來吃, 豬油真的好夠油香, 醬油不死鹹味道很好還是第一次吃豬油撈飯, 香氣十足, 吃起來也不會覺得油膩, 好好吃!白粥這邊的白粥很軟綿, 跟點了的菜式一起吃感覺很好, 綿綿的粥底我很喜歡這一次因為朋友不吃豬雜跟內臟, 錯過了一些這邊的名菜下次會再來吃他們的炒豬雜

尋晚同媽媽,細佬仲有一個媽媽以前既舊同事去九龍城搵食;p條街好多thai food, 原本都係諗住食泰國野. 但勁多舖都爆哂.. 冇位=_=於是就去粗菜館. 等左一陣終於入得去.地下果層都幾好燈光,仲有好多名人簽名一上到去就係另一個世界,超級逼,好似茶餐廳甘我地果位係最側邊既角落頭位=_+ 感覺係勁易比人忽視甘-.-望左一陣menu,好快手甘叫左五樣野: 蜜味東坡骨 豬油撈飯 招牌炒豬什 豆豉鯪魚炒油麥菜 同鮑汁鳳翅球啲野食上得都幾快, 豬油撈飯 第一個上. 我呢個九十後未食過, 但媽媽以前成日食呢啲窮苦人家既產物的確可以勾起好多人舊時既回憶, 等人懷愐一番撈左豬油同生抽之後真係好香,但我真係食唔慣.招牌炒豬什我自己極度討厭食內臟,但其餘三個食完之後都讚不絕口,炒得好惹味甘話wooooo蜜味東坡骨 好好味,啲汁拎黎送飯對我黎講簡直係絕配,啲肉好淋.大人細路都岩食,冇牙既老人家都食到 但細碟左啲.豆豉鯪魚炒油麥菜感覺極度呃錢.得個幾條豆豉鯪魚,又油又鹹,十級難食=_=鮑汁鳳翅球 唔記得係咪呢個名,呢個真係好食,雖然只係雞翼釀入翠玉瓜,鮑片同冬菇, 但真係食得出佢地既誠意,我食左三舊,下面

又到呢位老朋友生日, 總是要找著那些街坊小廚; 今次就食九龍城粗菜館啦!!不過俾上次啊X推介的長洲張記感到名不副實後, 對名人推介的食店就有所保留!!其實我自己一直都無食過粗菜館, 一入內…..樓下裝設都算燈明座方。 但大枱好似只有樓上有, 所以我哋就直上一層樓; 依….有D似舊式茶餐廳格局!! 重要有D迫迫地 feel!!8個小菜豉椒炒鮮牛肉 $55: 牛肉唔韌, 雖惹味但可惜整碟餸太油!!明火秘製雞煲 $65: 秘製二字唔覺有, 冬菇同雞脾菇倘算有鮮味, 不過味道太淡, 雞肉重好 “鞋”!!雲腿蒸田雞 $58: 雲腿以片上, 夠鹹夠質感!! 其中一個老朋友非常欣賞!!田雞鮮嫩, 清蒸原因; 所以迫出田雞D精華响D汁度, 美味….餸飯都唔錯。蜜味東坡骨 $52: 蜜糖醬汁味原是呃小朋友之作, 但今次真係唔係呃細路!!醬汁弄得有鹹味有甜味, 不偏不重 good job!! 東坡肉連膏弄得很淋, 小朋友話一啜即溶入口; 我就話無牙都可以食得到。招牌炒魚腩 $48: 魚腩炒得好乾身, 但味道一般。而且魚腩有太多魚骨, 吃時真的要小心!!什菌扒時菜 $48: 生菜同菌菇味道還可, 不過依然好

呢間菜館一向都好有口碑, 阿蘇同蔡瀾都有介紹過~出名左之後而家度度都有, 不過我2次都係去九龍城呢間, 而且次次都要等位架, 好彩今次等左15分鐘就有位喇~其實唔係好肚餓, 但我地四人叫左:蔡瀾炒通菜 – 夠鑊氣, 通菜靚唔會有渣, 而且蒜香味濃~薑蔥炒牛肉 – 配料多到爆, 起碼有一大舊薑同一大顆蔥, 炒出黎光澤分明, 已經相當吸引, 而且牛肉食落好滑好淋, 如果好餓嘅話一定會狂搶~ 啫啫雞煲 – 煲熱住拎出黎已經香到飛起, 蒜頭起碼有10-20粒, 仲有洋蔥, 唔駛食已經知道一定好好味~ 雞肉切得細細粒容易入口, 而且豬膶爽滑, 真係惹味到極~ 啫啫鱔煲 – 呢個又洋蔥又青椒, 再加勁多蒜頭, 真係無可能唔好味~ 鱔都係切得細細粒而且唔腥又無骨, yummy~豬油飯 – o黎呢度絕對要叫呢個豬油飯, 唔食就好似無黎過咁~ 本身我好唔鍾意食飯, 但呢個真係可能令我食唔停口, 加上每樣餸有鑊氣之餘都偏濃味, 同呢個飯真係perfect match~ 仲有佢個豉油都整得好出色tim架, 豬油加埋豉油就更perfect~其實佢炒每樣餸都好有鑊氣, 而且配料好多, 為求令成件事更加惹味, 唔

