筷子記

營業中

休息中

我是在店寫紙落單，中午1點半左右，等外賣等了超過20分鐘，每次追問幾時有都話整緊。我企收銀處想睇下幾時有，有個呀姐應是老闆娘話我阻住佢地，仲會再出慢d我碗麵。但我見手機落單的比我遲下單（單上有時間）仲比我快有得拎外賣！好趕客，建議趕時間打工仔不要幫親或手機先下單！食物一般，叫三餸撈，豬大腸只有三大舊，面好多，餸又少，不會再幫襯！未試過買個外賣買到咁受氣，吾休做咁樣！學劉德華話「今時今日咁既服務態度點得！」

喺新舊交織嘅中環區，或許舊店會因為時間嘅流逝而被人遺忘⋯🙇🏻‍♀️🐷好鐘意去滿滿人情味嘅小店，今日路過中環筷子記，見佢門口寫住「開心下午茶」😂見咁歡樂，入去試試佢先😛🫴🏻 聖保羅豬扒包 $18既然係澳門平民茶檔，無理由唔試豬扒包！呢個包當然新鮮即做，大約等10分鐘左右。鐘意佢個包唔係烘得好硬果種，而且豬扒煎到脆邊，肉質做到鬆軟，醃得相當入味。🫴🏻 葡國腸炒蛋包配熱麥香奶茶 $26葡國腸食落似salami，相對重味，故此係成個包嘅靈魂之處，夾埋炒蛋，比一般餡料包有特色。麥香奶茶沖得唔錯，價錢經濟實惠。🫴🏻 自選鐵皮屋三餸：馬交魚羹，澳門包心卷，路環香腐角配熱咖啡 $26主要比個餸名吸引左，叫嚟試試，不過車仔餸嚟講，算是不過不失，兩個包做得比較出色！鋪面姐姐所有野都用手寫，用具較為舊式，姐姐大叫：要咩就大聲講得啦🔊呢度係「真」懷舊feel，大家都多啲幫襯下，唔想佢哋消失！ 🐷🛎️ 必試指數 : 8/10🌟📍筷子記@中環威靈頓街85-89號地下#澳門菜 #食人情味 #wingwingpiglife #wingwingpig_central🅆🄸🄽🄶 🅆🄸🄽🄶 🄿🄸🄶 🄻🄸🄵🄴

這間位於中環的小店【筷子記】是澳門平民麵食茶檔。門口不太顯眼，沒有豪華裝修，跟中環區格格不入。店內非常平實，沒有半點裝飾，最特別是店內有條迴旋樓梯。牆上貼滿雜誌報紙的訪問，又有不少香港名人幫襯，難怪多年來都能夠在中環存活。【筷子記】食物實而不華、非常平民，附近打工仔月尾的最佳選擇。下午茶時段不用港幣四十塊，就能夠吃一碗有三款餸的車仔麵及熱飲。又有多款不用港幣三十塊的小食，在中環實在扺食！這裡麵種的配料選擇超過二十多款，花多眼亂。【澳門魚片頭、瑞士雞翼及炸午餐肉配福字麵 $34】不少人以為福字麵是本港品牌，但其實是由台灣的統一集團所創立，其後被日清食品收購了。小編兒時在大排檔係食福字麵，沒有出前一丁那麼高級。福字麵原個放在膠碗內焗透，味道依然回味。說回這個福字麵都是原個放在碗中，不過水不夠滾、又沒有焗透，福字麵味道因此沒有滲透出來，有些失望。另外，用上大大隻碗令到麵及餸菜份量顯得太少，賣相大打折扣。魚片頭爽口彈牙，瑞士雞翼浸在湯內所以味道不太偏甜。炸午餐肉另上，比較薄身；話係炸，但同煎的效果分別不大。澳門茶檔第一款諗起的美食係豬扒包，加上最近澳門通關，真係好想去逛逛。不過，首先試下【筷子

