築地日本料理 (金百利廣場)

營業中

休息中

金百利廣場食日本野🇯🇵🍣平時去銅鑼灣都好鍾意去金百利廣場覓食嗰日打算試新野又想食日式料理所以去咗築地日本料理食晚飯餐廳7:00pm唔多人可能係因為唔夠晏未到晚飯時間🤪我哋叫咗個鰻魚飯同雜錦魚生飯🥳首先，一人有一碗麵豉湯因為嗌飯佢會送湯鰻魚飯 $85份量唔會太少鰻魚汁亦都夠撈飯😛雜錦魚生飯 $98另外雜錦魚生飯嘅魚生份量都唔會太少刺身有三文魚🍣吞拿魚、甜蝦等特別要讚一讚甜蝦🦐非常新鮮、肉質爽口枱面有豉油同wasabi 比你自己加其實見到咁多款壽司都覺得好吸引不過呢間餐廳9:00pm後有半價壽司🍣同料理85折🍱🥟🍜🍲🍙所以好多人會選擇晏啲先來等我下次又試吓九點後嚟先😋嗌嘢食都可以嗌得豪放d

🐷🐷🐷🐷▪️味之鰻($45)係我最鐘意係combination，鰻魚，芝士同沙律🥳 鰻魚同芝士本身就好夾，不過比較容易膩。卷贊入面用沙律醬，魚籽同青瓜絲可以中和返油膩感，基本上我自己一個食十件八件都無問題🥰 唯一美中不足既係，鰻魚比較細舊。〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️三文魚親子丼($115)媽咪話依個親子丼好impressive，望下三文魚既厚度就知點解😂 每片都差唔多2cm厚！食落口啖啖肉既感覺好滿足！〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️板燒香蒜牛舌 ($50)超乎意料地表現出色。醬料咸甜並重，牛舌同洋蔥都煮得入曬味，洋蔥軟林入味。依個菜性價比好高，推介。〰️〰️〰️〰️〰️〰️〰️5/5🐷〰️〰️〰️〰️〰️〰️〰️🔸Overall ($210+1)📍築地日本料理 (銅鑼灣)銅鑼灣記利佐治街1號金百利廣場7樓R1室

今日來到銅鑼灣的日式料理餐廳呢度員工非常有禮，招呼一流呢間裝修都很有日式風格牆上用各式各樣的日式酒和公仔去點綴同朋友來傾心事飲番2杯一流睇下個餐牌都好多選擇淨係壽司都超過30款啊我哋都揀咗唔少款飲料選擇都唔小原來9點之後有壽司半價優惠! scan左QR Code 開佢個網址出嚟直接落order好多壽司都有半價優惠仲有85折嘅壽司同料理半價優惠真係平左唔少 可以叫多d野食有幾款我特別喜歡味之鰻這款內裡有龍蝦沙津，外面是鰻魚及芝士，有著濃郁的味道，適合重口味的朋友。芝士玉子燒係燒得軟熟輕盈既玉子上鋪上一片芝士同蟹籽，咬開雖然裏面無芝士但從面上既芝士同樣可以做到拉絲效果，芝士燒得微焦令芝士味更香更突出，玉子帶少少甜好軟。花之戀好好味，好抵食三文魚同帶子都好新鮮飯唔會好大舊吞拿魚碎蔥壽司 我最喜歡的吞拿魚入口即溶，味道很好。 不是上等的吞拿魚根本沒法入口，這間的吞拿魚刺生讓我出乎意料之外，一層軟綿綿的咬感和獨特鮮味溢出，可見也算上等的食材，刺生級素如何，主要看吞拿魚的好吃程度。豆腐雪糕豆腐味雪糕口感滑到難以形容的感覺陣陣的豆腐香還徘徊在嘴邊抹茶雪糕抹茶味非常重，口感非常濃郁，再以紅豆作點綴，配

