第三站

本身想搵個地方靜靜地同friend 傾下計又想搵d 方便d 又就腳既位所以就嗰芸芸既旺角樓上cafe 入面㨂左呢間黃店cafe: Station 3了一黎到見到入面都多人嫁同埋有d 一大班大gathering 喺度玩boardgame覺得如果多friend 一齊黎應該好正店內有唔少board game 提供比客人玩又有大枱跟住我地叫左個pasta, 同埋花茶仲有杯檸檬茶味道唔錯 服務態度好成程都食得好舒服都會推介比身邊既人

好似好耐無黎旺角啦，都唔知原來金雞廣場有間樓上cafe 添，仲係梳化設計，坐得好舒服黑松露帶子鮮菌燴意大利飯 📍$102黑松露味唔算好濃，唔會搶咗帶子同磨菇嘅味，個飯都煮得好creamy西班牙煙鴨胸燴飯📍$112鴨胸肉比預期多喎 😱 仲有啲煙燻味，有啲似平時啲西班牙海鮮燴飯😋 個醬汁用咗番茄醬，再加埋新鮮番茄，幾特別松露薯條 📍$42薯條上面沾滿黑松露，好香 😋 仲係粗身嘅薯條，有口感好多蜜糖雞翼 📍$40一碟有6隻，外層有香甜嘅蜜糖包住，食落啖啖都有蜜糖味晚餐送$34 嘢飲架:神仙 📍補$20茉莉花，檸檬草，杞子，桂圓肉屬於養顏系列 😊 淡淡嘅花香茶，放鬆吓心神，仲可以幫助腸胃不適，頭暈，月經脹痛，改善貧血，一舉多得皇帝 📍補$11熱情果加檸檬汁，酸酸地咁，再配埋啲甜啫喱，幾開胃

從來都無寫過食評,今次第一次寫，因為間野無論係食物定員工都好差，真係頂唔順間野，決定寫人生第一個食評🙊🙊🙊野食：叫左個意粉，勁難食🤢🤢🤢心諗有無認真煮過仲叫左碟餃子其實我食緊啲咩環境：睇相以為好好view,入到去完全兩回事😞去薩利亞仲好過佢服務：見到唔少人都負皮啲服務態度💩去到就見識到mk妹服務，no expectation,差💩成餐飯無哂心情野食難食，服務差blacklisted

約咗好耐冇見嘅朋友去旺角食飯，上網睇到呢間餐廳好評如潮，於是嚟一試。上到嚟，環境闊落，時間尚早，唔叫好多人，環境清幽，好適合傾計講下最近自己嘅事。食物方面，叫咗煙三文魚同卡邦尼意粉，分量令人驚喜，比一般咖啡室嘅都大份，絕對食得飽。不過有啲口痕，於是叫咗蜜糖雞翼，雞翼蜜糖味好香，而且表面香脆。飲品方面，朋友叫咗奶昔，士多啤梨味香濃，而且夠晒大杯，絕對夠飲。而我就叫咗花茶，有成壺，仲有蠟燭熱住，保證唔會，呢個花茶叫小天使，有好香嘅洋甘菊味，今天用嚟暖胃一流！整體食物都幾好味，而且份量足夠，唔會唔夠飽且地理位置方便，無論旺角站定旺角東站，行一陣就到，仲有好多巴士會到添！另外仲有啲boardgames玩！

好耐冇試過行咁耐旺角，行到個人攰一攰，就想搵間舒服嘅Cafe坐一坐，輕輕鬆鬆休息一下。最後喺咁多間Cafe之中搵到呢間Station 3，之前未黎過但見好評如潮咁就試下啦。首先叫咗個黑松露帶子鮮菌會意大利飯，好有黑松露味，未食就聞到香氣撲鼻啊！帶子都算新鮮，個人最欣賞係佢d菇類，粒粒都十分有菇味、有口感、加上本身既松露汁，好好食！意大利飯都正常，保持到米飯未算全熟，有咬口👍🏻👍🏻👍🏻。對於男仔黎講，份量都算足夠。 見到餐牌，比佢圖畫吸引住，突然少女心發作，好想叫杯士多啤梨沙冰。呢間真係要抵讚，士多啤梨沙冰係聽得出廚房即做，沙冰上面仲有一粒粒士多啤梨子，就知有幾新鮮👍🏻👍🏻最尾，以一個藍莓芝士蛋糕做結尾，我個人十分喜歡呢個甜品。第一，佢上碟時以經好有心機，用果醬畫圖，完全唔hea有誠意👍🏻。第二，芝士蛋糕實在，唔似太鬆軟好似食完等於無食過咁。呢度嘅舒適氣氛，同埋唔錯嘅美食，都令我留下深刻嘅印象。下次黎旺角行完街都會選擇係度打躉，輕輕鬆鬆過一個休閒既下午。

