築地日本料理 (金百利廣場)

營業中

休息中

前陣子天氣嚴寒，吃日本菜的慾念大減，今個星期和暖許多，立即想好好大吃刺身做晚餐！金百利樓上的餐廳選擇都頗多，每次走到電梯大堂，都有種被接機的感覺，事關樓下一定有很多派傳單的姨姨，會特別歡迎每一位來賓🤣今晚約好朋友到7樓的築地，聽起已經很新鮮！店內空間不算大，不過服務都很週到，店員不停為我加茶。今日胃口不錯，點個特上二人前，有前菜、刺身、熱食、主身、甜品及飲品。前菜的麻醬八爪魚，很有嚼勁，酸酸的很開胃。另有芒果蟹子沙津，芒果都是酸酸甜甜，應該幫我把胃口再開兩度。嘩，刺身上檯還有乾冰點綴！先來一小板海膽，新鮮滑不溜口，另外最欣賞是他的赤貝，肉質鮮甜爽口，大大隻的。醋鯖魚我也喜歡，帶點點肥，微酸，有清新的感覺。熱食有天扶羅及鵝肝雞卷，天扶羅剛炸起，味道不錯。鵝肝入口甘香帶粉，配合雞卷一起放進口，口感豐富。最後有份𩶘魚泡飯鍋，要小心不要將𩶘魚煮得過熟，泡飯帶點咸味，每人大約兩小碗，份量剛好。最後甜品點了咖啡奶凍，咖啡味很濃，味甘帶苦，喜歡咖啡的可試這個，怕苦的就不要試了。

係銅鑼灣有時真係多野食到好難揀，係sogo行完街見到對面好多人派傳單既金百利廣場，都知好多唔同既野食，但平時真係好少上，咁就見到七樓有間叫築地既日本料理店咁就上去試下。上到去都唔洗點排隊，環境幾舒服唔算好迫，慢慢坐吹水一流。咁黎到築地就緊係叫sushi先，咁叫左唔同既sushi就唔逐一講啦，但特別推介拖羅，非常新鮮，魚味好重，油脂成份岩岩好，食完重有少少味留係個口，非常驚喜。然後再叫左條燒鯖魚，燒得好香個皮脆脆加埋檸檬酸酸地，然後條魚又夠鮮甜，味道一流，之後重叫正個蠔仔煲飯，呢個飯要半個鐘整，但慢工就岀細火，蠔既味道入哂落啲飯度，鐘意食蠔一定唔可以錯過。最後重叫左梅酒，食日本野飲梅酒就係緊局，食一啖蠔仔飯，飲一啖梅酒，非常滿足既一餐

今日行銅鑼灣嘅時候俾一個築地嘅水牌吸引到我，咁啱個肚又打鼓所以就忍唔住上咗去睇吓有幾"築地"嘭一聲就上到去見到個餐牌個"特上二人前"好似好多正嘢食!又唔太貴就食呢個餐啦~首先嚟前菜-3小碟右手面嘅芥辣沙律魷魚好爽口少少辣右手邊嘅小蜆好新鮮加埋中間嘅中華沙律之後,胃張開~成碗飯咁大兜重份量~青瓜同埋沙律醬蟹子同埋新鮮甜芒果!成碗嘢好清新叫得特上真係唔同 半板海膽/甜蝦/新鮮赤貝/油甘魚腩/醋鯖魚/北寄貝 樣樣都新鮮由其個赤貝食得出真係啱啱仙遊冇耐好新鮮~天婦羅炸到好脆口外皮炸得鬆化!鵝肝夾雞捲嘅味道估唔到可以咁夾，鵝肝夠厚身煎到脆身香口到一個點!加埋嫩滑嘅雞肉~捲埋一齊食，真係好食到喊最後仲有一個有誠意嘅"魚泡飯喎"師傅會整個花魚喺個湯飯上面令到成件事加咗唔少分再加埋濃郁嘅魚湯，我唔覺唔覺又食晒成兜叫得做特上緊係要加埋嘢飲同甜品啦～紫薯奶凍做得好滑口蜜桃梳打水