今日同朋友黎到位於銅鑼灣金百利既築地食晚飯。我地兩個9點到入座，而餐廳係9點後亦都有半價壽司呢個優惠。我地點左三文魚壽司、赤海蝦壽司、鰻魚壽司、鱆紅壽司、北寄貝壽司、活立魚壽司、油甘魚壽司、帶子壽司、蟹膏甜蝦壽司、火灸芝士玉子壽司。軍艦方面，我地有海膽軍艦、親子軍艦、海膽魷魚軍艦仲有蟹膏蟹肉軍艦。赤海蝦食落爽口鮮甜，好厚身好大隻！鰻魚壽司既鰻魚汁唔會過甜，唔會喧賓奪主。火炙芝士玉子壽司十分好吃，芝士既香濃配上玉子既甜味，呢個組合好夾。帶子壽司既帶子好大隻，食落肉質爽口，鮮甜無比。蟹膏甜蝦食落幾好食，甜蝦既鮮甜唔會比蟹膏蓋過。北寄貝口感好爽，個人十分喜歡。鱆紅魚肉身則比較爽，味道清。油甘魚肉質就相對較冧，帶油香。活立魚肉質同樣清爽。軍艦方面，海膽食落甘香無比，甜中帶香。親子軍艦配搭得好好，三文魚同魚子互相輝影。海膽魷魚味道上有海膽嘅香，口感上有魷魚既爽，非常好吃。最後蟹膏蟹肉軍艦上面嘅蟹膏甘香鮮甜。另外我哋都叫咗一個主食，要咗一個滑蛋豬扒飯。滑蛋豬扒飯做得十分出色，先講滑蛋，滑蛋唔會煮到過熟，保持到半生熟既狀態，味道亦都調味得好好，配飯食一流。豬扒好厚身，咬落有口感，比濃濃嘅蛋汁覆蓋，很

係銅鑼灣睇完戲就係周圍覓食，好耐無食日本野就黎左築地食飯。入到去店鋪都幾日本既裝修風格，店員服務態度都好好，一坐低就送水過黎，同埋係成餐飯都不停幫我地斟水。考慮左一陣最後點左個豬軟骨拉麵同鰻魚炒飯，本身念住再點d壽司因為佢過左九點部分壽司係半價，不過唔係好肚餓所以最後都無點到。拉麵一到望落去已經感覺好足料，好鍾意佢上面有唔少粟米甜甜地配拉麵好夾，湯底都比較濃郁有淡淡蒜香，豬軟骨份量都唔少，唔會太硬。拉麵軟硬適中幾有咬口，一碗兩人分再加炒飯啱啱好。至於鰻魚炒飯都炒得香口，飯粒粒分明，不過唯一美中不足係鰻魚骨比較多，如果骨少d就更加好，不過鰻魚塊都幾多舊下，而且飯量亦都非常對得住價錢。兩個人食叫左兩個主食絕對足夠，下次有機會先再黎試埋佢既壽司。

今日喺銅鑼灣附近放工，我朋友話上次食過築地壽司覺得唔錯，於是就帶我一齊去再食多次本來我哋想叫個二人餐，不過因為二人餐比較多係熟食，而我哋比較想食刺身或者壽司，所以我哋最後都係散叫。因為朋友好鍾意食海膽，所以我哋都叫咗唔少海膽嘅食物，就連豆腐都有海膽哈哈，呢個配搭都幾好味。我哋仲叫咗個火炙海膽卷，好足料，仲有牛油果，我最鍾意就係食牛油果㗎啦。仲有海膽軍艦，香港嘅海膽來講呢個都算唔錯。花之戀海膽魚籽食落啖啖肉又多汁，口感好正，好味！好想enchore hahaHaha數落我地真係叫左好多海膽開心既一餐

喺銅鑼灣行完街搵嘢食，上網見到呢間評價唔錯，同埋佢有香港人最鐘意嘅半價黑夜壽司優惠😆不過今次我都係食主食為主😁18禁三文魚果然係18禁，原本以為佢係普通嘅辣汁三文魚軍艦，但係佢隻汁係非常非常之辣！！咬左半啖之後，要瘋狂飲番幾杯茶，推介想挑戰佢嘅辣嘅朋友🤣🤣🤣🤣🔥🔥🔥我另外仲叫咗火炙芝士三文魚腩壽司、茶碗蒸同埋叉燒手打烏冬。手打烏冬夠煙un，有咬口，叉燒大塊而且入味👍🏻埋單$200都唔使，就可以食到好飽，性價比高。

喺SOGO隔離嘅金百利廣場都出晒名多嘢食㗎啦~~睇咗幾間餐廳之後，決定黎試一試築地日本料理。雖然9點半後佢哋有壽司半價優惠，但我哋今次7點零就去左食🙊黑蒜油豬軟骨手打烏冬($78)呢度嘅拉麵可以叫店員轉手打烏冬，仲唔使加錢添。黑蒜油味道濃烈，豬軟骨整到夠淋夠入味！推薦！鹽燒牛舌一串($28)對於鍾意食牛舌嘅我來講，呢度嘅鹽燒牛舌好好食。調味適中，而且火候燒到啱啱好，趁熱食非常正☺️海膽帶子卷($68)睇相片覺得呢份卷物最吸引，所以決定叫咗佢黎食。卷物中間包住嘅係牛油果、蟹柳同青瓜，面頭上嘅係帶子，帶子上仲有炙燒過嘅海膽，一次過多層次感受。下次等佢半價嘅時候決定再嚟食多次黑夜壽司🤣

