米線陣 (鱷魚恤中心)

營業中

休息中

平時食譚仔食到悶左，想轉轉新口味不妨去米線陣試佢地麻辣湯既米缐系列 會有D驚喜😚😚😚🐶肥牛手打豬肉丸麻辣湯米缐（$48）先講講個湯底，我叫左小辣但已經好夠惹味，比較扁向麻多於辣米缐就是軟硬適中，剛剛好👍🏻肥牛和豬肉丸份量就略少左DD整體上湯底夠濃❤️❤️😍麻辣之味加分快快脆之選

約左個朋友食飯，佢話想係地鐵站附近搵野食。Apx呢D食飯時間，間間餐廳都要排隊。行過隔離個度，見呢間唔駛排隊，就入去試下啦。餐牌價錢唔算太貴，有2碗米線（湯底要轉麻辣湯另加2蚊）有2個小食，有菜，仲包2杯飲品。成個餐都係百幾蚊，價錢可以接受啦。個米線份量ok，味道唔錯的。特選小食揀左海南雞，味道就麻麻地。風味小食揀左豬頸肉，賣相就比較唔吸引，而且唔辣。時蔬就揀左蘿蔔冬菇，不過份量偏少，味道普通。整體都算可以，環境坐得舒服，可以慢慢食。

一向早餐都係去華御結買個飯團就搞掂，今日唔知做乜突然間想食麥皮醒起公司附近嘅米線陣有個早餐好抵，$32有一份蛋治+一碗無糖牛奶藜麥麥皮+一杯飲品於是叫左呢個餐再配凍檸茶 (凍飲+$2)坐小巴時已經打電話去落單，咁就可以一去到就有得拎唔洗等五分鐘後行到過去就已經整好左啦蛋治比想像中厚身，仲以為炒蛋部份會係薄薄一層蛋皮，最驚喜係仲有少少蛋汁，麵包部份落牛油都幾重手，食到好濃牛油香味，不過對於減肥期間嘅我黎講就唔太好牛奶麥皮都大碗，佢亦都無另外俾定一包砂糖你備用，奶香味都幾明顯，藜麥份量都算多，煮得好杰身，溫度都算熱。凍檸茶都係俾大杯，唔係一般茶餐廳既紙杯仔。總括黎講都算抵食夾大件，呢個價錢都算OK啦

在觀塘APM覓食，要找到抵食味道也不錯的實在不容易。有時想兩口子快食一個晚餐，我們喜歡去在APM旁，位於鱷魚恤中心的米線陣。這間店的裝修簡潔，但環境也很舒服，即使與小朋友同行也安心。食物方面，已光顧了很多次，覺得食物仍能維持水準。我們愛點王牌一人餐，包括米線，小食及飲品，比起譚仔其實實惠很多！湯底方面，我愛點擔擔面湯底，濃郁得來帶點點微辣，配米線剛好！配料方面，滷水豬腸也是必選的，大家下次去不妨試試看！跟餐的小食雞絲粉皮，儘量頗多而且很美味，是令人大滿足的一人餐！我們還加入了會員，好像是$180入會，有很多優惠券，用會員卡光顧每次也有九折，真係抵好多㗎！

如果呢個 #世界，只有一種 #食物 可以 #每日供應🧐我諗我會揀 #湯麵🍜 #烏冬、#拉麵、#米麵 ... 總之咩麵都好，最緊要有個 #靚湯底😏不過出街食就唔可以要求太多，求其有啲味、夠飽肚就可以😅 #小秘書 無幫襯一排嘅 #米線陣，#全院滿座、#餐牌 上多咗啲選擇，可惜我怕 #醋酸，所以所有 #酸辣湯 都被DQ😏 呢日我揀咗 #麻辣湯米線😁 話哂係新嘗試，總有啲期待，#小秘書 仲叫定罐 #可樂 🥤以備不時之需😂 不過又估佢唔到啖湯都幾好味，對我呢種唔食得太辣嘅人嚟講，啱啱食😋 湯底少少辣再配埋啲 #肥牛肉... 唔錯喎！

觀塘區有許多美食選擇，但落雨綿綿，都係選擇返去APM晩餐，今晚選擇了屬於大家樂集團旗下的「米線陣」，這間餐廳並不是第一次光顧了，開初光顧是將軍澳中心分店（已結業），之後亦有再光顧其他分店，初期令人印象難忘的是它們的麻辣雞🐔及青瓜豆漿，幾年間，雖然米線陣的食物選擇愈來愈多，但是慢慢發現素質卻每況愈下。首先餐牌是黏黏的，只可以稍為用兩隻手指輕輕翻看。今次點了酸辣豬大腸木耳金菇米線+青瓜豆漿，木耳細細塊尚算爽口，但豬大腸切得碎碎的，金菇一束黏著分不開，米線煮得過淋，湯底有芫茜酸菜，但湯底本身的咸味蓋過了配料的味道，連芫茜酸菜的味道都不太感覺到，青瓜豆漿是最令人失望的，本身青瓜豆漿是特飲，跟餐要另加$15，以理解，特飲即是有特式的飲品，但原來它的特式就是「稀」😮，青瓜跟豆漿味是完全分開的，跟最初期米線陣濃濃豆香的青瓜豆漿予人清新感覺完全不同，真的有點失望！若要拉返高少少分數，就是餐廳的裝修及容許二人坐四人座。

