築地日本料理 (金百利廣場)

營業中

休息中

同朋友相約在銅鑼灣聚舊，友人鍾意食日本料理便揀左這間在金百利廣場內的築地覓食😋即時係平日晚市這裏還是有不少人在等位，看來人氣不錯🤪兩個人要左個精選二人前包沙律小食主菜甜品同飲品都只係$268，認真抵食🤩先上黎既蟹籽沙律鋪上滿滿蟹籽同蟹柳，撈埋沙律醬絕對是簡單但滋味既經典沙律之選😎蟹籽堆到超高😋小食我地揀咗板燒香蒜牛舌。牛舌燒得岩岩好，唔老唔硬易咀嚼，配上偏甜嘅燒汁都唔錯😋兩個主菜我地其中一個叫左牛肉壽喜燒，雖然影相賣相好似唔係幾好咁🤪但係味道絕對搭夠番😚壽喜燒汁唔會太濃太甜，牛肉配上溫泉蛋的蛋汁，夠曬正😉壽喜燒仲配有大量蔬菜菇菌同滑豆腐👍🏻而另一個主菜我地就叫左泡菜黑豚肉石鍋飯，這個一吃有驚喜🤪黑豚肉是豬頸肉和腩肉部位，肉質彈牙富油脂香，將泡菜同白飯拌勻，每一口都超惹味😚最後上的甜品是北海道牛乳布丁🍮布丁嫩滑超重牛奶味，食完真係超飽🤪吃完甜品在喝著跟餐的飲料聊天，和友人在築地過了一個相當滿意的晚上😚特別要讚嘅係餐廳冇一次上晒所有食物，晚市人多都冇趕我地走，而係前菜、小食同兩類主菜都分開上，令我地可以慢慢品嚐😋總體來說就是一間性價比高的日式餐廳😎

今日相約姐妹們食晏吹水，㨂左呢間日本野，我地三個大食都叫左唔少野食🤣，睇睇張單都係400蚊三個人😱。佢lunch 有d 飯同烏冬最平5十幾蚊都有，所以都真係幾平。飯餐送左個湯，呢個麵豉湯唔錯，多d 蔥花同埋有菇既香味。✨芝士玉子燒（$35): 個蛋軟綿綿，加埋芝士幾好食，不過我覺得個芝士味唔夠濃，可以再勁d~ 加左蟹籽脆卜卜，口感唔錯。✨滑蛋雞柳飯（$58): 個蛋真係勁多，好多蛋汁夠晒滑。雞柳啖啖肉，加埋蔥花幾香，呢個配搭好難唔好食～呢個價錢真係好抵，送湯又送野飲。✨燒雞軟骨（$28): 本身對雞軟骨興趣mama, 因為無咩牙力🤣。不過佢呢個爽口得黎唔會太硬，加埋檸檬汁唔錯。✨蕃茄濃湯豬扒烏冬（$78）：呢個番茄湯我幾鍾意，蕃茄味好濃郁，唔會太酸又唔會太甜。個豬扒都幾厚身啖啖肉，而且炸粉好鬆化。✨牛油果軟殼蟹卷（$48）：牛油果夠晒熟，而且軟殼蟹脆卜卜。✨海膽帶子卷（$68）： 帶子鮮甜幾新鮮，入面有青瓜同蟹柳。✨ 魷魚雞肉卷（ $88 ）：呢個我最鍾意，估唔到個魷魚勁厚身而且好鮮味。入面除咗雞肉，仲有爽口嘅青瓜同紅蘿蔔，最正係佢個汁，甜甜地得來又帶點微辣，真係好好食。

呢間築地簡直係銅鑼灣鬧市中既小天堂。坐得舒服之餘，嘢食質素唔錯，而且價錢便宜！lunch set有湯有野飲大概係$48-98出示有效學生證仲可以減大概$5。1. 蒲燒鰻魚飯 （$85）鰻魚既size頗大，同啲醬汁配合得好好味，食晒成個飯都唔會覺得膩。飯既份量都多，一粒粒既珍珠米質感岩岩好，食哂成個飯真係好飽，好滿足。評分: 8/10 2. 海膽三文魚炒飯 （$99）嚟到嘅時候上面真係有海膽刺身，我個人就唔係咁識得欣賞海膽。不過友人話海膽新鮮好味，值得一讚個炒飯都瀰漫着啖啖既海膽味，份量好多，熱騰騰。服務員既態度都好好。一開頭職員比錯咗個鰻魚炒飯我地，同返佢哋講之後就即刻幫我地換，整個過程好迅速，而且態度都好好總括而言 ，呢間餐廳CP值好高，會再次幫襯。