旺角鬧市之中都有好hea處！講嘅係金雞廣場嘅Station 3 Cafe，餐廳環境幾舒服，全部都係梳化位，而且乾淨整齊，仲有得玩board game，喺旺角係一個唔錯嘅選擇。餐牌以London做主題，標誌好似London嘅地鐵，雖然食物同London無關，但感覺唔錯，haha。😂行得耐口渴，所以先一人叫左一杯野飲！＊ 士多啤梨奶昔大大杯，飲落幾滑，有淡淡嘅士多啤梨味，唔會太甜，幾好飲。＊ 星星（蜜桃鮮打沙冰）都係比想像中大杯！因為係沙冰，可以飲好耐🤗 蜜桃味好香，飲到尾都唔會變到好淡味。之後係主食：＊ B 意式芝士焗肉醬長通粉份量好大，比想像中多，充滿芝士香味，肉醬都好多，建議share食，如果唔係會好漏。＊ D 蟹肉雜菌忌廉意粉望落幾靚，上面有一堆蟹肉，配上忌廉汁，味道唔錯。之後再加左啲小食：＊ 香脆麥樂雞塊一放低就聞到蜜糖嘅甜味，無諗過麥樂雞配蜜糖，都幾得意，好似燒嘢食時搽蜜糖咁，幾特別。＊ 特濃芝士薯角薯角配芝士加煙肉，好邪惡呀！而且係一大盤，明明係小食，好似主食咁，估唔到咁多，太飽，最後要食剩少少。🙈最後最後加咗一壺花茶 - 神仙（茉莉花、檸檬草、杞子、桂圓肉），下面有微火熱住

先讃半價選小食真係太好又平！4人lunch @$131 ,飲品叫了五杯連意粉三碟和小食三碟,飲品沒有影相，我favourite mocha 幾好味，但卡邦尼mix  了意粉之後、有d質感差左少少，其餘兩款意粉mix  配菜可以合格

之前去完樓上Cafe之後覺得嗰度嘅氣氛真係好chill，幾適合喺嗰度享受一個悠閒嘅午后，所以今次專登就係OpenRice搵咗呢一間Cafe嚟試吓。首先叫咗個燒牛肉配田園沙律，呢度嘅沙律真係幾好食，好新鮮好Fresh，啲菜咬落去好爽，卜卜脆，然後佢啲沙律醬用嘅係芝麻醬，真係完全係我杯茶，酸酸甜甜又開胃又好食，大贊。然後叫咗杯塔羅牌專題嘅飲品，節制，係西柚加波蘿汁，顏色超級好睇，主色係大海既藍色，然後下面有d橙橙黃黃紅紅，超級有夏天既感覺，而且都幾好飲，都係酸酸甜甜嘅，唔會話好甜好膩，配上salad真係一流。然後因為係度坐得比較耐，所以叫多左杯野飲，叫左杯薄荷朱古力，薄荷味好重好鮮，都幾難得，而且都唔會太甜，nice