這天剛看完惡男兄的網誌剛好提及到這裡的例湯，腦海中頓時勾起了一幅喝著老火湯的畫面！晚上為了避開佐敦店的輪候人潮便來了九龍城這邊。晚上人流不算多尚有不少座位但就被安排坐了在樓上。大白菜煲豬骨豬肺雞腳湯----無容置疑湯料是足，有白菜的甜及肉湯應有的味道。但溫度卻是一大問題！喝起來只是和暖而不是熱，犯下了自己對喝湯要求的大忌。蒜蓉蒸勝瓜----用炸過的蒜蓉來蒸比用生蒜的好處是少了因蒸不透而帶來生澀的味道，勝瓜沒有蒸得太淋尚有一點脆。辣汁煮花甲----花甲細少得只比蜆大一點，味不太鮮肉質欠彈性。辣汁只不過是豉椒汁吧了!梅菜扣肉----始終招牌菜最穩陣！扣肉肥瘦相間油脂甘香肉質軟淋，梅菜帶甜味用來連汁撈飯比用豬油更好吃。奇味雞煲----賣相欠佳，極淡味的沙爹汁質感只比水略杰，雞肉粗糙無味!芡汁太簿跟本黏付不上在其它配料上面，雞脾菇及冬菇也淡味得無興趣吃下去。似乎佐敦店的出品比這邊穩定得多，吃飯也真的要講食運！坐在樓底甚低的閣樓內通風抽氣甚差！吃完帶著一身油煙味離開，比吃完韓燒更難受。

同友人二人到九龍城晚飯, 有打算過食泰菜, 但因為最近熱氣得很, 所以決定放棄, 退而求其次食了廣東菜... 經常經過粗菜館都沒有意思一試, 因為原以為是上海菜, 原來誤解了. 是廣東菜而已.....一入餐廳, 裝潢都不錯, 但由於地下無位, 被安排到樓上雅座, 但原來二樓跟地下的裝修好不一樣....地下的座位都較舒服. 二樓的只是普通舊式餐廳一樣...但都無所謂, 最重要食物好食! 坐低後看到牆上推介的十款菜式, 由於只有兩人, 不能點太多, 所以只算了其中一點點的推介食物...鮑汁乳鴿 - 比想象中沒什特別, 跟平常的豉油皇乳鴿不無多樣....可能expectation高了, 所以覺得名不符實, 但其實味道不差的!! 蜜汁東坡骨 - 醬汁惹味, 送飯一流! 東坡骨肉質淋且鮮甜. 兩舊已可以KO一碗白飯呢!! 咸魚醬炒通菜 - 分量較多. 炒得很青綠, 很惹味的一碟炒菜. 但略嫌薑絲太多.個人較喜歡椒絲腐乳多點. 香辣田雞 - 選了少辣, 但都頗辣. 田雞很入味, 爽口. 口感頗佳. 不錯之選!服務不過不失, 伙計可能聽到我說冷氣吹到我, 過了一會發覺冷氣沒再吹到....細心加分!!

招牌炒豬什 + 豬油撈飯 = 埋單$60我叫了炒豬什走豬心. . .因為很怕食心及肺這兩個內臟...豬油撈飯 麻麻地, 無咩特別, 唔覺香口,反而炒豬什一上檯很香口, 如果將碟底啲油撈白飯, 比另叫豬油撈飯更美味....