同埋朋友一齊黎到咗呢間Tsukiji Japanese Restaurant食日本菜。入到黎環境好舒適，裝修精緻，座位也比較寬敞。加州卷入面餡料有蟹柳、牛油果同青瓜，加州卷可以話係日本卷物中最常見個款，點親都好難出事。特別嘅係佢加入咗牛油果，而非玉子。個人對牛油果唔算太鍾意，總覺得有種油潤感，好似食緊脂肪。但加入加州卷又唔會太突兀，適當沙律醬亦令卷物更開胃。魷魚雞肉卷$88 每舊都幾大份，魷魚偏韌同厚身，尚算易咬開。雞肉肉質都幾鮮嫩，味道可以。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

第一次來這家日式料理店. 事前不知道有素心司一人前餐, 因此打開餐牌後十分驚喜.上菜時最吸精的無疑就是素壽司拼盤, 每件的味道也不同, 款款都具創意亦新奇. 較普通的是紅椒及素鮑片, 其餘如素漢堡排都很特別.味道總括來說都偏向濃味的.套餐中亦有前菜, 沙拉, 冷面和甜點, 138元也是可接受的.

Happy Friday放工想食好啲，就去左金百利既築地食晚餐叫呢個名就諗起日本既築地市場，諗住都唔會差啦，點知就有啲失望火炙三文魚腩不過不失啦海膽帶子卷海膽同帶子不嬲都係我最愛，夾埋一齊食好正牛仔骨極度不推介！肉好韌，韌到完全咬唔到，而且味道都調得唔好食三品牛肉卷呢個牛肉卷反而好有驚喜，食落有陣香蕉味，但又出奇地同個卷既味道夾喎海膽海鮮炒飯好足料，同埋上菜時熱辣辣，要趁熱食Waiters 服務都唔太好，好明顯人手不足，叫左好多次先有人黎serve

之前已經幫襯過銅鑼灣呢間築地，印象屬於中等，無乜特別。而呢次主要因為係銅鑼灣又諗唔到食咩，日本料理又比較大眾，就再食多次。點知呢次整體食後感都好好，對比前兩次，今次食物令我幾驚喜。-加州卷＄32入面餡料有蟹柳、牛油果同青瓜，加州卷可以話係日本卷物中最常見個款，點親都好難出事。特別嘅係佢加入咗牛油果，而非玉子。個人對牛油果唔算太鍾意，總覺得有種油潤感，好似食緊脂肪。但加入加州卷又唔會太突兀，適當沙律醬亦令卷物更開胃。-青龍＄50呢款係我揀嘅卷物，個名都幾有霸氣，原來真係青bb顏色。卷物頂部有一小撮海膽，內裡有吉列蝦同青瓜。好鍾意食有吉列蝦嘅卷物，好香脆，青瓜起到少少解膩作用。可惜海膽有少少苦，唔夠清甜，亦有可能係我食唔慣。-甘栗紫薯餅＄42老實講我唔好紫薯同甘栗，但同行人想食，唯有試下。點知呢款係令我最驚喜嘅菜式，紫薯蓉香甜綿密，甘栗粒份量剛好，中和返外層吉列皮嘅油膩。炸得金黃酥脆，連我食到飽飽地都想食哂佢。-什錦魚生丼＄98丼飯主要有帶子、甜蝦、三文魚同北寄貝。刺身感覺都新鮮，帶子鮮甜，三文魚唔算太大塊但都係厚切。不過食落就無咩驚喜，正常丼飯。

