粉果佬

營業中

休息中

上網睇到唔少食評都話呢間嘅燒賣好好食，咁啱屋企人又經過附近，於是拜託佢買d返屋企試下味道。今次買左燒賣同粉粿：燒賣粉味重，無魚肉味，食落口感奇怪；粉粿皮太厚，餡料亦麻麻😥總括而言，同期待嘅味道相差甚遠

滿心歡喜係大熱天時特意山長水遠入到大埔試食， 排左4，5個人就到。 加左辣醬既燒賣， 覺得燒賣只有粉，無魚肉香味， 失望。 辣醬ok。豉油有色無咩味。 相反咖里魚蛋好食d， 價錢實惠。

宜家冇得去旅行，放假走動少咗，決定要去健康人生一下⋯⋯踩單車！點知踩踩下好鬼大雨，迫於冇奈要避雨同順便稍作休息啦，十分之有緣咁停左係呢間小食店附近好耐以前已經聽聞過大埔呢間粉果佬嘅燒賣好好食，今日一見真係覺得好誇張⋯⋯「呢間小食店真係好鬼多人排隊」排左都成二十分鐘終於買到，其實我本身真係唔算太餓，所以就咁好簡單地叫左$20魚肉燒賣餐後感：我本身都好鐘意食燒賣只要燒賣我都覺得好好食😋（當然講緊正常煮熟嘅燒賣啦）抱歉呢間燒賣並冇為我帶黎好大衝擊不過如果唔駛排隊的話，我唔介意食多幾次

今次特登山長水遠嚟大埔食嗰燒賣同粉果，其實之前東張西望講過嗰個顧問費點點點，就已經好想嚟試吓，今日終於得閒過嚟試吓，$10/6粒燒賣，$12/3粒粉果。自己本身都對燒賣有啲研究，因為自己中意食但今次嚟到試真係有啲失望，無嗰種好香魚肉嘅感覺，冇乜口感，林得滯反而粉果啲餡料又真係幾好食，你皮都算煙韌，但你嗰邊邊就硬咗啲了😂 佢會問你要唔要辣，我強烈推薦中意食辣都唔好要辣，因為佢嘅辣油反而令到嗰食物嘅質素下降，得辣，唔好味總括嚟講，用價錢去睇係正常嘅，但唔太明點解要等咁耐，我夜晚6點幾去到都要排5分鐘左右😂

期望愈高 失望愈大(｡•́ - •̀｡)⁣⁣▫️魚肉燒賣 💰10/ 6粒⁣↬ 聽聞係全港最好食既燒賣 打開盒望落個樣都幾大粒 睇得出係人手包 但食落冇咩魚味 唔算好彈牙 加左辣油同豉油 個人認為味道好一般⁣⁣▫️家鄉粉果 💰10/ 3粒⁣↬ 粉果都幾大粒 但一咬落去就出事 個皮好厚 不過幾煙un 入面個餡同平時食開既冇咩分別 都係有啲豬肉花生粉葛⁣⁣ᐠ ♥︎ ᐟ當日4.幾去到已經見到大排長龍 由於🐼係燒賣控 同埋難得入到大埔就試下 都排左起碼半個鐘 而且每人限買💰30燒賣 💰20粉果 可能太高期望 真係有啲失望 除左粉果燒賣 仲有碗仔翅同其他小食 但🐰就唔會再排隊食 都係食翻金華阿伯燒賣(*´罒`*)⁣⁣

山又長水又遠黎到大埔一定要試下大埔出名既粉果佬有六樣食物選擇，一場黎到梗係要試下唔同既野，叫咗2份燒賣（$20有10粒）、1份粉果（$12有3個）同埋碗仔翅燒賣真係粒粒都大粒有分量，呢個價錢可以食到10蚊5粒仲要唔係細粒，食得出係人手包同有少少既魚肉味，配埋自家制辣醬係正既，粉果正正常常，個皮本人就覺得厚咗少少啦，但配埋個醬都係正既有少少失望既就係個碗仔翅，材料係俾夠既，但個質感較為水咗少少，搞多兩搞就水水地，味道正常

