筷子記

營業中

休息中

openrice優惠:外賣自取撈米粉兩餸套餐$20,平到你唔信7款醬汁選擇(1)窮人洋蔥汁(2)沙爹汁(3)咖哩汁(4)蠔油(5)沙茶醬(6)鮮茄汁(7)豉油汁7款餸選擇(1)雪菜粒(2)青春魚肉腐皮卷(炸春卷)(3)蠔油冬菇(4)唐生菜(5)咖哩魚旦(辣)/魚旦(不辣)(6)金菇(7)粟米可加配其他餸，約30款選擇。餐飲由$3至$12不等，58款選擇。可附加招牌勁辣咖哩油(免費)我要了沙爹汁撈米+蠔油冬菇和咖哩魚旦(辣)，另加$3飲麥奶奶茶。份量不少，米粉面加了沙爹汁，沒有撈的。蠔油冬菇好入味又夠淋。魚旦口感差，不彈牙，咖哩汁辣到噴火。麥奶奶茶是用粉開的。總括來說味道可以。

今日過嚟中環行街，想搵啲唔係連鎖嘅餐廳試吓，就發現咗呢間筷子🥢記，聲稱係一間澳門餐廳🍴嗌咗澳門魚腐、澳門包心卷同埋豬大腸，沙嗲撈麵，仲包杯飲品，我叫咗奶茶，都係$36！喺中環嚟講真係好抵😆 個撈麵做得好好，啲餸就好麻麻，但我加嗰豬扒($15)都真係好食😆 奶茶就不了🙁 有機會同香港嘅係有啲分別，係用唔同嘅奶，因為飲落我自己就覺得怪怪地😅 但用性價比嚟講就梗係高😆 賣相就麻麻啦🥲 所以都未必會再去食

路經中環突然好想食車仔麵，諗住支持下小店。踏入舖頭一刻已經感覺不良好，門口阿姐粗聲粗氣叫你量體溫，之後坐底寫完紙仔冇人理你。入面嗰幾個阿姐為左啲貨又嘈交，完全無視客人。環境都算，至於食物方面只可以講一啲都唔好食，魚蛋林，蘿蔔苦，豬皮硬，炸魚腐卷接近燶嘅程度，唯一OK嘅就係佢個辣椒醬。食咗大半碗都食唔到落去，放低筷子2秒阿姐即刻拎走我個碗，之後講$41。嗰陣三點幾一枱得一個人，冇乜人唔知佢趕乜，唔會再有下次。

☕️ 食物：👍🏻👍🏻👍🏻  /5💰CP值：👍🏻 👍🏻👍🏻 👍🏻/5🤵🏻 服務：👍🏻👍🏻/5 🛋 環境： 👍🏻👍🏻 /5筷子記係中環區黎講﹐真係間性價比好高既餐廳，最經典既一定要講佢個下午茶餐，係由於14:00-21:00黎到筷子記唔洗諗一定會叫佢個撈麵食公仔麵、馬交魚羹、瑞士雞翼及炸春卷拼沙嗲汁今次叫左最愛既公仔麵配沙嗲汁，黎到澳門車仔麵專食店，一定唔會錯過佢既地道馬交美食 ，馬交魚羹，就有D似蝦睇不過就稔身D，都幾香幾好食，瑞士雞翼都唔錯，夠入味，雞翼都夠稔‌～炸春卷都幾好食香口～不愧為中環區性價比高既馬交美食。

喺中環唔知食咩 見到呢間幾平就入咗去🙆🏻‍♀️—————————————————————-舖頭入面比較殘舊同座位比較擠擁 需要同其他人搭枱 而座位上就有齊晒點菜紙同餐具 🍴————————————————————-點菜紙上有不同的選擇 有啲菜式食車仔麵比較少見 例如馬交魚羹 澳門魚腐 青春魚肉腐皮卷🐟而我就揀咗澳門魚腐 青春魚肉腐皮卷 同埋沙茶醬魷魚 🦑 配粗麵 而男朋友就揀咗 澳門魚片頭 同 魷魚撈麵可惜嚟到餸方面比較少 每樣只有兩三舊 ————————————————————-而麵質亦都比較硬 冇咩彈性 食落唔彈牙 而湯底我揀咗咖喱湯底 食落有少少辣 而且有少少油 不過價錢咁平 喺中環來講都都可以接受另外再加咗$15要件即炸豬扒 姐姐有幫手剪到細舊啲 啲肉質還可以 但係我覺得有啲油————————————————————-如果喺中環想平平哋食可以食呢間 但係唔洗專登黎食🙈