今日同男朋友去apm行街，四圍都好多人喔，好多餐廳都要等位。甘岩見到米線陣排隊既人吾算好多，就決定食佢啦！！假期估吾到都有茶餐，仲要好抵食喔！炸排骨拼餃子🥟米線🍜呢個set好抵食！雖然配小碗米線，但吾係得幾啖果啲，都好大碗咖，仲有3粒小水餃🥟雖然湯底好普通，但米線好滑，又吾會一夾就斷，又吾會煮到糊狀甘，好食！另外炸排骨係用左豬扒既骨位，有3條。炸粉吾吉口，酥脆好好食！讚👍🏻豬扒包拼雪菜米線🍜真係要大讚個豬扒包，豬扒食落酥脆又吾油，仲要炸到熱辣辣！配個包好正，包好鬆軟咖！好味！雞絲粉皮：呢個茶餐加10蚊就有，都幾抵丫！吾會太細碟，而且麻醬好香，好味道！🤤🤤檸檬菜蜜：甜甜地好好飲，平時去餐廳飲菜蜜係無味咖！估吾到呢度真係有菜蜜既味道另外，想讚一讚呢間分店既員工，好有禮貌！我地個豬扒包等左好耐，有個男仔侍應同我地講佢吾小心整跌左落地下，已經重新整過，之後一整好又即時拎俾我地！勁有禮貌！讚👍🏻男朋友話有點窩心感覺添🥰🥰

星期五晚上約了朋友到apm唱卡拉ok，之前就到米線陣醫肚先。 朋友點了一個麻辣蕃茄肥牛魚腐米線$48，加竹笙$9，凍檸茶$10。當晚我不是太肚餓，所以點了一個紫菜豬骨濃湯餃子皇$37，加墨魚丸$9，熱檸茶$8。 每次到這間店舖都感覺坐得很擠迫， 無論餐廳繁忙時段或非繁忙時段都很喜歡安排客人搭枱， 我覺得如果非繁忙時段就可以坐得寬鬆一點吧！ 講返食物質素， 我之前試過麻辣蕃茄湯底的， 感覺味道一般般啦， 但米線就比較散， 所以我今次就唔食米線了，只點了一個紫菜豬骨濃湯餃子皇， 味道依然沒有什麼驚喜。

其實都未食過呢間米線, 因為成日經過都好多人, 但今日有同事專登早d去拎位, 所以就有機會可以試試~中午食飯時間周圍都咁多人, 我去到都等咗5分鐘, 但同事比我再等多咗10分鐘, 以繁忙時間嚟講, 15分鐘都算快啦~入到去原來係自己用佢個apps落單, 好彩有同事食開, 咁當然交比佢負責, 我地就當佢係店員咁, 同佢講食乜啦~估唔到上菜速度都好快, 只係幾分鐘已經上菜, 正常嚟講流量都應該快, 除非係食完唔走, 咁就冇得好講啦~  魚腐+鮮蝦雲吞+手打豬肉丸, 轉薯粉估唔到有4舊魚腐咁多, 而且味道都唔差, 唔會林到冇彈性, 之前食過第間好難食, 其實都有少少陰影, 呢度令我對魚腐呢樣嘢有返d信心~鮮蝦雲吞d蝦都好爽口, 雖然未算好大粒, 但成粒都滿哂蝦, 都好新鮮~手打豬肉丸好過機整粉頭豬肉丸, 雖然唔係好彈牙, 但起碼唔係成粒粉頭, 而且溝咗d菇粒香口d~轉薯粉一樣要加錢, 但唔算貴, 而且好耐冇食過薯粉, 而且呢度果d好食過旦仔~ 熱檸蜜見佢檸蜜都唔駛加錢, 梗係飲檸蜜啦~ 味道都算OK咁啦~ 有檸味又有蜜味~雖然佢係叫米線陣, 但第一次幫襯, 竟然係食薯粉  希望有機會下次會試

