米走雞Live

營業中

休息中

食物可以的，芝士雞煲味道好，不膩，亦不會太咸。牛肩肉靚，有牛味，厚薄適中。可惜男中年侍應態度呼衍，招呼馬虎，一坐低未點菜就催促取走䓤蒜，呼叫佢又扮睇唔到然後閃人，要隔離女侍應老遠行過來幫忙加湯。純食物中上，但加上招呼就不合格。

7月至8月的限聚令，已有一個月冇得出街食晚飯，上月底放寬晚市第一日即來試食，場內只開放一半座位，格外冷清。本人特愛辣雞煲，辣得夠過癮，煮雞點火有gimmick，整體食物都好新鮮，靚牛肉色水已好吸引，而且雞肉都啖啖滑肉。由於當日星期五放工時間，訂好位7點到，可惜9點就要散場，食得未夠盡興，食下飲下吹下水，time up，牛肉都食剩半份。原本有現場live band，疫情關係也沒表演。這家雞煲一定會encore!

第一次食米走雞，今日無book枱都好快有得入。叫左個火焰麻辣雞煲，好快就有得食，佢哋會幫你撈埋，有埋火焰，好鬼正😂 叫左小辣，個辣度啱啱好，好啱我口味，好鐘意食❤️ 食完之後加左餸，可以再食過😂😂 服務方面都好好，叫佢地好快就應，會有下次😊

最近米走雞外賣做緊半價，當然要試下！揀左激量芝士，半價左好似百頭，好味，不過有啲濟，因為叫左大份量。啲芝士分開裝 番去自己加熱加熱後，有幾種芝士，食落都唔係cheap個種

晚市終於就嚟有返堂食，但都不得不同大家方享吓早排食嘅外賣雞煲，就係米走雞嘅招牌黃金芝士雞煲🤤 個雞煲用咗足足5款芝士整成，一開蓋已經聞到好開，一路煲一路再落芝士粒，簡單方便就做到拉芝效果，超cheesy🧀雞煲嘅肉全部都係雞髀肉，認真啖啖肉🤗 食完雞煲一定要加芝士湯打邊爐，我就試埋佢哋嘅特級雪花肥牛同埋手打五寶拼盤，肥牛薄切，紋路望落都幾好，食落牛味都出，仲有淡淡芝士味加乘😆 手打丸有貢丸、牛丸、墨丸、蝦丸、鯪魚丸，食落款款都好彈牙，但貢丸、牛丸嘅肉質偏肥，食落少少鬆散。其中一定一定要試蝦丸，真係不得之了咁好食，神奇、頂級、超卓，又彈牙又香蝦味🦐⁣。⁣由即日起至2020年8月31日，米走雞(觀塘店)外賣自取或者經CALL4VAN送貨，消費滿$500就享有八折優惠，加$50仲可以送貨到你樓下，滿$800直情免埋運費，開餐至少2個鐘之前WhatsApp落單就ok！⁣如果你鍾意睇我嘅食評，不妨關注我，支持吓我，謝謝你☺️💕

以為試新野有驚喜。。。點知。。。辣雞煲係唔太辣，但要食到D雞係甜。。。。可能廚師先生打鹽同糖放錯位。。。。而且係用雞脾用，唔好以為啖啖肉好多人 like，但我們不懂欣賞，沒有雞煲應有的精髓。。。

限聚令再加埋晚市禁堂食令好多人諗食乜諗到好煩惱🤦🏻‍♀️ 餐餐煮都煮到悶🥱 外賣既食物種類又唔算多🤭 由即日起至31/8🤗 觀塘店既米走雞外賣自取或經CALL4VAN送貨🚛 消費滿$500享8折優惠😎 加$50即可送貨✌🏻 滿$800更加可以免運費😱#黃金芝士雞煲 🐣 ($178)用左5種芝士🧀 有車打芝士、巴馬臣芝士、大孔芝士等🧀 教哂你次序點食👍🏻 雞既份量都唔少🐥 肉質夠嫩滑唔鞋口😍 加埋芝士碎、芫茜十分香口惹味😋#手打五寶拼盤 🍲 ($88)最有驚喜係手打五寶👋🏻 五款都好正🤤 有手打鮮墨丸、鮮蝦丸、鯪魚丸、豬肉丸、鮮牛丸🍡 手打丸煙煙韌韌非常彈牙🤗 夠哂真材實料✌🏻#特級雪花肥牛 🐮 ($158)雪花肥牛唔會好肥🐮 有肉味👌🏻 打邊爐必食😎