呢日十二半左右係銅鑼灣食晏，不過金百利廣場真係無時無刻都係咁多人排隊，我喺下面等𨋢都等左幾個字，搞到我本身準時都變遲到🤢好彩有朋友早左到就上去餐廳攞位同落單先，我上到去既時候唔係話太大既餐廳已經爆滿🤪▪️ 什錦魚生飯 💲68呢個係跟朋友叫既什錦魚生飯，係銅鑼灣黎講六十八蚊有麵豉湯、主食同埋熱飲，仲要係免加一添，其實都真係幾抵食，所以對食物既要求相對地唔會話好高😱魚生係角切既，有三文魚、吞拿魚、希靈魚、鯛魚、蟹籽等等，入口大致上都無咩筋位，咁多樣當中係希靈魚稍微遜色一點，個珍珠米亦都食到有少少壽司醋味，整體都算係不過不失🍣🔎 整體評分（7/10）

同同事一齊下午食午餐，去到個陣唔多人，waiter唔主動serve我地，想落餐又叫極都無人理我地。我叫左個壽司lunch set，想轉其中一舊壽司又唔俾，另外兩個同事點左個餐又話無得賣。 同事食魚生飯同我個壽司餐既魚生都唔新鮮，其他野食黎到又唔好食，吉烈魚柳又炸得太燶。我地5個人都覺得飲湯隻碗同餐飲個杯都有陣味，有陣洗碗味。成個感覺環境唔舒服，服務質素同食物水平都好差又唔達標。我地會永遠blacklist呢間野，lunch都甘難食，何況晚餐呢？

今日收工約咗兩個豬朋狗友出嚟吹吓水。有朋友同女友黎食過推介啲間都幾抵食,我哋就試番呢間日本餐廳,呢一間餐廳入到嚟餐廳佈置都幾似系日本見到嘅一樣,特色牆身都有啲設計， 幾個人當然散叫嘢食唔揀餐。我哋叫咗個芝士蟹子玉子燒 ，熱辣辣加埋上面啲芝士好香， 而且上面嘅蟹子粒都好新鮮咬落去係脆卜卜，另外就叫咗啲壽司同埋軍艦以及一啲卷物。呢款叫清水心跳，幾好食，佢外面係芒果佈面,裏面係牛油果,味道好夾。 另一款叫青龍有海膽佈面同埋鍾意佢上面啲紫菜碎夠多。叫咗兩款刺身分別係有蝦有頭甜蝦刺身, 同埋油甘魚刺身。本身想叫埋劍魚腩刺身，不過佢冇貨過，有頭甜蝦都幾好食幾新鮮同埋真係好甜，尤其是蝦頭嘅位置。另外其他壽司就叫咗帶子壽司,海膽魷魚,蔥花吞拿魚,同埋呢個好搞笑佢叫做哈哈三笑，係三款唔同嘅蝦另外我覺得最好味嘅就係呢啲蟹膏蟹肉壽司蟹膏好濃嘅味道推介推介

Visited this place from Open rice, there have very good food selection. However after the dinner, we were very thirsty, this usually happens when there is MSG in the food. The place is very small and tables are very close to each other, so you can’t help eavesdropping into the neighbouring table’s conversation. With so many other options of Japanese food in Causeway Bay, we will not be visiting this place again not recommend to others.

同朋友喺sogo行完街 去佢對面食埋晚飯先走 一路都知呢棟大廈多嘢食選擇 我哋逐層逐層搵 見到呢間日本餐廳入面都坐咗唔少人 價錢都幾便宜 所以就決定試一試 入到嚟餐廳佈置都幾有日本特色牆身都有啲設計 佢都幾特別有啲素食一人前 都算係其他餐廳比較少見 另外都有其他二人前嘅餐不過呢就都要包括咗粉麵嘅選擇 但我地兩個其實都食咗少少嘢所以就諗住唔揀套餐散叫嘢食叫咗兩款刺身分別係有頭甜蝦刺身同埋劍魚腩刺身本身想叫埋油甘魚刺身不過佢冇貨 個有頭甜蝦都幾好食 幾新鮮同埋真係好甜尤其是蝦頭嘅位置 朋友食嗰個劍魚腩刺身佢都話好唔錯 我哋另外亦都叫咗個芝士蟹子玉子燒 燒到熱辣辣芝士溶得黎又好香而且上面嘅蟹籽粒都好新鮮咬落去係脆卜卜另外就叫咗啲壽司同埋軍艦以及一啲卷物呢款叫清水心跳嘅都幾好食佢裏面係包咗牛油果 上面又有芒果 呢一款青龍就係有海膽嘅 鍾意佢上面有啲紫菜 入面係吉列蝦同埋呢個好搞笑佢叫做哈哈三笑 係三款唔同嘅蝦 另外我覺得最好味嘅就係呢啲蟹膏蟹肉壽司蟹膏好濃郁嘅味道 推介推介