講開食日本野，好多人都會覺得好貴但呢間餐廳癲覆左我既想像 性價比極高果晚食既時候 過左九點鐘 進入半價時段失去左理智 唔駛睇價錢 狂點有魷魚馬刀貝油甘魚甜蝦劍魚腩赤海蝦火灸芝士熟蝦火灸芝士三文魚腩蟹膏花之戀魷魚壽司切成網格紋是今餐最滿意 最有驚喜既壽司再用火槍喺上面輕輕灸一下為本身新鮮黏口既魷魚帶來一點點爽口既感覺馬刀貝爽脆新鮮蟹膏花之戀配搭新穎我兩樣都好鐘意又有三文魚既口感油香又有蟹膏香味極上築地魚生丼相比起出面既魚生丼飯呢度的確價錢相宜好多入面有五款刺身三文魚子粒粒爆漿架帶子都唔錯海膽係馬糞海膽 唔算有太多回甘既味道

一個人去左銅鑼灣行街，累累地想坐底食d野，去左金百利搵下野食係築地門口見到餐牌，打開睇到既價錢都好大眾化，壽司都幾抵食。7點左右黎到都座滿很多人了。我叫一客三文魚腩刺身，同幾款壽司，有赤海蝦壽司、甜蝦壽司、帶子壽司、三文魚籽壽司、香蔥碎吞拿魚腩壽司、海膽壽司、北寄貝沙律壽司。三文魚腩刺身厚切，非常肥美，帶有油香味，但不會膩。壽司就即叫即做，壽司飯酸度剛好。甜蝦都幾大隻同新鮮。三文魚籽脹卜卜。帶子壽司大件又厚身，肥味鮮甜。海膽壽司鮮甜有光澤，包住壽司飯既紫菜都很脆。北寄貝沙律相對變得普通左少少。9pm後有優惠，壽司都有特價，但只係部份半價，其他料理85折。

金百利廣場一向出名多平靚正的餐廳，今次午餐想吃得豐富啲，所以和同事選了這間築地日本料理。餐廳很寛敞，位很多，音樂很很特別，都是熟悉的華語旋律，不過是日文歌。因為實在太肚餓，見他有很多主菜和配菜的選擇，所以叫了很多。呢個三文魚反卷好食，而且很平，牛油果與飯完美融合，很滑。主菜點了日式咖喱豬扒飯，很抵食。日式咖喱很濃，夠入味，而且這日式咖喱重點是，他的甜味能夠中和辣味，令人一食再食。而梅子蕃茄漬夠清新，酸酸甜甜的。糖心蛋更是我的最愛，入味，嫩滑。而且我們還叫了四隻牛油雞翼，外脆內嫩，酥脆的雞皮包雞翼肉，鎖緊肉汁。令一個主食叫了鍋燒牛肉烏冬，甜甜的日式濃湯發出淡淡的牛肉香。正！

置身築地的感覺🇯🇵位於SOGO附近的金百利廣場是美食天堂當中七樓的築地 可謂刺身迷最愛夜晚不要急於回家 因為9pm後壽司半價起！而且座無虛席 不乏棒場客(包括我在內) CP值爆燈.極上築地魚生丼🍱$168就算優惠不包括丼飯都一定要叫因為真的超級豐富 份量也比一般的大碗有齊海膽 帶子 厚切三文魚 牡丹蝦 魚籽絕對回本之選 特別是海膽 完全沒有苦澀味很喜歡魚生飯加了飯素和醋 增添另一風味.✨✨✨九點後壽司半價起✨✨✨馬刀貝壽司 油甘魚壽司劍魚腩壽司火炙芝士熟蝦火炙芝士三文魚腩甜蝦壽司蟹膏花之戀赤海蝦壽司魷魚壽司.特別要推薦以下三款1️⃣蟹膏花之戀🦀這是創意壽司系列之一 實在太邪惡了三文魚厚切之外 還多了一份蟹膏香重點是不會太咸 沒有搶去三文魚的鮮甜.2️⃣魷魚壽司🦑十分有驚喜 平常吃到的魷魚都會比較乾和硬但這裏的魷魚口感好嫩滑 咬起來多了份黏度表面更𠝹了花紋和微微燒香 好好吃顛覆了魷魚刺身在香港的口感和味道.3️⃣馬刀貝壽司🍣很少地方能吃到馬刀貝 是一種珍貴的海產其實是竹蟶/大蟶子 肉質豐厚 甘甜飽滿一共有兩個層次: 首先咬下去是很彈牙然後慢慢細嚼 就吃到其纖細綿密口感越嚼越能品味海洋的鹽滋味