🥢筷子記 @ 中環以前喺中環返工成日食嘅一間小店😚🤍今日去開附近專登去懷緬一下((雖然之前一直都淨係食外賣，今次係第一次堂食))～果然更加好食👍🏻👍🏻特色澳門平民麵食茶檔～必食荷蘭園辣魚包🌟加辣椒炒熱左嘅辣魚罐頭配熱辣辣嘅香軟牛油麵包🤣下午茶首選haha 。如果午餐嘅話就係佢哋嘅撈麵，沙嗲汁沙茶醬同咖喱汁都好食，不過我最鍾意沙嗲汁~整體餐廳氣氛同埋食物味道都好好，基本上喺附近返工嘅人都一定食過嘅餐廳🤣💆🏻‍♀️🌟撈麵套餐 $33🌟荷蘭園辣魚包(小辣) $18即炸豬扒 $15📌 威靈頓街85-89號群英商業大廈地下A1號舖營業時間: 09:00-22:00特色澳門平民麵食茶檔

#fatxcentral ‼️ 可以𝙚𝙣𝙘𝙤𝙧𝙚 的超抵食撈麵‼️•① ［ 澳 門 包 心 卷 // 瑞 士 雞 翼 // 咖 喱 魚 蛋 撈 米 線 （𝟷𝚜𝚝: 咖 喱 醬 𝟸𝚗𝚍 : 沙 茶 醬 ）｜推介 「 咖 喱 醬 」多啲(✌^∀^)呢度嘅份量好足！（ $30幾 已經食到！）推薦大家試吓佢哋嘅 「澳 門 包 心 卷」，係魚肉包豬肉～唔係度度見到架！呢間絕對會𝗲𝗻𝗰𝗼𝗿𝗲!!不過湯麵就普通啦。 |𓋪 10/10•② ［ 豬 扒 包 ］| 豬扒偏瘦..係好正宗嘅 豬 扒 包。個人覺得不太特別。｜𓋪7/10•Chopsticks Kee (Central)Shop A1, G/F, Khuan Ying Commercial Building, 85-89 Wellington Street, Central#hongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #central #centralfood #中環 #中環美食

說茶餐廳只是男人的浪漫？巧遇經過再次回味一下這間澳門茶餐廳的浪漫💕精巧的澳門地道小吃，傳統豬扒飽，辣魚飽，撈面都很出色！另外，仲可以飲埋自家煲既羅漢果茶😌😌簡單得來又好滿足！Chopstick Kei- my all time favourite Macau Cha Chan Ting💕I love their pork chop sandwich, macau spicy fish sandwich & their noodles with traditional snacks from macau. You can select the toppings you want👍🏻

< 筷子記 >好似係上過中環打工仔糧尾救星排行榜🤭 都係舊式舖頭feel坐得舒唔舒服就睇食個陣多唔多人啦 有兩層嫁 上層要係舖位隔離條樓梯上～ 上面地方就大啲闊落少少😉 -沙嗲加小辣撈米線 跟飲品～$40幾錢係視乎你叫幾多餸🍜 因為已經食過好多次 所以無寫返嗌咩 如果第一次食建議試下馬交魚羹同澳門包心卷🐟 好少係其他地方有得嗌 個人認為沙茶醬魷魚都係碟內必須有😆 不過唔係個種有咬口既魷魚 係啲汁都炆到好入味同軟身 冬菇同樣岀色 overall都係炆餸比較入味 抵食推介👍🏻✨-📍筷子記威靈頓街85-89號群英商業大廈地下A1號舖

疫情前上完瑜珈堂都會去食筷子記，貪佢平靚正，事隔2年再食，佢個餐竟然都係$36，我真心覺得犀利👍上緊瑜珈堂好肚餓，心諗一定要食佢個棘腸炒蛋飽.落堂即刻衝過去，一坐低就如常圈紙仔，等一陣就有野食.基本上員工執碗會直接擲落個桶度，唔需要理會佢地係咁😂，以前我食米線因為佢米粉成日冇，估唔到今次有米粉食仲要係好好食，豬腩肉好食到不得了，棘腸炒蛋飽就飽鬆軟，腸蛋即整所以就好好食，凍檸茶都好飲，價錢好超值.

