築地日本料理 (金百利廣場)

營業中

休息中

日本野食極唔厭 上星期食完今星期再食見到有二人或四人套餐但我同朋友都覺得散叫會開心d所以決定散點！櫻盛合：款式多，最喜歡三文魚，夠肥同夠香。另外甜蝦都好味，大隻彈牙，兩個人點呢個夠滿足！牛肉壽喜燒：今次係衝住呢個而來，上網見到好多人食呢個，見性價比高可以一定要食！店員好細心話唔食太生雞蛋可以先攪一攪個鍋，因為個火大概幾分鐘就會熄。牛肉份量多，湯味夠濃，一鍋兩個人份量差唔多，三個人食就唔夠食了壽司：壽司卷物款式多，試左一個牛油果卷，味道好味夠香啱晒鍾意食牛油果嘅我！整體唔錯，下次會再同朋友黎過！

好味又平民嘅日本料理！銅鑼灣金百利廣場美食林立，當中竟然蘊藏左平民貼地嘅日本料理餐廳。同樣地服務員很有耐性同禮貌。看到餐牌嘅美食就急不及待要點餐，首先我哋點了黑松露炒雜群蘑菇，一個泡菜日本豚肉石頭鍋飯接着加了數件壽司和日本特色小食。蘑菇口感非常好，濃郁嘅松露香味加上蘑菇自身的煙銀口感令人食過返尋味。美食當前我哋好快就將食物清空，但不得不提嘅係築地餐廳嘅壽司每一件都睇得出係用心處理，口感非常好。加上香口嘅牛舌令人口水直流最後點了一個甜品，香滑口感嘅紅豆味雪糕大家都可以試吓

午膳時間到銅鑼灣吃飯，隨意在金百利廣場挑選了一間小店試試。「築地日本料理」餐廳面積不大，繁忙時段十分旺場，小編也是僥倖才得到末席。店內以居酒屋風格作裝潢，簡潔平實。 翻看餐牌才發現部份定食只需四五十元已有交易，而且更有久未見過的「學生價」，難怪食客那麼多，又有不少中學生光顧。 小編要了一客「雞柳煮蛋飯」，飯品送上前先來一碗味道略鹹的「味增湯」作熱身，再等一陣子主角才壓軸登場。雞柳較豬柳少見於煮蛋飯，味道平平，煮蛋製作嫩滑多汁火喉不俗。雖然整客飯的質素談不上突出，但計及價錢又變得富吸引力。 午市壽司定食，壽司賣相有交代。 最後一談服務，或許因食客眾多，店員工作繁重，態度略見「硬朗」，可改善一下。

金百利廣場超多食肆，今次揀左呢間食日本野。未到食飯時間，唔洗等位就入得。餐廳既裝修幾靚，和風設計。張櫈既座墊好厚又軟淋淋，行左成日街一坐落去勁舒服。本餐牌都好精美，以為主要食壽司刺身類，但原來其他類別都有好多款式，例如燒物、鍋物、拉麵、炸物等等。豉油碟既設計非常好，啲餐具都幾別緻。呢款卷壽司叫清水心跳，有芒果、牛油果、青瓜、露筍、大根漬，材料全是素，全部加埋一齊味道好夾，極之清新，仲好好味，感覺又好健康。塊芒果好夠甜，配埋飯同餡料口感好豐富，成個組合好完美，有水準。汁燒魷魚筒好出色，一送上枱已經香氣撲鼻，而且好大份，又厚肉，燒得恰到好處，質感非常爽口彈牙，好有𡁻口。個汁又調得好好味，仲完全索哂入去，每一舊魷魚都超好味。三文魚腩刺身好正，好大件又厚身，新鮮又肥美，好有口感。青蘋果乳酸特飲好好飲，充滿蘋果既清甜味，乳酸味亦好突出，兩者溝埋好夾，又唔會太甜或者有好假既甜味，好解渴。

