米線陣 (鱷魚恤中心)

營業中

休息中

米線陣Shop no. 8, 1/F, Crocodile Center, 79 Hoi Yuen Road, Kwun Tong.依個2人餐，包兩碗兩餸米線，兩杯飲品，1碟小食，1碟菜，160蚊左右，唔叫得抵，但就合理同好食😋😋食得粉，面，米，靈魂當然係個湯底，麻辣湯底，和擔擔面湯底，真係無得輸，好正😋😋😋

酸辣米缐大家都食得多，酸辣米缐加百福豆腐你又食過未？最近米線陣出咗款「豆花重慶酸辣米線」我尋日仲試咗😋👍。1️⃣豆花重慶酸辣米缐$41豆腐花一向係我最愛，原來配落酸辣米線係咁夾😋平時食米缐時配菜都係加豆腐啫，原來用豆腐花更加滑，原來佢係用咗百福豆腐花做，唔怪之得咁滑👍我今次揀咗微辣，加埋配菜超正😋。2️⃣雀巢美禄恐龍$12（跟餐）呢個特飲喺馬拉菜嘅餐廳通常都會飲到，估唔到喺食米線嘅地方都可以遇到佢，仲要加$12就有， 🦖🦖🦖大家知唔知美祿恐龍點解會叫做美祿恐龍呢? 因為美祿恐龍表面嘅冰塊上面會多左一大層美祿粉, 睇落去好似恐龍背脊🤣

次次去米線陣我都係食大汗豬扒擔擔米線 勁香花生味今次見到有獨家crossover新東東 緊係去試下原來係同豆藝大師百福聯乘既新產品.《豆花重慶酸辣湯米線》點諗到大家都熟悉既百福豆腐花竟然可以成為米線配料重慶酸辣湯底 分5級辣度🌶🌶🌶🌶🌶我揀左最低級既微辣 都已經非常刺激紅辣椒油有一種令你雖然辣 但會追住食既魔力當中仲有肉碎、酸菜、碎花生 成就經典重慶酸辣湯而百福豆腐花的微甜正好帶來點中和口感嫩滑甜酸辣 聚首一堂.《雀巢美祿恐龍🧋🦖》重慶酸辣咁刺激 點可以唔叫凍飲解解辣美祿恐龍既甜美 唔單止可以解解辣更加可以滿足我既童心試問有邊個小朋友細個未試個成羹成羹美祿粉𢳂黎食呢杯美祿恐龍面頭勁多美祿粉 正

八號風球下見佢仲營業咪食個米線醫肚 以前都成日食 不過好耐無幫襯 一試不得了 以前我印象中 佢嘅米線做得唔錯架 煙煙韌韌 麻辣湯底都好有特色 今次我嗌咗個牛丸米線麻辣湯（中辣）個米線量勁少 米線勁淋 唔知佢煮咗幾耐無熄火 牛丸得三粒 個湯係無麻無辣味甚至乎去到無味 已經嗌咗中辣喎 完全唔係麻辣湯底 佢咁嘅質素再做落去 真係搞唔掂其實人哋連鎖店可以愈開愈多做到上哂市真係有原因 因為各店水準保持一貫 就算有差別都唔會差太遠 我諗米線陣想繼續發展真係要確保返米線水準先得囉 仲要我嗌一個餸都要43蚊加麻辣俾兩蚊 本身乜都唔加已經41 你唔係收得平架喎 交啲咁嘅貨？雖然八號波啫 但寧願閂門都唔好趕住提供劣食俾人呀

作為一個很喜歡食蕃茄又中意食辣嘅人，米線陣嘅麻辣蕃茄湯嘅味道不時都會喺記憶中飄過。收工近近地照樣地叫碗麻辣蕃茄湯，之前通常叫肥牛魚腐，而家減少食牛今次就轉叫豆卜，反正重點是湯！上菜，有芫荽略為點綴顏色同香味，不喜可走。先講特色，佢嘅蕃茄湯有不少真·蕃茄，酸味甜味都充分，麻辣度亦都剛剛好（如可自選麻度更佳）。但或許唔同分店有少許分別，呢間嘅茄湯偏淡，米線煮得偏淋，掛湯力因而較弱，食得無咁盡興。不過暫時仲未搵到相近能夠取替嘅味道，所以依然不時會記掛呢陣味，期待搵到水準貼近期望嘅分店。麻辣蕃茄湯火線賣相：⭐️⭐️⭐️⭐️味道：⭐️⭐️⭐️價錢：⭐️⭐️⭐️⭐️

#小秘書 呢排睡眠質素都麻麻，輾轉反側最終搞到今朝先瞓得着，一覺醒來已經係中午嘅時間😅 起身hea咗一陣，又差唔多夠鐘出門口👉🏻👈🏻 不過話哂十幾個鐘頭冇嘢落過肚，但時候都唔早，只好簡簡單單去食碗我至愛嘅 #湯米線 滿足吓口腹感😚 今日我決定食得健康啲😅 叫咗個 #麻辣蕃茄 做湯底，配埋 #肥牛 同 #韭菜 做配料，諗起都開心🥳 熱辣辣帶微酸辣嘅湯底，配上肥嘟嘟嘅 #米線，味道非常之夾🤤 韭菜夠香口，肥牛嘅咬口又唔會太韌，加埋杯飲品☕️埋單都唔使五十蚊… 最緊要係一餐嘅價錢頂到三餐，抵哂啦🤭

仿蟹棒 酸辣湯底米線($36)酸辣湯底有少少肉碎仿蟹棒得3條, 幾鮮甜, 如果比多幾條就好牛肉蕃茄痳辣湯底米線($36)湯底有大大件蕃茄, 蕃茄酸酸甜甜好食, 湯底辣中帶酸甜牛肉幾幼嫩食米線陣最開心係有多款湯底可以選擇而且湯底係用足料