今日相約左小胖女到對面海銅鑼灣撐枱腳,小胖女係睇中左佢地最出名既南爪雪糕,餐廳係金百利廣場入面,入到去鋪面唔算好大,但場地燈光柔和簡潔,日食屋最開心係見到餐牌有唔同款式既野食叫,刺身,壽司,燒烤,熟食,甜品基本上樣樣齊,首先叫左個松葉蟹肉香芒蟹籽沙津開下胃,之後叫左個帶子刺身勁抵食,大大粒都係$60左右,壽司就叫左北寄貝沙律軍艦同火灸芝士三文魚腩各一,味道唔錯,夠大件,當然小弟必叫羊架同燒雞翼又有出場,大大件又燒得夠香,主食就叫左一個冷烏冬同一個松露和牛釜飯,烏冬食到雪雪聲,夠哂彈牙爽口,個飯食之前要落d心思焗下佢,一開蓋個陣和牛同好香既松露味飛出黎,每食一啖d飯都有齊哂所有鮮味係入面,好正最後當然唔小得今餐主角南瓜雪糕以甜品出場啦,原隻上真係好得意,南瓜味好勁(廢話),唔洗一陣就食哂,真係要試下木

今日約咗朋友拎野，當然就順便食埋飯啦。成日去黎去去都係去旺角同尖沙咀，今次揀咗呢間位於銅鑼灣嘅築地食晚飯🥣，試新野！我揀咗一個牛肉野菜壽喜燒鍋作為我嘅主菜，另外驚唔夠飽，仲叫咗兩件壽司，同埋一串燒帆立貝，飲品就叫咗巨蜂乳酸特飲。牛肉野菜壽喜燒鍋有牛肉，娃娃菜，日本豆腐，粉絲同生蛋。上枱個時熱辣辣，好正！壽喜燒湯底好清甜，鹹度啱啱好，我成鍋一件不漏咁食晒！壽司我只係叫咗兩件試吓，當然就叫咗我最鍾意嘅帶子壽司同埋甜啦壽司啦。帶子好厚肉，舊甜蝦超大舊！長過我隻手指，肉質都好爽甜！燒帆立貝都幾大粒下，一串有2件，肉質好滑，唔un，上到枱仲夠熱，配埋啲燒汁好yummy！巨蜂乳酸特飲相對之下就冇咁出色，當然味道還可以啦。

今日去咗銅鑼灣築地食晚餐，地點好方便，好近地鐵站。我大慨夜晚七點去到，full full地但都即刻有位坐。Menu 見到刺身盛好豐富，不過今日想食啲熱野，所以無叫到。今次叫左樣經常食既牛油果軟殼蟹手卷，軟殼蟹炸得啱啱好，幾juicy，配埋牛油果一齊食，口感一流，唔錯之後有我經常食既鹽燒青魚，呢到整得幾好食，外皮燒到好脆，肉質都仲好多汁唔會乾柴柴！最後有呢個廣島蠔釜飯鍋，呢個飯絕對係今晚既驚喜，個飯嚟到之後要焗多一陣，焗幾耐就視乎你想啲飯濕身啲定係乾身啲。一打開飯蓋就聞到好香，撈一撈見到廣島蠔份量都好多！個飯本身已經焗到粒粒都被汁色住，充滿蠔香，正呀！絕對值得一試

約左朋友去銅鑼灣行街同睇戲，睇左套逃出魔幻紀，估唔到幾好睇喎~睇戲之後就去左sogo 行街，不過之前聖誕節買左野，呢排又冇乜野啱，所以純window shopping ，行完之後緊係要醫肚啦，就行左去隔離棟大廈食飯。位於7樓既日本餐廳，可能時間尚早，入到去唔係太多人，唔洗等位，可以即入，都幾好喎。喺銅鑼灣唔洗預約都可以即入，好開心。職員態度還可以，以咁貼地既價錢，算係咁㗎喇~ 餐牌內既食物同一般日本餐廳差唔多，我地點左幾樣，以下係比較值得介紹黑松露和牛溫泉蛋沙律呢一個沙律賣相非常之吸引，鋪滿晒芝士粉，而且個溫泉蛋非常之靚，將個溫泉蛋同個沙律攪勻，蛋漿同沙律菜混合，一識落非常之香嘅黑松露味，而且蛋漿再加上菜嘅味道非常之好食，和牛亦都非常之香，鹽燒雞翼賣相都算吸引，配上好香脆嘅外皮，燒得脆口，味道唔錯。而且雞肉就夠滑，口感一流。和揚豆腐豆腐外脆內軟，熱辣辣的，而且加上特製嘅漿料，味道鹹鹹地，而且上面鋪左木魚絲，口感非常特別，亦都非常好味。餐廳地點一流，位於銅鑼灣站附近非常方便，服務亦都唔錯，如果想食日本菜嘅話，呢一間餐廳都算不錯。