因為中午果餐食得唔多，未夠六點 #小秘書 又已經肚餓喇👉🏻👈🏻 呢日 #小秘書 咁啱要去觀塘廣場買手機充電線，見到 #米線陣 仲有 #下午餐，就走入去醫咗個肚先去買嘢啦！#米線陣 嘅 #下午茶 選擇多咗，除咗 #米線，仲有豬扒包之類小食👍🏻 而 #小秘書 就揀咗 #豬扒米線 配 #醋香雲耳🥢 #豬扒米線 都算唔錯嘅，係塊 #豬扒 唔夠熱，師傅無將「豬扒碎上」，而服務員又無提供刀叉，食起嚟有啲「論盡」囉 講到碟 #雲耳，口味實在太咸，搞到 #小秘書 要自己加1/3包糖落去中和個味道😅 不過只係跟餐+$10就由佢啦😅😅

同朋友喺觀塘行完街，唔想去food court食，米線陣係一個好好嘅選擇!我地揀左滋味2人餐 $172真係超級抵食!首先米線自由配2碗都可以任揀配料2款! 皇牌特色就揀左口水雞風味小食就揀左酒釀雞翼仲有得揀菜食! 我地就揀左青瓜木耳仲有2杯凍熱飲品，超正，有我最愛嘅 紅豆冰，仲要唔洗加錢呢度仲可以用手機落單，好方便，一路揀一路落單。野食好食之餘，選擇又多，如果2個人食，不妨揀2人餐，呢個價錢食到咁多好野，真係好抵。最重要係個米線好好食，配料我揀左豬頸肉同牛肉，肉肉嘅份量多，口感又好好。2個人食到捧住個肚走。

平時經過米線陣門口見到很多人排隊，剛剛行過見到竟然沒有人，所以就入去試下。 坐低冇耐店員提我們可以自己落單， 之後我們點了香辣皮蛋拌青瓜$17，鮮蝦雲吞牛肚酸辣湯米線$49， 麻辣蕃茄肥牛魚腐米線$48， 罐裝雪碧$10。香辣皮蛋拌青瓜 ～ 味道一般， 除了食到辣，就食不到其他味道了。鮮蝦雲吞牛肚酸辣湯米線 ～ 酸辣湯的味道不太明顯，鮮蝦雲吞都幾大粒。麻辣蕃茄肥牛魚腐米線 ～ 本身覺得麻辣蕃茄湯都幾特別，但試過之後就覺得比較普通，我食到有蕃茄湯的味道，但麻辣味就不明顯，肥牛太碎，魚腐正常！第一次吃米線陣， 感覺味道普通。 座位比較狹窄， 留意到明明有其他位可以供給客人用的， 但店員很喜歡叫客人搭枱。 我覺得繁忙時間理解的， 但如果有很多空置的 餐枱， 就應該給客人坐得舒服一點吧！

今日晚餐，仔仔話想食米線，所以去了呢間近近地，點知等位等咗半個鐘，換來一肚子氣，我們一家3口等5張枱，拿3-4人飛，佢地一有枱，無論4人枱或2人枱，全部清一色叫2人入坐，有個corner 有10幾個位又欄住唔比坐，我們係門口一味呆等，4人枱就比2pair人入去，係都唔比3人入去食，等了半個鐘，後面2人都入齊了，又話無4人枱比我地坐，激都死，我發誓以後都唔會去呢間食了！很差的服務！未食都比激死了，哼！

平時晏就飯晏都會黎食，今日近近地食個米線陣晚餐。燈光充足，感覺亦好舒服。但我地2人坐左係近廚房位同防火門旁邊。濃茄雞脾肉仿蟹棒稻庭烏冬$51仍然好大碗，但今次個蕃茄湯淡左啲，但職員好好，我地話淡，佢另外再俾個湯我地。😁🤭最後俾友人清哂個湯👍🏻👍🏻👍🏻👍🏻叫左好多餸，豬頸肉，牛肉，雲吞，墨魚丸。豬頸肉輕輕炸過，而且都醃得入味。墨魚🦑丸不過不失。麻辣番茄湯薯粉，叫左小辣，不過可以再辣啲。涷奶茶少冰，好香濃既茶味，唔錯。

午餐叫咗米線陣外賣，自取。打電話去叫定，十分鐘唔使就有得拎，岩晒啲又懶又趕時間既打工仔。最鐘意佢個蕃茄湯，但要留意佢有素蕃茄同農場蕃茄，之前問過職員佢話前者係素後者唔係喎。「打工仔是老外：一日三餐老是在外。」食得肉多，有機會食返多啲菜，自我感覺良好。生菜都算新鮮，而且成片既，唔係碎濕濕冬菇夠大而且夠軟身，入味米線軟硬適中，唔會太硬易咬之餘都算煙韌，亦唔會一夾就斷素蕃落湯底酸甜開胃，而且食落仲有啲蕃茄粒食完唔會話好口乾，應該味精無落得太多