築地日本料理 (金百利廣場)

營業中

休息中

銅鑼灣金百利商場附近一帶係銅鑼灣嘅心臟地帶，一向熙來攘往，人丁興旺。可惜受到冠狀病毒肺炎影響下，人流減少左好多，唔少餐廳peak hour時都坐唔滿客人。位於金百利商場內有一間我經常捧場嘅日式餐廳，全因食物有水準價錢亦十分合理。嚟過咁多次都冇寫過食評，今次就認真記錄一下啦！餐廳有唔少卡位，即使兩個人黎都可選擇住卡位，十分舒適。炸蝦天婦羅($68) 係每次嚟到嘅必點之一！新鮮大蝦沾上薄薄一層天婦羅漿即叫即炸，上碟時熱辣辣外脆內軟。白雞濃湯拉麵($88) 雞肉採用左冇脂肪嘅雞胸肉，但肉質特別處理過食落口感好嫩滑！特別喜歡個湯清清地又有淡香嘅雞湯味，連湯飲埋都唔會感到口渴。牛肉野菜壽喜燒($88)端上是底下有一個小燭台用明火燒住個煲，令整個牛肉鍋保持住熱辣辣嘅溫度，冬天食非常暖胃！煲內有大量野菜豆腐同埋肥牛，再加一隻流心溫泉蛋，連埋香濃嘅壽喜燒湯汁拌飯食，口味一流！白飯鋪上左飯素，令味道更上一層樓。

🌟🌟🌟🌟🌟🌟🌟🌟🌟🌟🌟🌟🌟🌟🍽 築地日本料理 (銅鑼灣)📍銅鑼灣記利佐治街1號金百利廣場7樓R1室🌟🌟🌟🌟🌟🌟🌟🌟🌟🌟🌟🌟🌟🌟又獨食😭糧尾啦，食平少少🤭搵間平少少嘅日本野🙈海之逸魚生丼 HKD108雖然呢個飯好平，但係啲材料都好多，包括有三文魚、油甘魚、帶子、有頭甜蝦、蟹子，仲有啲青瓜，夠晒colorful😄魚生食落去都算新鮮,份量好多,食完一個飯之後女仔一定夠飽！劍魚腩刺身 HKD68見到佢刺身竟然有劍魚腩叫喎，就忍唔住叫，因為我好鍾意食劍魚腩！$68有四片，都算厚切，食落去肉質結實，唔錯✨如果喜歡我的文章，可以關注我及讚好以作鼓勵喔✨

晏晝飯又到搵食時間今日去左銅鑼灣食呢間日本料理一入到去坐 staff已經比左個口罩袋我地裝住個口罩 仲要消毒酒精液提供 好貼心！午市來講都算幾多選擇，除咗套餐之外仲有小食同埋甜品叫完餐之後就即刻送咗個麵豉湯，夠熱，清清地幾好飲想食刺身所以叫左呢個定食一上枱已經覺得好吸引！總共有五款刺身，各兩件～ 第一啖咬落去已經食得出勁新鮮！我平時好少食非三文魚嘅魚生，但呢個油甘魚真係好出色，魚味濃又唔腥，口感軟滑，食得出係高質野 其他都好新鮮，三文魚夠厚切，好正 仲要讚下佢個醋飯 酸味適中，啲飯夠凍，一啖魚生一啖飯 好滋味朋友就叫左個壽司同烏冬嘅定食，當然刺身嘅份量梗係冇我嗰個咁多啦，不過都係夠新鮮同埋高質素，價錢亦都只係60幾蚊，非常抵食。小食竟然有我最鍾意食嘅炸芝士年糕，所以即刻叫咗啦！炸完之後啲芝士有流心效果，煙煙韌韌咁好滿足朋友就叫咗個茶碗蒸～等候嘅時間雖然要耐啲，不過整出嚟非常滑，好有蛋香，等待係值得嘅整體來講，果然朋友介紹得冇錯！呢間餐廳好高質，而且價錢相宜，另外，啲職員嘅服務態度亦都非常好，午市時段有好多客人都冇黑面好難得😂一定會再encore！