逛街逛到見餓了，行經金百利接到傳單，就瞬間被吸引上樓醫醫肚。想不到還未到七時已有不少客人。餐廳環境很不錯，帶有西洋和式設計，座位十分舒適，而且乾淨企理。餐牌上選擇很多，刺身、壽司、熟食、甜品一應俱全，價錢亦很大眾化，甚至比一般大型連鎖日本食店更相宜。三文魚腩刺身超肥美又新鮮，而且相當厚身，加上滑溜質地，好有口感，每一口都充滿魚油香和鮮甜，又不會好”漏”，非常美味。火炙三文魚腩壽司燒得剛剛好，肉質不會嚡，有些魚油散發出來更添美味。海膽壽司的海膽頗多，色澤很好，口感creamy，好滿足。帶子花之戀壽司相當出色，帶子極之鮮甜爽口，與三文魚十分配襯，而且每塊三文魚均厚肉而新鮮肥美，實屬難得。赤海蝦壽司和活赤貝壽司也好有水準，兩者除了非常新鮮外，更是十分爽口彈牙，其中活赤貝超級巨型，正！鵝肝壽司我好喜歡，好大件又厚身，煎得香脆，內裡仍能保持嫩滑，而且爆多油香，非常美味，加上魚子醬真是高級享受。三文魚壽司頗新鮮，油脂分布均勻，肥美又滑口，很不錯。

日本野唔一定貴，但多數一分錢 一分貨。今次見到個名睇落好似好貴咁，其實一樣貼地！壽司唔算貴，價錢同元氣差唔多！叫左少少壽司，石鍋鰻魚炒飯，鰻魚玉子手卷同燒魷魚。先上壽司三文魚同元氣差唔多，價錢亦一樣，一般的質素無雪味不過鮮味亦不足鰻魚比較好食，唔太薄帶子比較乾身，下次食海膽軍艦比較好！玉子正常，不過賣相可以靚少少！鰻魚玉子手卷反而ok！食到底都重有少少鰻魚！燒魷魚筒$52正！好香魷魚味，個汁亦調教得十分出色。正！推薦！最後黎既飯，有送面鼓湯，我就唔飲。。比左女友飲，不過佢就飲晒。。。個飯夠香，鰻魚粒亦很多！女友好鐘意，因為佢有黐底，我就幫佢食晒無黐底既飯。。我會建議黎食平時壽司店無的料理！做得特別出色！

放工行完街近近地上去食飯，呢間野多笑哈哈麻：）呢間野喺樓上，但係唔算太大，都好嘅冇咁多人冇咁嘈。餐牌有好多選擇，睇到我呢揀左好耐，我好鍾意食鰻魚飯，所以最後都係揀咗佢，希望有日晒全港嘅鰻魚飯睇吓個賣相好靚，不過我最想嘅係鰻魚汁可以另上，我鍾意加幾多就加幾多咁，因為唔太喜歡食有汁飯講下主角鰻魚，好厚肉啊！肉質彈牙，又厚肉有口感。上面有白芝麻加左一陣白芝麻香味呢個鰻魚飯份量好多，食完其實都好飽了同朋友再叫咗個松露張炒雜菌share，出街都要食菜一上已經聞到好大浸黑松露醬味道，黑松露醬份量好多，因為每一啖嘅雜菌都食到佢仲有好香嘅牛油香，又肥又好食最後係甜品，梗係揀個造型特別味道又特別㗎啦就係南瓜雪糕啦，真係第一次見，煮熟左嘅南瓜加埋南瓜雪糕咁樣上，賣相比足100花，味道方面，好香椰奶味，南瓜味有啲淡，因為本身呢種南瓜都冇乜南瓜味嘅。原本想要啲南瓜肉嚟食，係唔得嘅因為已經變咗一舊冰🤣順帶一題呢度啲服務好好，會不斷有員工主動加熱茶仲有個茶包，所以我特登影左相，茶味濃啊