係榮光飲完啡行多陣，友人話有啲餓要搵啲嘢食下～講起係附近嘅筷子記，何不即刻去食返轉😂對上一次嚟應該已經有十年，當時餐廳嘅環境係咪咁架呢？已經唔記得了～呢度出名係撈麵，其實就好似車仔麵咁揀餸揀麵～明明我碟四餸麵好健康嘅，轉個頭變左九大簋🙄馬交魚羮👍🏼路環香腐角👌🏼豬腩肉👍🏼咖喱魚蛋👍🏼青春魚肉腐皮卷👍🏼沙茶醬魷魚一般豬扒，我諗如果係配豬扒包會好食啲～撈麵汁揀左沙茶，正！！檸茶還可以～

三餸撈面🧮$33叫左15號咖喱豬皮蘿蔔+18號咖喱辣魚蛋+8號青春魚肉腐皮卷+米線🍜+勁多洋蔥汁（要寫在紙上）呢個配搭極之岩我口味，係小妹讀書時期既回憶。魚肉腐皮卷炸得好香口，配洋蔥汁香甜，再加上咖喱既辣，豬皮爽口，蘿蔔好淋好入味，又有陳皮魚蛋，又有彈牙魚蛋，就係咁地道。加底都係$5，覺得肚餓唔夠食就要加底。兩餸湯面+凍檸茶🧮$33面質幾彈牙，都埋份量充足，魚片頭爽口彈牙，出色，湯底冇得選，所以都係撈面岩我多啲。中環地段，價錢好親民，十年不變。勁！

話說係中環突然想食車仔麵，記得曾經食過一間但唔記得名同位置，只係記得係特色小店。跟住open rice 左一間係特色車仔麵，以為可以試新店😂點知去到就認得就係好耐之前食果間😂因為佢個門面同裡面係好特色，一去到一定記得，仲要唔洗等位，本來要搭枱，老細一見有枱就即叫我地坐過去，讚👍🏻沙茶醬魷魚+青春魚肉腐皮卷（炸春卷）+澳門魚腐+蜜糖豆+撈粗+沙茶+招牌豉油大部份都係有澳門特色既食品，食車仔真係好多餸都想叫，今日好想食撈麵，而且佢有招牌豉油，應該好好味😂沙茶醬魷魚：超爽有驚喜，都入味，平時食哩d魷魚永遠都係味還味魷魚還魷魚。但佢係夾到既青春魚肉腐皮卷（炸春卷）：咁名咁出位唔係唔叫黎試下嘛，雖然佢個樣就深啡色，唔多吸引，但佢係炸得黎唔乾身，配埋魚肉腐皮有味道，不過比較細粒。澳門魚腐：平時都鍾意食既，但澳門既有冇分別呢，好似食落又唔算好大分別，佢都係比較細粒，但多料既。味道係好味既蜜糖豆：平時真係比較少食，但佢哩度唔知係咪澳門入貨，特別甜清脆，同埋裡面超多豆，應該係靚貨。又唔會過淋，正。撈粗+沙茶+招牌豉油：粗麵爽中帶淋，唔會有梘水味，條條分明，唔會黐住一舊舊。沙茶醬唔算好辣同埋重味，加埋個招

窮人恩物！價錢平，食到飽，比中環上班的人一個選擇。加上出外賣自取極快速，5-10分鐘前落單即可。即使加餸及加飲品價錢亦不過30元。但撈米粉是否已無茄汁？因為見今次比了洋蔥汁

平隔離間豚王拉麵一半，好食過佢一倍。特別喜歡佢吔啲豬扒👍，真即叫即炸。其實還有人情味。係中上環咁多份鬼佬食店，有一間小店茶餐廳好難得。唔好睇佢裏便好似好亂，但係係乾淨過好多茶餐廳。仲有好多有善嘅姐姐❤️。

晏晝嚟到門口已經好多人叫外賣鋪頭職員長期處於好忙嘅狀態但依然會令你覺得好親切好nice（大家去食下就明🤣）鋪頭仲有樓上閣仔坐位更加似澳門啲小店仔我哋叫咗2個車仔麵加豬扒包豬扒包超推介！！新鮮熱辣辣超好食$18蚊抵食又大件 裡面好多豬扒個沙律醬超夾個包，好好味！餸方面推介：沙茶魷魚🦑魚片頭蘿蔔豬片雞中翼（$36蚊3餸包嘢飲）麵嘅方面我覺得撈好食啲沙茶mix少辣咖哩好過癮！食食下聽到有人叫幼麵米粉兩款麵mix埋都得下次可以試下🤣🤣🤣

又到中環搵食，睇完食評試下個豬扒包，好普通果隻，算不上好味。車仔麵都係普通野，冇咩特別好食，係價錢算比較公道。職員招呼麻麻。你話澳門式食店，我就唔係咁感受到，冇咩特別會想令我再食。