星期日同朋友一齊去左Station 3 cafe, 位於旺角金雞廣場25樓, 好易搵,我地就叫左嘅其中一個lunch set係煙三文魚野菌忌廉燴意粉, 煙三文魚偏鹹, 配上忌廉燴意粉,味道不錯, 而意粉軟硬度適中。另一個就叫左蟹肉雜菌忌廉意粉，忌廉煮得香滑，蟹肉傷量都算多，賣相幾靚。再+$35, 要埋沙律同蛋糕，沙律新鮮，用左好香嘅胡麻醬。仲叫左小食,小食就叫左墨西哥雞翼，有時隻，味道有一丁點辣, 幾惹味。特級海鮮拼盤，有炸帶子，炸魷魚鬚，炸蝦，炸魚手指，炸蟹鉗。炸得夠香脆，適合鍾意食香口野嘅人.蛋糕叫左紐約芝士蛋糕, 藍莓芝士蛋糕, 芝士蛋糕味道濃郁幼滑, 配上藍莓醬酸酸甜甜, 味道配搭得宜. 飲品方面，叫左焦糖朱古力,賣相一流, 有香濃朱古力味,面頭忌廉香滑； 西班牙咖啡, 賣相一流, 咖啡奶味偏重, 配雪糕感覺幾特別.

好耐之前嚟過呢一間度食嘢，不過而家風頭火勢都係少啲早啲出嚟食。今日同左一個朋友嚟食嘢，貪佢比較想樓上鋪少啲人咁。啲嘢食依然係又平又抵食，我哋叫咗一個帶子意大利飯、三文魚意粉、同埋仲有我最愛嘅薯角。朋友就叫咗香蕉奶昔而我就叫咗雲呢拿咖啡雪糕，真係好正。。呢員工都非常之好態度仲會仔細咁樣解釋俾我哋聽啲嘢飲係咩黎，見佢全部用晒塔羅牌改啲嘢有咩真係好特別啊。之後我哋仲加咗一個甜品添，就係藍莓芝士蛋糕啦🤩🤩🤩雖然幾樣野加埋都真係好飽，但係甜品係第二個胃呀嘛，所以都食得落嘅另外有可能因為我哋早嚟所以都可以坐好耐人又唔係太多，如果到咗食飯時間人就多少少啦，如果下次同多啲朋友過嚟玩仲可以玩埋啲卓遊😆希望快啲疫情過去，可以多啲多人小小嘅聚會啦

自己本身就對樓上Cafe嘅食物質素冇乜期望嘅，點知今次好大驚喜！依家係你樓上位於旺角金雞大廈，就喺麥花臣球場對面。餐廳環境方面都幾好，由於佢係屬於比較高樓層嘅，望出玻璃都有啲風景睇下幾舒服！而且大部份座位都係梳化位，坐得好舒服，座位與座位之間都好闊落，最適合一大班朋友聚會，而且仲有好多類型嘅board game添。我當日就係食晚飯嘅時候去，除咗散叫之外，佢都有晚餐Menu，想飽肚啲嘅話就可以叫晚餐。我哋兩個人分別叫咗一個蟹肉雜菌忌廉意粉同埋黑松露帶子鮮菌意大利飯，跟餐仲會送沙津同埋兩杯野飲，我哋就叫咗薄荷朱古力同埋士多啤梨奶昔。另外仲加咗個蜜糖雞翼！食物質素方面，蜜糖雞翼整得幾焦脆，蜜糖都落得幾重手，鍾意香口野嘅人唔可以錯過！ 至於主菜方面，首先個蟹肉忌廉意粉啲蟹肉多到不得了，一啲都唔孤寒，用料仲幾新鮮添。忌廉汁調校得都唔錯，唔會話太過厚身。而且碟意粉仲非常大碟，食完真係頂到上心口，十分扺！另一個主菜黑松露帶子意大利飯黑松露嘅味十分之濃郁，食得出絕對冇輕手，意大利飯亦都整得啱啱好唔會太過冧，咬落幾有口感。