為對抗肺炎疫症, 公司實施了一排home office, 盡量避免外出, 連買料煮飯都懶得去, 於是今晚又再叫外賣速遞!係網上見到米走雞都推出外送速遞, 消費滿$500即享8折, 加$50仲可以速遞到屋企樓下。送貨準時, 到前會接到call, 落樓交收時間剛剛好!Order左個【黃金芝士雞煲(2人份量)】雞件已為7,8成熟, 表面亦沾上杰杰既芝士汁, 額外會有一包芝士碎、一盒洋蔥、莞茜, 加哂落去稍為滾一陣就食得, 熱辣辣時仲拉到芝士絲。雞件鮮嫩, 啖啖食到濃郁芝士味, 洋蔥索左芝士汁甜甜的, 芝士雞件夾集埋少少莞茜食, 增添些少清香。食完雞煲, 再加入清湯就可以打邊爐【特級雪花肥牛(細)】肥牛色澤鮮嫩, 明顯不是雪藏貨, 肉質嫩滑, 配上淡淡芝士清湯, 正!【哈哈蝦中寶】口感彈牙, 真材實材, 有唔少蝦肉, 食到鮮甜味

米走雞近2年幫襯過好幾次. 試完長沙灣，今次試下觀塘live分店. 呢間分店大玩文青x音樂x雞煲crossover，店內燈光暗黑，加上長駐歌手自彈自唱，都幾有feel 😂. 位於觀塘工業區既樓上食肆，唔太難找，大概mtr行10mins 就到. 以前一向食開芝士雞煲，但可能人老左，食唔到太肥脷，所以今次轉左小小小麻辣雞煲.麻辣好入味，雞件好多，雖然話就話小份量for 2-3人. 啖啖肉唔會只有骨🤓. 極力推介麻辣雞.另外特色係店員會淋酒上d雞件度，會有一刻「火焰雞」既效果，打卡一流.食完d雞件當然唔小得打邊爐主角-肥牛啦.☺️雪花紋好出，顏色亦鮮艷. 味道鮮，口感軟熟，加埋醬油好juicy!除肥牛外仲叫左墨魚滑同響鈴.佢好處係可以叫半份，咁就可以叫多d,同唔會晒野食.食完個雞煲都已經6成飽，都唔太試到咁多野食. 最正係隻麻辣雞真係好入味又多肉！🤤

雞煲外賣都無問題！邊個話雞煲只可以堂食，由於晚餐只可以係屋企食，但又好掛住雞煲，買外賣都做到原汁原味！今晚就買返去同屋企人一齊食，另外再自己加料。火焰麻辣雞煲套餐 (2-3人份量) $500仲包括：肉類一份(我揀咗西班牙黑豚肉), 配料一份(我揀咗哈哈蝦中寶)。雞件送到嚟屋企都仲係熱騰騰，另外仲有配辣汁、高湯、洋蒽芫荽，雞件我再加辣汁炒一炒再上煲熱住食，好入味😭就算揀微辣，入口麻味夠，帶少少甜，餘韻辣味滲出，有層次又惹味！之後加高湯及辣汁再繼續打邊爐，蝦中寶好大件，入邊有成三四隻蝦😳，用料十足，亦好彈牙；黑豚肉亦不錯。自己係係屋企食雞煲都好滿足！我哋要乖乖地減少外出，大家一齊努力抗疫，就算想食平時以為屋企食唔到嘅嘢，其實喺屋企食都一樣咁開心！另外，俾個經濟提示大家，由即日起至2020年8月31日，呢間觀塘分店外賣自取或者經CALL4VAN送貨，消費滿$500有八折優惠，加$50即可送貨，滿$800仲免運費添！

米走雞推出了外賣優惠, 在家也能嘆招牌雞煲~ 訂購了黃金芝士雞煲, 另外再加了特級雪花肥牛及哈哈蝦中寶作額外火鍋配料🍲。黃金芝士雞煲 - 芝士迷不能錯過！湯底用上五款芝士製成, 包括有車打芝士、巴馬臣芝士、大孔芝士、水牛芝士及卡夫芝士。芝士味香濃突出, 濃度剛好。面層的半溶芝士有拉絲效果, 是視覺上一大享受, 芝士味很香, 雞肉肉質鮮嫩, 啖啖肉, 充分吸收到芝士醬汁的味道。🦐蝦膠混入蟹籽、芹菜、原隻中蝦。蝦膠爽口彈牙, 充滿鮮味, 上面的蟹籽令整體口感更豐富!薄切肥牛 - 牛肉味濃, 是打邊爐不可缺少的配料！🌟由即日起至2020年8月31日, 米走雞(觀塘店)外賣自取或經CALL4VAN送貨, 消費滿$500即可享八折優惠, 加$50即可送貨, 滿$800更可免運費。

好耐冇出街打邊爐喇，但係而家喺屋企都可以食到米走雞嘅黃金芝士雞煲🧀，好開心🥳，住得近嘅話可以外賣自取，我住得冇咁近就call Van仔送貨🚐，送到屋企門口，舒舒服服就可以食到芝士雞煲😉.除咗芝士雞煲，我哋仲叫咗特級雪花肥牛🥩同鮮製五拼餃🥟，自己再加多兩款菜🥬，兩個人就已經夠晒食，好鬼飽.由而家到2020年8月31日，米走雞(觀塘店)外賣自取或塊經CALL4VAN送貨，消費滿$500就有八折優惠，加$50就可以送貨，滿$800仲免運費添🤩