 ( by my phone)(by my friend's phone) <-- 怎麼她拍的漂亮這麼多這是一間位於金百利廣場樓上鋪的餐廳，這個廣場有很多不同國家的菜式，吃過越南的，這次就來到日本的。看見這間的食物照片也頗吸引的，是時候自己來試試。下班過到來大概6:45, 這時還未有很多人，所以我們不用等就可以坐下了。我們叫了些壽司，手卷和我最愛的玉子燒😍我非常推薦這個芝士玉子燒，不知道是否因為我本來就好喜歡，所以好像怎樣都好好吃似的。端上來時它還是暖暖的，上層的芝士微微熔化，質感軟軟，配合內層嫩滑的玉子😌絕配。現在提起又很想買一個來吃了。壽司手卷方面，先說手卷，軟殼蟹和牛油果的份量都很足夠，尤其喜歡它是在飯中心依然有牛油果的蓉，不過，紫菜看來很容易被軟殻蟹的溫度弄"淋"了，不夠脆。另一方面，壽司的水準則不錯！我們叫了三文魚三食，芝士鰻魚卷，帶子海膽花之戀和黑松露油甘魚。感覺食材也新鮮，飯的質感細軟，把珍珠米煮得剛好 吃完以後，感覺還差一點東西，所以我們又點了一個鹽燒三文魚頭。燒得很香剛剛好！三文魚也很大件，魚頭肉很滑，魚鰭也很滋味。額外補充，我覺得這個餐廳的環境和裝潢都挺別緻

聽聞這間餐廳9:00pm後入座十多款會有半價，當中包括三文魚$8, 半價$4好抵食。不過今晚有夜D有節目, 所以試左dinner menu先。Menu好厚, 選擇豐富。裝飾燈亮柔和，有日式小店感覺。平日座位都滿滿order北寄貝沙律手卷紫菜好脆, 份量好大蟹肉香芒蟹子沙律,  至愛赤蝦，厚身鮮甜, 火炙芝士玉子，火炙三文魚腩。牛油果軟殼蟹卷賣相討好, 牛肉野菜壽喜燒個汁都好濃，而且有大量牛肉同溫泉蛋手打冷烏冬幾彈牙，加上蔥花、芝麻。紅豆綠茶布丁一入口就有濃濃綠茶味

其實銅鑼灣東角附近出咗名多餐廳 但因為成日見到樓下都好多人排隊等電梯就懶唔想上去搵位食飯。今次真係諗唔到食咩 唯有認命咁想去睇吓有咩特別嘢食啦。見到呢間日本料理好似唔錯咁 選擇有多 價錢又唔貴 啱啱又唔使等位，咁就一於試吓佢啦。一去到坐喺靠窗嘅卡位，見到Menu真係超多選擇。又有壽司刺身定食燒物炸嘢串燒飯麵同甜品選擇 仲有二人套餐Tim!我哋兩人分別就叫咗一啲壽司 燒魚 同埋壽喜燒食壽司上枱見到都算新鮮 而且都夠大件，分別叫咗一個軟殼蟹卷，兩個燒三文魚腩同埋牡丹蝦拼蟹膏，劍魚腩同三文魚子。全部都做得好好 食落冇腥味 蝦又夠甜。後尾再encore左三件 但已經太好食 一上枱就清咗落肚冇影到相。燒三文魚頭其實好飽 唔好睇佢好似好細份禁，油脂非常豐富 個皮燒得夠香 但啲肉係非常滑 好正啊救命🤤諗起就想食多次最後食埋個牛肉壽喜燒作為呢一個晚餐的收尾，牛肉底下有豆腐 菇同埋蔬菜。剛剛好可以中和返頭先食燒魚的飽腹感，加埋隻溫泉蛋 仲有咩係正得過咁？