又到咗星期五啦～今日一收工，我就即刻彈閘過黎呢間期待咗好耐嘅築地日本料理度食嘢。呢間日本嘢喺係銅鑼灣嘅金百利廣場入面嘅，同一棟大廈有超多嘢食。但真係好想試吓呢間嘅玉子燒所以就揀咗呢間😆首先要喺樓下搭𨋢上七樓，一出𨋢門就會叫到築地嘅牌匾啦～佢嘅門面都幾細，出面有部等位攞飛嘅機。不過喺肺炎嘅陰霾之下，當然用唔着啦... 雖然係咁，但呢間餐廳又比隔離幾間多人，睇黎都有返咁上下品質保證😆雖然門面唔大，但餐廳入面都唔細咖。我同朋友兩個人可以坐一張四人枱，位置都算寬鬆咖。AC15 芝士玉子燒 （$58）✨係聞名已久嘅芝士玉子燒呀😋 玉子燒份量咁大而且外形都好吸引，一上枱第一件事緊係幫佢打卡啦～玉子燒上面舖滿咗木魚絲同兩種醬料，底又舖咗幼身嘅生菜絲，食玉子嘅時候連埋底面兩層食，口感就更加豐富啦🥰 一切落個玉子度，啲芝士就開始流出黎，oh my god，超多芝士呀～ 而且玉子又夠滑，同埋都好厚，呢個絕對係5/5分😋AP04 牛肉野菜壽喜燒 （$88）✨主食方面，首先叫咗個牛肉壽喜燒，份量又係超級大😍 呢個壽喜燒入面有超多肥牛、蛋、秋葵、生菜、金菇、豆腐、粉絲等等，材料超級豐富。壽喜燒味好濃好入味，唯一

朋友係銅鑼灣返工，所以佢都有好多時係銅鑼灣食晏同食lunch，佢之前食左一間係金百利上面的日本餐廳，話都高質但價錢都唔算貴，所以今次食飯就揀左佢講的呢間餐廳啦。一出lift就見到，店入面的裝潢都幾靚，同埋係疫情下，都見到店舖多人，應該都係受歡迎的，可能係因為餐廳都好貼心，有提供一些可食用的消毒噴霧比你噴餐具，又有濕紙巾提供，仲有提供紙袋比客人放口罩，十分方便同為客人着想，佢地有一個二人前的套餐，其實我都想選擇呢個，因為有嘢飲、小食、甜品，好多嘢食，不過我地驚太飯，最後我同我朋友都係決定散叫，我地叫左一個叉燒拉麵、豬扒煮蛋飯、玉子燒、燒菠蘿，原來想叫柚子蛋糕做甜品，點知佢地今日無，所以無機會試到。坐左一陣就有一碗麵豉湯，原來係豬扒丼送的，材料有豆腐同茹、海帶，但係佢唔會好鹹，味道適中。之後叉燒拉麵同豬扒丼都上枱啦，首先講下叉燒拉麵，個豚骨湯底都幾正，而且份量真係好大份，好飽肚，叉燒都好好味，但係我覺得最正的都係溏心蛋，個溏心真係好正。豬扒丼都一樣好大碗，就算男仔食都一定好飽，我相信就算男朋友食都好夠食，豬扒大大塊，仲好細心同你切開埋，味道都係適中，唔會話太鹹太甜咁。玉子燒就係我超級推介的

築地日本料理是近來喜愛的口袋餐廳，只要想不到要吃什麼，總是會選擇它。lunch set十分抵食，還可以額外添加小吃。先送上一碗味噌湯，暖一暖胃。額奔添加了飛魚子沙津，清爽可口。男友點的三品爆丼灸燒油甘魚、灸燒三文魚及海膽。油甘魚、三文魚經火灸油香更是突出，入口即溶，海膽甘甜鮮美，質感幼滑細膩。我點的築地刺身定食，十分豐富，刺身包括：三文魚、油甘魚、甜蝦、北極貝、及三文魚子，刺身厚切，十分新鮮，口感爽滑，配上醋飯同吃，滋味又飽肚！偷偷望入廚房，廚師都有帶口罩，令人安心！

整幢大廈都是吃的，跟朋友都吃過好幾家了，這次吃日本菜。先排隊等電梯上去，一則是沙發卡位，一整幅日本築地市場的牆紙，讓食客有種置身於其中的感覺，還有一大個養著活魚及海鮮水缸在旁。見餐牌的石鍋飯很吸引，那就點一鍋海膽海鮮炒飯吧。以石鍋盛戴的炒飯，讓飯保持溫熱。黏在石鍋旁邊的位置有飯焦，香脆不燶。材料豐富，有碎粒三文魚、粟米、葱花，飯粒色澤啡黃，炒得挺香口。海膽鋪面，散發著濃郁的鮮味，還是趁新鮮吃掉，不然熟了的海膽味道沒那麼出眾吸引。另外，小食點了一客鹽燒多春魚。每條飽滿的多春魚，跟調味鹽一起燒得香口，幾條真的不夠喉呢。

