米走雞Live

營業中

休息中

米走雞係上次食過之後念念不忘，今次揀左呢間有live band既分店同屋企人食飯😋黄金芝士(小)因為記得佢雞煲係好足料，又想留肚打下邊爐就叫個細既但其實佢加左邪惡拉絲芝士都幾飽肚下雞件好多都係大大舊加上啖啖肉😚竹笙墨魚滑呢個係上次食過覺得好好食，出面好少見有呢種，竹笙爽脆既口感加上鮮味十足既墨魚滑，真係好有風味，所以係必叫😋哈哈蝦中寶呢個都係幾有特色既一道菜，第一次食，有成半個拳頭咁大☺️釀左原隻鮮蝦係入面，上面加上口感豐富既魚子,係足料之選🤗🤗鮮炸響鈴響鈴又係好大一嚿,點湯可以吸收哂d精華,不過建議應該啱啱打邊爐就落，唔係最後會比較多油😜日本廣島蠔六隻蠔隻隻都好肥美飽滿🤗食落好重鮮味檸水調味料總結黎講我覺得呢度既菜式都幾有特色，會有好多小有既材料可以打邊爐食，而加都係大大件咁，所以性價比好高，人均食左249，下次會再黎聽歌食雞煲😋😋

這陣子天氣悶熱，食辣好開胃，今晚一於同好姊妹開懷暢食，啤一啤，慢慢傾。今日嚟到觀塘apm行街搵到附近Wave都有米走雞，今次係Live，晚飯時間有歌手唱歌助慶，感覺好輕鬆。喜愛麻辣的好朋友點了輕麻辣(一隻辣椒)，味道濃，入門吃辣的我努力練習，慢慢習慣麻辣的麻，香辣的辣。店員端上雞煲加熱，轉頭回來幫忙炒起雞件，本身落咗玫瑰露，一點火，香辣麻味更加出色，今次有經驗，準備定手機，趁火打個靚卡。火焰麻辣雞煲(小辣)細~大大件雞，醃得入味，沾滿麻辣醬汁，愈食愈滋味，大家讚不絕口。雞煲吃了八九成，店員會幫忙加清湯/辣湯。竹笙墨魚滑~有趣地將墨魚滑釀入竹笙，使內外各有不同爽法，利用竹笙索汁，墨魚滑彈牙，欣賞廚師的創意。澳洲牛舌~大家想試牛舌，香濃牛肉味，爽口感也美味。脆鯇片~一樣都係爽，鯇片好新鮮，小心有少少碎骨。油麥菜(半份)~份量夠我一個，索滿麻辣湯，繼續搶喉，繼續刺激，正！叫咗支啤酒share，可以解一解雞煲的熱氣。

大家可能見早排 #疫情🦠 好轉少少，好耐無見嘅朋友仔紛紛出現🥳 不過食埋呢餐，好可能又要隔一排先見到大家喇👉🏻👈🏻 既然都約哂出嚟，當然要盡興嘅🍻 不過真係冇諗過佢哋會搵到咁隔涉嘅餐廳 米走雞，仲要食 #雞煲、#打邊爐 咁 #麻甩 啫😅🤣由 #觀塘港鐵站 行過嚟，沿途經過啲 #舊商場、#工廠大廈... 行到嚟大廈門口，#小秘書 已經身水身汗🥵 去到餐廳仲要比個 #大叔 阻難，其實佢想探熱啫😏 唔使成個 #保安 上身咁，企圖攞隻手擋住我，問我想去邊度... 食飯囉🤨 過五關斬六仗終於可以埋位😏 個肚鬼咁餓，好在早到嘅朋友仔已經叫定個 #麻辣雞煲 等我哋🤩 我記得每次食 #雞煲，#服務員 都會過嚟左炒右炒幾轉先食得，但係 #米走雞 個雞煲原來係 #即食版，加啲酒炒兩炒就食得... 不過點解成煲都係 #雪雞髀肉 嚟嘅？我食開嗰啲係 #有頭有頸有胸有腳 㗎喎🙄 味道有啲 #麻，不過真係甜咗啲囉👉🏻👈🏻 食咗兩舊雞，朋友嫌啲雞 #酒味太濃，諗住加啲水，點知個 #服務員 hur hur聲咁倒咗成大煲水落嚟... 大家望住煲湯👀 唯有迫住跳步打邊爐啦👉🏻👈🏻 好彩佢啲火鍋料都唔差嘅，尤其係 #響鈴、