今日收工嚟到銅鑼灣同同事食飯，佢介紹食呢間日本野，佢話平時都同朋友離開呢度，咁梗係信佢啦。黎到日本餐廳當然要叫壽司食啦。海蝦壽司食落肉質香滑，咬落香甜新鮮，唔需要多餘既調味，原汁原味就係最好食，另外火炙蝦用芝士加溫，口感食落更豐富，軟綿綿蝦肉加上滑溜芝士，而飛魚子一食就知新鮮，壽司飯就粒粒軟滑，飯香撲鼻。均衡飲食又點可以少得食蔬菜呢，呢味黑松露炒雜菇就岩晒啦。黑松露香味未食已經流晒口水，食落就知松露味同雜菇味道相當夾，甚至帶出菇味既甜味添呀，仲可以令平凡既雜菇變得經貴，而雜菇種類多包括冬菇，白菇，草菇同金菇，夠晒健康呀。最後叫左份鰻魚炒飯，由於係原煲上，令鰻魚飯能夠保持溫度，食落就更有風味。至於鰻魚切粒後食落能夠保持軟滑，口感佳，味道新鮮。炒飯粒粒分明，食得出係日本米，所以咬落煙引，有令人食極都唔夠既感覺。

好中意食壽司刺身既我又一次黎到銅鑼灣築地啦！呢一度既地方其實唔難搵，地鐵站一出就到。而餐廳既環境亦都好靚，坐得好舒服～今次我同朋友黎食，就決定要食豪d，要左盤海膽刺身價值158。大大盤冰保持住距既新鮮度，食落味香甘甜，好嫩滑，入口即溶，一路食一路都好興奮啊！雖然有d貴但因為自己真系好中意食所以最後都決定要左幾舊三文魚籽壽司黎食，大大粒又新鮮既三文魚籽系口中爆開既感覺真系好正！雖然今日好凍但見到餐牌上既綠茶雪糕都系忍唔住好想試，綠茶味好濃郁，冬天食雪糕作為甜品另有一翻風味！呢一度既野食其實唔算好貴，但味道一流，性價比高，值得一食再食～

一年一度的工展會又開始了，每一年都會去湊熱鬧，買一大堆乾貨，準備過年。熱鬧過後，當然要食晚飯充飢，才回家休息。由維多利亞公園行去金百利廣場大約十分鐘，廣場樓上有很多不同的食店，其中一間是日本料理，想去試一試。餐廳裝修很日本風味，座位有很多，環境尚算舒適。不過服務就一般，沒有特別介紹食物。加州卷加州卷外面舖滿蟹籽，又多又有口感，卷內有青瓜、牛油果、蛋等，經典配撘，經典既味道。牛油果軟殼蟹卷牛油果上仲加上蟹籽，增添口感，而且軟殻蟹好脆，蟹味都好香，而且仲係熱辣辣，都OK 牛肉壽喜燒牛肉係一般肥牛，質素與一般肥牛差不多，其他配料有豆腐，都好滑，仲有娃娃菜，好索湯底，仲有粉絲，吸收整個鍋的精華，又有口感，不錯餐廳食物不錯，不過年紀輕的客人會比較多，可能年紀大未必喜歡食日式料理，而且餐會目標客戶都是年輕人吧。

今晚收工去到銅鑼灣行陣街，順便搵食，去左出名好多野食gei大廈，搵下日本野食，見到呢間個外觀都唔錯又幾多人，我地就決定試下佢。等咗陣就有位坐，睇左陣餐牌，我地都係好夾咁決定叫套餐，精選2人前，有蟹籽沙律，夠大份，蟹籽夠多，而且青瓜絲夠爽口，一起吃的口感很好，還有鹽燒鯖魚，燒得好香好有水準，份量好適合2個人食。套餐還有牛肉野菜壽喜燒，壽喜燒甜度得宜，牛肉都幾多野菜也是。還有元袓叉燒拉麵，麵條不算特別，但糖心蛋的確值得一讚，好好食。另外，我倆還點了拖羅壽司，脆心四色創作卷物和火炙芝士三文魚腩壽司，拖羅壽司比較出色。還來了2杯特飲，係非常精彩又抵食的一餐！

叫築地外賣吃 跟本同吃垃圾沒有分別 叫了一個雜錦魚生飯 內送魚鱗 吃了兩口這個深深的魚腥味 我要立刻跑去廁所嘔 另外叫了三文魚壽司 不打開都算了 一打開盒子 嘩 三文魚的肉 好像放了10天一樣自己想像吧 （現在是冬天）。那個時候我想是我心理作用吧 那我咬一口試試 有點想說粗口 魚有筋的⋯⋯ 也有鱗的 ！！這是給人食的嗎？注：（築地 你不想做外賣就不要做 不要給人吃垃圾）