來到銅記金百利樓的『築地日本料理』，第一驚喜係有48蚊的lunch set，佢就係『燒汁牛肉飯』，當然有埋湯，有埋飲品，仲唔使加一，抵到爛，要知道呢度係銅鑼灣吖，朋友話燒汁牛肉入味好食，雖然係平。而我就嗌咗個『牛肉日式便當』，呢個就再豐富D，有埋三文魚刺身同蜆仔，牛肉同樣唔少，還有雜菜，够哂營養的配搭，葷素配搭恰當，而且呢間舖真係貼心，有為素食人仕設計的『素心司一人前』，下次可以帶埋吃素朋友一齊來。呢度仲有一樣嘢就係小食，好多都係10零蚊有交易，好似呢個芝士年糕只是12蚊，唔怪得有咁多OL來幫襯。溏心蛋，墨魚餅亦又平又正。

《銅鑼灣樓上好食日本料理》放工同男友係銅鑼灣行完街想食日本野，記得朋友推介過金百利商場有間唔錯既日本餐廳，所以就上去試試佢😋🔻火灸三文魚手卷味道：7.5/10價錢：$24一般手卷唔係好多餡，食一兩啖就會得番壽司飯，但呢間食到尾到仲有新鮮嘅三文魚❤️🔻味之鰻味道：8/10價錢：$45加州卷入面有龍蝦沙律同鰻魚，上面仲有芝士，味道非要好呢🔻鹽燒鯖魚味道：7/10價錢：$58條魚既油脂豐富而且香口，魚皮燒到脆皮，仲有檸檬汁調味。🔻中華冷麵味道：7/10價錢：$78冷麵配上日本芝麻醬，加埋日本豚肉絲、青瓜、同鮮蝦做配菜，係一個開胃好食既冷麵！🔻手打冷烏冬味道：8/10價錢：$48烏冬好滑，而且佢個湯同烏冬好夾。烏冬上面仲有蔥花呢間餐廳仲會比信封你放口罩同酒精你搓手👍🏻無論食物質素到員工既服務態度都好好呢📍築地日本料理 (銅鑼灣)銅鑼灣記利佐治街1號金百利廣場7樓R1室

今次經過銅鑼灣諗住幫襯下啲樓上食肆上網站見到呢間評論唔錯就試吓啦呢度食日本嘢嘅入到去見到餐牌喺銅鑼灣來講都算正常 今日難得晏晝仲有lunch set 加嗰啲小食都幾抵食㗎石燒鰻魚炒飯$70見到餐牌夜晚嘅價錢係98 難得晏晝只係需要$70好似抵食左 炒飯入面都幾多鰻魚同埋佢炒得幾好食對於勁鍾意食炒飯嘅我來講鰻魚炒飯好食過好多楊州炒飯鹹魚雞粒炒飯等等🥳馬刀貝刺身$58日本餐廳點可以唔食刺身呢 原本今日嚟到主要係想食海膽嘅但係咁啱今日冇貨咁唯有試吓其他刺身啦馬刀貝食落去質地有啲似象拔蚌好爽口彈牙鮮甜 同平時食開嘅放題簡直冇得比真係一分錢一分貨因為晏晝加小食都幾抵食嘅關係所以我都加咗一兩個小食 炸墨魚餅$10 呢個價錢都有三個細塊㗎價錢唔算貴 過下口癮就一流啦 芝士年糕 $12 入面嘅芝士有少少忌廉 雖然拉唔到絲但係都幾好食總括嚟講個人覺得呢間日本餐廳質素唔錯雖然價錢中上但係都叫做值回票價一分錢一分貨刺身亦都幾鮮甜甜不妨一試

其實之前都同朋友黎過銅鑼灣築地日本料理食過dinner, 但同啊哥就第一次一齊黎食。我之所以同啊哥黎，係貪呢度食日式野夜晚時段都唔算貴。 😍餐廳裝修得好日式好有feel menu design好靚 XD我本身想叫刺身，但兩個人叫一盤，真係無咩可能食得晒。 😂 所以唯有下次同多d人黎先試啦。哈哈。左係蒲燒鰻魚飯右係叉燒拉麵我係鰻魚飯既fans, 所以去親日式餐廳都叫鰻魚飯，鰻魚燒得岩岩好，食落好香鰻魚味，一口飯一口鰻魚，so perfect. 另外叫飯原來有湯送 XD我本身仲諗住叫碗黎飲 哈哈~我啊哥叫左叉燒拉麵，佢話好鐘意拉麵入面有好多corn. 我本身因為係公司食左d野，所以食完鰻魚飯同飲左d茶就有d飽，但又試下佢d壽司，所以我同啊哥只係一人叫左一件試下。火灸芝士三文魚腩入口即溶，又新鮮又好味。下次我同啊哥諗住下次齋叫壽司，小食同甜品，唔叫主食。 嘻嘻

I have been to this Japanese restaurant for severaltimes before. It is located in a restaurant building in the centre of causewaybay. The CP value is quite high actually as the food is quite good with averageprice. The seat can be a bit bigger though so we can eat comfortably. 

