粗菜館

營業中

休息中

星期五晚去咗九龍城食飯,貪呢度方便泊車,最後簡咗食粗菜館。一行三人食咗炒豬什(炒得好香,夠鑊氣)。 梅菜扣肉(梅菜太過諗, 但扣肉火喉夠,肥肉入口溶,正)。 乳鴿(不是特別出色,無乜特別)。 豬油飯(初初唔敢食,試完之後原來好好味啊)。

放假同男朋友仔周圍搵好野食....好多食家都推介粗菜館...就試下..最深印象係...*鹹魚醬蒸豆腐...當濃香的鹹魚醬..遇上..清淡的豆腐....味道恰到好處...*炒豬什....可能清洗唔乾淨...苦苦的....*東坡骨....酸酸甜甜幾好味...*炒花蛤...當然冇海鮮檔咁好味啦...

我們一行4人去食晚餐, 叫了一個炒豬什, 一個炒清菜 和 一個唔記得左, 哈哈, 但係我想講嘅就係, 哈哈, 最最最好食嘅野, 佢就係,,, 豬油白飯啦,,, 唔好睇少佢哦, 如果用隻白飯碗去撈佢就更係冇甘好味啦, 因為食唔到佢嘅香味嘛, 我係係佢一送到過來果一刻就即時用豬油倒落去個大木桶到, 加埋d是油, 然之後攪攪攪,,, 之後再焗一陣(半至一分鐘到啦), 嘩嘩嘩, 超級"正"呢, 因為d飯真真正正吸收晒d香味嘛, 哦,,,,,,,,, 諗起都想日日食呢, 哈哈,

九龍城出名美色多,今次來到粗菜館~我們點的菜色大部份都是招牌菜:家鄉煎魚餅 好有家鄉味道,唔錯炒豬雜 一般,唔夠獲氣梅菜扣肉 味道好,豬肉好食但梅菜炆到”淋”晒,冇咬口辣椒炒田雞 辣辣地好開胃,田雞炒得剛剛好雞酒湯 米酒味道好濃,唔岩我口味豬油飯 豬油同豉油perfect match,幾好雖然每樣菜色都不算十分好,但以這個價錢(總共5人,每人$75)有咁既質素的確有賺

係九龍城覓食，花多眼亂，終於決定嚟呢到試下d高胆固醇食品 : 豬雜。六個人叫咗都幾多餸，但都全部掃清。記得嘅有:薑葱炒豬雜：極力推介，薑葱嘅香味令豬雜唔怕有一陣"so"味，而豬雜亦炒得火候剛好，生腸夠脆，豬膶爽脆得嚟而入面夠嫩，豬肚唔靭，好好食家鄉煎魚餅：叫咗一碟意猶未盡，再叫多一碟，一樣食晒。魚餅落足魚肉，冇乜溝粉，夠彈牙夠鮮甜，煎（或者炸）得唔過火，外脆內滑，唔駛點蜆介都非常正。東坡骨：排骨用東坡肉嘅煮法，有ｄ人覺得甜咗一ｄ，但自己就覺得甜得嚟幾討好，而且個排骨炆得夠騷軟夠淋。炒菜同魚湯勝瓜：兩個清清地嘅餸都幾好，前者唔油而勝瓜清甜。口水雞：唔係心目中四川式嘅口水雞，主要用麻醬加ｄ辣油，鍾意食辣肯定覺得唔夠候，但味道都還ｏｋ。乳鴿: 鴿身都幾大隻，唔算"乳"鴿，個鹵汁幾好味，算唔錯。地方雖然一般（我坐係樓下，唔知樓上點樣），但食品水準真係好，而且招呼幾好，價錢算相宜，會再試。

