粉果佬

營業中

休息中

因為有燒賣關注組嘅加持，呢間小店之前日日大排長龍，我去嗰日都要等十個到先到。雖然我唔鐘意等，但作為九龍人，長途跋涉嚟到大埔都一定要試試佢。燒賣, $10（2/5）一份燒賣有六粒（而家加左價，得番五粒），因為係手包嘅關係，每一粒都有啲唔同樣。我地喺面頭淋左少少豉油同辣油。燒賣入口較實同煙韌，辣油又香又麻，但個人唔算食到比其他店突出嘅魚味。可能因為網上咁多人大讚同排隊，到我食到時反而有啲少失望。不過兩蚊粒其實唔算貴，所以如果經過又唔使排隊嘅話，都可以買嚟過下口癮嘅。