一個人放工想食日本野去左銅鑼灣嘅【築地】因為減肥的關係所以食清淡d🍚牛肉椰菜壽喜燒 $88好足料 都幾大份🐮牛肉都幾多☺️🐟三文魚刺身 $52有四大塊 比起出面連鎖嘅壽司店更大塊cp 值高而且幾新鮮❤️❤️❤️❤️🍣鮮帶子壽司 $18🍣北寄貝壽司 $10同啲刺身都好大份都真係幾抵食指雖然我一個人嚟但係我見到佢啲二人set都幾平唔使$250就有一個dinner set覺得呢間係性價比高而且壽啲刺身真係新鮮坐都坐得舒服嘅所以去開銅鑼呢間係一間唔錯食嘢食日本嘢嘅地方

今日lunch有同同事出去覓食，今次黎到金百利廣場，金百利廣場出名多野食，今次搵到呢間食日本菜，價錢合理而且可以食到好飽!lunch set都有多款不同選擇，還可以用優惠價揀選不同的小食。另外這裡還有一個是素食的lunch set，岩哂食素的朋友。日式牛肉鍋燒烏冬，這款鍋物用上鐵鍋上，可以保全熱湯的溫度，上菜時牛肉還是生的，可以自行利用熱湯整到自己想吃的熟度，上面還有一隻窩蛋!牛肉有香濃的牛肉味，湯底清甜，烏冬彈牙，還有一些蔬菜，清清地，是一個不錯的選擇!什錦魚生飯，這裡午市時段的什錦魚生飯真係幾抵食，而且幾大碗，還配有面豉湯，食到好飽呢!魚生包括有三文魚、吞拿魚和油甘魚，魚生用上角切，每粒都幾大粒幾厚，食落啖啖肉!還有青瓜和玉子，加入芥末同埋豉油一齊食非常美味!芝士年糕，內裡的芝士可以拉絲，咸咸甜甜的!茶碗蒸，蛋很滑，內裡還有冬菇、雞肉和付鳴卷。甘栗紫薯餅，紫薯餅內有很多紫薯蓉，當中還有栗子粒，而且唔會好甜!柚子蛋糕，很香柚子味，酸酸甜甜，唔會覺得很膩!lunch set還包括一杯飲品呢！lunch都能夠食到優質的日本菜，而且價格便宜，值得再來!

好友近日積極備戰馬拉松，星期五抖抖氣，吃頓好的再走更遠的路。 記得以前在舊公司工作時偶爾也會到金百利午飯，其中印度菜是我們至愛，咖哩、烤雞、薄餅，正宗又美味。是日又再來到此食廈覓食，選來旁邊的日本料理嚐新；周五六時多抵達，店內已有數檯食客，牆上貼紙營造出日本市場氣氛，地方不大但坐得尚算舒適。 芝士玉子燒 $58 冒煙的玉子燒目測至少有五六吋長，一刀切下芝士緩緩流出，未吃先記一分。雞蛋部份蛋味濃郁、質感軟綿嫩滑，中間夾有拉力強勁的半融芝士，配合面頭木魚絲的和蛋黃醬，好對胃口。 芝士雞卷 $65 雞卷五顏六色的賣相討好，外皮炸得金黃，雞扒中間捲入青瓜、紅蘿蔔和忌廉芝士，偶爾吃到點綴在上的三文魚籽，特別創新，不過略嫌胡椒粉下得重手了一點，有點搶味。 三文魚魚頭鮫野菜鍋 $98 一直以來都覺得魚頭是「大人」食物，到一定年紀才會懂得欣賞。帶著開玩笑的口吻問好友要不要來一個，想不知他竟二話不說讚好，轉個頭就向侍應下單。 鍋物滾著上桌，湯底奶白帶蔬菜甜，內裡有豆腐、紹菜、秋葵、粉絲等配料，而主角魚頭燒得香口，比想像中多肉，好友吃得津津有味。 蒲燒鰻魚飯 $85 最後以暖胃飯品作結