約左朋友去旺角做啲野，但佢又驚人多食飯唔安全。最後佢搵到間比較隱世嘅樓上cafe，希望人少啲私隱度高啲。呢度真係幾隱世，因為同一層連寫字樓都有，餐廳佔一間office嘅單位。枱同凳都好大張，坐得好闊落，所以同隔離枱可以保持返一啲距離。我地簡簡單單叫左兩個Dinner Set再加$35加配沙律同蛋糕，另外再點左一個小食。頭盤沙律菜好新鮮爽脆，幾多芝麻醬，好開胃。黑松露帶子鮮菌燴意大利飯($122)，好多菇菇，黑松露味濃，小帶子都唔少，若果啲飯更濕，效果就更似意大利飯，但都好好食。煙三文魚野菌忌廉燴意粉($126)，味道同個意大利飯都幾似，無左黑松露味，比較淡香，而且好多洋蔥，感覺上算多蔬菜類，幾健康。我同朋友都覺得兩個主食用料新鮮，因為食得出配料嘅味道，唔算鹹，應該比較少鹽。朋友加左個雞翼，我無留意佢點左邊款，賣相好中式feel，令我諗起黑椒牛骨仔果類小菜，但又幾好食，呢個真係估佢唔到。餐飲我就叫左杯教皇，其實係玫瑰生薑蜜，岩哂女仔飲，養顏又養生，玫瑰味濃，生薑味道又唔會太辣太嗆。朋友叫嘅水蜜桃乳酪都話ok，唔會太水溜溜，用心製作。Cheese cake都有驚喜，我地點左紐約芝士蛋糕及藍

今天與友人嚟到旺角 ，吃下午茶 ，我們挑選了一間旺中帶靜嘅cafe。我order咗一杯焦糖朱古力， 味道非常之濃郁， 好香嘅朱古力味再加焦糖嘅香，味道配搭得非常之好。前菜有沙律， 沙律非常之新鮮。我們叫一台的食物，非常之豐富， 食物嘅質素也非常高。另外我朋友叫了一杯玫瑰茶， 味道非常之清香。 飲品是套餐包含的 ，所以非常之抵食。卡邦尼煙肉意粉 ，很濃郁嘅忌廉味， 煙肉也非常多。蜜糖雞翼 ，香脆可口 ，一食便愛上。雞翼嘅賣相也非常之靚， 非常吸引。套餐也包含了蛋糕甜品，我們叫了朱古力蛋糕， 藍莓芝士蛋糕 ，它們賣相很吸引， 味道也非常之好。 藍莓芝士蛋糕食得出很新鮮 ，很美味嘅的藍莓香。 朱古力蛋糕也有很有朱古力香味 。

同朋友想搵喺旺角搵個靜靜哋嘅地方邊食邊做嘢，咁啱search openrice見到呢間cafe有5折，就立即book位入座。 姐姐同我哋講要折後成張單過$200，跟住一輪咀介紹不同食物，我哋理解成只要叫夠$400就可以啦。結果埋單先知原來dinner set冇折，得小食有半價，而且成張單要過$200覺得介紹唔太清楚，而且Openrice上面嘅description太譁眾取寵食物就不過不失啦，有啲唔錯，有啲就名不乎實，介紹吓先:黑松露意大利飯幾好食，黑松露味濃，而且食落口好creamy，賣相亦幾靚仔煙三文魚磨菇意粉唔好食嘅意粉，一來意粉太乾身，味道亦較淡，唔夠creamy，好似不停放面粉入口咁可人兒花茶跟餐叫咗個茶，個名改得好可愛，但有薄荷葉嘅原故，飲落好似漱口水，感受唔到有幾可人兒黑松露薯條薯條幾大兜，食極都有，但完！全！冇！黑！松！露！味！ 普通薯條但有啲黑色點點...不過環境尚算唔錯，唔似一般樓上cafe咁烏煙瘴氣，座位頗為闊落有啲位有電制，亦可以用佢Wi-Fi，用嚟做嘢都合適嘅😄 見佢係黃店，雖然本人支持黃色經濟圈，但黃店都要自強加油，食物要好食先可以繼續營運落去，所以希望呢間餐

cafe喺金雞大廈，樓下排隊等𨋢時間較長。 cafe座位寬敞，有電視同有board game玩，係唔錯嘅聚餐地方。下次同班friend reU可以考慮下哩度。我叫左一個長通粉，份量比我想像中大碟，味道不錯啲芝士好正我叫左杯 watermelon soda，冇乜特別，就係汽水咁味，不過解渴一流我同朋友叫set所以跟餐有沙律同甜品。甜品係cheesecake，不過有3種味比你揀，我就揀左new york cheesecake，賣相不錯，味道還好，個cake身我嫌佢淋左啲，因為我個人比較中意硬身cheesecake。