今日經開觀塘，想食少少辣嘢，但係又唔想太過濃味，所以選擇咗米線陣。見佢新推出左幾款新米線🍜清湯炆冬菇魚腐米線🍜呢個湯底可以轉做其他辣嘅湯底，我揀咗重慶酸辣，炆冬菇非常入味，又唔會得個辣字。香辣皮蛋辣得來都食到皮蛋味大汗雞翼出面非常香脆可口，裏面肉質鮮嫩，值得推介一試加大凍奶茶冇咩特別

地點算方便之外，環境座位非常闊落，坐得都算好舒服😌同埋個湯底唔會太過重口味，絕對啱唔鍾意太重口味嘅人。佢嘅蘿蔔非常清甜，豬大腸都唔會太多肥膏，加埋個湯底有花生🥜非常之香口，仲有佢個麻辣黑木耳小食，非常爽口入味。最鍾意佢呢度嘅青瓜豆漿夠獨特。

依個餐包括左吉列魚柳一大條、自選嘅配菜兩樣、麵包同飲品。魚嘅質素中上啦，唔腥份量大，而且食得出係啱啱炸既脆口感 又熱辣辣，但係條魚就好薄，一咬落去其實食緊炸皮多過魚肉，所以你問我魚肉滑唔滑？我都唔知道😂另外個蕃茄生既，雖然我知道有啲人鍾意食生蕃茄，但呢個味道就非常之青，我就唔太ok 🥲

尋晚係度食晚飯啦叫左個肥牛魚腐米線果個餐，哇，個蕃茄湯超淡囉，稀到不行了，對唔住佢佢價錢，情願去食雲貴香仲好。再叫左個豬排啖啖麵，真係喊出來。從未見個個啖啖麵可以稀到咁，個肉碎比魚食咩，好似比魚食啲魚糧咁q少呢個湯水。。。嚇死人個豬扒仲嚇死人，食咁多次都未見過塊豬扒會咁。細塊都算，仲要好乾，一d水準都無。好差呢間野，越做越差，成餐得杯凍嘅薏米水叫正常，超級唔推薦去呢間食，情願去翻中港城同cwb(^з^)-☆

下午茶時間，不知道是加唔到價，以份量食材偷工減料作掩飾⁉️ 還是是員工問題⁉️ 向員工反映問題，員工叫來EM來擋，但面對顧客不滿，EM完全唔識對應，情商很低，態度囂張‼️ 服務態度超差。重慶粉份量比其他分店少咗1/3，肥牛只有4條小碎條，加$9加肥腸，只原來只有4小舊...🤦🏻‍♀️🤦🏻‍♀️🤦🏻‍♀️

今日去左觀塘APM個間米線陣我哋叫左蕃茄湯底蟹棒米線、酸菜湯底雞脾肉米線、麻辣土豆絲、一罐罐裝可樂、凍即磨咖啡蕃茄湯底蟹棒米線：有一啲甜嘅蕃茄肉係到，蟹棒有三條，我覺得味道還好。不過米線林左少少，可以唔好煮太林會好啲酸菜湯底雞脾肉米線：都有幾多雞髀肉，不過同樣都係米線林左少少！個人認為米線太林/太硬都唔係太好麻辣土豆絲: 份量都可以一條條土豆絲食落好開胃，不過真係有麻麻痹痹嘅感覺，但係又好想不停食之前我都有食過米線陣嘅豬軟骨，都係唔錯架

米線不好吃 好淋 一睇就知煮咗好耐 放系到還嫌客人麻煩 服務員態度不好吾識處理客人問題本場我都會去幫襯下米線陣吾稱得上常客 但我都去過吾小分店同之前去果d分店既感受完全吾同…除左態度 佢既湯底同米缐都吾好食去過甘多間 我自己覺得最差呢間甘大間店 仲要系集團個客一時吾記得轉薯粉 個類似經理話叫我下次自己小心d. 今次一定要食左佢比我種感覺勁吾好受 吾識顧客感受所以我吾會要幫襯佢 去觀塘都吾會幫襯佢直頭想成碗野掉左佢食左2啖 掉左

平時經過呢間米線陣好多次，但都無食過，想不到第一次食，服務真係感覺不太好和小朋友去到餐廳門口，在門口穿黑衫的主管（？）抬頭望一望我們，完全無反應，繼續掛住襟電話，我和小朋友在門口企左差不多成分鐘，然後才問我們幾多人，先招呼我們入去行入去坐係度，店員只是將單據放在我面前，什麼也沒有講，連Menu都完全無俾我，幸好我見到張單據上的QR Code，知道可以用電話下單（但我又見到佢地有啲客人會俾menu，又係帶住小朋友既，唔知係用咩標準俾menu)坐定後，禮貌問店員可否兩杯水，第一個女店員完全無反應，我猜想可能自己唔夠大聲，唯有再大聲啲叫「唔該」，該女店員只是望一望我，我猜想應該是聽到了，但該店員仍然只顧叫新客人入嚟，等到佢招呼完大約三至四枱新客人後，又黑面叫我等陣，然後又去拎食物給其他客人（其實當時餐廳又唔算真係好忙），咁見個店員咁多野做，我就叫另一個女店員，該女店員就話我知係自助，而在我準備自己斟水時，原先好忙既女店員又斟水俾我，我也表示感謝小朋友坐坐下覺得唔夠高，所以我也問店員拎張高椅，我舉手想問店員，店員們繼續無視，我唯有再舉手，該叫自助斟水既店員過嚟，聽到我要求又黑面，不過也有拎張高