呢日同男朋友嚟咗打邊爐我哋都好鍾意呢度又有live聴吓，今晚嘅歌手把聲very good我哋叫咗皮蛋芫荽湯底原來唔係得皮蛋芫荽，仲會跟埋栗米啲粟米仲要勁甜令成個湯底更加清甜好大碟嘅娃娃菜新鮮爽口新鮮嘅牛柏葉，份量又係好大方蟹籽鮮蝦滑用新鮮蝦肉打成非常足料特別鮮味彈牙，一啲腥味都冇調味都啱啱好唔會過咸手切牛頸脊（小份）口感似淋滑少少嘅豬頸肉少少爽口，牛肉味非常香濃食多啲都唔覺好油膩牛魔王必食脆鯇片，口感爽脆清甜冇乜腥味感覺比較健康女士可以食多啲

難得約到4人聚會，打邊爐是最好選擇，朋友訂了座，所以不用等，到步後量個體溫就入座了。芝士湯底是必選的，除了跟雞肉的味夠夾，嚮鈴也是不可或缺的，因為超級索味，還有芋絲~索味之餘亦是健康之選，另外朋友叫了最愛的脆肉鯇~非常新鮮，完全沒有雪味的，哈哈蝦中寶因為太大雙的關係，所以叫了半份，我跟其中一個朋友share一人一半都覺得很滿足，因為蝦中寶實在太足料，而蔬菜亦是火鍋中必點的食物，生菜和油墨菜都很新鮮鮮甜，令我們不用食芝士食得太膩。而live唱歌表演亦為這餐火鍋錦上添花不少

唔明點解會有咁多好評我地嗌左小辣既火焰麻辣雞煲 嘩 個店員點火係咁咦搞兩搞落個醬就話食得 完全冇炒果個感覺 一食仲大獲 咸到以為啲雞浸左係啲咸水7749日咁咸 咸到食左兩細舊就要即刻嗌加湯 唸住放棄啲雞打邊爐啦 加完湯都一樣咁咸 完全唔知點繼續食落去 自問都食得好重口味 但依個雞煲係完全食唔到落去勉強食咁啲配菜 碌菜又唔可以碌太耐 食得好辛苦 完全係俾錢買難受仲要食食下啲粟米🌽 有一舊好似壞左咁究竟憑咩開3間分店 同憑咩有咁多好評？我勸大家真係唔好用依個價錢食啲咁既野不過當日駐場歌手唱歌好好聽 值得一讚👍🏻

麻辣雞煲同火鍋實在太過癮，今次來到觀塘分店食個番尋味～餐廳樓面更大，還有live唱歌，很夠氣氛第二次食麻辣雞煲食得出更細緻的味道，用來製造火焰效果的玫瑰露酒為雞煲加上微微的甜味，但依然辣得夠喉！雞件一如既往好嫩滑，越煲越辣但肉質都冇變韌兩個人食完細雞煲已經七成飽，免費加湯繼續打邊爐，今次點白鱔片，肉質脆口，有鱔味而不腥，夠肥美，正手打五寶丸拼盤保持到水準，質感彈牙味道新鮮，我最愛豬肉丸有菇味～加埋油麥菜，啤酒同烏龍茶，第二次食米走雞都係冇失望！

如果叫雞煲食 啲嘢食一定快過淨係打邊爐叫咗人可唔可以幫我上咗嘢飲先…佢答我“好”但係我坐咗半個鐘 嘢食未嘢都算 就連嘢飲都遲過嘢食 再叫佢幫我上嘢飲先 佢望住我講…講我叫咗 一個推一個 就連個湯底滾到就嚟冇水 啲嘢食都未到😡😡😡😡😡

約左朋友食雞煲，收工之後就去近近地既米走雞～呢到有live聽，氣氛唔錯～麻辣火焰雞煲，叫左小辣，佢既秘制辣醬好好食，因為佢有撒酒既緣故，所以建議都係燒多陣等佢酒精散發左先食～雞件好大舊，而且份量多，味道麻辣好爽😂食完雞煲之後叫左d嘢繼續打下邊爐～半份午餐肉👍呢隻午餐肉好好食，入面有肉塊，食落個質感好正好鍾意食😋哈哈蝦中寶，蝦滑入面包住幾隻原隻蝦仁，仲有蟹籽，好抵食，爽口彈牙，必叫之選👍鵝腸超大份，我fd好鍾意食～鹹檸七好夠味，我覺得比普通7喜好飲。

以往食雞煲都係出名麻辣既口味，大大少少既店鋪都以麻辣配以大蔥，蒜等調味料去製成。但由於自己本身唔太食得辣，有時同朋友一齊食都未必到唔辣既雞煲。今次黎試左呢間鋪既其中一個推介 — 芝士雞煲，終於可以一嘗唔辣既雞煲。呢間既食法都係首先叫左雞煲，然後再有一d火鍋配料比大家選叫，但唔係任叫形式，可能未必岩鐘意任食既人既心水。雞煲黎左，員工都積極講解會加熱幾耐至好開蓋。雞件多肉少骨，比起一般食雞煲多骨少肉既有明顯既對比，同埋食落每一件雞件都十分嫩滑，配合濃烈既芝士醬，同朋友都食到飽肚而回。