中環好似食乜都貴咁，通常都係去啲連鎖餐廳食！由於成日都喺中環出沒，經朋友推介，今日就嚟左筷子記🥢試下新野！我地喺早上10點50分到，所以仲有早餐😁其實早午晚三餐最大嘅分別就係價錢有啲唔一樣！另外除咗車仔麵都會有啲西式嘅早餐西式嘅午餐！我叫左湯幼麵，瑞士雞翼，芝士腸同埋澳門特色豆腐🍜瑞士雞翼好入味，推介👍🏻澳門豆腐感覺似日式豆卜，好吸汁👍🏻芝士腸就只係為左小朋友而叫😝我嘅另一半就叫左福麵撈沙嗲汁，牛肉，魚肉春卷同蠔汁冬菇🍲佢話撈汁有啲偏鹹，但三個餸都唔錯！魚肉春卷係有少少脆口嘅👍🏻另外仲叫左花生醬多🥜同熱狗🌭️花生醬厚多士係我最愛，趁熱食，不得了👍🏻熱狗就普普通通，無特別！聽講茶走好出名，所以先生叫左嚟試下，佢話味道唔錯，值得一試！餐廳性價比幾高！絕對值得去食！食咁多野都只係$9x，唔洗$100👍🏻😁唯一失分係啲坐位，地方太細，好迫下！

老字號澳門茶記，以中環物價黎講係好平荷蘭辣魚包有少少食唔慣，始終係第一次食都唔知要expect 啲咩😂🙈第一啖覺得好腥，但食落去又覺得ok。有少少咖哩味，但真係太鹹喇😨聖保羅豬扒包豬扒比我想像中薄，但都對得住價錢嘅，尤其肉質算幾好，有肉汁唔柴，但太多蜜糖芥末醬有啲蓋過左豬扒嘅味包其實幾鬆軟，但烘一烘佢一定會出色好多🙈茶走正常啦

依間餐廳已經好多年 係平民之選果然冇錯 叫成5個餸都係50幾蚊好多餸都好特別 樣樣都想揀 D魚肉 魚腐類都唔係出邊有得食樓上仲好大好多位Lunch食都唔洗等好耐每次都係食撈麵 洋蔥汁 因為唔係到到都有得食不過今次汁就少左d 食到底有d乾但係都叫好特別👏會繼續encore

要係中環區搵平價嘅食店 係一件非常艱難既事情, 所以今次揀左 平民之選；—————————————<筷子記> 鋪入邊嘅座位相當擠擁, 但鋪入面充滿懷舊氛圍! 牆上佈滿左不同嘅菜單 , 圖文並茂 . 相信都係該鋪既獨特特色🙂—————————————今次叫左個咖喱豬皮羅白 , 沙茶醬魷魚🦑都幾有風味 不過覺得太多汁 太濃味整體黎講, 如果恰巧黎到中環 想食平價而質素不錯既麵食 就可以黎食下 唔洗特登到訪😚—————————————

一入間鋪我叫咗個豬腩肉嘅米線啦同埋有炸魚片湯上，然後我開始食嘅時候嗰覺豬腩肉特別大嚿😉😉😉👍🏻👍🏻👍🏻😍😍😍我覺得間鋪有人情味👍🏻👍🏻👍🏻。超級好食😋🥰🥰😉😉👍🏻👍🏻😘😘😍😍🥰🥰🥰🥰🥰😊😊😊😊😊😍😍😍😍😍😘😘😘😘😘👍🏻👍🏻👍🏻👍🏻👍🏻😉😉😉😉😉😋😋😋😋😋😋😋

