粉果佬

營業中

休息中

今日山長水遠嚟大埔搵fd，順便搵吓好嘢食呢間ig一向見多人食，嚟到門口果然排晒長龍，等極影相都好多人，個個都放工嚟吉串燒賣，所以放棄啦😂拿走食啦🥢燒賣💰是必叫的，一向好鐘意食魚肉燒賣😍好彈牙，本身燒賣都好味，加埋甜豉油冇得輸，好正👍🏻🥢粉果💰見前面都好多人揀，我就跟埋一份，平時少食粉果，呢個粉果好多饀，味道啱啱好，冇話太咸👍🏻粉果皮煙韌👍🏻聽講話再夜啲嚟都會賣晒，好誇張🥢魚肉💰細個都好鐘意食魚肉，好耐無食啦，一食返味道依然，好多麻油胡椒味，魚肉彈牙有咬口，唔會太粉，好味😋⭐️4星/5星🈵分🚩粉果佬 (大埔)📍大埔安慈路4號昌運中心地下32號舖

對於放工長期都肚餓既我，我絕對係粉果佬既鐵粉🤣 特別係等等下巴士，聞到陣燒賣、粉果香味，就好不自覺地吸引左我埋去😊魚肉燒賣 $10/5粒第一次食果陣覺得$2粒燒賣好似有啲貴，但食過一次之前就覺得依個價錢好合理🤓 因為真係大大粒，咬落係又煙韌又香既魚肉🐟 口感十分彈牙，絕對唔係街邊買到、咬落全舊都係粉果啲普通魚肉燒賣😌 食過就知分別係邊‼️ 朋友特別推介粉果佬既自家制辣椒油🌶可惜我唔食得辣，搵次一次要試試佢😎咖哩魚蛋 $10/8粒食港式小食又點可以無魚蛋呢😙 無淋辣汁所以唔算好辣🌶 魚蛋好彈牙，無我好唔鐘意既果皮味😂 10蚊8粒醫肚一流呀!! 碗仔翅 $22我多數都係食燒賣、魚蛋同粉果，今次係我第一次試碗仔翅，原來一直走寶了😏 連媽咪都話好有幾十年前傳統碗仔翅既味道，好多年無食過🥲 碗仔翅一啲都唔稀，仲超足料，特別喜歡海量既木耳、冬菇絲，又爽口又香😋 狂加醋加胡椒粉真心正，下次一定會再食碗仔翅🤩

難得入大埔 就去試吓好出名嘅粉果佬夜晚7:30去到粉果已經賣晒 所以轉戰食燒賣魚蛋1️⃣燒賣$10/5粒燒賣本身質地比較實淨，個人就比較喜歡彈牙少少食燒賣一定要豉油配辣椒油，佢個辣椒油簡直係神來之筆唔會係嗰種死辣，而係好香口嘅辣，食到我額頭有微微出汗，但唔係食到好辛苦個種辣，會想不停浸佢d辣椒油2️⃣魚蛋$10/8粒比起陳皮魚蛋size大些少質地偏硬但未到陳皮魚蛋嗰種實淨不過不失，都係辣椒油令到成件事昇華晒當日叫咗$20燒賣$10魚蛋魚蛋姐姐可能慣咗手勢舀開$10燒賣所以差啲比少咗燒賣，建議大家睇實姐姐有冇舀少比你啊

🗣order雖然叫粉果佬 但燒賣比起粉果更出色遺憾是最近戒辣 無食到加辣油 幸運是不用排長龍 只等前面五六個就到我🔸手打魚肉燒賣 必試推介（🌟4.2/5）$10/6粒燒賣正 重魚肉味而且好彈唔似平時咁大團面粉既感覺🔸粉果 （🌟：3.8/5）一場黎到但一開始無哂 要等二十分鐘最後行左陣等埋出爐就拎住匿埋係7-11到避雨🤣 粉果好足料而且好大粒🥰🔸奶茶 （🌟：3/5）好少樽裝奶茶咁香同有茶味不過再少啲甜就好 但呀姐話奶茶係佢地獨家自創 無得少甜 但$22一枝有啲偏貴註：12:00 pm先開門

去到大埔點都要試吓粉果佬，個姐姐好好送多咗一粒俾我。個皮都幾煙韌，入面好多餡，蝦米味濃，加埋菜甫好有咬口。秘製辣椒醬都幾辣雖然已經叫咗小辣…門口掛住個招牌寫住”粉果” 好易搵

因為有燒賣關注組嘅加持，呢間小店之前日日大排長龍，我去嗰日都要等十個到先到。雖然我唔鐘意等，但作為九龍人，長途跋涉嚟到大埔都一定要試試佢。燒賣, $10（2/5）一份燒賣有六粒（而家加左價，得番五粒），因為係手包嘅關係，每一粒都有啲唔同樣。我地喺面頭淋左少少豉油同辣油。燒賣入口較實同煙韌，辣油又香又麻，但個人唔算食到比其他店突出嘅魚味。可能因為網上咁多人大讚同排隊，到我食到時反而有啲少失望。不過兩蚊粒其實唔算貴，所以如果經過又唔使排隊嘅話，都可以買嚟過下口癮嘅。