今晚專突出到銅鑼灣築地日本料地食黑夜壽司🍣知道呢間築地九點後有半價壽司優惠，但講左想試好耐，終於有機會食喇😝築地餐廳九點後時段，可享有三個個優惠，分別係半價壽司、85折壽司和85折料理。比平時時間食，係抵食好多架！因為呢排敏感時期，餐廳好細心，帶我地入座後就俾左兩個裝口罩嘅信封✉️我地，每枱仲有一支消毒噴霧俾我地消毒雙手，衛生方面，餐廳真的做得非常足夠！👍🏻👍🏻👍🏻由於九點優惠係另外下單的，店員會俾Qr code俾你自己用電話落單，如果你想食餐牌上嘅料理和飲品，就可以親自向店員下單。淨係睇優惠時段嘅壽司種料都好多，我地首先叫左鹽燒牛舌兩串，牛舌每串有三舊，燒得好香脆，味道不會很重味精味，反而落左啲檸檬汁提升左個肉味，完全食唔到陣蘇味，如果唔係食到好飽，我一定再嗌多串嚟食😋😋😋認真好好食！到壽司方面，我地都嗌得好幾種嚟試下，三文魚壽司好新鮮好厚肉好滿足🥰🥰🥰花之戀一舊有三至四塊三文魚包住，成件事係好滿足，三文魚絕對一定要叫！之後令我最鍾意嘅係甜蝦壽司，甜蝦超大隻，晶凝通透，入口係超甜超甜！真心好鮮甜！係咁多種壽司最好食😋另外芝士玉子燒壽司，係暖暖地燒好送上嚟，啲芝士同玉子融埋一齊，好滿足，

金百利廣場不嬲都多嘢食，今日就來幫襯一間未幫襯過嘅食肆。看看餐牌，估唔到lunch set咁平，只係$48起，仲包一杯飲品，選擇好多呢！最後揀咗一個「日式牛肉鍋烏冬」（ $68 ），同埋一個「築地刺身定食」（ $98 ）。先來一碗麵豉湯，有蔥粒、海帶、冬菇粒和滑滑的豆腐粒，熱辣辣，又唔會太鹹，啱我口味。牛肉鍋烏冬的牛肉份量都幾多，呢個價錢當然唔會俾好靚嘅牛你，但質素都唔差，仲有冬菇、紅蘿蔔、大蔥等，加埋隻滑蛋，都好味呀！而且烏冬都好滑又彈牙，幾唔錯。至於刺身定食就有兩隻甜蝦、三文魚、北寄貝、油甘魚同埋大大粒魚籽，全部都好新鮮和鮮味，加埋一碗有味數嘅白飯，性價比好高喎！餐飲都有幾款選擇，我哋加$5要左柑橘蜜，味道偏甜。餐牌其實仲有好多追加項目，$8-$30不等，下次要試埋先得！埋單先發現原來唔使加一添呀，實在太過分啦！

好鐘意食日本嘢但係因為仲係學生哥 食一餐好食嘅日本嘢都唔平上網睇發現呢個築地係夜晚9點之後有大部分嘅壽司都有半價優惠未知好唔好食 就決定去try try佢係金百利商場7樓 一上到去 見到有個輪候機 相信平時應該好多食 可能因為coronavirus嘅影響 而今次就無排隊入得！一入到去 職員就俾咗一個裝口罩嘅袋俾我地！好好好細心平時去街食嘢 都唔知可以將個口罩放邊 佢枱上面仲有一支俾我哋消毒酒水 職員會俾一個有折嘅code 俾你係上面order嘢食未食嘢已經俾佢嘅細心加分因為尋日食咗好多炸嘢 今日決定淨係叫壽司食🍣 不竟佢有好多半價 不過食壽司之前 好想食燒牛舌牛舌好有咬口 唔係個隻得牛味但唔爽個隻！而且佢個汁應該係燒汁 同牛舌好夾無諗過半價壽司都可以咁高汁三文魚唔會切到好簿 而且半價 姐係$4件 同爭X咁上下嘅價錢 但就高汁過佢好多 甜蝦壽司 平時食都係好細隻 但呢度嘅甜蝦係好鮮甜好大隻 三文魚子軍艦平時好貴 但呢度都好抵食仲要好鮮！🤤其他嘅壽司都係好正💦食到好飽又好難以置信竟然3xx都唔洗一於order杯梅酒飲下佢係自家製造 好好飲未試過飲嘅我一試愛上決定要再買梅酒翻屋企飲😳呢個係未