食火鍋食到有live聽，都幾賞心悅目。今次接我朋友收工，就返佢喺觀塘食，而家工廈附近多咗新式商場同食肆，這間米走雞live都好吸睛。沒預約，因時間尚早，探熱後就安排坐卡位，吃過都知必點芝士雞煲，芝士味濃，雞又夠軟滑多肉，加個出前一丁變芝士撈丁超正爆，食完雞就開始打邊爐，我們叫了魚皮餃和水餃，反正沾上芝士汁，所有食物都變得濃郁香味，另外叫了非常索汁的竹笙墨魚滑和峰巢豆腐，非常配合芝士的濃滑。膽粗粗試了棉花雞上的棉花(魚肚)，配上芝士雞，做個棉花芝士雞，今個晚餐洋溢住濃厚的香芝士味，加上聽著live，心情輕鬆自在，捧住滿足的肚子走，讚啊！

上星期好朋友生日，一早約左幾個朋友一齊去食餐勁 ，諗左勁耐食咩好，大家又觀塘附近收工，最後大家都係揀左呢間米走雞Live。餐廳環境都唔錯，而且有人現場演唱，氣氛都幾好。呢到咁出名芝士雞煲，梗係要試下啦，佢仲有得比你選擇芝士既份量，我地揀左激量，最後上枱個下我都嚇一嚇，真係超多芝士係面 ，影完相之後姐姐就好好咁同我地講，想好食d就焗一焗佢等d芝士溶晒落d雞到先至食 ，等左幾分鐘終於食得 ，一夾起個下感覺真係超邪惡，拉晒絲咁，食落去雞都好滑，芝士味好正，鍾意食芝士嘅朋友真係要黎試下 。 食完芝士雞煲，佢仲有好多火鍋料可以點，都係好正幾新鮮 👍🏻👍🏻整體都相當唔錯，環境舒服，野食又好味，番食指數好高👏🏻👏🏻

一直想試呢度嘅芝士雞煲，今晚終於約到朋友一齊黎觀塘試試！黄金芝士雞煲點咗個4人份量嘅雞煲，仲揀咗激量芝士，真係未食已經覺得邪惡。一上枱就已經流口水，雞煲上鋪滿晒芝士碎，非常吸引。等咗一陣，芝士融化得咁上下，就起筷啦每塊雞肉都已經被芝士包裹，呢度嘅雞煲，係全部用上雞髀肉，所以啖啖都非常嫩滑，而且非常「芝」味！食完雞煲，就加湯打邊爐喇！特級雪花肥牛肥牛係打邊爐必備，所以點咗個大嘅。雪花分佈平均，質素都ok。爽滑豬頸肉名乎其實，真係好爽，而且係厚切，口感好正！味道方面亦係不得了，醃得非常入味，唔洗再點調味料都好夠味。手打五寶拼盤可以一次過試晒咁多款丸，每款兩粒，值得一試。鮮炸響鈴鮮炸真係唔同d，特別香脆！而且大大件，吸收到滿滿嘅湯汁，真係好得！

完全唔明白點解咁多人推薦，168蚊雞煲 2至3人份量，居然全部畀雞髀肉並不是半隻雞之類，同食其他平價幾十蚊雞煲任食有咩分別？？🤔網上睇評論話麻辣得過癮，於是我哋就揀咗小辣，點知嚟到嘅小辣係完全十小辣嘅人都食到嘅bb辣都可以食到 ，而且雞煲味道完全無驚喜自己買雞煲醬整都好味過佢雞煲未食曬就已經想加水打邊爐雞已經唔想再食🤦🏻‍♀️🤦🏻‍♀️🤦🏻‍♀️不過佢地員工服務態度幾好環境氣氛幾特別，因為有live ，變得氣氛好好

食過咁多間雞煲黎講呢間真心好高質，係心目中頭幾位既程度，好多謝我朋友介紹我黎呢度食，呢度既雞煲真心俾想像中多肉好多，完全冇預佢有咁多舊，而且每舊都係好大舊好多肉，完全唔係平時果d，佢俾d parts 全部都係有好多肉，至於雞既調味都屬於非常好味，今次叫左普通辣，都算幾辣下，但佢辣得黎係非常之咁惹味，令人食到停唔到口，可以話係雞煲之中雞王者，真心有俾佢驚艷到我，大推親朋戚友黎試下。食完雞之後可以加湯，之後就係可以做到火鍋既效果，比起之前冇咁辣，但都係同樣好味，好評！