魚肉燒賣 Siu Mai $10/5 The chewiness does make this shop stand out from the pool of fish shumai available in Hong Kong, but given its popularity, I expected it to be softer. Yet, I could tell that loads of fish meat instead of flour is used in each shumai. Overall, it's worth visiting when you are in Taipo and don’t have to line up too long for it. Rating⭐️: 7/10 .燒賣關注組熱捧嘅粉果佬❤️ 由於燒賣係每日新鮮手打，所以的確係好煙靭😋 魚味都好濃，feel到冇偷工減料。不過如果再軟棉啲就更加好味🙈 總括來講如果去開大埔都值得一試嘅🥰. 粉果佬Address: G32, Fortune Plaza, 4 On Chee Road, Tai

星期日入大埔搵朋友聽講大埔粉果佬既燒賣好出名好多人排隊難得去大埔點可以唔試下呢11點幾去到竟然冇人排隊一於就試下佢地既燒賣啦蒸魚肉燒賣 ($10五粒)$10五粒大大粒既燒賣算抵食店主好好人送多一粒比我可能期望過高食第一啖覺得有D普通如果要排半個鐘以上的話我覺得唔太值得

大埔昌運中心的粉果佬好有歷史又有名氣，今日遠道來到大埔辦事，把握機會試一試。試了魚肉燒賣和家鄉粉果。魚肉燒買的確係比普通的好，但不及筲箕灣呂仔記，主要是唔夠彈牙，証明始終是粉多。粉果更是餡少皮厚，內餡太少令到欠缺口感，幸好外皮還算煙韌，不過其實用澄麵做的粉果皮都好難唔煙韌，總之就是失望。還是辣椒油夠辣夠香，配埋豉油汁都不錯。賣嘢的阿姨好好人，無端端話畀多一粒燒賣給我，好吧，手鬆啲，給你OK的評價吧。

今日同屋企人去完慈山寺就去大埔酒樓食飯見有啲時間 就周圍行下見到傳說中的粉果佬仲要冇咩人排隊2話不說 即刻去買來食買左粉果、燒賣、魚旦但覺得燒賣比粉果更好味🤭粉果皮好厚 感覺冇咩肉 只食到皮燒賣反而好出色

嚟到大埔 點可以唔試吓大名鼎鼎嘅粉果佬燒賣！對上一次嚟啲人多到都仲係打緊蛇餅 今次就一個人都冇 唔同熱潮減退咗定味道唔同咗🤔🍴魚肉燒賣 HKD10/5粒外型睇得出係手工包 粒粒size都唔同~拎上手嘅時候唔算熱 頂多只係微暖鋪面嘅辣椒炒得好香 好啦 講返燒賣本人 第一啖食落去嘅感想就係 吓 係咁咋 🥲 果然有期望就有失望食落去粉感較重 有少少魚肉味 質感就偏淋 唔係走彈牙路線 不過真係有種懷舊味道辣椒油唔算好辣但勝在夠香 結論係 個個嘅燒賣口味都唔同 呢間我就一般般啦 🤏🏻🚩粉果佬 大埔安慈路4號昌運中心地下32號舖

終於試到大名鼎鼎嘅「大埔粉果佬」！（$10/6粒）👅朋友話佢第一次見有小食店會咁多人排隊🤣 我哋大概排咗20分鐘，燒賣熱辣辣，粒粒都唔同樣，人手包即刻蒸，食落好有咬口，超煙韌，但魚味唔出。味道同質地都無係其他地方食過，果然係自家製！佢個辣醬真係加分，有渣、辣中帶麻，愈食愈辣，但幾有層次。我覺得未食過嘅可以一試，但我鍾意魚味濃啲嘅燒賣，所以wingwing.foodfood最愛都係紅磡林記！🥰粉果佬地址：大埔安慈路4號昌運中心地下32號舖。

話說多得燒賣關注組，令到呢間小食店出晒名。之前每次搭車經過都會見到佢大排長龍，熱潮減退之下見到佢冇咩人排隊。於是乎就試吓啦。其實佢喺廣福邨嘅時候我已經食過一次。當時覺得都唔算話好好食。見佢搬咗嚟新鋪之後，又咁多人推薦。於是乎決定俾多次機會佢。我係喺星期日嘅下晝到呢間食店。人潮唔算多前面只有三個人排隊。我叫咗$10蚊有5粒燒賣，除咗燒賣之外佢仲有其他小食。但既然大家都推薦燒賣嘅話。好似試返燒賣係最穩陣。只能夠講佢係一粒普通嘅燒賣。完

行山活動搵食搵到入大埔，難得訂到翻新後小白鷺餐廳食Brunch，所以順手試埋係車站旁，香港燒賣關注組名物既粉果佬燒賣。.路盲眼盲足足兜左兩個圈先搵到間鋪仔😂，上網睇話排長龍所以大安旨意搵人群，結果門口咩人都無，我仲擔心係我自己搵錯鋪。.燒賣 💲10/5⭐️3/510蚊5粒大大粒其實都算抵食，雖然網上面睇明明係$10有6粒😂。係全手作燒賣，宜家已經好少。但可能吹捧得太離地，係大大粒款式。我其實唔太食得出入面冬菜同魚肉，只係覺得豉油好鹹（可能因為食開嘅燒賣豉油都會落糖煮過）同埋個辣椒油幾辣。總括嚟講，特登去會有少少失望。.🔸我唔食粉果所以無試埋，如果唔係咁岩經過不可一不可再。

上網睇到唔少食評都話呢間嘅燒賣好好食，咁啱屋企人又經過附近，於是拜託佢買d返屋企試下味道。今次買左燒賣同粉粿：燒賣粉味重，無魚肉味，食落口感奇怪；粉粿皮太厚，餡料亦麻麻😥總括而言，同期待嘅味道相差甚遠