依啲全部係之前食落，近排大家都要留係屋企，睇下我介紹野食好啦。中意食雞煲既我，今日又去左米走雞(好多間分店)食佢雞煲，叫左火焰麻辣味，真係好正！同大家分享下。我叫左bb辣，一上枱就好香，仲有d酒味，因為佢想比你影佢有火，好似好有特色咁😂😂😂😂仲有佢d雞件好大舊，麻辣味好香，食完d雞個肚都飽飽地依啲全部係之前食落，近排大家都要留係屋企，睇下我介紹野食好啦。中意食雞煲既我，今日又去左米走雞(好多間分店)食佢雞煲，叫左火焰麻辣味，真係好正！同大家分享下。我叫左bb辣，一上枱就好香，仲有d酒味，因為佢想比你影佢有火，好似好有特色咁😂😂😂😂仲有佢d雞件好大舊，麻辣味好香，食完d雞個肚都飽飽地所以就淨係叫左特級雪花肥牛同珍珠帶子鮮蝦雲吞就算啦😂😂😂肥牛好靚，份量算多，而且牛肉味濃，所以大家中意食肉都記住要叫，我寧願叫d貴啲嘅牛肉都唔中意食好韌既珍珠帶子鮮蝦雲吞都好好食！唔知佢係自家製定點啦，但加埋帶子，直頭將雲吞既standard推上高峰，好好食！所以大家一定要食！叫左杯咸檸7 配d咁重口味既鞭爐，岩哂啦！😊😊😊推介下比大家🥳🥳🥳所以就淨係叫左特級雪花肥牛同珍珠帶子鮮蝦雲吞就算啦😂😂😂肥牛好靚，份

早排見疫情好點，所以同老公都想出街撐下枱腳!於是諗起想試好耐既黃金芝士雞煲!立即出發!位置係觀塘The Wave3樓，都幾方便搵!去到當然唔少得探熱同消毒雙手啦！員工都會幫你安排!一進去見到有樂器，先知原來呢到有live band!心諗都好特別喎!唔講咁多，立即點我最期待既黃金芝士雞煲，起初猶疑不定點普通芝士份量還是激量好。。。最終點了點了普通芝士份量好快就上枱了，兩人雞的份量都好多，雞件十分大舊而且食落嫩滑!很足料!同任食個啲餐廳跟本冇得比!超級惹味!個人覺得普通份量既芝士都足夠!好好味!另一期待的是，我們點了手切特級霜降和牛!!只是點了(小)份，都好大碟!油花好靚!雞煲加湯後急不及待淥來試下!嘩，入口即溶，物有所值!食到中途突然live band有人唱歌!很驚喜，我以為weekend 先會唱，一路食住雞煲一路聽歌，感覺好正!好特別!好chill!好難忘!最後按員工介紹，食到尾聲再加個公仔麵落去，索哂啲芝士湯汁!正到不得了!好香，超好味!幸好見到雞煲份量都不少，所以唔係點了好多配料，兩個人這些份量已經食到超飽!期待可以再來!

受到疫情嘅影響已經喺屋企困咗好耐，所以得閒都要出嚟唞吓氣，食吓飯 雞煲都係一個唔錯嘅選擇而呢間有live Band可以一邊食一邊放鬆一下，舒緩下疫情緊張嘅情緒，所以我哋都特登揀咗呢間嚟食。火焰麻辣雞煲，兩個人揀呢個細嘅份量完全足夠，每一件雞都幾大舊，同埋啖啖肉唔會有好多碎骨，而且因為雞件都係應該比較肥美，所以食落非常之嫩滑。雞煲嘅辣汁調教非常之好，我哋只係叫咗小辣 但都已經非常之惹味，因為入面嘅花椒嘅份量變得非常之足夠。所以麻辣嘅程度係相當之足夠，而且調味都比較重手，所以每一件雞都會比較鹹，啱晒鍾意重口味嘅我。珍珠帶子鮮蝦雲吞，雲吞皮非常之薄而入面嘅餡料非常之充足你會見到有大大粒嘅帶子喺入面亦都會有都幾鮮甜嘅蝦，識落海鮮嘅鮮味十足不過調味方面就略嫌有少少鹹咗啲。手工韭菜餃方面入面嘅韭菜都幾多塞得幾飽滿而且都幾新鮮唔會好難咬所以入面嘅舊肉菜味道十足加上個皮又唔算太口所以食落都幾好味不過調味都係有少少偏鹹。生菜，都洗得幾乾淨同食落都非常爽脆，吸曬雞煲的湯底，味道一流。粟米方面半份已經有四件，而且都幾鮮甜。食落粟米嘅汁都幾多，唔係乾爭爭嗰啲食落去起渣。即炸響鈴卷今次終於有得叫半份，有三件兩個