網上面搜羅邊度有好食嘅燒賣今日就黎大埔粉果佬朝聖叫咗粉果同必試燒賣粉果皮薄饀靚 入面真係好足料燒賣其實都好食魚味濃又好煙韌 加埋辣油都真係好香下次都會食嘅不過就無網上講到會飛嘅燒賣係好好食嘅燒賣above average lahh!!P.s. 個人幾鐘意佢地門面裝修 好有特色！

之前個排畀「燒賣關注組」吹奏得好勁，見到唔少人特登入去，排曬長龍🤔個日咁啱入大埔，經過又見到冇乜人，所以就去順便試下👻👻~~~~~~1️⃣魚肉燒賣($10六粒) 2/10燒賣的偏向軟身，食落感覺皮厚，似蒸左好耐而發脹嘅一舊粉😖咬開睇得出啲的確同出面個啲唔同嘅，據聞係用肥豬肉、鯊魚肉、冬菜、葱頭等手打而成，煙韌但肉質較實🤭但我就唔係好食到魚味，可能我真係唔識欣賞啦....傳說中嘅秘製醬汁就普通 (我公司樓下個間早餐舖嘅反而仲特別啲😬)，而且落得唔夠，食上面個啲完全濕唔到汁，好乾😞2️⃣家鄉粉果($10三個) 3/10小編本身就唔食粉粿嘅，但係同行友人嗌左都覺得一般，不過都好食過燒賣.....😳~~~~~~⭐️回頭指數：🌗🌑🌑🌑🌑同行朋友一致認為試過一次就夠啦👋🏻因為街邊成日食到嘅金龍都好過佢🤨如果真係要要長途跋涉入大埔+排隊先食到，真係🥶🥶🥶

CP值：3.5/5價錢：- 魚肉燒賣Fish Siumai: $10/5 pieces- 粉果 Teochew Dumpling (Fun Guo): $12/3 pieces尼間野成日都排長龍，個日好彩只係排左5分鐘👏🏻尼間嘅燒賣就唔係豬肉餡，而係魚肉餡嘅因為係用大地魚、鯊魚肉同豬肉打成，所以好有魚味，唔會食到成口粉$2一粒俾真魚肉你食喎，真心抵「粉果佬」就緊係有粉果賣啦！個粉果皮摺得好靚😍我最怕去飲茶食個啲粉果，成日一拎起就穿晒啲餡出黎😩尼間嘅粉果唔會有尼個問題，而且好煙韌👍🏻但有啲人可能會覺得個皮好厚😅啲餡真係淡味左啲，唔係好食到粉葛同芹菜以外嘅餡料...

窮遊香港-大埔市中心出名小食店粉果佬 原來佢既燒賣比粉果出名 比加姐捉左去試試 由於帶住滿滿既期待 要超認真品評一下 但最後評價就一般啦 .即使好出名 但都唔洗排隊 可能因為近期加左價先講講辣油 唔錯Wo 明顯有辣椒渣小小辣香 充滿後勁既麻辣 食完如果唔飲嘢嘴唇可能會媽潤腸 漲住半個鐘 過癮.⭐️粉果$12 3個 粉果形狀似餃子😓個皮有少少未煮透有小小白色而粉果不嬲皮相對都會比較厚 正常既👎🏻亦都因為餃子包法下 入面餡料更少👌🏻價錢$12 3隻唔貴但其實平時酒樓黎貨小點 已經可以好好食圓形潮州粉果嘅包法 餡料比佢多 通常都晶凝通透相比之下 呢個粉果算係做得好差.⭐️燒賣$10 5粒 網上相對多人吹捧👍🏻入口有明顯魚味 其實做得比其他燒賣好👎🏻但質感方面好鬼鬆散 仲有啲滑潺潺🤦🏻‍♀️魚肉黎講 我個人就唔太鐘意呢個口感硬係覺得怪怪地.‼️仲有望番貼係門口既報章介紹燒賣材料‼️原來落左 鯊魚肉 同少量五花肉總結 ok既 但我就唔會過份吹捧啦. #粉果佬 (大埔)地址：大埔安慈路4號昌運中心地下32號舖.⭐️評分：味道：3/5 粉果 2分 燒賣ok啦3分環境：-/5服務：-/5抵食：3/5