2009年2月1日晚飯 – 粗菜館(九龍城)一直都希望重拾讀書時代到粗菜館食飯的回憶, 可惜事與願違…是晚與男友到又一城睇完波兒後, 特意到九龍城來幫襯粗菜館, 卻大失所望, 以後一定唔會再去… 只點了兩個餸, 諗住食住先再叫, 點知d食物水準令我地大為卻步, 真係唔再叫得落手…1. 蔡瀾咸魚醬茄子煲 – 咸魚醬完全唔夠味, 唔夠咸亦冇咸魚既香味, 自問都唔算係食野要濃味的我, 都嫌味道不夠, 可想而知真係好差…茄子亦煮得唔夠腍, 唔夠味又唔夠腍, 點算得上叫茄子煲…我地好肯定屋企樓下既茶餐廳或者大排檔 $30/$40既貨色都一定煮得好味過佢, 就算買李錦記既魚香茄子醬料包返屋企自己煮, 都一定會好食過佢, 起碼一定會夠味同夠香… 2. 招牌炒豬什 – 就係為左呢個招牌菜而來的, 同時亦因為呢個招牌菜決定以後都唔幫襯… 對上一次食我想都已經是數年前的事, 但仍然記得當時既鑊氣, 薑蔥的香味, 以及豬什的爽口…我想就算沒有以前的水準作對比, 未食過的人都會食得出而家既水準係有幾差…有薑有蔥但炒唔出它們既香味, 看相片大家都應該睇到豬什炒到濕淋淋, 食落黏口, 怪怪的, 最離譜既係d豬什

個黃金蝦球好有水準,d 蝦整得好爽好新鮮,個面d旦蛋起晒沙......好好味~~~~~除咗黃金蝦球, 其實仲叫咗碟抄豬雜和上湯浸勝瓜.....上湯浸勝瓜d 湯都好好飲...唔算多味精.....個豬雜係招牌菜.....都好好食嫁!!

參加一聚會完畢, 漫步到九龍城衙前圍道粗菜館午膳. 喜其坦誠踏實, 烹飪餸菜得法.各選心頭好, 本人特別推介兩款佳餚:香辣脆魚腩, 香辣味適中, 魚肉拖以薄薄粉漿炸之, 這樣保持魚滑肉嫩, 但不失爽脆 效果. 每到必要的菜式.炒豬雜, 這款菜式, 令我對廚師之廚藝極度欽佩; 試想豬肚與豬腸不易受熱, 而豬腰 及豬膶則易熟, 以此同下炒之, 必然有生熟不勻之弊; 當時想或以難熟者先炒; 稍 後把易熟者後下, 是否解此難題? 效果仍有差距. 粗菜館炒豬雜卻無此問題, 僅能 以廚藝精湛, 選料有法譽之.有機會請教名廚師, 以選用豬隻有關作答. 是耶? 非耶?粗菜館能以炒豬雜及香辣脆魚腩風行至今, 我服之, 非因明星效應, 亦非名家推荐; 而是服其烹飪粗中有細!!!

魚腩粥 - 好味, 很棉梅菜扣肉 - 梅菜太諗, 扣肉不夠火候, 整體太鹹鹹魚醬炒芥菜 - 菜根去皮值得一讚, 但沒鹹魚香炒豬什 - 爽口, 但太鹹, 醬汁太杰價格 - 以地方環境來計算, 一般排隊先入人多, 才入人少的, 太差, 太不公平

今天假期，中午老遠一心去吃炒豬什，但居然因豬什還沒送到，而沒法提供，最後只能點其他菜。店內每一台都叫的招牌菜，居然沒有，真使每台客人失望。其他食物如蜆介炒牛肉太鹹，東坡肉及鯇魚腩還OK。 老闆應該認真撿討。

是晚到九龍城吃晚飯，原本不是以粗菜館為首選，但因那店子的出菜速度極慢，家人等得不耐煩，便移施到粗菜館。看看餐牌，看看牆壁，滿眼都是食家、名人的推介，因這次是我首次到此店，我當然「照跟」。侍應先後端來八碟小菜，說真的，並不是碟碟精彩。以梅菜扣肉為例，色、香、味方面跟客家好廚的仍有頗大距離，腩肉缺乏油光，亦不是肥瘦分明，更有些嚡口；油泡田雞的味道不鮮明突出，肉質亦比不上彬記的嫩滑。是晚倒有可讚的菜式：炒豬雜用料新鮮，炒得香口惹味，煎魚餅夠彈牙，味道鮮美；咸魚醬炒通菜有著獨特的咸香，通菜也算爽脆。整體來說，這裡的菜式不太突出，不夠滿足，是名副其實的粗菜，若身在九龍城，又不喜歡等位的朋友，這裡也可是一個選擇。