今日係銅鑼灣行街，行行下街突然好肚餓，又想食日本野，然後就去左依間築地度約下喇！一入到黎，見倒個碗已經好開心因為我覺得個碗好靚！好可愛！松露炒野菌($58)係第一樣上枱嘅食物，啲菇好香，亦有松露味，而洋蔥煮得岩岩好。但係食到底就有少少油嘅。加洲卷（$30)炸軟殼蟹天婦羅($58)炸得好脆，而 且 啲 蟹 有 蟹 膏嫁！！！醬燒雞柳串($16)唔會話好乾，仲好多汁tim巨峰乳酸特飲($32)有小小甜，但好味，因為個巨峰味都幾真嘅！泡菜黑豚石鍋飯($68)唔會話好辣，同埋可以見倒辣醬可以自己加，如果想再辣啲就可以自己調。用泡菜加粟米加飯，係好好味嫁！！！最後加左個黑芝麻雪糕($22)因為宜家係街邊都冇芝麻雪糕，所以我就點左食。食完真係好滿足

同女友行完 SOGO 後想食日本野，之後就過對面金百利廣場呢間築地日本料理。吃日本菜不一定要去昂貴的餐廳，其實還有些價錢較親民的，就如在金百利這家築地。餐廳內有好多日本風的擺設，好想帶回家！一開始叫左三文魚刺身，價錢唔貴，又厚又鮮味 日本料理當然唔少得壽司啦! 推介親子軍艦同帶子壽司，落足料又新鮮。其中鮮帶子肉質厚身，入口鮮甜，是當中最不俗。之後開始熱食，北海道忌廉肉餅，我最鐘意佢外面夠脆入面夠軟身。岩哂我呢個食肉獸 而且由於個餅外脆內甜，果種肉味吾會覺得太膩，所以好難忍口，一食就食左四舊。即叫即整，所以黎既時候，熱辣辣, 好正！多春魚串燒同鹽燒多春魚，又係好食。最後都係忍唔住叫多個黑蒜油豬軟骨拉麵，超級推介! 個湯夠濃同 d 豬軟骨又林又入味!!然後女友叫左個北海道牛乳奶凍，有着淡淡奶味，甜度剛好，必試，好食到差 d 想叫多幾個。埋單比我想像中平。總結呢間餐廳性價比好高，必定返食

銅鑼灣一直是我們的首選，地點方便，餐廳選擇又多，今次我們選了位於金百利的築地，評分吾錯，所以一試！本來以為裡面好細，點知空間感都幾大，可以兩個人坐四人枱。築地日本料理，內裏環境很有日本風情。三文魚刺身非常鮮甜，加上放入左乾冰，視覺效果非常之好！三文魚厚切且大片。先來壽司，點了赤海蝦、鮮帶子、鰻魚。其中赤海蝦色澤也晶瑩剔透，咬落爽口鮮甜。全數放進口中，很滿足。清酒蛤蜊，用窩上keep住啲湯熱真係好貼心，蛤蜊比平時日本餐廳食果啲大隻好多而且肉厚，啖湯都甜過人，可能係加左木魚既關係。黑蒜油豬軟骨拉麵的湯底帶鹹香味道，質感creamy油潤好香口。紫菜吸收湯底精華更好吃，木耳爽口，粟米粒清甜~中身麵質感微彈牙，煮得剛剛好。豬軟骨有兩大片好足料，肉的部份煮得超入味，甜甜的，好軟好易咬，軟骨爽口帶軟好有咬口，有些還像啫喱呢！每人只是200元左右，好抵啊！

一直都未試過築地 聽朋友講呢間築地日本野好好味 襯今日同朋友出街就上來試試餐廳環境唔錯 環境夠靜同朋友慢食傾計一流！刺身方面我地點左一個二人分量的櫻盛合，刺身分量夠晒兩個人食，種類都有8-9樣，我最鍾意佢有一板海膽！！😛海膽，三文魚，醋鯖魚的質素都唔錯！兩個人食非常值得叫一個櫻盛合，種類多每樣質素都唔錯！👍🏼壽司方面性價比高！好食又抵食，火炙壽司真係點完再點！火炙芝士三文魚腩壽司係必點！👍🏼見到原來9點後入座壽司有半價/8折，真係性價比超高！下次會同朋友9點後再黎食過😛