“魚肉燒賣”($10/5粒)“家鄉粉果”($12/3個)“咖喱魚蛋”($10/8粒)之前因為燒賣風暴鬧得熱哄哄嘅粉果佬生意亦都隨之返生😂不少人都慕名而來,成日都大排長龍身為燒賣同粉果fans嘅我去開大埔當然都要襯吓熱鬧🤣平日大約5點幾嚟到排咗大約5分鐘就買到係可接受嘅範圍入面🤣要咗燒賣,粉果,魚蛋各一份叫得粉果佬就試一試佢個粉果先😆一咬落去心諗個皮點解可以厚到咁😂餡料都係常見嘅芹菜,粉葛同豬肉🐷因為皮太厚,餡料份量當然相對較少😂第2樣試佢個燒賣食得出係同出面麵粉多過魚肉嘅燒賣唔同嘅除咗魚肉,仲落咗肥豬肉,蔥頭,冬菜等但講真算唔算好驚豔我又唔多覺😂最後試埋個咖喱魚蛋魚蛋十分彈牙,呢樣反而有驚喜😂總括嚟講唔駛排隊就可以食吓嘅味道未去到要特登嚟食嘅程度囉😂

因為傳聞中係要排勁耐隊，所以慕名就嚟睇一睇實際又唔係好多人，完全唔使冇人即買即有魚肉燒賣加 粉果 廿二蚊粉果皮太厚， 入面啲餡好食，餡入面有沙葛、蝦米 、西芹爽口好香好食燒賣彈牙有魚肉味好食名氣過大實際就係一般，一試無妨，不會山長水遠走嚟試

成日都有聽人講粉果佬燒賣好出色，一直都好想試，但由於真係太多人排隊，所以每次都好唔想排。難得見到少人既一次！即買！終於明點解咁多人排隊-👅魚肉燒賣（💰$10/6粒）👍🏻8/10分尼度既燒賣係我食過咁多年最好食😭😭佢既皮厚度岩岩好，勁有口感又煙韌，💕💕唔知有無人同我一樣食燒賣一定要落辣椒🌶️！$10六粒手包魚肉燒賣，性價比十分高。重點咁多年都無加價過！大推介👍🏻👍🏻👍🏻-👅魚蛋：咖喱魚蛋💰$10/8粒）👍🏻7.8/10分魚蛋食落好彈牙，唔知點解好有魚味🤣🙈佢既辣椒油真係精粹！必落！（有得就咁買辣椒醬）🌶️-👅家鄉粉果：💰$10/3粒上網聽人講好出名，都好多人推介，但由於我放得太長時間先食，皮都已經變硬哂，所以不作評論🙈🙈-📍粉果佬📍大埔昌運中心32號地下

今日入大埔食晚飯前，順便去試一試大埔出名的燒賣店先！見條排唔長就排隊買黎試下食，大約排左5分鐘就到我！由於我將會晚飯，所以只食了魚肉燒賣，出名是人手即做，手功野燒賣比出面大粒的，無雪味，感覺手功即做的新鮮！但係如排隊超過10分鐘的話，我就唔會排隊（你地可以覺得我無耐性）！不可去開大埔又見唔長龍的話就試下食，因味道真係唔錯，但又未去到唔非食不可的地步

街坊系列 – 粉果佬💚聞名己久既燒賣粉果大佬🙇🏻堅持每日人手製造💪🏽上真材實料保留香港人既味道🇭🇰------------------------------環境: 只有外賣🥡眼見入面就係工場👁️👁️衛生程度唔錯🧤店員都有帶口罩------------------------------食物: 粉果+燒賣+魚蛋 ($50)粉果:皮厚, 餡少😓一啖過食🤢基本上都係粉皮味單獨食餡🧐其實調味係唔錯材料都新鮮😥但個皮喧賓奪主燒賣:真材實料🐟魚味香濃但食既時候要小心DD⚠️小編其中一粒食到有魚骨‼️魚蛋: 合格🈴無特別唔會一口粉味,但魚味亦唔突出------------------------------服務: 店員手勢純熟😂每個客人基本上一分鐘內完成合格既🐉始終真係好多人排隊等------------------------------環境: 5 /10食物: 5 /10服務: 5 /10地址: 大埔安慈路4號昌運中心地下32號舖人均消費: $ 20 - $ 50