上星期和媽媽、男友吃飯，一定很緊張，因為怕嘴饞的媽媽不喜歡，所以選在九龍城，應不會有太差的店吧。而且還選蔡瀾點名的招牌店子，實錯不了。但去到有一大桌朝洲人坐在一圍高談闊論，店子樓底不高，很應聲，環境較嘈雜，他們至我們吃完還未走。點了家鄉煎魚餅、梅菜扣肉、油麥菜(這三款也是餐牌的推介菜)，還有例湯、豬油飯、白飯、白粥。例湯很不錯，用料十足，而且沒有味精，每人可有三大碗。十分滿足。梅菜扣肉上桌真的有點擔心，個樣都幾肥，但又擔心會吃不停口，真的應驗了，真的連肥肉也吃下，而且梅菜也很多，可以撈很多碗飯。但豬油飯來到有點失望，原來只是一桶白飯，加一碗豬油，吃時要把飯加在碗中，再把豬油隨喜好加入，千萬不要把豬油加在桶內，侍應會阻止的，味道欠想像中的香，只有一點點，如和梅菜一同吃肯定會蓋過。下次想吃豬油飯的，可以只一個人叫，其他叫白飯撈埋都是一樣的，而且便宜很多。跟著便是較香口的魚餅，魚味很香，但質感則諗了一點，沒有想像中的惹味，但那些點的芥醬配合在一起香氣更逼人，如沒有那碟醬肯定失色不少，反之油麥菜很惹味。類這店子味道不錯，但今日試的很多都是油膩食品，都是少吃多滋味。我成日都覺得這店子是蔡瀾開的，

我同男友兩個，叫左四個餸1. 蜜味東坡骨 (太細碟，但好正)2. 乳鴿 (唔覺得好食，又唔係難食)3. 水煮牛肉 (好味，辣辣地)4. 涼瓜炒豬頸肉 (幾惹味，但炒出黎果陣，個賣相唔得，d餸側埋一邊)一入到去個老細望都無望下我地，掛住數錢，我地坐低成幾分鐘先有個阿姐走埋黎重要自己攞menu =.="""整體都ok，但好似細碟左d都會再去ga

昨晚有澳門朋友來了香港，我就趁機食大Ｄ:初初還怕找不到位，下午五時多，才打去訂位.... 竟然連電話號碼也没有問我，就掛了線... 莫非傳聞中的"服務員態度差" 是真的　　　？因為黃色暴雨所以遲了十五分鐘．．　心想一定没有位，又或者要等很久．．不知是否下大雨．．　還是"呀蘇"熱潮已過，只有一張枱有客．．我們二話不說．．坐下就點菜，雖然我們只有三人，話明食大D．湯連餸總共八個菜－　雞酒湯　－　酒味，雞味，可以．　不是太突出－　鹵水乳鴿　－　雖然話招牌菜．只可以說可以．－　椒鹽軟殼蟹　－　出色．　很少吃到乾身且不油的軟殼蟹－　梅菜扣肉　－　可能太有期望，有點大喜過望－　家鄉煎魚餅　－　香口，好味－　ｘｘ炒通菜（好似鹹魚醬）　－　大大碟，不算太惹味－　水煮牛肉　－　好一般，　無辣味，　牛肉好似落左梳打粉．－　黃金蝦（唔肯定餸名）－　在出色的軟殼蟹後出現，自然有點遜色不是太驚喜，可以接受．　但有一樣要為服務員取回公道的，她們的態度友善，有笑容ｏｋ．　　不是傳聞中的侍應服務嘛嘛哋，希望客人多的時候都能保持啦今次忘了試豬油飯連一個白飯及一枝汽水，埋單連Tips HK$500.

得龍效應未過，期間要多吃點粥品、湯麵、沙律作過渡。路過這裡，未試過又走來看看，看菜式都幾吸引，就坐下點兩味試試。熱辣辣天氣，吃粥也只想吃白粥，再來一客煎魚餅，一人吃該差不多了。白粥其實可以即上，靚姐卻細心地問洗唔洗等埋魚餅先上，噢，都好。魚餅是即煎的，要等上一回才有得吃，伴碟有蜆芥汁，鹹腥帶酒香的蜆芥汁用來蘸魚餅吃不錯，更好的吃法是用來配白粥，白粥米多水少，頗綿，是碗幾沉實的飽肚粥品。魚餅即煎已是有分加，無多餘添加物，純以鯪魚打起，打得鬆泡，口感軟熟，功夫到家，由於天然，要加點蜆芥汁提鮮，幾件香鬆魚餅，一碗白粥，就滿足地埋單去。其時靚姐同師傅落場打牌，閒聊一陣，有機會會試埋再來「粗粗地」一餐的。