今日放工去到銅鑼灣度食，呢一度直接喺地鐵出口隔離，非常方便，搭個就到。此處嘅環境非常舒適，因為位處較高嘅層樓，所以都可以透過呢度嘅窗戶俯瞰到外面嘅境色。呢度嘅食物，不論壽司定係小食，又或者係炸物同定食都好好味，而咁多樣野之中我比較中意海膽魷魚壽司同蟹膏蟹肉壽司。呢兩樣野個配搭上都好好，非常鮮味而且令我有再嘗嘅想法。至於茶碗蒸係不可不食嘅其中一樣，呢一個極上黑松露茶碗蒸嘅蛋非常滑，而內裡有嘅材料都好豐富，有蝦有菇，最緊要佢有主角黑松露，呢一樣野配上茶碗蒸非常夾，而且亦都能夠突出佢嘅味道，超級棒！而綠茶雪糕亦都係比較出色，佢嘅綠茶味濃，會令人想一嘗再嘗！

今晚又遊走於銅鑼灣，肚子餓了便走到甘百利樓下看看水牌、想想吃什麼。看到7樓的「築地」令我很想吃拉麵和燒鍋，所以便上去。《黑蒜油豬軟骨拉麵 $72》黑蒜油味道湯底香濃，香味撲鼻，拉麵彈牙掛汁。豬軟骨十分軟腍入味，有驚喜。《牛肉野菜壽喜燒 $72》用火爐直接滾著保持熱度，很有冬日感。牛肉味濃，鍋中有不少野菜並已經很入味，再加上日本的䈮篛麵，煙韌彈牙，滾久一點至入味才吃更惹味。壽司：點了《北寄貝沙律 $8》北寄貝配上沙律當然惹味，只吃一件就不會膩，留肚吃其他。《芥辣八瓜魚 $10pc、龍蝦沙律 $10pc、劍魚 $13pc、海膽魷魚 $12pc、鱆紅 $10pc》味道和大小都很平均，味道不過不失，下次會試試它們自創的口味。

今天工好不順利，遇上工作上不公平的人和事，真的啃於心裡難於訴求。情緒一直很低落，幸好男友特意帶我來到接放工，心情才稍有改變。好吧，心情差也要吃飯《鹽燒雞翼串 $22》雖然肉有點乾，但雞皮燒得好香脆，很香口。跟飯的《麵豉湯》《石燒鰻魚炒飯 $88 跟麵豉湯》鰻魚肉碎甜甜的，拌於已調味的炒飯中，很美味。石燒鍋很熱（容易燙手要小心哦），所以燒鍋內的飯都很熱烘烘，特別好味，而且有飯焦，好像釜飯，加上飯中的醬汁和鰻魚肉，更加有口感及惹味，但如果鰻魚肉能再多一些就更好。《牛油果軟殼蟹手卷 $34》軟殼蟹香脆，牛油果溜滑提味，但感覺上小貴。不收加一。服務：職員會自動幫忙添水。環境：比較狹窄，枱貼枱。

同友人係銅鑼灣想食日本嘢, 本身排元x, 但太多人排隊, 上網睇下, 見到呢間, 壽司同元x價錢一樣, 仲有好多熱食選擇, 就試左.我地樣樣都想食, 睇左好耐menu, 最後都係食壽司為主.茶碗蒸蛋好好味, 好滑, 面頭有少少菇, 內面仲有少少肉加海鮮, 好熱好好味.海膽手卷正常, 海膽有鮮味. 我比較喜歡呢間的壽司飯, 係人手整, 有醋味. 麵豉湯好味，唔太鹹海膽壽司有驚喜, 佢比海膽手卷有更多海膽, 正. 所以我食完後有翻叫. 得!玉子壽司熱騰騰, 玉子甜甜地, 都係必叫的選擇.鰻魚, 赤海虾, 三文魚都唔錯, 以後去銅鑼灣可以唔洗成日排隊食大連鎖店的壽司了... 值得一提, 我鐘意食芥末, 但佢比較辣, 所以可以唔洗落咁多.