銅鑼灣呢邊真係好多野食，次次黎呢邊都要簡好一陣，今次就果斷d，食豪dd, 築地壽司啦！各款壽司單叫蟹膏花之戀，厚厚嘅兩片新鮮三文魚圍住細細舊嘅飯團，三文魚肉質鮮味，份量佔整舊sushi嘅三分之二，面層中比厚厚嘅蟹膏覆蓋住，幾粒蟹籽起左裝飾作用，襯番三文魚嘅顏色，香濃蟹膏勁好味，咬落啖啖都係蟹膏，好正！三文魚籽壽司，三文魚籽望落粒粒晶瑩剔透，係燈光嘅照射下好似識發光咁。唔止望落吸引，滋味更加係無窮，一咬落去，爆汁珠珠嘅咸鮮味填滿成個口腔，連埋細細嘅飯團味道就岩岩好，係我最中意嘅壽司！極上黑松露茶碗蒸，熱辣辣，顏色配搭好靚，黃黃橙橙。蛋蒸得好嫩滑，入口即溶，原來三文魚籽嘅味道係咁襯蛋味，中有黑松露，咸咸地，成個茶碗蒸就係鮮味。北海道牛乳奶凍，食完咁多嘅肉類壽司，都會有少少滯嘅，所以呢就叫咗一個牛乳奶凍，冰冰涼涼，奶味超香濃，口感勁滑，完全係可以解濟嘅一個甜品。

有日同朋友黎開銅鑼灣依頭，由於食左下午茶既關係，所以其實未肚餓住，但又無地方去，咁岩俾依間叫「築地」既餐廳吸引住，好奇心起就上左去試試由於時間尚早，都無咩人，內裡環境算不錯啦我地抱住試嘢既心態，係咁依叫左兩粒壽司，我就叫三文魚壽司，7蚊粒黎講真係算不錯友人叫左鮮帶子壽司，真係算新鮮然後每人叫左一串串燒，我就叫牛舌，友人就叫牛肋片，燒得幾香，唔會太乾，味道不俗，點埋檸檬更佳食左幾樣嘢都覺得幾好，就叫多個壽喜燒試試，反正兩個人分唔會食唔晒一上枱就覺得幾靚，份量不大，岩岩好夠兩食牛肉都算幾多架望真啲佢都落左幾多配菜其實食完上面既食物，都已經幾飽，但由於對我地黎講，甜品係屬於第二個胃我地就叫左樣甜品試試見依款南瓜雪糕個樣好特別，就一於揀佢真係有驚喜，味道有淡淡南瓜味之餘，仲有少少奶味，質地並唔係gelato ，但都很不錯，幾creamy 好味整體黎講，餐廳提供唔少食物選擇，味道不錯，下次一於食埋其他

香港近年多左食店命名為「築地」，但事實上有幾多真係做到咁「築地」地好食呢（特別係當日本築地其實都已經多左相對較遜色既食店既時候）所以，我一於好少理個名，最緊要係啲嘢好食依間食店提供既食物種類好多，有齊日式拉麵、鍋飯、魚生、壽司、炸物、燒物、火鍋同甜品，餐牌大概係咁：要我一個人試晒咁多款食物真係難架，所以揀食邊幾款時都諗左好耐最後我揀左以下三款我覺得值得一試又有綽頭既食物首先，作為我既前菜，叫左三文魚腩刺身合共四塊，每塊堅係肥美一食落去滿口油脂，真係好食至於主菜，我就叫左直火炊松露和牛釜飯鍋個名都夠晒複雜，而且仲要計時廿幾分鐘先可以開蓋食得，真係試得吊人地隱終於夠鐘！一開蓋，真係香氣四溢充滿黑松露同牛肉既味道即刻攪拌一下再食，飯既軟硬度剛剛好，每啖都咁香口，而且間中有啲啲飯焦，真係好食另外，入面既牛粒都唔少，牛味同啲飯香配合得好好，真係有特式，值得一試最後叫番樣甜品，一眼已經俾依款南瓜雪糕吸引住合樣已經夠晒特式，一食落去更加覺得好味，佢係普通雪糕質地，食得出有少少奶味，係口中臨尾再溢出南瓜味道，推介