果日同男朋友去九龍城食lunch, 經過粗菜館, 想起亞蘇都介紹過, 咪入去試下囉! 雖然得兩個人叫得幾樣餸, 都冇令我地失望:招牌炒豬什 : 即叫即炒夠晒鑊氣, 豬什有豬肚，膶，腸同豬心，炒嘅時間應該要先後落至得, 先可以有這個剛剛熟的效果, 爽脆香口, 而且用大量薑冲炒, 一D羶味都冇, 超好食。招牌炸辣魚腩：雖然乾左少少，但係好香口好好味。豬油撈飯：偶然食一餐，無所謂喇，點都要試下，豬油熱飯再加豉油，果然芬香撲鼻，食左碗半。魚湯浸油麥菜：奶白色的魚湯，果然落足料去煲，魚味香濃，之前食得咁HEAVY，食這個菜啱啱好。雖然地方細細，服務一般，但一定會再去！！

尋晚諗咗成晚唔知食乜好...到咗晚上十點幾都冇頭緒,就索性上嚟睇吓九龍城有咩好食.不如去粗菜館啦~係貪佢收12點咋~好多年前喺佐敦嗰間食過一次,真係唔錯,特別係個雲吞雞..去到九龍城,點知而家D菜同以前嘅已經大部份唔同晒...老公要介口,好多嘢唔食得,所以淨係叫咗炒豬潤同東坡骨,諗住唔夠先再叫..炒豬潤---味道OK,但炒到濕淋淋,我覺得調味太濃,而且韮菜同薑塊(係薑塊唔係薑片,因為切得勁厚!!!)多過豬潤,有點妹仔大過主人婆感覺....成碟得十塊八塊豬潤,唔知仲以為係叫咗碟炒韮菜....東坡骨---炆得好淋好入味....但係勁細碟,成碟加埋完整嘅都冇六件,肉碎就大把..我覺得甜咗少少..豬油飯---到差唔多食晒D餸都仲未嚟個飯,問一問阿姐佢先話唔記得咗,仲要話我遲落單搞到佢漏單......個飯係嚟咗炒豬潤之後我先叫,但佢漏單冇理由賴我啫!!!豬油冇香味,豉油都唔夠味,要落多D,但整體上我覺得比兩個餸好食....P.S:可能近收檔時間,D阿姐一邊炒餸一邊打貓(我地坐正門口位,對到正佢地煮嘢).感覺上我地好似食緊隔夜餸咁....兩個餸+豬油飯+白飯=$138元..講真唔算貴,不過我地一家

有名人推介,所以試試1900到已很多,要等.上菜較慢点了梅菜扣肉:肉很新鲜很入味梅菜很小,汁很美味真是汁都撈埋魚湯浸油麥菜:湯真的有魚味炒朱雜:新鲜炒氣勁朱油撈飯:朱油味淡,不夠大榮華好食服務很好,服務員還問我們食物意見,並介沼佐敦有分店

由肚餓等到頂唔住四周搵野食,到最後又係有點餓,真係快.二話不說,即刻落ORDER :極品醬爆豬爽脷 : 其實是XO 醬炒豬脷,加入洋蔥,青椒,及紅蘿蔔片,而豬脷要薄切,目的是要將各種材料炒熟的時間拉近,而事實上豬脷的確能做到爽脆的效果,如果茨汁能再輕一點就更好.菜瀾咸魚醬蒸豆腐 : 用上布包豆腐,質感比較滑之餘又不會像玉子豆腐容易散,賣相亦可以好一點,咸魚醬並不多,太多便會搶味,反而份量剛好將豆味引出.招牌炒豬什 : 事前的準備功夫可以話是最多的一道菜,每種材料須要的時間各有不同,有部份更要一早汆水炆至腍軟,而部份是即叫即炒,目的是要爽口,豬什是肚,腸,膶及心,用上煎封方式炒,煎香的薑片將豬什的羶味減輕,再加入蔥段快炒,肉質變得爽脆入味.如果不是新鮮貨,好難做到咁既效果.粉腸豬肚粥 : 粥底夠綿,少點時間都不可能,而粉腸有少許苦,大概是選材上出了點問題.豬油撈飯 : 一直以來,都認為大榮華的燒豬油配頭抽豉油是一絕,其他地方根本無可能相比,大概是貨源關係,此店豬油是欠了一朕油香,加入熱飯內都蒸發不了香氣,以前母親都曾自炸豬油用作撈飯,真的是芳香撲鼻,不過近年大家都追求健康,聞豬油已彈開九

豬兒仔見到又要吃了...因她常常叫豬油撈飯 豬油撈飯 豬油撈飯!一個炒豬雜, 一個東坡骨之類一個咸魚醬蒸肉餅有一鍋湯送白飯再加一桶豬油撈飯!炒豬雜都幾香, 鑊氣不錯, 色水亦夠, 粉腸偏多, 但都好味.東坡骨, 很腍, d汁很好, 撈飯一流, 惟凍左d.咸魚醬蒸肉餅, 咸魚醬很美味, 撈飯無得頂, 肉餅亦竟然yin un!個豬肺湯亦都非常美味, 豬肺腍腍地, 好味.豬油撈飯, 加落去時很香, 香得有點像加了荵咁, 但吃下卻冇乜味...好像4人這麽多野吃都只是一百六十多元!