對上一次幫襯筷子記已經有四年了，今天經過 筷子記，順道懷念一下昔日的味道，結果失望到 爆炸，味道退步了，服務變差，衛生情況也很差。老公點了豬扒包，賣相差都算，豬扒勁鞋口又乾，好難吞，原本唔打算寫食評，所以沒有拍照。重點來了!!!!!我點了沙茶撈麵，魚肉春卷，咖哩魚蛋，澳門魚腐。 食到一半發現粗麵沾上鮮紅色，我覺得很嘔心，於是詢問阿姐，阿姐回答紅色是咖哩， 然後我表示沒有點過咖哩汁，侍應阿姐就拿走我碟麵走入廚房查證，聽到廚房師傅回應了紅色是咖哩汁，是來自咖哩魚蛋，但我左翻右翻，任何一粒咖哩魚蛋根本沒有任何紅色，於是嘔心的感覺遞增....... 最後我也沒有吃下去，整天的胃口也被影響了。也許是我見識少，但我真不明白，這麼鮮紅的色 是從哪裏來的呢？ 碟子周邊的咖哩魚蛋汁 也是呈黃色，難道是黃色的粗麵溝上黃色的咖哩汁便溝出鮮紅色來嗎？ 總之永遠不會再幫襯，免費也不會再來!

相信要係中上環區要搵一間抵食又多選擇既下午茶茶記非筷子記也！而疫情之前我每個月都會到澳門數次去吃當地的豬扒包葡撻，心掛掛年多了！所以今次同友人去筷子記尋求一下澳門的味道！三餸撈麵$33 +$3 凍美祿 沙茶醬魷魚+咖喱豬皮蘿蔔+澳門魚腐味道不錯！而且三餸選擇尚多，所以不用怕選擇不來！另外單點了荷蘭園辣魚包+葡國腸炒蛋包同一塊炸豬扒同友人開心share!兩個包都係新鮮出爐熱辣辣，所以好好味，而且包身夠軟同配料特別！炸豬扒係呢到既招牌菜色，不過今次乾身了一點！

實而不華的平民撈麵位置：由閣麟街一直往上，到第二個街口轉右就到了。環境：室內面積較小，座位分開左右兩邊，門附近有一個旋轉樓梯，樓上有堂座。店內佈置充滿懷舊風味，不論是牆上或桌面都貼滿很多推介菜式、特價產品、雜誌專訪，牆面油上黃白兩色作底。服務：服務員大都上年紀，很難說會有禮貌，只是甚麼都要求快。午市：三餸麵$36：可自選麵底、配菜、醬汁、撈或湯麵和飲品。我選了粗麵搭配澳門包心卷、麻辣豬頸肉和鹽香車厘茄，配沙茶醬汁，餐飲選熱朱古力。整個餐的份量絕對夠一位女士吃得飽足有餘，麻辣豬頸肉並不辣，而且肉質不像平常的豬頸肉，像豬腩多一試，醃製得相當入味和軟霖，車厘茄多汁，反而是澳門包心卷味道一般，沒有甚麼特別，而沙茶醬多而感到有點過鹹。整體味道不錯，以在中環區和三十幾塊的價錢，有些甚至便宜過M記，已經不錯了，性價比高。

在中環比較難找便宜的餐廳，有時不想食太多，就會選擇「筷子記」。這茶餐廳的總店在澳門，好像在香港只有這一間店舖，主要售賣車仔麵，也有豬扒包等食物。 我點了有三款配料的車仔麵，配料選擇了「咖哩魚皮蘿白」（辣味）「馬交魚肉」、「雞翼」、配幼麵和凍奶茶。 可選湯上或撈麵上，也可加辣汁、沙茶或咖哩汁。雞翼的肉很入味，但比較硬身，可能是煮好放了很久，湯汁很濃味，魚肉沒太多味道，比較清。如果想便宜食飽，速食不求質素可一試。

一直都知道筷子記係窮人恩物，因為價錢平之餘仲要份量好多😂🤣今次叫咗個豬頸肉生菜拼魷魚撈沙嗲米線😜😜😜，個沙嗲醬汁都係咁濃，米線軟硬適中，豬頸肉醃得好夠味，配埋生菜就啱啱好